گوہر

جنگ نیوز کا ایک متن:


"کراچی (رپورٹ: … جبران پیش امام) بظاہر ناکام اور غیر موثر پاک بھارت امن عمل کے دوران نئی دہائی کے شروع ہوتے ہی ہمیں ایک اہم ترین موقع مل رہا ہے جس میں سرحد کے دونوں جانب اشتراک کے ساتھ ایک بہت بڑا امن منصوبہ شروع کیا جا رہا ہے۔ ”امن کی آشا“ کے نام سے اٹھایا جانے والا یہ اقدام پاکستان کے جنگ گروپ اور بھارت کے ٹائمز آف انڈیا گروپ کی مشترکہ کاوش ہے۔ یہ دونوں میڈیا گروپس پاکستان اور بھارت کے سب سے بڑے صحافتی گروپس ہیں۔ اس پروگرام کے ذریعے دونوں گروپس پاک بھارت مذاکرات کو لاثانی اور بے مثال انداز سے متحرک کرنے کی کوشش کریں گے۔ اس پروجیکٹ کا مقصد متلون مزاج پاک بھارت امن مذاکرات میں شامل بڑے ایشوز پر بحث کیلئے مشترکہ اور باہمی پلیٹ فارم فراہم کیا جائے؛ چاہے وہ مسئلہ کشمیر ہو، پانی کا مسئلہ ہو یا سیکورٹی کا۔ اس پروجیکٹ کا وضاحتی بیان بالکل واضح ہے۔ اس میں اس عزم کا اظہار کیا گیا ہے کہ دونوں گروپس نے خود کو ایک ایسی تحریک کیلئے وقف کردیا ہے جو دونوں ملکوں کے قابل احترام، حقیقی اور پائیدار امن کو جنم دینے کی خاطر سویلین اداروں اور عوام کو ایک دوسرے کے قریب لائے گی۔ ”امن کی آشا“ کی بنیادی خواہشات انتہائی بلند ہیں، جس میں وہ تمام تصفیہ طلب معاملات شامل ہیں جو امن اور میڈیا کی زیر قیادت سول سوسائٹی کی تحریک میں اقتصادی و ثقافتی ایشوز پر مہم چلانے کی راہ میں رکاوٹ ہیں، اس کوشش کو شروع کرنے اور اسے پائیدار بنانے کیلئے کیلئے حقائق پر مبنی اور محتاط انداز سے اقدامات کئے گئے ہیں۔ یہ کوشش ایک منظم انداز سے شروع کی گئی ہے۔ اس کے ذریعے کوشش کی جائے گی کہ امن عمل آگے بڑھے اور ٹھوس نتائج فراہم کرے اور ہم آہنگی، تعاون اور اعتماد کے وہ نتائج سامنے لائے جو برصغیر کے عوام سخت ویزا پالیسیوں اور متصادم سیاست کی وجہ سے گزشتہ 6 دہائیوں میں حاصل نہیں کرپائے۔ یہ مشترکہ کوشش، جس میں ثقافتی تبادلوں سے لے کر پالیسی امور پر مباحثے شامل ہیں، دونوں میڈیا گروپس کی جانب سے تفصیلی مذاکرات اور بے حد محتاط انداز سے کی گئی منصوبہ بندی کا نتیجہ ہے۔ ”امن کی آشا“ کی میڈیا مہم میں بھارتی شاعر گلزار کی جانب سے ترتیب دیئے گئے امن کے ترانے کی شکل میں ایک ولولہ انگیز خاصیت شامل ہے۔ یہ ترانہ کسی اور نے نہیں بلکہ بالی ووڈ کے امیتابھ بچن نے پڑھا ہے جو دونوں ملکوں کے عوام میں مقبول شخصیت ہیں۔ پاکستان کے راحت فتح علی اور بھارت کے شنکر مہادیون، جو برصغیر کے مقبول ترین گائیگ ہیں، نے اس ترانے کو گیت کی شکل میں گایا ہے۔ ثقافتی اور عوام کے مابین تعلقات کو تفریح (اینٹرٹینمنٹ) کے مختلف پروگرامز کی مدد سے مضبوط بنایا جائے گا۔ ان پروگرامز میں میوزک کانسرٹ سے لے کر فیشن شو تک ہر پروگرام شامل ہے جس میں پاکستان اور بھارت کے بہترین آرٹسٹ شرکت کریں گے۔ دانشورانہ سطح پر تعلقات کو مضبوط بنانے کیلئے تعلیمی اور ادبی وفود کے تبادلوں کا بھی اہتمام کیا گیا ہے۔ اس منصوبے میں مادی تعاون کو فروغ دینے کا بھی انتظام کیا گیا ہے۔ دونوں ملکوں کی تاجر برادری کو تبادلہ خیال اور صنعت و تجارت کے اقدامات کو پائیدار بنیادوں پر فروغ دینے کی دعوت دی گئی ہے۔ اس مقصد کیلئے بھارت اور پاکستان میں باری کے ساتھ منفرد اقتصادی کانفرنس کا اہتمام کیا جائے گا۔ یہ کانفرنس اہم ترین اقتصادی شعبوں میں واضح اور ٹھوس تعاون کی یقین دہانی کرائے گی۔ بات صرف یہیں ختم نہیں ہوتی۔ امن کی آشا کے تحت پاکستان اور بھارت میں سروے منعقد کرانے کی ذمہ داری بھی سنبھالی گئی ہے؛ یہ سروے تواتر کے ساتھ شایع ہوتے رہیں گے۔ تاریخ میں پہلی مرتبہ، آزاد تحقیقاتی ایجنسیوں نے سرحد کی دونوں جانب شفاف سروے کئے ہیں اور اہم ترین ایشوز پر لوگوں کی رائے لی ہے، اور یہ ایجنسیاں لوگوں کی رائے معلوم کرنے کا یہ سلسلہ جاری رکھیں گی۔ حیران کن نتائج فراہم کرنے والی یہ ریسرچ نہ صرف پالیسی کی تشکیل میں مدد دے گی بلکہ امن کیلئے اٹھائے گئے قدم کے اثرات معلوم کرنے میں بھی مدد فراہم کرے گی۔ میڈیا گروپس نے یہ مہم ہر محاذ پر آگے لے جانے کا عہد کیا ہے۔ دونوں گروپس نے مستقل بنیادوں پر سیکریٹریٹ قائم کیا ہے تاکہ کامیابی کیلئے تسلسل کو یقینی بنایا جا سکے۔ سرحد کے دونوں جانب تمام اسٹیک ہولڈرز کو اعتماد میں لیا گیا ہے؛ ان میں حکومت سے لے کر تاجروں تک اور دانشوروں سے لے کر ادبی شخصیات تک سب شامل ہیں۔ اس مقصد کیلئے واضح اہداف کی نشاندہی کی جا چکی ہے اور مشن اسٹیٹمنٹ کو حتمی شکل دیدی گئی ہے۔ مہم شروع کی جا چکی ہے۔ نئی دہائی کے پہلے دن امن کی آشا کا کام شروع ہوجائے گا اور اس کی منزل امن ہے۔ "
دوسری خبر کا متن:
"کراچی، نئی دہلی( جنگ / ٹائمز نیوز نیٹ ورک) پاکستان اور بھارت میں کرائے جانے والے ایک سروے سے معلوم ہوا ہے کہ بھارت کے عوام کی دو تہائی جبکہ پاکستان کی تقریباً تین چوتھائی تعداد دونوں ملکوں کے درمیان پرامن تعلقات کی خواہاں ہے۔ صرف ایک معمولی تعداد، بھارت میں 17 فیصد اور پاکستان میں 8 فیصد، مخاصمت کو تاریخ کے کوڑے دان میں ڈالنے کے مخالف ہیں۔ ممکن ہے کہ جس ہمسائیگی میں ہم رہتے ہیں وہ دنیا کا سب سے خطرناک ترین ہو لیکن یہ ایک ایسا خطہ بھی ہے جہاں امن کی خواہش بھی سب سے زیادہ ہے۔ درحقیقت، خوف کے سائے میں رہنے والے لوگوں کو پہلی مرتبہ یہ بات سمجھ میں آچکی ہے اور وہ یہ واضح کرسکتے ہیں کہ ان دو اقوام کے درمیان دانشمندانہ تعلقات کی ضرورت کیوں ہے جن کے درمیان پہلے معاندانہ رویہ تھا۔ بھارت کے ٹائمز آف انڈیا گروپ اور پاکستان کے جنگ گروپ کی جانب سے کئے گئے ایک تفصیلی سروے سے جو اہم بات معلوم ہوئی ہے وہ یہ ہے کہ لوگوں کی ایک بھاری اکثریت پرامن تعلقات کی خواہاں ہے۔ غیر متوقع طور پر اس بات نے امید کی کرن دکھائی ہے کہ بھاری اکثریت مخالفانہ رجحانات کے ممکنہ خاتمے کیلئے پُرامید ہے اور وسیع پیمانے پر اس بات کا اعتراف کیا گیا ہے کہ اچھے حتمی انجام تک پہنچنا ایک ایسا کام نہیں ہے جو صرف دونوں ملکوں کی حکومتوں پر ہی چھوڑ دیا جائے۔ ”امن کی آشا“ کے تحت بھارت کے 6 شہروں اور پاکستان کے 8 شہروں اور 36 دیہات میں سروے کیا گیا تاکہ تشدد اور خوف کے سائے میں رہنے والے خطے کے لوگوں کے احساسات اور ان کی رائے معلوم کی جاسکے۔ بھارت میں سروے میں شرکت کرنے والے لوگوں کی دو تہائی تعداد (66 فیصد عوام) اور پاکستان کے تین چوتھائی لوگوں (72 فیصد) نے کہا ہے کہ وہ دونوں ملکوں کے درمیان پرامن تعلقات چاہتے ہیں۔ یہ ایسا نہیں ہے کہ باقی لوگوں نے باہمی ہم آہنگی کی مخالفت کی ہے۔ دونوں ملکوں کے لوگوں کی ایک معقول تعداد، بھارت 17 فیصد اور پاکستان 20، نے اس بیان سے اتفاق کیا اور نہ ہی اس کی مخالفت کی کہ ”میں چاہتا ہوں کہ پاکستان اور بھارت کے درمیان پرامن تعلقات ہونے چاہئیں“۔ با الفاظ دیگر، صرف معمولی اقلیت یعنی بھارت کے 17 فیصد جبکہ پاکستان کے 8 فیصد لوگوں نے دشمنی کو تاریخ کے کوڑے دان میں ڈالنے کی مخالفت کی۔ ان دو ملکوں کیلئے یہ اعداد و شمار امید سے کہیں زیادہ بہتر ہیں، جنہوں نے تین مکمل جنگیں، ایک چھوٹی جنگ لڑنے کے ساتھ ایک دوسرے پر تشدد کی حمایت کرنے کے الزامات عائد کئے ہوں۔ جنس ہو یا عمر یا سماجی و اقتصادی درجہ بندیبھارت میں امن کی خواہش کم و بیش مساوی تھی، جبکہ پاکستان میں سروے میں شرکت کرنے والے مردوں کی تعداد خواتین کے مقابلے میں حیران کن انداز سے امن کے نظریے کی زیادہ حامی تھے (66 سے 77 فیصد تک کے درمیان)۔ اس سروے میں بھارت سے دہلی، ممبئی، کولکتہ، چنائے، بنگلور اور حیدرآباد دکن سے تعلق رکھنے والے لوگوں نے شرکت کی جبکہ پاکستان سے کراچی، حیدرآباد، اسلام آباد و راولپنڈی، لاہور، ملتان، فیصل آباد اور کوئٹہ کے لوگوں نے شرکت کی۔ امن کی خواہش رکھنا ایک بات ہے جبکہ یہ حقیقی احساس کہ آیا یہ ممکن ہے؟ ایک علیحدہ بات ہے۔ ایک مرتبہ پھر، سروے کے اعداد و شمار دیکھ کر ہمیں خوشگوار حیرت کا سامنا کرنا پڑا۔ دونوں صورتوں میں واضح اکثریت، یعنی بھارت میں 59 فیصد اور پاکستان میں اس سے بھی زیادہ 64 فیصد، کا کہنا تھا کہ ”وہ بہت زیادہ پرامید ہیں“ یا ”بالکل پرامید ہیں“ کہ موجودہ معاندانہ رویہ ان کی زندگی میں ہی ماضی کا حصہ بن جائے گا۔ بھارت میں اس معاملے میں مردوں کے مقابلے میں خواتین بہت زیادہ پرامید نظر آئیں؛ اگرچہ ان کا مارجن بہت زیادہ نہیں تھا۔ مزید یہ کہ، سروے میں شامل سیکشن بی کی سوشیو اکنامک کیٹگری (سماجی و اقتصادی گروپ) سے تعلق رکھنے والے لوگوں کی تعداد سیکشن اے کی اشرافیہ کیٹگری کے لوگوں سے زیادہ پرامید نظر آئی، جبکہ نوجوانوں (18 سے 19 سال کے درمیان) کی تعداد 30 سے 45 برس کے لوگوں سے معمولی تعداد میں زیادہ پرامید نظر آئی۔ کیا لوگوں کے مابین رابطے، جو امن کی آشا کی روح ہے، پرامن تعلقات کے قیام میں ، جس کی زیادہ خواہش محسوس کی جا رہی ہے، مدد دے سکتے ہیں؟ اس سوالے کے جواب میں لوگوں کی فیصلہ کن تعداد نے اپنی رائے کا اظہار کیا۔ بھارت میں 78 فیصد کا کہنا تھا کہ وہ امن کیلئے ”موثر“ اور ”انتہائی موثر“ آلہ ثابت ہوسکتے ہیں۔ پاکستان سے ملنے والا جواب انتہائی زبردست اور غیر مبہم تھا۔ لوگوں کی 85 فیصد تعداد نے بھی ان ہی دو جوابات میں سے ایک کا انتخاب کیا۔ درحقیقت، پاکستان کے 43 فیصد لوگوں نے کہا کہ وہ ”انتہائی موثر“ ثابت ہوسکتے ہیں۔ ہمیں اپنے اس یقین کامل کی اس سے زیادہ واضح توثیق نہیں مل سکتی تھی کہ سول سوسائٹی کے درمیان رابطے واضح فرق پیدا کرسکتے ہیں اور انہیں یہ فرق پیدا کرنا چاہئے۔ درحقیقت، ہمیں تو امید ہی نہیں تھی کہ ہمیں ایسا واضح رد عمل ملے گا۔ وہ کون سی چیز ہے جو اس توثیق کی حد کی وضاحت کرتی ہے؟ وضاحت کا ایک بڑا حصہ ان مزید سوالوں کے جوابات میں ہے جو اس سروے میں پوچھے گئے۔ ہم نے سروے میں شامل لوگوں سے کہا کہ وہ پاکستان اور بھارت کے درمیان تعلقات کی موجودہ حالت کو کس نمبر پر رکھیں گے؛ اس میں نمبر ایک کا مطلب ”دشمنی پر مبنی“ اور 9 کا مطلب ”دوستانہ“ ہے۔ ہم نے ان سے یہ بھی پوچھا کہ وہ لوگوں کے درمیان تعلقات اور ریاستوں کے درمیان تعلقات کے حوالے سے علیحدہ علیحدہ نمبر دیں۔ سرحد کے دونوں جانب کے لوگوں کی جانب سے دیئے گئے جوابات نمایاں تھے۔ سروے میں شامل بھارت کے شہریوں نے دونوں ملکوں کے درمیان تعلقات کو اوسطاً 3.65 نمبر دیئے (یہ نمبر سرد تعلقات کی نشاندہی کرتے ہیں)، انہی لوگوں نے لوگوں کے مابین تعلقات کو 4.15 نمبر دیئے (یہ نمبر غیر جانبدار کے قریب ہے)۔ با الفاظ دیگر بھارت کے مقابلے میں پاکستانی شہریوں نے تعلقات کے حوالے سے زیادہ مثبت رائے کا اظہار کیا، دونوں فریقوں نے اس بات سے اتفاق کیا کہ دونوں ملکوں کی حکومت کے مقابلے میں عوام کے مابین بہتر ہم آہنگی پائی جاتی ہے۔ یہ دیکھنا مشکل نہیں ہے کہ آخر کیا وجہ ہے کہ وہ یہ سمجھتے ہیں کہ آگے بڑھنے کیلئے سول سوسائٹی کے اقدامات اچھے ہیں۔ ان میں سے ہر ایک سوال پر بھارت کے مختلف شہروں سے مختلف جوابات ملے لیکن ان میں ایک رجحان واضح نظر آیا۔ دہلی اور چنائے اور حیدرآباد دکن جیسے جنوبی شہروں اور کسی حد تک بنگلور کے لوگوں کی زیادہ تعداد دوسرے شہروں کے مقابلے میں موجودہ تعلقات اور امن کے تناظر کا مثبت رخ دیکھنے کی جانب مائل نظر آئی۔ اس کے برعکس، ممبئی میں ہر پوچھے گئے سوال کا نمایاں جواب ملا۔ مثال کے طور پر لوگوں کی 54 فیصد تعداد نے کہا کہ انہیں یہ بالکل امید نہیں ہے کہ ان کی زندگی میں کبھی امن کا قیام عمل میں آئے گا، اگر 26/11 کے سانحہ کو ذہن میں رکھا جائے تو اس صورت میں یہ جواب کم چونکانے والا ہے، لیکن یہ حقیقت ہے کہ ممبئی میں بھی 50 فیصد لوگوں نے کہا کہ انہیں امن چاہئے جبکہ 42 فیصد نے اس کی مخالفت کی۔ 52 فیصد نے امن کی جانب بڑھنے کے ایک طریقے کے طور پر لوگوں کے مابین رابطوں کی حمایت کی۔ اسے امن کی آشا کا ثبوت سمجھا جانا چاہئے۔ امن کی آشا کی راہ پر چلتے ہوئے ہم آپ کو وقت کے ساتھ منعقد کئے جانے والے مزید سرویز کے نتائج سے آگاہ کریں گے۔"

فیصل ناصر

دنیا بھر کے ممالک کی "عوام" امن ہی چاہتی ہے
یہ تو حکومت کی اپنی پالیسیاں ہوتی ہیں کے امن میں کیا مفاد ہے اور جنگ میں کیا کیا فائدے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

راجہ اکرام

امن کی اس آشا کے ساتھ ساتھ کل کے اخبارات کا بھی مطالعہ اہم ہے
عوام امن چاہتے ہیں میں کوئی شک نہیں لیکن
بھارت پاکستان اور چائنا سے بیک وقت جنگ کرنے کے لئے تیار ہے۔۔۔۔۔۔۔۔۔تفصیلات کے لئے اخبارات

بنئیے کا ایک علاج۔۔۔۔۔۔۔۔۔۔۔۔۔

__________________
محتاج اصلاح و دعا

یاسر عمران مرزا

ان دونوں ملکوں کے درمیان امن یقینن سارے علاقے کے لیے مفید ہو گا، لیکن امن کو پائیدار ہونا چاہیے، یہ نہ ہو کہ امن کا یہ عمل کچھ عرصہ چل کر پھر سست روی کا شکار ہو جائے۔
میرا ذاتی خیال یہ ہے کہ ہندو قابل اعتبار نہیں، بھارت کبھی پاکستان کا دوست نہیں ہو سکتا، بھارت اگر خاموش ہے تو صرف اس وجہ سے کہ وہ ایک وقت کا انتظار کر رہا ہے جب وہ مالی طور پر جنگی طور پر پاکستان سے مضبوط ہو جائے، پاکستان کی میزائل ٹیکنالوجی بھارت سے بہت آگے ہے جب کہ بھارت کے اپنے ٹی وی چینلز کے مطابق بھارتی میزائلوں میں سے صرف ایک اگنی چھوڑ کر باقی سب ناقابل اعتبار ہیں۔ ہم ہندو کے لیے چاہے جو بھی کر لیں وہ اندر سے کبھی ہمارے لیے اچھا نہیں ہو سکتا اور اسے جب بھی وار کرنے کا موقع ملا وہ ضرور کرے گا۔ موجودہ حالات میں بھی بھارت پس پردہ پاکستان کے اندر بہت سارے تخریب کاری کے منصوبوں میں ملوث ہے اور وہ وقت کے ساتھ ساتھ پاکستان کو کمزور سے کمزور تر اور خود کو مضبوط سے مضبوط تر بنا رہا ہے۔
ان سبھی حقائق کی روشنی میں بھارت کے ساتھ امن کا عمل ایک ناممکن سی بات لگتی ہے، تاہم اگر ہمارے سیاست دان سیاسی میدان میں بھارت کو چت کر کے پر امن رہنے کے لیے مجبور کر سکیں تو یہ امن کا یہ عمل ممکن ہو سکتا ہے۔ ایسا تبھی ہو سکتا ہے جب پاکستان اپنے پڑوسیوں اور خطہ کے دیگر ممالک کے ساتھ اچھے تعلقات قائم کر کے ان کو اپنے ساتھ ملا لے، یوں دیگر ممالک کا اخلاقی طور پرپاکستان کے ساتھ ہونا بھارت کو مستقل پر امن رہنے پر مجبور رکھ سکتا ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

حیدر

امن سے کس کو انکار ہو سکتا ہے۔ مگر کس قیمت پر۔۔۔؟ شاید ہر قیمت پر

گوہر

__چند ایک قرآنی آیات ______________________________________________

يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ ۗ إِنَّ اللَّهَ لَا يَهْدِي الْقَوْمَ الظَّالِمِينَ (5:51)
اے ایمان والو! یہود اور نصاریٰ کو دوست نہ بناؤ یہ ایک دوسرے کے دوست ہیں اور جو شخص تم میں سے ان کو دوست بنائے گا وہ بھی انہیں میں سے ہوگا بیشک خدا ظالم لوگوں کو ہدایت نہیں دیتا (5:51)
O ye who believe! take not the Jews and the Christians for your friends and protectors: They are but friends and protectors to each other. And he amongst you that turns to them (for friendship) is of them. Verily Allah guideth not a people unjust.‎ (5:51)

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِنَ الَّذِينَ أُوتُوا الْكِتَابَ مِنْ قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِنْ كُنْتُمْ مُؤْمِنِينَ (5:57)
اے ایمان والوں! جن لوگوں کو تم سے پہلے کتابیں دی گئی تھیں ان کو اور کافروں کو جنہوں نے تمہارے دین کو ہنسی اور کھیل بنا رکھا ہے دوست نہ بناؤ اور مومن ہو تو خدا سے ڈرتے رہو (5:57)
O ye who believe! take not for friends and protectors those who take your religion for a mockery or sport,- whether among those who received the Scripture before you, or among those who reject Faith; but fear ye Allah, if ye have faith (indeed).‎ (5:57)
عَسَى اللَّهُ أَنْ يَجْعَلَ بَيْنَكُمْ وَبَيْنَ الَّذِينَ عَادَيْتُمْ مِنْهُمْ مَوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَحِيمٌ (60: 7
عجب نہیں کہ خدا تم میں اور ان لوگوں میں جن سے تم دشمنی رکھتے ہو دوستی پیدا کردے۔ اور خدا قادر ہے اور خدا بخشنے والا مہربان ہے (60: 7
It may be that Allah will grant love (and friendship) between you and those whom ye (now) hold as enemies. For Allah has power (over all things); And Allah is Oft-Forgiving, Most Merciful.‎ (60: 7

________________________________________________

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ 60: 8
جن لوگوں نے تم سے دین کے بارے میں جنگ نہیں کی اور نہ تم کو تمہارے گھروں سے نکالا ان کے ساتھ بھلائی اور انصاف کا سلوک کرنے سے خدا تم کو منع نہیں کرتا۔ خدا تو انصاف کرنے والوں کو دوست رکھتا ہے 60: 8
Allah forbids you not, with regard to those who fight you not for (your) Faith nor drive you out of your homes, from dealing kindly and justly with them: for Allah loveth those who are just.‎ ( 60: 8

________________________________________________

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ ۚ وَمَنْ يَتَوَلَّهُمْ فَأُولَئِكَ هُمُ الظَّالِمُونَ (60:9)
خدا ان ہی لوگوں کے ساتھ تم کو دوستی کرنے سے منع کرتا ہے جنہوں نے تم سے دین کے بارے میں لڑائی کی اور تم کو تمہارے گھروں سے نکالا اور تمہارے نکالنے میں اوروں کی مدد کی۔ تو جو لوگ ایسوں سے دوستی کریں گے وہی ظالم ہیں (60:9)
Allah only forbids you, with regard to those who fight you for (your) Faith, and drive you out of your homes, and support (others) in driving you out, from turning to them (for friendship and protection). It is such as turn to them (in these circumstances), that do wrong

راجہ اکرام

گوہر بھائی
ان آیات سے جو مجموعی پیغام نکلتا ہے اس کو بھی اگر اختصار کے ساتھ عرض کر دیں تو سب کے لئے مفید ہوگا ۔
و السلام

گوہر

یہاں کسی عالم سے مذید وضاحت کی ضرورت ہے تاکہ اپنا موقف بیان کرنا آسان ہو

راجہ اکرام

گوہر بھائی
آیات آپ نے ذکر کی ہیں، تو آپ نے جو پیغام اخذکیا ہے وہ ذکر کریں گے تو پھر دیگر اپنی آراء آسانی سے دے سکیں گے۔کیا خیال ہے؟

راجہ اکرام

امن کی آشا کو حکمران کس حد تک سنجیدگی سے لے رہے ہیں؟
امن کشمیر تنازع سے مشروط ہے: زرداری

عدنان دانی

وقت ضایع کرنے کے علاوہ کچھ بھی نہیں ہوگا۔۔۔۔۔۔۔۔۔۔

ابو عمار

یہ بھی مجھے پرانی چالیں ہی لگتی ہیں۔ بلکہ مشرف دور میں جو آزاد خیالی اور بھارت کی طرف روابط بڑھانے کی کوششیں ہوئی تھیں یہ انہی کا اگلا قدم ہے۔ ابھی تک کی جتنی بھی کوششیں ہوئی ہیں ان سے دونوں ممالک میں کس حد تک امن ہوا ہے۔ اتنے لاکھوں کروڑوں خرچ کرنے کے بعد کیا پاکستان اور بھارت میں عام شہری آرام سے آ جا سکتا ہے۔ کیا ابھی تک کی امن کوششوں سے پاکستان کی اکانومی میں کوئی اضافہ ہوا ہے۔ کیا یہ دونوں ملک اتنے پرامن ہوچکے ہیں کہ انہوں نے اپنے دفاعی بجٹ میں کمی کر کے پیسے اپنی عوام پر لگانا شروع کردیے ہیں۔

ہاں ہوا ہے تو یہ ہوا ہے کہ پاکستان میں ہندی میڈیا کا راج ہوگیا ہے۔ ہر جگہ آپ کو ہندی اداکاروں کی غیر اخلاقی تصاویر نظر آئیں گی۔ ہر سینما میں ہندی فلمیں لگنا شروع ہوگئی ہیں۔ ہندوستان کے ناچنے گانے والے یہاں آتے ہیں اور لاکھوں کما کر لے جاتے ہیں اور یہاں کے ناچنے گانے والے وہاں جاتے ہیں اور ان کو کچھ بھیک مل جاتی ہے بلکہ کئی کے تو پیسے ہی پھنس جاتے ہیں اور ملتے ہی نہیں ہیں۔ ان کے اداکار یہاں آتے ہیں تو ایسا لگتا ہے کہ کوئی آسمانی مخلوق زمین پر اتر آئی ہے اور یہاں کے اداکار وہاں جاتے ہیں تو الٹا انہیں دھمکایا جاتا ہے۔ ہاں یہ کہہ سکتے ہیں کہ ہم غیور پاکستانی، ہندوستان میڈیا کے لیے اور ان کے کلچرکو اپنانے کے لیے بہت پرامن ہوچکے ہیں۔

مجھے تو یہ سب کاروباری ذہنوں کی کاروباری چالوں کے سوا کچھ نہیں لگتا۔ جنگ گروپ کو اپنا کاروبار چلانے کے لیے کچھ چاہئیے، اگلے امن معاہدے تک بہت سارے ناچ گانے چلانے کو مل جائیں گے، کچھ عرصے اور کاروبار اچھا چلنے لگے گا۔

ابو عمار

--------------------

ام طلحہ

بات ساری نیت کی ہے، اگر انڈیا کی نیت پاکستان کے ساتھ پر امن تعلقات کی ہوتی تو کسی پل کی ضرورت نہ پڑتی ۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

یاسر عمران مرزا

بہترین قسم کا تجزیہ ہے، میں آپ کی باتوں‌سے اتفاق کرتا ہوں ۔