نیلم خان

امریکہ افغانستان پر قابض ہے وہ پاکستان کے قبائلی علاقوں میں دہشت گردوں کے ٹھکانوں پر ڈرون حملے کرتا ہے اس کا بدلہ ہمارے بچوں کو شہید کر کے چکایا جائے تو یہ جائز ہے یہ ہے ہمارے دینی بھائیوں اور کچھ دوسرے دوستوں کا استدلال
راولپنڈی کی پریڈ لین کی مسجد میں خود کش حملہ آوروں نے نماز جمعہ کی ادائیگی کے دوران 40 افراد کو شہید کر دیا ایک میجر جنرل اور کئ اعلٰی فوجی افسر دہشت گردوں کا نشانہ بنے
نمازیوں کے اس اجتماع میں شہید ہونے والوں میں 17 بچے بھی تھے کیا یہ بچے امریکی تھے؟ ان کا مذہب کوئ اور تھا ان کے جسموں میں موجود خون کا رنگ حملہ آوروں کے خون سے مختلف تھا وہ کسی کافر کے گھر میں پیدا ہوئے تھے یا مسجد ضرار میں جمع ہونے والے منافقین میں شامل تھے وہ سب کون تھے؟
میری ماں بہت پہلے اس دنیا سے رخصت ہو گئ تھی وہ اپنے دو بچوں کو روتا ہوا چھوڑ گئ تھی میں اور میرا بھائ دہشت گرد کے بارود سے ٹکڑے ٹکڑے ہو کر اس کی آنکھوں کے سامنے آتے تو اس کی کیا حالت ہوتی میں نہیں جانتا بالکل نہیں‌جانتا میں سفید شرٹ میں اپنی ماں کو بہت خوبصورت لگتا تھا سوچتا ہوں کبھی سفید کفن میں اس کے سامنے آتا تو کیسا لگتا میں ماں نہیں باپ ہوں‌
میرے بچوں کی ماں کہتی ہے مجھے اپنے بچوں کو پہنچنے والی اس تکلیف کا اندازہ نہیں ہو سکتا جو اسے محسوس ہوتی ہے میں‌اس کرب سے گزر ہی نہیں سکتا جس کا شکار اسے ہونا پڑتا ہے بچے کو معمولی بخار آ جائے تو وہ رات رات بھر جاگتی ہے بچے کی آہ پر اس کا کلیجہ پھٹنے لگتا ہے میں پھر بھی نہیں جانتا کہ اس لمحے اس کے دل پر کی بیت رہی ھے میں یہ بھی نہیں جانتا وہ رات دن بچوں کی سلامتی کی دعائیں‌کیوں مانگتی ہے اس کے بچے کسی محاذ جنگ پر تو نہیں جاتے شہید بچوں‌کی ماؤ تمہارے لئے صبر کی دعا ہے تمہارا سہارا تم سے چھین لیا گیا تمہارے بچے اب جنت میں رہتے ہیں وہ تمہاری دعاؤں کے محتاج نہیں رہے وہ اب کبھی نہیں مریں گے وہ موت کے دکھ سے ہمیشہ کے لئے آزاد ہو گئے اب تو تمہیں قرار آ جانا چاھیئے کہ وہ سارے دکھوں اور تکلیفوں سے آزاد ہو گئے انہیں بخار آئے گا تو تمہیں ان کے لئے راتوں کو جاگنا نہیں پڑے گا وہ گھر سے نکلیں گے تو ان کی سلامتی کے لئے دعائیں نہیں مانگنا پڑیں گی وہ تو چین کی نیند سو گئے تمہاری آنکھوں سے نیند کیوں‌دور ہے؟ اب تم بھی آرام سے سو جاؤ
کالعدم تحریک طالبان کے ولی الرحمان کا کہنا ہے کہ پریڈ لین کی مسجد کو اس لئے نشانہ بنایا گیا کہ یہ فوجیوں کی مسجد ہے ولی الرحمان تم عالم دین ہو نہ مدبر تم میں معمولی سا بھی شعور ہوتا تو زمین پر فساد پھیلانے والے گروہ کا حصہ نہ بنتے خدا ایسے لوگوں‌پر لعنت بھیجتا ہے میں پوچھتا ہوں بے گناہوں کا خون بہانے کا کیا جواز ہے کیا تمہیں شک تھا کہ شہید ہونے والے بچے اپنے بڑوں کے نقش قدم پر چلتے ہوئے پاک فوج میں شامل ہو جائیں گے انہوں نے یہ ٹھان رکھا تھا کہ وہ اس وطن کے دشمنوں سے لڑیں گے کیا ان سب کی ماؤں‌کی بھی یہ ہی خواہش تھی کہ وہ ان کو پال پوس کر ملکی سرحدوں کی حفاظت کے لئے بھجوا دیں گی بہت سے بچے شہادت کی آرزو رکھتے ہوں گے میری قوم کے بچوں تمہاری آرزو پوری ہو گئ تم جنت میں جا چکے ہو تمہاری مائیں خدا سے زندگی کی بھیک مانگنے سے آزاد ہو گئیں تمہیں تیار کرکے سکول بھیجنے کے جھنجٹ سے بھی ان کی جان چھوٹ گئ سکول سے واپسی تک تمہاری حفاظت کے لئے اب وہ کبھی پریشان نہیں ہوں‌گی
مسجد میں شہید ہونے والے سارے بچے مسلمان تھے اس خود کش حملے کو جائز قرار دینے والے کا نام بھی مسلمانوں جیسا ہے شدت پسند دعوٰی کرتے ہیں کہ وہ پکے مسلمان ہیں میں تسلیم کرتا ہوں کہ ھم گناہ گار ہیں لیکن مسلمان ہیں‌میرے مذہب نے مجھے یہ بتایا ہے ایک انسان کا قتل پوری انسانیت کا قتل ہے یہ کیسے پکے مسلمان ہیں جو پوری انسانیت کے قتل کو بھی جائز سمجھتے ہیں جن حملہ آوروں کہ بھجوایا ہو گا وہ بھی مسلمان ہی ہوں‌گے انہیں بھی یہ بتایا گیا ہو گا کہ وہ سیدھے جنت جائیں گے واہ: کیا بات ہے مرنے والے بھی جنتی اور مارنے والے بھی جنتی ۔ ٹھیک ہی تو ہے دوزخ تو صرف کافروں کا ٹھکانہ ہے مسلمانوں کے لئے صرف جنت ہے
امریکہ نے افغانستان پر حملہ کیا اس کی فوجیں اب بھی نہ صرف وہاں‌موجود ہیں بلکہ اان کی تعداد میں اضافہ ہو رہا ہے وہاں لڑائ جاری ہے ایک سابق فوجی دوست نے خوشخبری سنائ کہ افغانستان میں القاعدہ کی جیت ہو گئ ہے فاضل دوست اور ان کے ہم خیالوں‌کو القاعدہ کی جیت مبارک ہو یہ ان کے لئے خوشی کا مقام ہے ایک کافر ان کے ہاتھوں شکست سے دو چار ہو گیا لیکن میری ناقص عقل یہ سمجھنے سے قاصر ہے کہ جب القاعدہ کو افغانستان میں‌فتح مل چکی ہے تو پھر امریکہ وہاں سے بھاگا کیوں نہیں ۔ میڈیا میں تو کچھ اور قسم کی کہانیاں سامنے آ رہی ہیں ۔ بتایا جا رہا ہے کہ القاعدہ کے لوگ افغانستاں سے فرار ہو کر یمن اور صومالیہ میں پناہ لے رہے ہیں‌ شاید جیت اسی کو کہتے ہوں گے ۔ بڑے لوگوں کی بڑی باتیں ۔
سر فروشان وطن ملا کنڈ میں شدت پسندوں کو مار بھگانے میں کامیاب رہے جنوبی وزیرستان میں حتمی کامیابی زیادہ دور نہیں ہے شدت پسند کہتے تھے وہ بڑے بہادر ہیں یہ بہادری کا کیا انداز ہے کہ معصوم اور بے گناہوں کو لہو رنگ کر دیا جائے اس دھرتی پر دھماکے کئے جائیں بم پھوڑے جائیں خود کش حملوں میں ہر چیز تباہ کر دی جائے میری دھرتی کے جوان تمہارے علاقوں میں گھس کر جرات اور جانفشانی سے لڑ رہے ہیں‌۔ وہ جان ہتھیلی پر لئے پھرتے ہیں میرے وطن کے سجیلے جوان تمہارے سامنے ہیں تم کیسے بہادر ہو کہ چوہوں‌کی طرح چھپ کر وار کرتے ہو میرے بچوں کے معصوم جسموں کو بارود سے ٹکڑے ٹکڑے کر دیتے ہو ۔ ہمت ہے تو کم از کم اپنےمیدان میں تو پاک فوج کے جوانوں کا مقابلہ کرو ۔ تم تو وہاں سے بھی بھاگ رہے ہو
آرمی چیف جنرل اشفاق پرویز کیانی نے ملک دشمنوں کو چیلنج کیا ہے ان کا کہنا ہے " ہم اسلام اور پاکستاں‌کی عظمت کے لئے جئیں گے اور مریں گے" جنرل صاحب پوری قوم ان دہشت گردوں کے خلاف اپنی پاک فوج کے ساتھ ہے اپنے بچوں کی موت کیسے بھلائ جا سکتی ہے آپ نے ساتھ دینے پر عوام کا شکریہ ادا کیا ہے تو سن لیں " یہ میرا اور آپ کو وطن ہے ہمارے معصوم بچوں کو شہید کرنے والوں کا نہیں"
مجھے یقین ہے کرائے کے قاتل زیادہ دیر اس قوم کا مقابلہ نہیں‌کر پائیں‌گے ۔ وہ بھاگ رہے ہیں‌ان کے مقدر میں رسوائ اور ذلت آمیز موت ہے انہیں اس انجام سے کوئ نہیں بچا پائے گا ۔ میرے وطن کی سرحدوں کے رکھوالو تمہاری قربانیاں رائیگاں نہیں‌جائیں‌گی تمہاری موت شہادت کی موت ہو گی اور تمہاری زندگی غازی کی زندگی ہو گی تمہیں وطن کا بچہ بچہ سلام پیش کرے گا ان کا تو کوئ نام لینے والا بھی نہیں ہو گا
پریڈ لین مسجد میں شہید ہونے والے بچو تمہیں جگنوؤن کے تتلیوں کے دیس جانا تھا ماؤں نے تمہارے ماتھوں پر بوسہ دے دیا ہے تم اپنے پیاروں کو روتا ہوا چھوڑ گئے ہو لیکن یقین رکھو تمہارے قاتل مریں گے تو ان کی موت پر رونے والا بھی کوئ نہیں ہو گا

بشکریہ روزنامہ ایکسپریس

shafresha

اس تحریر کے لکھنے والے اور پیش کرنے والے دونوں‌کو میرا سلام!

عدنان دانی

بہت خوبصورت تحریر۔۔۔۔۔۔۔۔۔
ہمارے ساتھ شئیر کرنے کا بہت بہت شکریہ

عامرشہزاد

بہت خوبصورت تحریر۔۔۔۔۔۔۔۔۔

منتظمین

سرورق کے لیے پیش کریں۔

معظم

اس موضوع پر اتنا کچھ لکھا جا چکا ہے کہ مزید کیا کہے انسان، عجیب بے حسی اور لاقانونیت کا دور ہے کہ ہر شے عقل سے بالاتر ہے۔ ہمارے حکمرانوں سے لے کر علماء کرام اور برائے نام طالبان تک ہر شخص بس انسانیت کی دھجیاں بکھیرنے میں لگا ہے۔ کوئی ملک کے نام پر تو کوئی دین کے نام پر اور کوئی جنت کے نام پر۔۔
میں تو رو رو کے اللہ تعالٰی سے التجا کرتا ہوں کہ باری تعالٰی ہم کمزور ہیں نادان ہیں ، اگر جانے انجانے میں ہم سے ایسے گناہ ہو گئے جو قابل گرفت تھے ، اللہ تو رحمان ہے رحیم ہے ، ہماری جانوں پر رحم فرما، ہم پر نرمی فرما۔ تو ہی تو آسرا ہے ہمارا ، تیرے سوا ہم کس کو پکاریں ، کس سے مدد طلب کریں ، یا اللہ صغیرہ کبیرہ گناہ معاف فرما دے ۔ ہمیں ویسا بنا دے جیسا تو چاہتا ہے تیرے لیے کچھ مشکل نہیں۔
اللہ ہماری حالت پر رحم فرما۔
اللہ ہماری حالت پر رحم فرما۔
اللہ ہماری حالت پر رحم فرما۔

آمین یا رب العا لمین

__________________
اے اللہ! ان سنگین حالات میں ملکِ پاکستان کی حفاظت فرما۔ آمین ثم آمین
بزنس ایجوکیشن ایک تعلیمی بلاگ ، اب نئے انداز میں - http://bizedu.co.cc

تانیہ رحمان ستارہ

میں خود کچھ کہنے اور سننے کی حالت میں نہیں ہوں ۔۔پھر بھی نیلم کی کوشش کے لیے دعا گو ہوں ۔

ایس اے نقوی

بہت شکریہ نیلم آپکا
اور امید ہے کہ آپ آئندہ بھی ایسے ہی لکھتی رہا کریں گے ویسے سچ یہ ہے کہ آپ نے مجھے حیران بلکہ پریشان کر کے رکھ دیا ہے دوسروں کا پتہ نہیں جب سے آپ ممبر بنی ہیں تب سے لے کر آج تک آپ نے ایسی شئیرنگ نہیں کی جو چند دنوں سے کر رہی ہیں گڈ شاباش

ام طلحہ

لمحہ فکریہ ہے ہمارے لئے
اللہ ہمارے بچوں پر رحم کرے۔
اتنی اچھی شئیرنگ پر مبارک ہو نیلم!!

پاک سپائی

اللہ ہم سب پہ رحم فرمائے

فاروق سرورخان

لاہور کی مون مارکیٹ میں ہونے والے دھماکہ میں چھوٹے چھوٹے بچوں کے جوتے اور کپڑے ہر طرف دیکھے جاسکتے ہیں۔ لگتا یہ ہے کہ یہ بچوں کے کپڑوں اور جوتوں کی مارکیٹ تھی۔

جو لوگ یہ سمجھتے ہیں کہ یہ امریکہ یا پاکستانی فوج کا کارنامہ ہے ان کو دوبارہ سوچنا چاہئیے۔ مسجدوں اور مارکیٹوں پر روزانہ حملہ کسی فوج کا کام نہیں ہوسکتا۔ اس کے پیچھے صرف اور صرف طالبان ہیں۔ جو اپنے نام سمیت اس کا اقرار کرتے ہیں۔

بنیادی طور پر وہ چند سزائیں جن کو طالبان نے اپنے مقصد کے لئے استعمال کیا وہ اسلام کی کتب سے ضرور ہیں لیکن وہ ایک اسلامی نظام نہیں۔ بہت سے لوگ جذبات میں مبتلا ہیں کہ سب مسئلوں کا علاج سخت سزائیں ہیں۔ سخت سزاؤں کے نفاذ سے کوئی معاشی مسئلہ حل نہیں ہوگا۔ کوئی بہتر حکومت نہیں آئے گی۔

بہتر معیشیت، آج کی ضرورت ہے ۔ اس کے لئے محنت کرنے کی ضرورت ہے نہ کہ سخت سزاؤں کی۔ روپے کی گردش میں اضافہ کی ضرورت ہے۔ عام آدمی کا پیمانہ ء علم اس قدر کم ہے کہ وہ یہ سوچ ہی نہیں‌سکتا کہ اس "اسلامی نظام " کے نعرے کے پیچھے جو طالبان لگا رہے ہیں کسی مسئلہ کا حل نہیں اس لئے کہ یہ اسلامی نطام بھی نہیں کہ چند سزائیں‌ نافذ کردی جائیں ۔ بغیر کسی مناسب حکومت کے۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

نیلم خان

سلامت رہیں شافریشہ بھائ اپنی دعاؤں‌میں یاد رکھئے گا

نیلم خان

اللہ پاک آپ کو سلامت رکھے آمین

نیلم خان

بہت شکریہ ۔

نیلم خان

حوصلہ افزائ کا بہت شکریہ ۔