خرم شہزاد خرم

انسانیت ری انسٹال۔


کل رات کو ایک سردار میرے پاس آیا اس کے کمپوٹر کی ونڈو کرپٹ تھی۔ میں نے ان کو کہا ونڈو ری انسٹال کرنی پڑے گی۔ اس کے لیے آپ کے پاس ونڈو کی سی ڈی ہو گ وہ دے دیں۔ کہنے لگے ونڈو ری انسٹال کے بعد کمپوٹر ٹھیک کام کرے گا نا۔ میں نے کہا جی ہاں ٹھیک کام کرے گا لیکن وائرس سے بچانا ہو گا آپ کو۔ کہنے لگے وہ کیسے میں نے کہا دو طریقے ہیں۔ ایک اینٹی وائرس انسٹال کریں اچھے والا دوسرا آپ اپنے کمپیوٹر کو اچھے طریقے سے استعمال کریں۔ کہنے لگے مطلب، میں نے کہا مطلب یہ کہ آپ فصول ویب سائیٹ پر نا جائیں چیٹ کے دوران اگر کوئی آپ کو کوئی لنک سنڈ کرتا ہے تو اس کو نا کھولے وغیرہ، وغیرہ۔ اس کے بعد وہ خاموش ہو گے۔ اس کے بعد کچھ دیر تک وہ دوکان پر موجود مختلف چیزیں دیکھتے رہے پھر بولے یار انسان نے کتنا کچھ بنا لیا ہے۔ ان کے اس جواب پر میں نے کہا انسان نے بہت کچھ بنا تو لیا ہے لیکن خود انسان نہیں بن سکا۔ سردار جی کو میری یہ بات بہت پسند آئی میرے ہاتھ پر اپنا ہاتھ مارا اور کہنے لگے یار کوئی ایسا طریقہ نہیں ہے جس سے انسان کو فارمیٹ کر کے اس میں انسانیت ری انسٹال کی جائے پھر شاہد وہ انسان بن سکے۔ میں نے کہا ان کے ساتھ سی ڈی نہیں آتی نا۔ رات ان کا کام ختم ہوا تو وہ چلے گے لیکن بعد میں جب میں اپنے کمرے میں آیا تو میری ذہن میں پھر وہی بات آگئی۔ کاش انسانیت ری انسٹال ہو سکتی اور اگر ونڈو ری انسٹال کی طرح انسان بھی میرے پس آتے تو میں پھر اپنی مرضی کی انسانیت انسٹال کرتا۔ سب سے پہلے تو میں ان علماءاکرام کی انسانیت ری انسٹال کرتا جو مسلکی آگ لگاتے ہیں۔ جو انسانوں کو اسلام سے دور کر کے مسلک کے قریب کرتے ہیں، جو فرقہ واریت پھیلاتے ہیں ان میں انسانیت ری انسٹال کر کے سب سے پہلے محبت کا پروگرام انسٹال کروں تاکہ وہ فرقہ واریت نا پھیلا سکیں۔ اس کے بعد سیاست دانوں میں انسانیت ری انسٹال کرتا۔ سیاست دانوں کے بارے میں یہ مشہور ہے وہ سنتے رہتے ہیں لیکن کچھ کرتے نہیں اس سے معلوم ہوتا ہے وہ سن نہیں سکتے بس بول سکت ہیں۔ لیکن میں ری انسٹالیشن کے بعد ایسا پروگرام انسٹال کروں گا کہ وہ عوام کی باتیں سن تو سکیں گے لیکن ان کو جھوٹی تسلی نہیں دے سکیں گے۔ اس کے بعد ایک اور پروگرام انسٹال کروں گا جس سے وہ صرف عوامی مسائل حل کر سکیں گے اپنی جیبیں نہیں بر سکیں گے ہر ظالم حکمران میں محبت انسٹال کرتا۔ ہر سست انسان میں محنت انسٹال کرتا۔ اتحاد، ایمان، تنظم کے پروگام کے ساتھ ساتھ محنت، الفت، محبت، صبر، اتفاق، ہر وہ اچھی چیز انسٹال کرتا جو ایک کامل انسان میں ہونی چاہے۔ کاش انسانیت ری انسٹال ہوسکتی

خرم شہزاد خرم

__________________

ھارون اعظم

خرم بھائی، یہ کام تعلیمی ادارے ہی کرسکتے ہیں۔ بچوں کے ذہن کو ایک مقصد اور نصب العین دے کر یہ کام کیا جاسکتا ہے۔

منتظمین

سرورق کے لیے اپلائی کریں۔

ام طلحہ

کمال کر دیا خرم بھائی!!
کیا اڑان ہے سوچ کی۔ اللہ آپکوارادوں کی پختگی عطا فرمائے۔ آمین

خرم شہزاد خرم

آپ سب کے پسند کرنے کا بہت شکریہ

حیدر

خرم بھائی بہت خوب لکھا اپ نے ۔ ۔ ۔ لیکن بتاتا چلوں کہ خوش قسمتی سے انسانیت کی سی ڈی اور User's Manual نہ صرف موجود بلکہ Scratch & Errors Free ہے۔
یہ 2in1پیکج قرآن کہلاتا ہے۔ جب آپ اس کو پڑھنا اور سمجھنا شروع کرتے ہیں تو آہستہ آہستہ آپ کے اندر کی ونڈو ریپئر ہونے لگ پڑتی ہے۔اسکے ا یررز ختم ہو جاتے ہیں۔ آپ کے دماغ کی ہارڈ ڈسک جو غیر معمولی رفتار سے چل رہی ہوتی ہے اور کسی وقت بھی اسکے خراب ہونے کا اندیشہ ہوتا ہے اسکی سرفیس سے بیڈ سکٹرز ختم ہو جاتے ہیں اور وہ نارمل رفتار سے چلنا شروع ہو جاتی ہے۔
انسانیت کی ونڈوز کے پروگرام بہت جلد جلد کھلنا شروع ہو جاتے ہیں۔ اگر کسی قسم کا وائرس اٹیک ہو بھی جائے تو بھی ونڈوز کا سیلف ڈیفنس سسٹم اس قدر مضبوط ہوتا ہے کہ فوراً اللہ کے سرور سے رابطہ کر کے نئی وائرس ڈیفینشن ڈاؤن لوڈ کر لیتا ہے۔
کمال کی بات ہے کہ یہ پیکج بالکل مفت ہے بلکہ اسکے ساتھ اضافی بونس کے طور پر شدید مالی فوائد بھی دئیے گئے ہیں۔ اگر آپ اس User's Manualکو پرھیں تو معلوم ہو گا کہ ایک لگانے کے ستر یا زائد ملیں گے۔
اس پیکج میں اللہ کے ساتھ انٹرنیٹ مفت ہے۔ جتنی مرضی چیٹنگ اور ڈاؤن لوڈنگ کریں ۔ بالکل ان لمیٹیڈ استعمال ۔

آج ہی اس 2in1پیکج کو استعمال کرتے ہوئے اپنی انسانیت کی ونڈوز کو ریپئیر یا ری انسٹال کریں اور بے شمار فائدے بونس میں پائیں۔ یہ پیکج بالکل مفت ہر جگہ پر دستیاب ہے۔

خرم شہزاد خرم

بدرالزمان بھائی جزاک اللہ اس پیکج کے بارے میں مجھے ایک اور دوست نے بھی بتایا تھا لیکن جس انداز سے آپ نے بتایا ہے ایسے نہیں بہت شکریہ
کیا میں آپ کا یہ تبصرہ اپنے بلاگ پر لگا سکتا ہوں آپ کی اجازت چاہے

حیدر

لگائیں بھائی لگائیں ۔ میرا کچھ کہا جسٹ لائک ٹورنٹ ڈاؤن لوڈ کی طرح ہے کہ میرے دماغ کی ہارڈ ڈسک پر اللہ کے سرور سے ڈاؤن لوڈ ہوتا ہے اس لیے سبھی کے ساتھ شئیر ہوتا ہے۔ ورنہ بین ہونے کا خطرہ ہے۔

فیصل ناصر

کافی عرصہ کے بعد آپ کو اوریجنل فارم میں دیکھا ہے بدر بھائی
اللہ آپ کی اس شوخی ِتحریر کو برقرار رکھے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

خرم شہزاد خرم

میں اپنا سمجھا تھا