ھارون اعظم

عورت کا اصل مقام اس کا گھر ہے۔ البتہ دین کے حدود میں رہتے ہوئے باہر نکل کر ملازمت یا تعلیم سے بھی اسلام نے منع نہیں کیا ہے۔ ہاں یہ ضرور ہے کہ ملازمت کے لئے حیا کی قربانی نہ دینی پڑے۔

عبداللہ حیدر

آزادی کے نام پر خواتین کو میدان میں لانے کا کام سرمایہ داروں نے انجام دیا ہے کیونکہ انہیں مردوں سے کم معاوضہ دے کر جاب پر لایا جا سکتا تھا۔ پاکستان میں ایک ملٹی نیشنل کمپنی کے دورے کے دوران میں نے دیکھا کہ دو تین مرد سپر وائزر ہیں جن کی زیرنگرانی پچاس سے زائد خواتین کام کر رہی تھیں۔ استفسار کرنے پر بتایا گیا کہ اس جاب کے لیے مرد دس ہزار سے کم پر راضی نہیں ہوتے جبکہ اتنی رقم میں دو لڑکیاں رکھی جا سکتی ہیں۔ آزادی نسواں کا نعرہ سب سے پہلے فرانس میں لگایا گیا تھا، جس کی پشت پناہی سرمایہ داروں نے کی تھی اور یہی طبقہ زمان و مکان کی قیود سے ماوراء ہو کر آج بھی اس کی پشتیبانی جاری رکھے ہوئے ہے۔

گلاب خان

السلام علیکم ورحمۃ اللہ وبرکتہ
عورتوں کا استحصال اسلام نے ختم کیا، لیکن بدقسمتی کہ ہمارے ملک میں اب بھی اینٹیں‌ بنانے والے بھٹوں سے لے کر بڑے بڑے اداروں میں عورتوں کا استحصال جاری ہے۔ اور بدقسمتی کی بات یہ کہ ہمارے جیسے بہت سے مرد ہی عورت کا استحصال کرتے ہیں، لیکن وہ اچھے لوگ نہیں ہوتے جو عورت کو صرف ایک کمزور انسان سمجھتے ہیں، اور یہ بات بھول جاتے ہیں وہ کسی عورت کی اولاد، کسی کا بھائی، کسی کا شوہر اور کسی کا باپ ہیں۔ ایسے برے مردوں کو اپنا آپ بدلنا چاہیئے اور خود کو اچھا مسلم بنانے کی کوشش کرنی چاہیئے۔