محمدعدنان

بالی وڈ میں چند ہستیاں ہی ایسی ہیں جنہیں خوش بختی کی علامت کے طور پر سمجھا جاتا ہے، ان میں ایک رانی مکھرجی تھیں، جنہوں نے کرن جوہر کی فلم ”کچھ کچھ ہوتا ہے“ میں کام کرکے یہ اعزاز حاصل کیا تھا،وہ فلمسازوں کے لئے سونے کی کان بن گئیں تھیں، بعد ازاں قرعہ فال معصوم صورت ودیا بالن کے نام نکلا جنہوں نے مسلسل کامیاب فلمیں دیکر باکس آفس پر دھوم مچادی اور خوش قسمتی کی دیوی بن گئیں انہوں نے ”گرو“ ”ایکلاوا“ لگے رہو منا بھائی“ ”ہے بے بی“ اور ”بھول بھلیاں“ میں بے مثال کردار ادا کرکے یہ اعزاز حاصل کیا اور اب کترینہ کپور جنہوں نے خوش بختی کی دیویوں میں اپنی جگہ بنالی ہے، انہوں نے گزشتہ سال ”پارٹنر“ ”اپنے“ ”نمستے لندن“ اور ”ویلکم“ میں بے مثال کردار نگاری کرکے باکس آفس پر فتح حاصل کرلی، حالیہ ریلیز فلم ”ریس“ بھی نئی نئی کامیابیاں حاصل کر رہی ہے، انہوں نے مرکزی کردار ہویا ثانوی رول ہر جگہ اپنی مہارت کا مظاہرہ کیا اور فلمسازوں کی ”ڈارلنگ بن گئیں“ آج وہ خوش بختی کا جھومر سجائے مزید ترقی کی طرف گامزن ہیں۔

__________________