پاکستانی

وہ بھی خفا ہیں مجھ سے خفا ہے زمانہ بھی

وہ بھی خفا ہیں مجھ سے خفا ہے زمانہ بھی
آیا نہ راس دوستو دل کا لگانا بھی
کہتے ہیں ہنس کے ملنے کی فرصت نہیں مجھے
اُن کی طرح حسین ہے أن کا بہانہ بھی
اک میں ہی معترض نہیں اُن کی جفاؤں پر
اس بات کے خلاف ہے سارا زمانہ بھی
اوروں کے فصلِ گُل میں جلے تھے نہ آشیاں
پھونکا تھا بجلیوں نے میرا آشیانہ بھی
ہو جس کو نا ز تیرِ نظر پر بہت مجاز
وہ آزما کے دیکھ لے اپنا نشانہ بھی

__________________