ام طلحہ

وہ ہمیشہ سے بہت لا ابالی تھا۔ ہر بات میں شغل کا کوئی پہلو نکال ہی لیتا تھا۔ کبھی کسی بات کو سنجیدہ ہی نہیں لیا۔کھیل،ٹی وی، ورزش دوستوں کے ساتھ تفریح اور موبائل پر ایس ایم ایس، یہ تھی اسکی زندگی۔جب دیکھو موبائل پر واہیات ایس ایم ایس ہوتے اور لڑکیوں کے نمبر۔اسکی بہن جو اسی کالج میں تھی، اسکے فون سے سارے نمبر چراتا رہتا تھا اور سارا دن اپنے دوستوں کے ساتھ ملکر ان لڑکیوں کو تنگ کرتا رہتا تھا۔کبھی یہ خیال ہی نہیں آیا کہ وہ بھی تو کسی کی بہنیں ہیں۔ دوستوں کے ساتھ شرطیں لگاکر لڑکیوں کا جینا حرام کر دیتا کہ وہ کئی کئی دن گھر سے نکلنا ہی بند کر دیتیں۔جب بھی کسی نے سمجھانے کی کوشش کی تو ایک ہی جواب،"دو دن کی زندگی ہے، اسے بوریت میں گزار دوں کیا؟ ذرا سا انجوائے کرنے میں کیا جاتا ہے"

ایک دن اچانک بہن بیمار ہو گئی، اچانک ہی جانے کیا ہوا کہ بستر ہی پکڑ لیا
ایک ڈاکٹر سے دوسرا مگر کسی کو مرض سمجھ ہی نہ آیا۔اسے بہن بہت پیاری تھی۔ ایک ہی تو بہن تھی اسکی۔پہلی بار اسے پتہ چلا کہ پریشانی بھی کوئی شے ہے۔اسکے بغیر کالج جانا پڑتا تھا مگر وہاں دوست اسے پھر سے ہنسی مذاق میں مشغول کر دیتے۔گھر آتا تو سوچ میں پڑ جاتا کہ کیا مسئلہ ہے جو اسکی ہنستی کھیلتی بہن یوں بستر سے آلگی ہے۔وہ سوچتا ہی رہ گیا اور دیکھتے ہی دیکھتے وہ ختم ہو گئی۔ اسکے دماغ کی رگ پھٹ گئی تھی۔ کوئی کچھ نہ کر سکا۔

بہن کے بعد وہ بجھ سا گیا۔ سارا دن کمرے میں بند نہ کالج نہ دوست۔بہن کے کمرے میں جاکر اسے یاد کرتا رہتا۔ ایک دن اسکا موبائل دیکھا تو یونہی میسیج باکس کھول کر دیکھنے لگا۔ ایک پیغام پر نظر رک گئی۔ ایک اجنبی نمبر سے کوئی واہیات عشقیہ پیغام تھا۔ تجسس میں اس نمبر سے آئے پیغام پڑھتا گیا جو سب ایک سے بڑھ کر ایک بیہودہ تھے اور ہر ایک میں ایک ہی گلہ کہ جواب کیوں نہیں دیتیں اور جگہ بتاؤں گا،آکر ملوورنہ تمھارے گھر آجاؤں گا۔بہن کے نام آنے والی دھمکیاں پڑھ کراسکی رگیں پھٹنے والی تھیں۔ اسکا خون کھول رہا تھا۔اب وہ سمجھا کہ اس ذہنی اذیت نے اسے بستر پر لا پھینکا تھا۔

اور پھر وہ آخری پیغام جو اسکی موت کے دن موصول ہوا تھا۔ "میں تمہارے بھائی کا دوست تھا۔اسکے فون سے تمہارا نمبر لیا تھا۔ وہ دوسروں کی بہنوں پر شرطیں لگاتا رہا ہے تو اسکی بہن پر بھی تو کسی کا حق ہونا چاہئے تھا۔میں نے حساب چکا دیا اس ذہنی اذیت کا جو اس نے میری بہن کو دی۔کیونکہ تم بیمار ہو اس لئے میں اب تمہیں آزاد کرتا ہوں"
اس نے ڈوبتے دل کے ساتھ وہ پیغام پڑھا اور اسکے ہاتھ سے فون چھوٹ گیا۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

راجہ اکرام

بہت بہترین ام طلحہ بہن
اگر انسان پہلے سے ہی عقل استعمال کر لئے تو یہ دن ہی دیکھنے سے بچ جائے ۔۔۔

اللہ ہمیں ہدایت عطا فرمائے ۔۔ آمین

__________________
محتاج اصلاح و دعا

ام طلحہ

بہت شکریہ بھائی!!
یہ تو احساس جگانے کی ایک کوشش ہے۔ کاش ہماری نئی نسل سبق حاصل کر سکے کہ انجوائےمنٹ کے نام پر کیا کچھ کھو دیا ہے۔

ابن جلال

السلام علیکم
سبق آموز تحریر ہے ۔

یحیٰی

آپا اس موبائل ایس ایم ایس نے تو زندگی برباد کر رکہی ہے، دن بھر اتنے ایس ایم ایس آتے ہیں الٹے سیدھے اب تو بغیر پڑھے ہی ڈیلیٹ کر دیتا ہوں،میں کام والا آدمی نہ جانے ان لوگوں کو کیسے نمبر مل جاتا ہے دو بار نمبر بھی بدل دیا پھر بھی وہی حال ہے
ہے تو کوئی اپنا پیہچان والا ہی ایک بار مل جائے تو چھوڑوں گا نہیں

__________________

منتظمین

سرورق کے لیے اپلائی کریں۔

فیصل ناصر

بہت ہی سبق آموز تحریر ہے
ام طلحہ جی آپ بھی اب لکھاریوں کی صف میں آتی جارہی ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ام طلحہ

یعنی پہلے نہیں تھی؟؟؟

sahj

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔

Attached Images

 

یحیٰی

ماشاءاللہ
آپا آپ بہت اچھا لکھتی ہیں

بزم خیال

بہت خوب بہن سبق آموز تحریر ہے ۔ اللہ زور قلم اور کرے زیادہ

ھارون اعظم

آپ کی تحریر بہت اچھی ہے۔ اور جو پیغام دیا گیا ہے وہ واقعی ہمارے نوجوانوں کے لئے سبق آموز ہے۔

ARHAM

السلام علیکم !
ام طلحہ۔۔۔
حقیقت سے اس قدر قریب ہے کہ اتنی جاندار اور معاشرے کی عکاس تحریر کی تعریف بھی نہیں کی جاسکتی
کیونکہ یہ ہم سب کے لیے ایک المیہ ہے اور المیے پر خوش نہیں ہوا جاتا ۔۔۔
صرف نوجوان نسل ہی نہیں پختہ عمر افراد مرد اور عورتوں کی بھی کوئی تخصیص نہیں ۔۔
ان سب کے ہاتھوں میں یہ کھلونا ہے اور وہ اس سے معاشرے کا ناسور بنے ہوئے ہیں ۔۔
واقعی واقعی دیکھ کر دل میں درد ہوتا ہے کہ ایک بہترین سرمایہ قوم کا ( وقت / مال / افراد ) برباد ہو رہا ہے اور لوگ خوشی خوشی اس بربادی کو گلے لگا رہے ہیں ۔۔
تاویل پیش کی جاتی ہے کہ پیکچ لیا ہوا ہے اس لیے کوئی مسئلہ نہیں ۔۔۔
ٹھیک ہے پیسہ خرچ نہیں ہوتا لیکن وقت ضائع ہونے کا کوئی احساس نہیں ہو رہا وقت کا حساب نہیں دینا پڑے گا کہ کن کاموں میں گزارا ۔۔؟

کتنے ہی بدنما پہلو ہمارے معاشرے کے ایسے ہیں جو پوشیدہ ہیں ۔۔ ان میں سے ایک یہ بھی ہے جس کی آپ نے قلم سے گرفت کی اور اس کی طرف توجہ مبذول کرائی ۔۔
اللہ تعالیٰ پم سب کی ہدایت کی طرف رہنمائی فرمائے آمین ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

عارف اقبال

السلام علیکم
تحریر بہت اچھی ہے۔اللہ زور قلم اور زیادہ کرے

یاسر عمران مرزا

شکریہ ام طلحہ بہنا، اچھی کہانی ہے،۔۔۔۔