عبدالقدوس

برلن (مانیٹرنگ ڈیسک) فلم دی کوئن میں ملکہ ایلزبتھ دوم کا کردار ادا کرنے والی اداکارہ ڈیمی ہیلن میرن کو بہترین اداکارہ کا یورپی فلم اکیڈمی ایوارڈ دیا گیا ہے۔ لیکن 6 شعبوں میں ایوارڈ حاصل کرنے کے باوجود یہ فلم رومانیہ کے ڈرامہ فلم ” چار ماہ تین ہفتے دو دن“ کے مقابل بہترین فلم کا ایوارڈ حاصل کرنے میں کامیاب نہیں ہوسکی۔ کم بجٹ کی اس رومانوی فلم کے ڈائریکٹر کرسٹین منگیو کو بہترین ڈائریکٹر کا اعزاز بھی دیا گیا ہے۔ بہترین اداکار کا ایوارڈ اسرائیلی اداکار سیسون گیبی کو فلم ” دی بینڈز وزٹ“ پر دیا گیا ہے۔ دی بینڈز وزٹ ایک مزاحیہ فلم ہے اور اس کے ڈائریکٹر ایرن کو لورنن ہیں۔ فلم مصر کے ایک بینڈ کے بارے میں ہے ایک اسرائیلی راستہ بھول جاتا ہے۔ عوام کی پسندیدگی کا ایوارڈ اطالوی ڈائریکٹر گیوسپی تور نا توری کو فلم ”دی ان نون“ پر حاصل ہوا۔ اس سال یورپی فلم ایوارڈ کی تقریب میں فرانسیسی ہدایتکار ژاں لوئی گودارد کو لائف ٹائم اچیومنٹ ایواردیا گیا۔ تقریب میں اعلان کیا گیا کہ ایوارڈ کی آئندہ تقریب کوپن ہیگن میں ہو گی۔

__________________