اکرام

اسلام علیکم دوستو !!!


لینکس کا ماحول یقیناً ونڈوز سے کافی مختلف ہے.. ونڈوز میں آپ کچھ بھی حذف کردیں آپ کو کوئی روکنے ٹوکنے والا نہیں ہے.. جبکہ لینکس میں معاملہ کچھ مختلف ہے.. لینکس میں آپ ایسا نہیں کرسکتے جب تک کہ آپ 'روٹ' نہ ہوں.. اور جنہیں 'روٹ' کا نہیں پتہ انہیں بتاتا چلوں کہ یہ وہ خیالی آدمی ہے جس کا یونکس سسٹمز پر پورا قبضہ اور کنٹرول ہے.. یعنی یہ بادشاہ آدمی ہے.. جب چاہے جو چاہے کرڈالے اسے کوئی روکنے ٹوکنے والا نہیں ہے..

تو جناب اگر آپ 'روٹ' نہیں ہیں تو آپ 'ہوم' ڈائریکٹری سے باہر صرف یوزر ہی ہیں مالک قطعی نہیں.. یعنی آپ صرف مال مواد دیکھ کر خوش ہوسکتے ہیں انہیں بدلنے یا حذف کرنے کا اختیار آپ کو بالکل بھی نہیں ہے.. اگر آپ ہر چیز کے مالک بننا چاہتے ہیں تو آپ کو بطور روٹ لاگ ان کرنا ہوگا.. بعض لینکس سسٹمز میں روٹ کا اکاؤنٹ بند ہوتا ہے جسے خود کھولنا پڑتا ہے.. جس پر ہم بعد میں سورج کی روشنی ڈالیں گے..

لیکن بہر صورت اگر آپ کو سسٹم کی فائلوں میں کچھ تبدیلیاں کرنی ہیں تو آپ کو لاگ آؤٹ کر کے اور سارا کام دھندا روک کے دوبارہ بطور روٹ لاگ ان کرنا ہوگا چاہے یہ کام کتنا ہی معمولی کیوں نہ ہو.. اس عمل سے بعض اوقات کافی کوفت ہوتی ہے.. لیکن ہم یہاں اس کا حل پیش کرنے جارہے ہیں.. اگرچہ یہ طریقہ ابنٹو کے لئے لکھا گیا ہے مگر اسے عریبین لینکس پر بھی کامیابی سے آزمایا جاچکا ہے جس سے ظاہر ہوتا ہے کہ یہ تقریباً ہر ڈسٹرو کے لئے مفید ہے..

اگر آپ ابنٹو جو گنوم (Gnome) پر مبنی ہے استعمال کر رہے ہیں تو اپنے کیبورڈ سے Alt-F2 دبائیں اس سے رن کمانڈ کا ڈائیلاگ ظاہر ہوگا اس میں یہ لکھیں:

کوڈ: تمام منتخب کیجیے
gksudo nautilus



اگر آپ کے بنٹو جو کے ڈی ای (KDE) پر مبنی ہے استعمال کر رہے ہیں تو اپنے کیبورڈ سے Alt-F2 دبائیں اور ظاہر ہونے والے ڈائیلاگ میں یہ لکھیں:

کوڈ: تمام منتخب کیجیے
kdesu konqueror



اگر آپ ایکس ابنٹو جو ایکس فیس (XFCE) پر مبنی ہے استعمال کر رہے ہیں تو اپنے کیبورڈ سے Alt-F2 دبائین اور ظاہر ہونے والے ڈائیلاگ میں یہ لکھیں:

کوڈ: تمام منتخب کیجیے
gksudo thunar



اس کے فوراً بعد ہی آپ سے پاس ورڈ طلب کیا جائے گا چنانچہ آپ اپنے اکاؤنٹ کا پاس ورڈ لکھ دیں... لیکن سوال یہ ہے کہ اس عمل سے ہوگا کیا..؟؟

تو جناب ہوگا یہ کہ اس سے فوراً ہی ایک ونڈو کھل جائے گی جسے بجا طور پر ہم 'روٹ کی ونڈو' کہہ سکتے ہیں.. اب آپ اس ونڈو میں روٹ کے تمام تر حقوق رکھتے ہیں اور اس ونڈو میں رہتے ہوئے آپ جو بھی کریں گے آپ کو قطعی نہیں روکا جائے گا.. اور جیسے ہی آپ نے یہ ونڈو بند کی آپ واپس اپنی سابقہ حیثیت میں واپس آجائیں گے...

اس کا فائدہ یہ ہے کہ آپ کو کسی قسم کی تبدیلی کرنے کے لئے اپنا سارا کام چھوڑ کر دوبارہ سے بطور 'روٹ' لاگ ان ہونے کی ضرورت نہیں ہے.. آپ فوراً ہی اپنے اکاؤنٹ میں رہتے ہوئے روٹ بن جاتے ہیں اور دوبارہ لاگ ان کرنے کی کوفت سے بچ جاتے ہیں۔۔

بشکریہ
اردو کوڈرز

زبیر اسد

[IMG]khanzakik@gmail.com[/IMG]

عرفان حیدر

سلام

ویسے فیڈورا میں ٹرمینل کھولیں اور وہاں su لکھ کرانٹر کردیں، پاسورڈ دینے کے بعد آپ root بن جائیں گے۔ کام مکمل کرنے کے بعد exit لکھ کر باہر آجائیں۔

وسلام

منتظمین

ایک پرانے اور نئے ایڈمن میں‌یہ فرق ہوتا ہے کہ پرانا ہمیشہ su ہی کرتا ہے اور نیا کام کا آغاز ہی روٹ سے۔۔۔۔ جو کہ ایک بہت ہی خراب عادت سمجھی جاتی ہے۔
اپ نے بہت ہی عمدہ موضوع لکھا ہے۔۔

والسلام

__________________
تم سپاہی نہیں ہو پیشہ ور قاتلو!

اکرام

شکریہ آپ سب کا

محمد علي مکي

اطلاعاً عرض ہے کہ یہ مضمون اکرام صاحب کا نہیں بلکہ میرا ہے..

جن پہ تکیہ تھا وہی پتے ہوا دینے لگے..

امید ہے اس اطلاع پر کوئی ناراض نہیں ہوگا..

واللہ الموفق

عبدالقدوس

جنابِ من اگر آپ اپنے فیض سے فیض یاب نہیں فرمائیں گے تو کوئی نا کوئی تو اس روایت کو قائم
رکھنے کی کوشش کرگا نا

__________________

محمد علي مکي

فیض یاب تو وہاں بھی ہوا جاسکتا تھا جہاں کا یہ مضمون ہے..!؟ حوالہ دینے میں صاحب کی شان میں کون سی کمی آجاتی..؟؟

عبدالقدوس

بجا ارشاد فرمایا حضرت۔ ویسے اگر آپ خود وہ حوالہ عنایت فرما دیں تو میں داخل کیئے دیتا ہوں

محمد علي مکي

روابط شامل کرنے میں کوئی مسئلہ ہے شاید.. ذاتی پیغام ہی رہ گیا ہے..

عبدالقدوس

حضرت حوالہ شامل کردیا گیا ہے

منتظمین

مکی بھائی اپ اکرام سے بات کیوں نہیں کرتے کہ حوالے کے بغیر کیوں پوسٹ کی۔ ہمارے پاس تو دن میں 500 سے 600 پوسٹ آتی ہے۔ ہم کس کس کا حوالہ تلاشتے پھریں۔

والسلام

محمد علي مکي

شکریہ قبلہ.. بہت ممنون..

محمد علي مکي

قبلہ آپ کی بات بجا ہے یہ کام نا ممکن نہیں تو مشکل ضرور ہے.. مجھے بھی نہیں معلوم تھا.. کسی نے مجھے مطلع کیا تھا.. میں اپنی پوسٹس کی بابت بات کرنے کا حق محفوظ رکھتا ہوں باقی لوگ اپنی جانیں..

منتظمین

اپ نے بجا فرمایا ہے۔ ایک بڑا فورم ہونے کے اگر فوائد ہیں تو کچھ نقصانات بھی ہوتے ہیں جن میں ایسی باتوں کو وقوع پذیر ہونا ممکن ہوتا ہے۔ عبدالقدوس نے پہلے ہی مسلہ کا تدارک کر دیا ہے۔ اگر اپ پھر بھی کہتے ہیں تو ہم موضوع ہی خذف کرنے کے لیے بھی تیار ہیں۔

ہم اپکے پہلے لگائے ہوئے داغ ہی ابھی تک نہیں دھو پائے۔۔۔۔۔