عبداللہ آدم

حضرت فتویٰ دیجئے!
محمد اسلم احمدانی

ہفت روزہ القلم



ہمارے وطن پاکستان کے جو بھی حکمران آتے ہیں ان کا سب سے پہلے ہدفِ تنقید مدارس ، مساجد اور علماءکرام ہوتے ہیں۔اامریکی خوشنودی حاصل کرنے کے لیے حدود اللہ تک توڑ بیٹھتے ہیں۔امدارس کو دہشت گردوں کی فیکٹریاں کہنے تک نہیں شرماتے لیکن اب انھیں غیروں کی جنگ لڑتے ہوئے جب پانی سر سے گزر جانے کے احساس نے آ لیا ہے تو اب ہمارے وفاقی وزیرِ داخلہ ہانپتے کانپتے بوریا اور چٹائی نشینوں کے قدموں میں آ کر بیٹھ گئے کہ ” حضرت آپ فتویٰ دیجئے ، حضرت آپ فتویٰ دیجئے کہ خود کش حملے حرام ہیں “۔ملک صاحب ! کاش یہ احساس آپ کو پہلے ہوتا اور فتویٰ مشرف پالیسیوں کو جاری رکھنے سے پہلے لیتے تو قوم و ملک کو یہ دن نہ دیکھنے پڑتے ، ہمارے حکمرانوں کو یہ احساس تب ہوتا ہے جب چڑیاں کھیت چگ جاتی ہیں۔اکاش وہ اپنے افغانی مسلمان بھائیوں کے مقابلے میں امریکہ کی مدد کرنے سے پہلے فتویٰ لیتے۔اتم جامعہ حفصہ لال مسجد کے طلبہ و طالبات کا خون اپنے اوپر حلال کرنے سے پہلے فتویٰ مانگتے ، تم قبائیلیوں کے گھروں کو آگ لگانے سے پہلے دارالافتاءکا رخ کرتے ، تم صلیبیوں کی جنگ کو اپنی جنگ کہنے سے پہلے فتویٰ لیتے ، تم اپنے ہی بے گناہ لوگوں کو امریکہ کے ہاتھوں بھیڑ بکریوں کی طرح بیچنے سے پہلے کوئی فتویٰ لیتے ، تم نے بے گناہ لوگوں کو غائب کیا ، ٹارچر سیلوں میں تشدد کر کے قتل کیا اس وقت کاش تم فتویٰ کی اہمیت کو سمجھتے۔ااے کاش تم سوچتے سمجھتے علماءسے ، عوام سے رائے لیتے۔اتمھارے غلط فیصلوں اور غلط خارجہ پالیسی کا نتیجہ ہے جو خود کش حملوں کی شکل میں ظاہر ہو رہا ہے۔اتمھیں ڈرون حملوں کی اجازت دینے سے پہلے دارالافتاءکیوں نظر نہیں آئے۔اتم نے عافیہ صدیقی کو امریکہ کے حوالے کرتے وقت کیوں نہ فتویٰ مانگا ، تم لوگوں نے اپنے بھائیوں کے گھروں کو اجاڑ دیا ، تم نے ڈرون حملے کروا کر اپنے ہی بھائیوں کے گھروں کو ملیا میٹ کر دیا ان کے اعضاءفضاؤں میں بکھر گئے۔اان کے معصوم بچے ، عورتیں ، مائیں ، بہنیں آگ میں جل گئیں۔اان کی چیخ پکار کو تم میڈیا تک نہیں آنے دیتے ، تم نے بڑا ظلم کیا ہے۔اجن کے گھر تباہ ہو گئے ، جن کے بچے یتیم ہو گئے ، جن کی بیویاں بیوہ ہو گئیں ، جن پر آج تک امریکہ ڈرون آگ برسا رہا ہے ، جن کو تم زمین پر گولیوں سے بھون رہے ہو ، جو وطن میں بے وطن ہو گئے ، جن کا کچھ نہ بچا۔ عزیزو اقارب صلیبی ڈرون حملوں اور تمھاری گولیوں کا شکار ہو گئے۔اذرا سوچو ، غور کرو ، وہ نہیں مانتے کسی فتویٰ کو ، ان پر دارالعلوم کا فتویٰ اثر نہیں کرے گا۔ وہ خیر المدارس کا فتویٰ نہیں مانتے ، وہ جامعہ بنوریہ یا کسی مفتیٔ دارالافتاءکے فتویٰ کے قائل نہیں ہو سکتے ، جو آگ تم لوگوں نے امریکی خوشنودی حاصل کرنے کے لیے لگائی ہے وہ اب کسی مفتی یا دارالافتاءکے فتوی سے نہیں بجھ سکتی۔املک صاحب ! اب یہ آگ بجھانے کے لیے تمھیں اپنی پالیسی تبدیل کرنا پڑے گی۔ااب تمھیں اللہ کے حضور توبہ کرنی پڑے گی ، تمھیں عوام سے معافی مانگنی پڑے گی ، تمھیں اس صلیبی جنگ کو اپنی جنگ کہنے سے باز آنا پڑے گا ، تمھیں قبائیلیوں سے مذاکرات کر کے وہاں سے افواج کو واپس بلانا پڑے گا۔ تمھیں بلیک واٹر اور ان جیسی بدنامِ زمانہ تنظیموں کو ملک سے بھگانا پڑے گا ، اپنے ہوائی اڈے اور بحری سہولتیں امریکیوں سے واپس لینی پڑیں گی ، اپنے ملک سے صلیبیوں کو لاجسٹک سپورٹ ختم کرنی پڑے گی ، تب جا کر ملک میں امن قائم ہو گا اور فتوے اثر انداز ہوں گے۔اواپس لوٹ آؤ ، سوچو غور کرو اے میرے وطن کے وقتی حکمرانو! جب یہ سب کچھ کر لو گے تب تمھیں کسی فتویٰ کی ضرورت نہیں پڑے گی ، تب تمھیں کسی دارالافتاءمیں جا کر یہ نہیں کہنا پڑے گا کہ ” حضرت فتویٰ دیجئے “۔ا
(بشکریہ ہفت روزہ القلم)

ھارون اعظم

یہ بات ٹھیک ہے کہ صرف فتویٰ سے کام نہیں چلے گا، لیکن کسی بھی ردعمل میں معصوم لوگوں کو مارنا اسلام کے خلاف ہے۔ اس کی حمایت نہیں کی جاسکتی۔ حکومت اور علماء دونوں طبقات کو اس بارے میں اپنا کردار ادا کرنا چاہیئے۔

عبداللہ آدم

جی بالکل۔۔۔۔۔۔۔۔۔۔۔۔۔۔۔

عبداللہ حیدر

السلام علیکم،
رسول اللہ صلی اللہ علیہ و علی آلہ وسلم کے زمانے میں بھی منافقوں کا رویہ یہی تھا کہ اپنی بات درست ہوتی تو رسول اللہ صلی اللہ علیہ و علی آلہ وسلم سے فیصلہ کرانے دوڑے چلے آتے تھے کیونکہ جانتے تھے کہ ہمارے حق میں ہو گا۔ اور جب معاملہ اس کے برعکس ہوتا تو کنی کترانے لگتے۔ ان منافق چہروں کی نشاندہی اللہ تعالیٰ نے ان آیات میں کی ہے۔ شاید ان کی کچھ جھلک موجودہ کرداروں میں بھی نظر آ جائے:
وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّى فَرِيقٌ مِّنْهُم مِّن بَعْدِ ذَلِكَ وَمَا أُوْلَئِكَ بِالْمُؤْمِنِينَ وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ أَفِي قُلُوبِهِم مَّرَضٌ أَمِ ارْتَابُوا أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ بَلْ أُوْلَئِكَ هُمُ الظَّالِمُونَ إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا وَأُوْلَئِكَ هُمُ الْمُفْلِحُونَ وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُوْلَئِكَ هُمُ الْفَائِزُونَ (النور 47 تا 53)
اور کہتے ہیں ہم الله اور رسول پرایمان لائے اور ہم فرمانبردار ہو گئے پھر ایک گروہ ان میں سے اس کے بعد پھر جاتا ہے اور وہ لوگ مومن نہیں ہیں۔ اورجب انہیں الله اور اس کے رسول کی طرف بلایا جائے تاکہ ان میں فیصلہ کرے تب ہی ایک گروہ ان میں سے منہ موڑنے والے ہیں۔ اگر (معاملہ) حق (ہو اور) ان کو (پہنچتا) ہو تو ان کی طرف مطیع ہو کر چلے آتے ہیں۔ کیا ان کے دلوں میں بیماری ہے یا (یہ) شک میں ہیں یا ان کو یہ خوف ہے کہ اللہ اور اس کا رسول ان کے حق میں ظلم کریں گے (نہیں) بلکہ یہ خود ظالم ہیں۔مومنوں کی تو یہ بات ہے کہ جب اللہ اور اس کے رسول کی طرف بلائے جائیں تاکہ وہ ان میں فیصلہ کریں تو کہیں کہ ہم نے (حکم) سن لیا اور مان لیا۔ اور یہی لوگ فلاح پانے والے ہیں۔ اور جو شخص اللہ اور اس کے رسول کی فرمانبرداری کرے گا اور اس سے ڈرے گا تو ایسے لوگ مراد کو پہنچنے والے ہیں۔
والسلام علیکم

عامرشہزاد

لیکن کوئی ان حضرت سے بھی کہے کہ حکومت کے خلاف بھی فتویٰ دے کہ جو اپنے بھائیوں کو مار رہے ہو وہ بھی حرام ہیں

کنعان

السلام علیکم

ایک طرف حکومت اپنے فائدے کے لئے علماء حضرات سے فتوے لگواتی ھے اور دوسری طرف بھی اپنے ہی فائدے کے لئے دینی مدارس پر کسی کے کہنے پر بلا وجہ چھاپے مارتی ھے۔

والسلام

__________________

ھارون اعظم

میرے خیال میں حکومت کی امریکہ نواز پالیسی حالات کو خراب کرنے کی اصل وجہ ہے۔ عوام کو حکومت پر دباؤ ڈال کر پالیسی میں تبدیلی کی کوشش کرنی چاہییے۔ لیکن اس کے ساتھ ساتھ اپنے ان بھائیوں کو بھی شدت پسندی سے واپس لانے کی کوشش کرنی چاہییے جو حکومتی مظالم کی وجہ سے ہتھیار اٹھانے پر مجبور ہوئے ہیں۔ کسی بھی طرح ان کے غلط کاموں کی حمایت کرکے ان کو مزید گمراہ نہیں کرنا چاہیئے۔ مدارس اور علماء کرام اس میں اہم کردار ادا کرسکتے ہیں۔

حیدر

جی ہارون بھائی درست کہہ رہے ہیں۔ میرے نزدیک دونوں طبقوں یعنی حکومتی و مذہبی طبقہ جات کا ہی قصور ہے۔ ان دونوں نے یا تو اپنا کردار ادا نہیں کیا اور یا پھر منفی طریق پر ادا کیا ۔ ان ہر دو کا خمیازہ ہر دو کی صورت میں ہم عوام کو ہی بھگتنا پڑا۔

عبداللہ آدم

مذھبی لوگوں کی اکثریت محب وطن ھی ھے،انتھا پسند لبرل لوگوں میں بھی ہیں اور مذہبی لوگوں کو تو یہ طعنہ خیر دیا ہی جاتا ہے۔
اب ہہی دیکھ لیں کہ مذہب کو ایک طرف رکھ بھی دیں تو جو جنگ امریکہ کو ساری دنیا مل کر نہیں جتوا سکی ہم اب بھی اس عزم کا اظھار کر رہے ہیں کہ ہم جتوا کے رہیں گے اور نتیجہ سامنے ہے کہ ((خدا ہی ملا نہ وصال صنم۔۔۔۔۔ادہر کے رہے نہ ادہر کے رہے))

عبداللطیف

آج کل ہر شخص اپنا مقصد حاصل کرتا ہے ۔
مولنا رحمٰن ملک صاحب بھی مفتیوں سے جلدی فتوٰی لینے چلے جاتے ہیں ۔
جب کوئی امریکی پکڑا جائے تو فورا فون کردیتے ہیں کہ ان کو چھوڑ ۔ یہ وہ لوگ ہوتے ہیں جو حملہ کرتے ہیبں ۔ بدنام داڑھی والوں کو کیا ہوا ہے ۔

عبداللہ آدم

مولنا رحمٰن ملک صاحب

انیس جعفری

آنحضرت (ص) نے فرمایا کہ دین کی آفتیں 3 ہیں۔ 1-وہ عوام جن میں جاہل زیادہ ہوں-2-وہ عالم جو بے عمل ہو3- وہ حاکم جو فاسق ہو
آپ کو پتہ ہی ہے کہ آفت کیا ہوتی ہے مثلاََ لکڑی کی آفت ہے دیمک ۔ جب لکڑی میں دیمک لگجاتی ہے تو بظاہر اچھی نظر آنے والی لکڑی اندر سے کھوکھلی ہوجاتی ہے اور ایک دن بکھر جاتی ہے۔ اور یہ فرمانِ رسول(ص) ہے جھوٹا ہو نہیں سکتا۔ جب عوام جاہل ہوتی ہے تو اندھوں میں کانا راجا کہ طرح کوئی بھی انکو کبھی اسلام کے نام پر اور کبھی جدید علوم سے وابستگی کا سہارا لے کر دھوکہ دیتا ہے جب عالم بے عمل ہوجاتا ہے تو اسکی نظر میں دنیا کی اہمیت بڑھ جاتی ہے اور جب دنیا کی اہمیت بڑھ جاتی ہے تو وہ مال کی محبت میں اپنے فتوے تک بیچنے لگتا ہے ۔ ہر فاسق حکمران کے پیچھے ایسے بہت سے عالم ہوتے ہیں جو وقت پڑے تو نواسہ رسول(ص) کے واجب القتل (نعوذو باللہ)ہونے تک کا فتوٰی دیدیتے ہیں۔ اور فاسق حکمران تو چاہتے ہی اپنے پسند کا دین ہیں لہٰذا جب چاہتے ہیں دین میں علماء سو کے ذریعے تبدیلی کرالیتے ہیں۔ لہٰذا ہمارے ملک میں بھی اگر آپ اسلام کی یہ حالت دیکھ رہے ہیں تو ان میں بجا طور پر یہ تینوں ہی آفتیں کار فرما ہیں ہم کسی ایک کو الزام نہیں دے سکتے

عبداللطیف

انیس صاحب میری اصلاح پر آپ کا بہت بہت شکریا ۔