عبدالقدوس

سنگیتا نے صومی علی کو ڈرامہ سیریل کے لیے سائن کرلیا

ممتاز اداکارہ صومی علی فلموں کے ساتھ ساتھ اب ٹی وی پر بھی کام کریں گی۔ فلمساز و ہدایتکارہ سنگیتا نے بھارت روانگی سے قبل صومی علی کو اپنی آئندہ سیریل ”لاکھوں میں ایک“ میں مرکزی رول کے لیے کاسٹ کرلیا۔ صومی علی نے جنگ کو غیر رسمی گفتگو میں بتایا کہ ہدایتکارہ اداکار شان کی فلم ”بھیگے ہونٹ“ کی فلمبندی کے دوران مجھے سنگیتا نے اپنی آئندہ فلم اور سیریل میں کاسٹ کرنے کی آفر کی تھی اب بھارتی فیسٹیول میں روانگی سے قبل انہوں نے مجھے لاہور بلوایا اور اپنی سیریل اور فلم کے لیے باقاعدہ معاہدہ کیا ہے۔ صومی علی نے مزید کہا کہ جیو کی فلم ”خدا کے لیے“ اور اب پنجابی فلم ”محبتاں سچیاں“ کے بعد فلمسازوں میں اعتماد بحال ہوگیا ہے اور مایوسی ختم ہو رہی ہے۔ جیو نے فلم انڈسٹری کے احیاء کے لیے جس طرح مثبت انداز میں کام کیا ہے اس کے حوصلہ افزا نتائج سامنے آرہے ہیں، ایکٹر اور ایکٹریس بھی زیادہ بہتر ماحول میں کام کر رہے ہیں۔

__________________