عبدالقدوس

لاہور (کلچرل ڈیسک) اداکارہ نرگس نے ایک اور پنجابی فلم ”بلو 302“ کے نام سے بنانے کا اعلان کر دیا۔ واضح رہے کہ وہ ”سوہا جوڑا“ جیسی منفرد موضوعاتی میوزیکل فلم بنا کر فلمسازی کے میدان میں کامیابی سے قدم رکھ چکی ہیں جبکہ عیدالفطر پر بھی ان کی ایک اور فلم ”غنڈی رن“ نے اچھا ریسیپشن لیا ہے اپنی مذکورہ بالا کامیابیوں کا سلسلہ آگے بڑھاتے ہوئے نرگس نے ”بلو 302“ کے نام سے بھی فلم شروع کرنے کا فیصلہ کیا ہے جس کی ہدایات پرویز رانا دیں گے۔ یہاں پر یہ امر قابل ذکر ہے کہ نرگس کی والدہ کوثر پروین بلو کے نام سے عزیز و اقارب اور جان پہچان والوں میں مصروف ہیں اور وہ ایک ملنسار اور ہنس مکھ خاتون ہیں اور نرگس نے اپنی والدہ کے نام کی شہرت کو اسی نام سے فلم بنا کر کیشن کروانے کا فیصلہ کر لیا ہے جبکہ بحیثیت فلمساز نرگس کی ایک فلم ”سہاگن“ بھی آن سیٹ ہے جس میں شان اور صبا کاظمی نمایاں کردار ادا کر رہے ہیں۔ فلمی حلقوں کا کہنا ہے کہ ان کی نئی فلم ”بلو 302“ کی کہانی ان کی والدہ کی ذاتی زندگی سے متاثر ہو کر لکھی جا رہی ہے۔ دلچسپ امر یہ ہے کہ نرگس مقامی تھیٹر میں ایک اسٹیج پلے ”سیاں چھوڑ کے نہ جا“ میں بھی کام کر رہی ہیں اور یہ اسٹیج ڈرامہ انکی زیرنمائش فلموں کے عین سامنے واقع تھیٹر میں زیرنمائش ہے۔

__________________