انہوں نے نہ صرف نجی زندگی میں بلکہ سیاسی زندگی میں بھی قائد اعظم محمد علی جناح کا ساتھ دیتے ہوئے آل انڈیا مسلم لیگ کے سالانہ اجلاس میں شرکت کی ۔1940میں جب قائد اعظم تقسیم ہند کی تاریخ‌ساز قرار داد میں شرکت کے لئے لاہور تشریف لائے تو محترمہ فاطمہ جناح‌بھی ان کے ہمراہ تھیں ۔
محترمہ فاطمہ جناح نے تحریک پاکستان کے دوران قائد اعظم محمد علی جناح کا جس طرح ساتھ دیا وہ اسی کا اعجاز تھا کہ برصغیر کے گلی کوچوں اور بازاروں میں مردوں کے دوش بدوش خواتین سرگرمی سے حصہ لینے لگیں‌تھیں‌۔ اس زمانے میں خواتین کے جوش و جذبے کا یہ عالم تھا کہ گلیوں‌، کوچوں اور بازاروں میں‌مسلم لیگ کے سبز ہلالی پرچم ہاتھوں میں اٹھائے "لے کے رہیں گے پاکستان ، دینا پڑے گا پاکستان ،پاکستان کا مطلب کیا لاالہ الا اللہ "کے فلک شگاف نعرے لگا کر تحریک پاکستان کے مقاصد کو تقویت پہنچا رہی تھیں‌۔ ان کو اس پر عزم جدوجہد کے باعث ایک وقت وہ بھی آیا جب ان کے جلوسوں‌پر ریاستی تشدد بھی کیا گیا لیکن ان کے پایہ استقبال میں‌کوئی لغزش نہیں آئی الغرض یہ وہ ایمان افروز جذبے تھے جو مادرِ ملت نے مسلم خواتین کے دلوں‌میں کوٹ کوٹ کر بھر دییے تھے جس کی بدولت 80 پزارخواتین کی عصمتوں‌کی قربانیاں‌اور 10لاکھ مسلمانوں کی شہادت کے باعث ہمیں آزادی کی گرانقدرنعمت حاصل ہو گئی ۔ 7اگست 1947کو محترمہ فاطمہ جناح 56 سال کے بعد دہلی کو الوداع کہہ کر کراچی منتقل ہو گئیں‌۔ اور اگلے سالوں‌میں بھائی کی جدوجہد اور مسائل میں ان کے ہمراہ رہیں‌۔1964 میں پیرانہ سالی کے باوجود منصب صدارت کے مقابلے میں اتریں‌۔
محترمہ فاطمہ جناح‌نے اپنی زندگی میں خواتین کی صلاحیتوں‌کو اجاگر کرنے ،انہیں ہر شعبہ ہائے زندگی میں آگے بڑھانے کے حوالے سے بہت سے کام کیے ،وہ تعلیم نسواں کی اہمیت سے بخوبی واقف تھیں ۔ وہ اپنے لندن میں‌قیام کے دوران اس حقیقت سے آگاہ ہو چکی تھیں‌کہ انگریز خواتین تعلیم میں برصغیر پاک و ہند کی مسلم خواتین کے مقابلے میں بہت آگے تھیں‌۔ محترمہ فاطمہ جناح نے مسلم خواتین کی بیداری کا ذمہ لیا اور قیام پاکستان سے قبل ہی کئی شہروں‌میں خواتین کے تعلیمی مراکز قائم کیے جن میں‌سلائی کڑھائی کے مراکز بھی کھولے۔ قیام پاکستان کے بعد بھی محترمہ اپنی اس ذمہ داری سے غافل نہ ہوئی جس کا ثبوت 30جون 1959 کو مدرسہ بنات الاسلام کا افتتاح کیا 15جون 1950 کو لیڈیز کلب حیدر آباد میں خطاب کرتے ہوئے کہا کہ "جب میں حصول پاکستان کے ضمن میں‌ہندوستان کی خواتین کی جدوجہد کو یاد کرتی ہوں‌تو میرا دل فخر سے معمور ہو جاتا ہے وہ آپ ہی تھیں جنہوں‌نے مردوں‌کے تخیل میں انقلاب پیدا کیا "12 مئی 1950کو نیو ٹائون گرلز سکول کا افتتاح کیا فاطمہ جناح‌میڈیکل کالج کی بنیاد آپ ہی کی ایماپر رکھی گئی 25دسمبر1955کو خاتون پاکستان سکول کراچی محترمہ فاطمہ جناح نے خود کھولا اور قائد اعظم فنڈ سے ایک لاکھ روپیہ عطیہ دیا اس سکول کے لئے حکومت کی جانب سے تقریبا13 ایکڑ زمین دی گئی 1962 میں اس سکول کو کالج کا درجہ دے دیا گیا ۔
محترمہ فاطمہ جناح ہر مقام اور ہر میدان میں خواتین کو مردوں‌کے شانہ بشانہ دیکھنے کی خواہاں تھیں وہ جب تک زندہ رہیں تب تک انہوں‌نے خواتین کی ہر طرح سے حوصلہ افزائی کی ،وہ لٹے پٹے مہاجرین کے لئے ایک مشعل راہ تھیں ۔ انہوں نے خواتین کو گھروں‌سے نکال کر خدمت خلق کےلئے آمادہ کیا ، بیماری اور ضعیفی میں بھی وہ دن رات محنت کرتیں ،کھبی کیمپوں کا دورہ کرتیں تو کھبی سکولوں کے افتتاح میں شریک دکھائی دیتیں ۔ ان کےساتھ کام کرنےو الی خواتین کے حوصلے انہیں دیکھ کر بلند رہتے تھے بھائی سے بے پناہ محبت کی مثال قائم کرنے والی محترمہ فاطمہ جناح بھائی کی جدائی کا صدمہ زیادہ عرصہ نہ سہہ سکیں‌۔8اور 9جولائی 1968ء کی درمیانی شب میں قصر فاطمہ کلنٹن میں 76سال کی عمر میں اپنی جان جانِ آفریں کے سپرد خاک کر دی ۔





تحریر :خواجہ افتخار
میں نے پڑھی مجھے اچھی لگی تو آپ لوگوں‌کی معلومات میں اضافہ کے لئے شئر کر دی۔

__________________
مرزا محمد فاروق