حیدر

ویسے تو اس ملک ہونے والی دہشت گردی کی ہر کاروائی کے نتیجے میں ان گنت جانوں کا نقصان ہوچُکا ہے اور ہزاروں گھرانوں کے چولہے اپنا اکلوتا کمانے والا کھو نے کی وجہ سے بجھ چُکے ہیں۔
ان دہشت گردی کے واقعات کی جتنی بھی مذمت کی جائے کم ہے۔ تاہم محض مذمت کرنے سے اگر مایوس ہوتے گھرانوں کا پیٹ بھر سکتا ہوتا تو پریشانی کی کیا بات تھی۔ لیکن کوئی حرف تسلی یا ہماری آنکھ سے ٹپکا ہوا کوئی آنسو بھی انکے کسی کام کا نہیں ۔ضرورت اس بات کی ہے کہ ہم اپنے بہن بھائیوں کی مدد کریں اور اپنا اکلوتا سہارا کھو دینے کے بعد انکا سہارا بنیں۔ گھر میں بیٹھ کر مذمت کر دینے سے ہمارا فرض ادا نہیں ہو جاتا۔ ہمیں چاہیے کہ ہم اپنی ماہانہ امدنی کا تھوڑا سا حصہ ان بے سہارا گھروں کے لیے مختص کر دیں۔ یہ نہ صرف ہماری بلکہ ہماری اولادوں کی جانوں کا بھی صدقہ ہوگا۔جس کسی پر آپکو اعتبار ہو آپ اس تنظیم کے حوالے اپنی امداد کریں۔ ذاتی طور پر مجھے الخدمت فاؤنڈیشن پر اعتبار ہے۔اور اسکی دہشت گردی سے متاثرہ علاقوں میں مساعی کی تعریف ان کے کٹر مخالفین جیسے آج ٹی وی کے بولتا پاکستان پروگرام کے نصرت جاوید اور مشتاق منہاس بھی کرتے ہیں۔ تاہم آپ کسی کو بھی دیں لیکن دہشت گردی سے متاثرہ افراد کی امداد آپ پر فرض ہے۔
میں فورم انتظامیہ خاص کر منتظمین بھائی سے درخواست کروں گا کہ وہ فورم کے مین پیج پر دہشت گردی سے متاثرہ افراد کی امداد کے لیے فورم کی طرف سے اپیل فکس کر دیں۔ شاید کسی کے دل میں فورم کی وجہ سے کوئی نیک خیال آ جائے۔
آمین

Attached Thumbnails

   

سحر

آپ نے ٹھیک کہا بدر بھائی
ہم ان لوگوں کی مدد کرنے کے لیے پاک نیٹ کو ایک پلیٹ فورم کے طور پر بھی استعمال کرسکتے ہیں ۔
بس ہم کو تھوڑا منظم ہوکر اور اپنے پاس سے تھوڑا وقت نکال کر کام کرنا ہوگا ۔
ہم باقاعدہ کمپین چلا سکتے ہیں ۔ فورم پر ۔
بدر بھائی اگر آپ پہل کریں اور اس معاملے میں کچھ رائے دیں ۔
مجھ سے جتنا ہوسکا انشاءاللہ ضرور کروں گی ۔ مالی لحاظ سے بھی اور جو بھی میں کرسکی ۔
شکریہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

سحر

جو کچھ نہیں کرتے وہ مذمت کرتے ہیں

حیدر

میری تویہ رائے ہے کہ
نمبر ایک: پاک نیٹ کی طرف سے ایک اپیل سر ورق پر مستقل آویزاں کر دی جائے۔
نمبر دو:ایک اکاؤنٹ نمبر دے دیا جائے جس پر حسب توفیق پر کوئی ڈونیشن جمع کروا دے۔
نمبر تین:جب مناسب ڈونیشن اکھٹی ہو جائے تو اسکو ان علاقوں میں کام کرنے والے اداروں جیسے پاکستان آرمی کے حوالے کر دی جائے۔تاکہ وہ اس کو مستحق افراد تک پہنچا سکیں۔
نمبر چار: اس سلسلے میں کوئی مارکیتنگ کا بھی سوچا جا سکتا ہے۔

سحر

ڈونیشن اپنی جگہ تک یعنی آرمی یا سویلن جو ان لوگوں کی بہبود کے لیے کام کررہے ہیں ان تک پہنچانے کے لیے کسی کو ذمہ داری لینی ہوگی
بدر بھائی چونکہ اپ پاکستان میں ہی ہوتے ہیں اور ہر جگہ گھومتے بھی رہتے ہیں ۔
اگر یہ ذمہ داری آپ کے سپرد کی جائے تو
شکریہ

حیدر

پہلے تو اپ یہ بتاؤ کہ آپ کو کس طرح پتا چلا میں ہر جگہ گھومتا پھرتا رہتا ہوں
دوسری بات یہ کہ یہ فورم انتظامیہ کا کام ہے میرا نہیں۔انتظامیہ میں سے ہی کوئی اہل بندہ یہ کام کرے گا۔

سحر

پہلی بات یہ ہے کہ گھومنے پھرنے والی بات آپ کے مراسلوں سے ہی معلوم ہوئی
دوسری بات بدر بھائی ۔ ان کاموں میں میرا تیرا نہیں سوچا جاتا ۔ کہ یہ کام اس کا ہے اور اس کا نہیں ۔
اگر میں پاکستان میں ہوتی تو یہ کام میں بخوشی اپنے ذمہ لے لیتی ۔
اس کام کے لیے انتظامیہ کا ہونا ضروری نہیں بلکہ اس کام کے لیے درد مند دل رکھنے والا حساس انسان ہونا ضروری ہے ۔
اگر آپ یہ کام نہیں کرسکتے تو پہر کسی اور کو دھونڈتے ہیں ۔
شکریہ

حیدر

شکریہ۔در اصل میں واقعی "اہل" نہیں اس ذمہ داری کا۔ ورنہ میں ٹال نہیں رہا۔تاہم جو کام کر سکا وہ بخوشی اور ضرور کروں گا انشا اللہ۔مثلاً ڈونیشن اکھتی کرنا، مختلف جگہون پر اپیل کرنا یعنی فیلڈ ورک۔ میں نہ تو پیسوں کی ذمہ داری لے سکتا ہوں اور نہ ہی آگے پہنچانے کی۔کیوں کہ ایک تو میں چھوٹے سے علاقے میں ہوں اور دوسری ایک اور وجہ بھی ہے۔

wajee

بدر بھائی بہت اچھی کاوش ہے آپکی لیکن میں تو خود ابھی طالب علم ہو اور اپنے والدین کے پیسوں سے چل رہا ہوں ویسے بھی آدھا دن جوب کی تلاش میں گزر جاتا ہے اور آدھا پڑھائی میں

__________________

حیدر

وقاص بھائی ضروری تو نہیں پیسے یا سامان دے کر مدد کی جائے۔ بہت سے دیگر طریقے بھی ہو سکتے ہیں مدد کرنے کے۔ ویسے بھی مجھے یاد ہے ذرا ذرا کہ جب نبی پاک کے سامنے چند کھجوریں پیش کی گئیں شرمندگی کے ساتھ .....تو آپ نے وہ کھجوریں پورے امدادی مال کے اوپر پھیلا دیں تھیں کہ یہی تو ہے وہ جس سے رب کائنات کو محبت ہے۔

راجہ اکرام

السلام علیکم
بدر بھائی بہت ہی بہترین تجویز ہے
اللہ آپ کو جزائے خیر عطا فرمائے ۔۔ آمین
آپ کی تجاویز بہترین اور قابل عمل ہیں، فورم پر مہم چلانی چاہیئے اور حتی الوسع کوشش بھی کرنی چاہیئے۔

اور میری تجویز ہے کہ فیصل بھائی اور بدر بھائی کو یہ ذمہ داری سونپی جائے۔

__________________
محتاج اصلاح و دعا

خرم شہزاد خرم

دونوں دھاگوں کو ایک ہی کر دیں تو مناسب ہو گا کیا خیال ہے بدربھائی کبھی اس دھاگے مین اور کبھی اس میں

حیدر

مجھے جس کام کا اہل سمجھیں ضرور بتائیں۔ مجھے تو باتیں کرنا اچھا لگتا ہے۔ باقی آپکی مرضی

حیدر

جی ہاں محترمہ سحر صاحبہ سے درخواست ہے کہ دونوں ٹاپکس کو ایک ہی جگہ mergeکر دیں تو بہتر رہے گا

خرم شہزاد خرم

باتیں تو میں بھی بہت کرتا ہوں لیکن
خیر چلیں مل کر ہی کچھ کر لیں گے