عبدالقدوس

بھارت کے ممتاز فلمی ستاروں کے ایک درجن سے زائد بچے اس سال فلمی دنیا میں قدم رکھیں گے۔ اس طرح بعض خاندانوں کی تیسری نسل خاندانی روایات کو آگے بڑھائی گی۔ ان نوواردان میں صرف اداکاری کے شعبے میں ہی آگے نہیں بڑھے بلکہ وہ موسیقی اور دیگر فنی شعبوں میں بھی کارکردگی دکھا رہے ہیں مگر ان میں بھی تفریق اعلیٰ شخصیات کی اولاد جو سونے کا چمچہ منہ میں لیکر پیدا ہوئی ہے، مواقع کی کمی نہیں ہوتی اس کے برعکس کم اہمیت کے بچوں کو زیادہ جدوجہد کرنی ہوتی ہے مگر وہاں ایسی بھی مثالیں ہیں جہاں ذاتی جدوجہد اور محنت سے لوگوں نے خود کو منوایا ان میں امیتابھ بچن اور شاہ رخ خان اس کی مثال ہیں۔ اس کے برعکس رشی کپور کے صاحبزادے رنبیر کپور کو سارا اسٹیج تیار ملا اور ایک بہت بڑے فلمساز ادارے کی فلم ان کے نام لکھی گئی۔ وہ تھی ”سانوریا“۔ کپور خاندان میں یہ سلسلہ پرتھوی راج سے شروع ہوا جبکہ صاحبزادوں راجکپور، شمی کپور اور رشی کپور نے کامیابیاں حاصل کیں۔ جن میں راجکپور نے سب سے زیادہ کامیابیاں سمیٹیں جبکہ شمی اورششی کپور نے بھی اپنے اپنے میدانوں میں کامیابیاں سمیٹیں۔ اس کے علاوہ دھرمیندر اور ہیما مالنی کی صاحبزادی، شرمیلا ٹیگور کی صاحبزادی اور صاحبزادے بھی فلمی دنیا میں دھوم مچا رہے ہیں۔

__________________