عبدالقدوس

ہند و پاک میں بھائی چارے اور امن کا ایک بڑا قدم رفیع پیر تھیٹر کی پیش کش

امرتسر سانجھ فیسٹیول میں پاکستان سے حصہ لینے والے فنکار ثریا خانم، عارف لوہار اور گروپ، اریب اظہر، اکمل قادری اور وارث علی بلو ہیں۔ فیسٹیول کی ٹیم کو عثمان پیرزادہ لیڈ کریں گے۔ فیسٹیول کوآرڈی نیٹر سہراب خان اور مینجمنٹ ٹیم میں انم پیرزادہ، عثمان فضل اور ریاض خان جیلانی ہیں۔ اس فیسٹیول کو پچھلے چند سالوں میں بہت مقبولیت حاصل ہوئی ہے۔ اس کا مقصد پنجاب کے دونوں حصوں کے لوگوں میں بھائی چارہ پیدا کرنا پنجابی کلچر، لٹریچر اور آرٹ کو فروغ دینا ہے اور اس طرح اس سارے خطے میں یہ امن اور دوستی کا بہت بڑا قدم اور پیغام ہے۔ اس فیسٹیول کو 2004ء میں شروع کیا گیا تھا۔ اسے دو حصوں میں تقسیم کیا جاتا ہے اس کا ایک حصہ لاہور میں اور دوسرا حصہ امرتسر میں ہوتا ہے۔ اس فیسٹیول میں پنجاب کی موسیقی اور تھیٹر سننے اور دیکھنے کو ملتے ہیں۔ جس میں صوفی، فوک اور کلاسیکل نمایاں ہیں۔ اس فیسٹیول نے بہت سے دوسرے Ngo کو بھی مختلف انداز میں مزید دوستی اور بھائی چارے کی روایات قائم کرنے کی طرف مائل کیا ہے۔ سانجھ فیسٹیول آنے والے وقت میں پنجابی کلچر کا ایک مثالی فیسٹیول بنے گا۔

__________________