عارف اقبال

نوروز

فارسی کے اس لفظ کا لغوی معنی ہے ‘‘نیا دن‘‘ ۔ نوروز سال نو اور بہار کا ایک ساتھ استقبال ہے اور یہ دن مغربی چین سے ترکی تک کروڑوں لوگ 20 مارچ کو مناتے ہیں۔ نوروز شمسی سال کے آغاز اور بہار کی آمد کا جشن بھی ہے اور پورا ایران، افغانستان، تاجکستان،ازبکستان، پاکستان، بھارت کے کچھ حصوں اور شمالی عراق اور ترکی کے کچھ علاقوں میں کیلنڈر سال کا نقطہ آغاز بھی-


لوگ جشن کے اس وقت پر ایک دوسرے کو مبارک باد دیتے اور زور شور سے گاتے بجاتے ہیں اور اسے عید کے تہوار کی طرح منایا جاتا ہے اور اس کے ساتھ آنے والے نئے سال میں سلامتی اور ترقی کی دعائیں کی جاتی ہیں۔

نوروز

ماہر فلکیات کے لیے اب نوروز کے بالکل صحیح وقت کا تعین کرنا بھی ممکن ہوگیا ہے
اہل تشیع کے ہاں روایت ہے کہ اسی نوروز کے دن بارہویں امام حضرت مہدی ابن العسکری دنیا میں ظہور فرمائیں گے

اور اسی طرح اسلامی تاریخ میں تقویم کے اعتبار سے نوروز ہی کا دن ہے جب پہلی بار دنیا میں سورج طلوع ہوا،درختوں پر شگوفے پھوٹے،حضرت نوح کی کشتی کوہ جودی ہر اتری اور طوفان نوح ختم ہوا، نبی آخرالزمان پر نزول وحی کا آغاز ہوا،حضرت ابراہیم نے بتوں کو توڑا

کئی مسالک میں اس روز کی مخصوص عبادات بھی ہیں جن کا بنیادی وصف آنے والے سال کے لیئے خوش بختی،امن وسلامتی اور ترقی کی دعائیں مانگنا اور گزرے ہوئے وقت کے لیئے رب العزت کا شکر ادا کرنا ہے۔

اسلامی جمہوریہ ایران میں چونکہ نوروز کا تہوار سرکاری طور پر منایا جاتا ہے اور ملک بھر میں عالم تعطیل ہوتی ہے،حکومتی دفاتر پانچ دن کے لۓ بند رہتے ہیں اور لوگ دو ہفتے تک خاندان کے افراد اور دوستوں کے ساتھ تفریح کرتے ہیں اور دعوتیں اڑاتے ہیں-

ایران میں نئے سال یا نو روز کا جشن تیرہ دن تک منایا جاتا ہے اور عام تعطیل ہوتی ہے۔ ان چھٹیوں کا تیرہواں دن منحوس گردانا جاتا ہے اور خاندان کے افراد اس دن گھر چھوڑ کر باہرنکل جاتے ہیں اور پورا دن گھر سے باہر کھانے پینے اور کھیلنے کودنے میں گزار دیتے ہیں اور اس طرح وہ اپنی تعطیلات کا اختتام مناتے ہیں۔

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات

شاہ جی 90

13 کا عدد تو مغرب میں منحوس سمجھا جاتا ہے
ویسے نوروز پر کافی مفید معلومات ملیں شکریہ

نورالدین

ایک اختلافی موضوع ہے مگر معلومات کے لیے بہترین
کیا میں اس سلسلے میں چند سوالات اٹھا سکتا ہوں عید نورز کے حامیوں سے ۔؟

__________________
انسان کو زندگی میں وہی کام کرنا چاہیے جس کی اسے ضرورت ہو ۔

راجہ اکرام

بہت خوب عارف بھائی
لیکن اس دن کا تاریخی پس منظر ذکر نہیں کیا گیا ۔۔ کب شروع ہوا، اس کے سبب آغاز وغیرہ؟/
ایران میں اس دن کو جس جوش و خروش سے منایا جاتا ہے اس کی وجوہات یا فوائد کیا ہیں؟؟

__________________
محتاج اصلاح و دعا

عارف اقبال

امید ہے آپ لوگوں کو عید نوروز کا تعارف اچھا لگا ہے اور مزید معلومات یہ ہے کہ نوروز وہ دن ہے جو اگلے سال کا آغاز اس دن سے ہے ۔فارس تہذیب کی حامل اقوام ""عید نوروز "" کو بڑے پر جوش انداز میں مناتی ہیں ۔

نۓ سال کے آغاز کی خوشی میں ایران اور فارس تہذیب کی حامل اقوام آباد اپنی تاریخی روایات کے مطابق اس روز کو ایک تہوار کے طور مناتی ہیں ۔


عید نوروز کا تہوار کہاں سے شروع ہوا اس کے متعلق مختلف قیاس آرائیاں ہیں ۔ بہت سی افسانوی داستانوں کے مطابق پیشدادی دور میں اس کا آغاز ہوا اور چوتھے جمشید بادشاہ نے اس کی بنیاد رکھی ۔

ایرانیوں کا نیا سال بہار کی آمد کے ساتھ شروع ہوتا ہے ۔ بہار کی آمد آمد ہوتی ہے اور ہر چیز نکھر جاتی ہے ۔ پورا سماں تازہ لگنے لگتا ہے ۔ ایران میں آریائی قوم کے آنے سے پہلے بھی عید نوروز کو ایک اہم ترین تہوار کے طور منایا جاتا تھا ۔ مھر داد بہار جو کہ ایک مشہور ایرانی تحقیق دان ہیں ، ان کا کہنا ہے کہ نوروز کی رسم صرف ایران میں ہی نہیں بلکہ اس کو ایران کے ارد گرد کے علاقوں میں بھی منایا جاتا تھا ۔ آج بھی پاکستان اور ہندوستان میں بہار کی آمد پر جشن منایا جاتا ہے کہ جس کو ""بسنت میلا "" یا ""جشن بہاراں"" کہا جاتا ہے ۔

زمانہ جاہلیّت میں جزیرہ عرب کے لوگ بھی اس تہوار کو مناتے تھے ۔ پہلوی اور مانوی دور کی تحریروں میں بھی جشن نوروز کے متعلق ذکر کیا گیا ہے ۔ شیراز میں واقع تخت جمشید پر بھی جشن نوروز کا اہتمام کیا جاتا تھا ۔ تخت جمشید کو ھخامنشی دور میں ایک مقدس مقام کا درجہ حاصل تھا ۔ ھخامنشی دور کے بادشاہ جشن نوروز کے موقع پر مختلف اقوام کے نمائندوں از جملہ مادی، عیلامی ،بابلی، خوزی، آشوری، ھندی، تونسی، آفریقائی کو جشن میں مدعو کرتے تھے یہ سب اپنے اپنے قومی لباس میں تشریف لاتے اور جشن کے موقع پر بادشاہ کو تحائف پیش کرتے تھے ۔ اشکانی اور ساسانی دور میں بھی تاریخی روایات کے مطابق جشن کا اہتمام کیا جاتا تھا ۔

ایرانی قوم عید نوروز کو سال کے سب سے بڑے تہوار کے طور پر مناتی ہے ۔ نیا سال شروع ہونے سے پہلے ہی لوگ اپنے گھروں کی صفائی شروع کر دیتے ہیں ۔ اس کو ""خانہ تکونی "" کا نام دیا جاتا ہے ۔ اس موقع پر لوگ ہر چیز نئی خریدنے کی کوشش کرتے ہیں ۔ بازاروں میں گھماں گھمی دیکھنے کو ملتی ہے ۔ ایران میں ایک دلچسپ رسم یہ ہے کہ وہ سال کے آغاز پر اپنے گھروں میں دسترخوان بچھاتے ہیں جن پر سات مختلف اور مخصوص اشیاء رکھی جاتی ہیں جن کا نام جروف تہجی کے مطابق ""س "" سے شروع ہوتا ہے ۔ اس رسم کو ""ھفت سین "" کا نام دیا جاتا ہے ۔ عام طور پر یہ سات اشیاء سیب ، سبزگھاس ،سرکہ ،گندم سے تیّار شدہ ایک غذا، ایک رسیلا پھل یا بیر، ایک سکّہ اور ادرک پر مشتمل ہوتی ہیں ۔ بعض اوقات ادرک کی بجائے کوئی مصالحہ رکھ دیا جاتا ہے ۔ بہت سے لوگ قرآن کریم کو بھی اپنے دسترخوان پر رکھتے ہیں تاکہ آنے والاسال ان کے لیۓ برکات لے کر آۓ ۔ بعض ""دیوان حافظ"" یا ""شاہنامہ فردوسی"" کو دستر خوان پر سجاتے ہیں ۔ شاعری کی ان کتابوں سے شعر پڑھنا بھی رسم کا حصّہ ہے ۔

نیا سال شروع ہونےسے پہلے ہی لوگ چھوٹے گملوں میں گندم یا کوئی دوسری سبز چیز اگاتے ہیں یا بازار سے خرید کر لاتے ہیں ۔ ان گملوں کو وہ نۓ سال کے تیرویں دن تک گھر میں رکھتے ہیں بہت سے لوگ شیشے کے برتنوں میں سنہری مچھلی بھی بازار سے لاتے ہیں۔

رہی بات اس تہوار کی افادیت کی
میرے خیال میں اس کی سب سے بڑی خوبی یہ ہے کہ سبھی خاندان آپس میں ملتے ہیں گھر کے افراد جو دوسری جگہوں میں ہیں ایک بار پھر اپنے ماں باپ کے پاس آجاتے ہیں اور جو لوگ ایک دوسرے سے ناراض ہیں وہ آشتی یا مفاہمت کرتے ہیں اوران کے در میاں از سر نو دوستی ہوتی ہے
اور خاص طور پر صلہ ارحام کی ضرورت جو اسلام میں بہت اہم ہے اس عید میں وہ ضرورت اچھی طرح پوری ہوجاتی ہے

راجہ اکرام

بہت خوب یونس عارف بھائی
بڑی ہی زبردست تحریر ہے اور آپ نے بہت ساری معلومات دی ہیں اس دن کے حوالے سے، اور میرے خیال میں یہ بہت ساروں کے لئے مفید ہو گی۔ اس سے قبل میں نے کافی کوشش کی تھی اس موضوع پر کچھ جاننے کی لکن کوئی اچھی تحریر دیکھنے کو نہیں ملی ۔

حیدر Rehan

13 کا عدد مغرب میں بھی منحوس سمجھا جاتا ہے ۔

shafresha

راجا نے ٹھیک کہا!
واقعی اس دن/تہوار کے بارے میں‌اس قسم کی معلومات مجھے بھی نہیں‌تھیں!

عادل سہیل

السلام علیکم ورحمۃ اللہ و برکاتہ ،
معلومات تو اچھی ہیں ، لیکن ان کے ساتھ ساتھ ہمیں یہ بھی یاد رکھنا ہے کہ ہم مسلمانوں کو صرف دو ہی ایسی تہوار دیے گٕے ہیں جنہیںہمارے لیے عید قرار دیا گیا ہے ، ان کے علاوہ کسی اور تیسرے کی گنجائش نہیں ،
انس ابن مالک رضی اللہ عنہُ سے روایت ہے کہ ''''' اہلِ جاھلیت (یعنی اِسلام سے پہلے مشرکوں اور کافروں )کے کھیلنے (خوشی منانے ) کے لیے سال میں دو دِن تھے ، جب رسول اللہ صلی اللہ علیہ و علی آلہ وسلم مدینہ تشریف لائے تو فرمایا ((((( کان لَکُم یَومَانِ تَلعَبُونَ فِیہِمَا وقد اَبدَلَکُم اللَّہ بِہِمَا خَیرًا مِنہُمَا یوم الفِطرِ وَیَومَ الاضحَی ::: تُم لوگوں کے لیے کھیلنے (خوشی منانے )کے دودِن تھے اور اللہ نے تُمارے اُن دو دِنوں سے زیادہ خیر والے دِنوں سے بدل دِیا ہے اور وہ خیر والے دِن فِطر کا دِن اور اضحی کا دِن ہیں))))) سنن النسائی / حدیث ١٥٥٦ / کتاب صلاۃ العیدین ،السلسۃ الاحادیث الصحیحۃ/ حدیث ۱۰۶۱ ، والسلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

عارف اقبال

وعلیکم السلام بھائی
عید میلاد النبی اور عید مبعث کے بارے میں کیا خیال ہے؟
حضور نبی رحمت صلی اللہ علیہ وآلہ وسلم کی ولادت سے بڑھ کر اﷲ کی نعمتوں میں سے کون سی نعمت ہے؟
کیا ان دنوں میں مسلمانوں کے لیے خوشیاں منانا یا مٹھائی کھلانا ٹھیک نہیں ہے؟

فیصل ناصر

نوروز کے حوالے سے ذرا اس تھریڈ پر بھی نظر ڈال لیں
نوروز
ویسے میرا خیال ہے اسے "عید" کے بجائے جشن آمد بہار کا تہوار کہنا زیادہ مناسب ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عارف اقبال

آپ نے بالکل ٹھیک کہا بھائی جشن آمد بہاراچھا نام ہے اس تہوار کے لیے
ایران میں ہر جشن کو عید کہتے ہیں

الفاظ کے پیچوں میں اُلجھتے نہیں دانا
غواص کو مطلب ہے صدف سے کہ گہر سے
علامہ اقبال

«كل يومٍ لا يعصي الله تعالي فيه فهو يوم عيد»حضرت علي عليه السلام
تمام دنوں عید ہیں اگر اس میں معصیت اور گناہ نہ ہوجائے

حیدر Rehan

اچھا یاد دلایا ۔ ۔۔ ۔

ہروہ دن عید کا دن ہے جس دن تم سے کوئی گناہ نہ ہو (حضرت علی علیہ سلام )

نورالدین

اقتباس:

انس ابن مالک رضی اللہ عنہُ سے روایت ہے کہ ''''' اہلِ جاھلیت (یعنی اِسلام سے پہلے مشرکوں اور کافروں )کے کھیلنے (خوشی منانے ) کے لیے سال میں دو دِن تھے ، جب رسول اللہ صلی اللہ علیہ و علی آلہ وسلم مدینہ تشریف لائے تو فرمایا ((((( کان لَکُم یَومَانِ تَلعَبُونَ فِیہِمَا وقد اَبدَلَکُم اللَّہ بِہِمَا خَیرًا مِنہُمَا یوم الفِطرِ وَیَومَ الاضحَی ::: تُم لوگوں کے لیے کھیلنے (خوشی منانے )کے دودِن تھے اور اللہ نے تُمارے اُن دو دِنوں سے زیادہ خیر والے دِنوں سے بدل دِیا ہے اور وہ خیر والے دِن فِطر کا دِن اور اضحی کا دِن ہیں))))) سنن النسائی / حدیث ١٥٥٦ / کتاب صلاۃ العیدین ،السلسۃ الاحادیث الصحیحۃ/ حدیث ۱۰۶۱ ،

اس مراسلے میں فراہم کردہ معلومات سے پتہ چلتا ہے کہ اہل فارس نے خلیفۂ دوم جناب عمر فاروق کی خلافت اور خالد بن ولید اور عمر بن عاص کی مجاہدانہ کوششوں کے نتیجے میں
اسلام تو طوعاً وکرہاًً قبول کرلیا
مگر اسلام ان کے حلق سے نیچے اترا نہيں ہے
وہ لوگ آج بھی اپنے پرانے مذہب کو یاد کرتے ہيں جس کا ایک ثبوت ان کا جشن نورز منانا
باوجود اس کے نبی نے زمانۂ جاہلیت کے تمام رسوم اور عقائد کو اسلام کی آمد کے ساتھ ختم کر دیا

اس سلسلے میں اور بھی کچھ کہنا چاہتا ہوں مگر پہلے آپ لوگوں کا تبصرہ در کار ہے

راجہ اکرام

ویسے تو یہ دن زرتشت مذہب کی باقیات میں سے ہے جیسا کہ بعض کا خیال ہے
اسے اسی عقیدت کے ساتھ بطور عید منانا کیسا ہے اس حوالے سے بھی ہر انسان سوچ سکتا ہے۔

لیکن میری رائے یہ ہے کہ جس طرح ایران میں یہ دن پورے جوش و خروش سے پورے ملک میں ایک ساتھ اور ایک جیسا منایا جاتا ہے اس سے یقینا ایک قومی سوچ اور حب الوطنی پیدا ہوتی ہے۔ اور اس کا مظہر ہم مختلف مواقع پر دیکھتے بھی ہیں۔

اس طرح کا دن بطور عید نہ ہی سہی لیکن کوئی بھی قومی دن ایسا ہونا چاہیئے جسے ہم بھی پورے جوش و خروش کے ساتھ ملکی سطح پر ایک ساتھ ایک جیسا منائیں تا کہ آپس کا اتفاق بڑھ سکے۔

کیا خیال ہے احباب کا