مسٹر رائٹ

دوستو،
آپ تو جانتے ہیں کہ ہمارے شہروں اور کہیں کہیں گاون میں بھی ٹی وی کیبل کا دور دورہ ہے،
آپ کیا سمجھتے ہیں کہ اس کیبل کا ہمارے معاشرے خصوصا نوجوان نسل پر کیا اثرات مرتب ہونگے جبکہ کارٹون نیٹ ورک جیسے خالصتا بچوں کے چینل پر بھی ہندو دیوتا کے کارٹون اردو ڈبنگ میں اور کچھ اخلاق باختہ کارٹون بچوں کے لے پیش پیش ہیں۔

ایم اے راجا

مانا کہ کیبل نے انٹرٹینمنٹ اور معلومات کی نئی راہیں کھول دیں ہیں لیکن اس کے ساتھ ساتھ کیبل نیٹ ورک سسٹم نے وہ خرافات جن کے بارے میں پہلے ہم صرف سنتے تھے اب انکی پہنچ ہمارے گھر تک ہو گئی ہے، میں ایک دن اپنے ایک جاننے والے کے گھر گیا تو میں یہ دیکھ کر حیران رہ گیا کہ اسکا ایک بچہ اور ایک بچی جن کی عمریں 5 سے 7 سال کے درمیان ہیں ایک نہایت اخلاق باختہ دوگانا گا رہے ہیں اور وہ صاحب اور انکی محترم بیوی صاحبہ انکو روکنے کے بجائے داد سے نواز رہی ہیں اور میرے سامنے انکی تعریفوں کے پل باندھ رہے ہیں، یہ کیا ہے کیبل ہی کا تو کمال ہے نہ کہ جو بچے ابھی کلمہ تو ٹھیک سے پڑھ نہیں سکتے وہ گانے گا رہے ہیں، کیبل کے ذریعہ فحش اور اخلاق باختہ پروگرام اور چینل چلانے پر ہمارے کیبل آپریٹرز صاحبان کو بھی ہوش کے ناخن لینے چاہیں کہ وہ بھی اسی ملک اور قوم کے فرد ہیں اور کیبل کنکشن انکے گھروں میں بھی موجود ہیں، اسکے علاوہ حکومتِ وقت اسکی پوری طرح ذمہ دار ہے کے پیمرا آخر کیوں ان چینلز کو بین نہیں کرتی جو کہ اخلاق باختہ نشریات کے لیئے مشہور ہیں، اور پھر کیبل آپریٹرز کو اس بات کا پابند کیوں نہیں بنایا جاتا جو سی ڈی، ڈی وی ڈی کے ذریعے بھی فحش فلمیں چلا کر ناظرین کو دکھاتے ہیں، بڑے شہروں میں رات گئے فحش ( انگلش) فلمیں بذریعہ سی ڈی چلائی جاتیں ہیں اور فحاشی کے لیئے مشہور چینل کھول دیئے جاتے ہیں ( ایسی خبریں اکثر اخبارات میں چھپتی رہتی ہیں) اور ٹی وی آجکل عام چیز ہو گئی ہے بڑے گھرانوں اور کئی عام گھرانوں میں بچوں کے کمروں میں الگ ٹی وی رکھے ہوتے ہیں اور ان بچوں میں بچیاں بھی شامل ہوتی ہیں جن پر والدین آبزرویشن نہیں رکھ سکتے مگر میرے جاننے والے کچھ والدین ایسے بھی ہیں جو ان حالات میں رات کو 10۔11بجے کے بعد اپنے بچوں کے رومز کا کنکشن ڈسکنیکٹ کر دیتے ہیں، لیکن بات وہیں کی وہیں آتی ہے کہ زمہ داران کو آخر اس بات کا احساس کب ہو گا جب آئندہ کی نسل بے راہرویکا شکار ہوچکی ہوگی جس میں انکے بھی بچے شامل ہوں گے پھر سر پرہاتھ رکھ کر ہم سب رورہے ہونگے، خدارا فحاشی اور بے غیرتی کے اس جن کو جو ہمارے بچوں کی طرف بڑھ رہا ہے روک لیجیئے ورنہ سب کچھ ختم ہو جائےگا تمام مذہبی اور قومی اقدار مردہ ہو جائیں گی اور پھر ایسا ہو گا کہ اب پچھتائے کیا ہوت۔ جب چڑیا چگ گئی کھیت۔

عبدالله

آپ کاشکریہ جناب یہ کیبل ایک ناسور ہے جو ہمارے معشرے کو کراب کر رہاہے

ایم اے راجا

عبداللہ اور میتظمین صاحبان کا شکریہ کہ انھوں نے اظہارِ پسندیدگی فرمایا۔

مسٹر رائٹ

مگر اس طوفان بدتمیزی اور فحاشی سے اپنے ملک کو کسے بچا یا جاسکتا ہے
اور

اپنی نوجوان نسل کے اخلا ق کو بچانے کے لیے کیا اقدامات اٹھانے چاہیے؟

ایم اے راجا

میں اپنے مندرجہ بالا مضمون میں اسکا ذکر کر چکا ہوں، اسے مکمل بند کرنا تو ممکن نہیں اور نہ ہی کرنا چاہئیے لیکن مندرج بالا چیزوں پر عمل کر کے اسکے برے اثرات سے بچا جاسکتا ہے۔

عبدالله

افسوس جب بھی کیبل اور موبائل جیسی بری چیز پر بات ہوتی ہے تو کوئی عمل نہی کرتا اگر والدین سے بات کرو تو کہتے ہیں ہمے اپنی اولاد پر بروسہ ہے لیکن اولاد کس طرح اپنے والدین کی عزت کو مٹی میں ملا دیتے ھیں سب کی بات نہی کرھا ہوں

عروج

والدین معمولی فوائد کے لیے اپنے بچوں کی آخرت نہ برباد کریں۔

شمشاد احمد

مسئلہ كيبل كا نہيں سسٹم كا ہے۔۔۔۔۔۔