منتظمین

سلام!
سب سے عمدہ اور متفق قران کا ترجمہ درکار ہے؟ کوئی ان لائن یا پھر اف لائن ترجمہ کا نام درکار ہے۔

والسلام

__________________
تم سپاہی نہیں ہو پیشہ ور قاتلو!

عبداللہ حیدر

السلام علیکم
عمدہ کی بات تو تھوڑی مشکل ہے، ہر ترجمے کی اپنی خوبیاں ہیں۔ البتہ حافظ نذر احمد صاحب کا ترجمہ متفق علیہ ہے۔ انہوں‌ نے بریلوی، دیوبندی اور اہل حدیث علماء سے اس کے درست ہونے کی تصدیق کرائی ہے۔ یہی ترجمہ ہے جو اس وقت پاکستان کے سکولوں میں میٹرک تک پڑھایا جاتا ہے۔ تصویری شکل میں آن لائن موجود ہے۔ لنک یہ ہے۔
http://www.understandquran.com/translation/urdu.html
والسلام علیکم

منتظمین

اسکا یونی کوڈ ہے؟ اگر ہے تو کیا ڈونلوڈ کیا جا سکتا ہے؟

عبداللہ حیدر

یونی کوڈ نہیں ہے۔ البتہ پی ڈی ایف فارمیٹ میں اسی ویب سائٹ سے ڈاون لوڈ کیا جا سکتا ہے۔

منتظمین

اگر یونی کوڈ کرنا ہو تو اپ لوگ کیا مدد کر سکتے ہیں۔۔۔
یہ دیکھیں
http://quran.pak.net/
میں‌اس میں یہ والا ترجمہ ڈالنا چاہتا ہوں۔ اس سلسلے میں اپ سب کے تعاون کا طالب ہوں۔

عبداللہ حیدر

میں نے کچھ عرصہ قبل فاروق صاحب سے گزارش کی تھی کہ اوپن برہان میں اس ترجمے کو شامل کر لیں لیکن مسئلہ وہی یونی کوڈ کا ہے۔ کئی سال سے تراجم اور تفاسیر کو یونی کوڈ میں منتقل کرنے کا کام جاری ہے لیکن یہ کام سست روی کا شکار ہے۔ اوپن برہان پر بے انتہاء محنت کی گئی ہے۔ اللہ ان صاحبان کو جزائے خیر جنہوں نے اس کار خیر میں‌ حصہ لیا لیکن چند کمیاں باقی ہیں جس کی وجہ سے بہت سے لوگ اسے استعمال کرتے سے کتراتے ہیں۔ بڑی وجہ یہ ہے کہ اس میں اردو زبان کے اہم تراجم شامل نہیں کیے جا سکے۔ مندرجہ ذیل تراجم شامل ہو جائیں تو یہ ایک لاجواب حوالہ جاتی ویب سائٹ بن سکتی ہے۔
1۔ محمود الحسن صاحب کا ترجمہ جو تفسیر عثمانی کے ساتھ شائع ہوا۔
2۔ مودودی صاحب کا ترجمہ
3۔ دارالسلام کا شائع کردہ جدید ترجمہ قرآن جو تین علماء نے کیا ہے۔ اہل حدیث مکتبہ فکر کا اس سے اچھا ترجمہ میری نظر سے نہیں گزرا۔ جونا گڑھی صاحب کا ترجمہ کافی مشہور ہے لیکن ضرورت سے زیادہ بامحاورہ ہونے کی وجہ سے اس میں قرآنی متن سے بُعد پیدا ہو گیا ہے جس کا اعتراف خود پبلشر کو بھی ہے۔
4۔ حافظ نذر احمد صاحب کا ترجمہ
5۔ اشرف علی تھانوی صاحب کا ترجمہ جو بیان القرآن کے ساتھ شائع ہوا۔
6۔ محمد جونا گڑھی صاحب کا ترجمہ
7۔ عبد الرحمٰن کیلانی صاحب کا ترجمہ
میری دیانتدارانہ رائے ہے کہ یہ کام فری لانسرز کے بس سے باہر ہے۔ اگر اسے واقعی پایہ تکمیل تک پہنچانا ہے تو پروفیشنل انداز اپنانا ہو گا۔ اور بہترین حل یہ ہے کہ اجرت دے کر تراجم کو ٹائپ کرا لیا جائے ورنہ اس پراجیکٹ کا بھی وہی حال ہو گا جو دوسرے فورمز پر ہو چکا ہے۔ میرا خیال ہے کہ یہ کام زیادہ سے زیادہ چار پانچ ہزار روپے میں ہو سکتا ہے۔اور اتنی رقم کا بندوبست کرنا مشکل نہیں‌ہے۔
والسلام علیکم

منتظمین

2-3 ہزار میں بھی دے سکتا ہوں۔ اپ یہ دیکھیں کہ مارکیٹ میں پروف ریڈ کے ساتھ نذر صاحب کے ترجمے کو کتنے میں حاصل کیا جا سکتا ہے اور کتنا وقت درکار ہو گا۔

عبداللہ حیدر

بامحاورہ ترجمہ A4سائز کے تقریبا تین سو صفحات میں آ جاتا ہے۔ 14 پوائنٹ سائز میں۔
2،3 ہزار ان شاء اللہ میں کر دوں گا۔

عبدالقدوس

میرا خیال ہے کہ اس ترجمہ کے ناشر سے رابطہ کیا جائے شاید وہ فائل دینے پر آمادہ ہو جائیں

__________________

میاں شاہد

مشکل ہے کوئی بھی پبلشر اپنی فائل نہیں‌دیتا البتہ اگر جان پہچان ہو تو کام ہوجاتا ہے ورنہ آپ اسے رقم کی آفر کریں تب بھی نہیں مانے گا

__________________

محمدخلیل

بھائی جان اگر میری بات مانے۔ تو علامہ طاہر القادری صاحب کا عرفان القران سب سے اچھا ترین ہے اور یہ یونی کوڈ میں بھی۔۔
پلیز اگر آپ خود اور ہمیں خوش کرنا چاہتے ہیں تو یہ استعمال کر لیں۔
minhaj.quran.org شکریہ

__________________
جب تک میری انفریکشن ختم نہیں ہوگی میں فورم میں نہیں آونگا۔

منتظمین

طاہر القادری کا پہلے سے موجود ہے۔ لیکن کچھ فرقے اس پر متفق نہیں‌ہیں۔ نذر صاحب کے ترجمے پر اکثر فرقے متفق ہیں۔
یار اتنے لوگ ہیں اگر ایک شخص ایک پارہ ہی مدون کر دے تو 10 سے پندرہ دنوں میں مکمل ہو جاتا ہے یہ ترجمہ۔

وسیم

2 سے 3 ہزار تک میں بھی کر دو گا انشاء اللہ ۔

منتظمین

تو اس طرح ہمارے پاس ہوئے
منتظمین 2000
عبداللہ حیدر 3000
وسیم 3000
کل 8000

کوئی اور صاحب جو اس میں حصہ ڈالنا چاہیے؟

وسیم

اگر کوئی کمی بیشی ہوئی تو انشاء اللہ وہ بھی کر دو گا ۔۔ بس آپ یہ نیک کام جلد سے جلد شروع کریں۔۔