عبدالقدوس

ہدایتکار شاہد ظہور نے چبھن اور بنت آدم کے بعد پروڈیوسر یامین ملک کے ساتھ مل کر نئی ڈرامہ سیریل بنانے کا اعلان کیا ہے ان دنوں مذکورہ ڈرامہ سیریل کی سکرپٹنگ پر کام جاری ہے جبکہ کاسٹنگ کا کام آئندہ ماہ سے شروع کر دیا جائے گا بتایا گیا ہے کہ 50 منٹ دورانیے کی اس ڈرامہ سیریل کی کہانی مصنف و شاعر وصی شاہ لکھ رہے ہیں اس ضمن میں ہدایتکار شاہد ظہور نے جنگ سے گفتگو کرتے ہوئے بتایا کہ اپنی تمام ڈرامہ سیریلز میں معاشرے کے اصلاحی پہلوؤں کو اجاگر کرنے کی کوشش کی ہے اسی طرح نئی سیریل میں بھی مختلف مسائل کو موضوع بنایا جائے گا۔ انہوں نے بتایا کہ اس سیریل میں سینئر فنکاروں کے ساتھ ساتھ نئے فنکاروں کو بھی کام کرنے کے مواقع فراہم کیے جائیں گے جبکہ سیریل کی باقاعدہ ریکارڈنگز کا آغاز دسمبر میں کیا جائے گا۔ شاہد ظہور نے کہا کہ یامین ملک کا شمار ملک کے منجھے ہوئے ڈرامہ پروڈیوسرز میں ہوتا ہے مجھے یقین ہے کہ ان کے ساتھ مل کر ایک شاہکار سیریل تخلیق کرنے میں کامیاب ہو جاؤں گا۔

__________________