فیصل ناصر

کچھ عرصہ پہلے یہ مضمون پڑھا تھا فورم میں موضوع دیکھ کر یاد آیا
تو ڈھونڈ ڈھانڈ کر نکال لیا



یہ دن مغربی چین سے ترکی تک کروڑوں لوگ 20 مارچ کو مناتے ہیں۔ نوروز شمسی سال کے آغاز اور بہار کی آمد کا جشن بھی ہے اور ایران، افغانستان، تاجکستان،ازبکستان، پاکستان، بھارت کے کچھ حصوں اور شمالی عراق اور ترکی کے کچھ علاقوں میں کیلنڈر سال کا نقطہ آغاز بھی-

لوگ جشن کے اس وقت پر ایک دوسرے کو مبارک باد دیتے اور زور شور سے گاتے بجاتے ہیں اور اسے عید کے تہوار کی طرح منایا جاتا ہے اور اسکے ساتھ آنے والے نئے سال میں سلامتی اور ترقی کی دعائیں کی جاتی ہیں۔

ماہر فلکیات کے لیے اب نوروز کے بالکل صحیح وقت کا تعین کرنابھی ممکن ہوگیا ہے

نوروز کی روایات کے مطابق 2008میں وقت نوروز پر اس سال کا بادشاہ مشتری زعفرانی لباس زیب تن کیئے کندھے پر زرد شالہ لیئے،تیر کمان ہاتھ میں تھامے،گھوڑے پر سوار تخت پر جلوہ افروز ہو گا۔

اہل تشیح کے ہاں روایت ہے کہ اسی نوروز کے دن بارہویں امام حضرت مہدی ابن العسکری دنیا میں ظہور فرمائیں گے اور اسی طرح اسلامی تاریخ میں تقویم کے اعتبار سے نوروز ہی کا دن ہے جب پہلی بار دنیا میں سورج طلوع ہوا،درختوں پر شگوفے پھوٹے،حضرت نوح کی کشتی کوہ جودی ہر اتری اور طوفان نوح ختم ہوا، نبی آخرالزمان پر نزول وحی کا آغاز ہوا،حضرت ابراہیم نے بتوں کو توڑا اور مقام غدیر خم پر ولایت امیرالمومنین علی ابن ابی طالب کا اعلان ہوا۔

کئی مسالک میں اس روز کی مخصوص عبادات بھی ہیں جن کا بنیادی وصف آنے والے سال کے لیئے خوش بختی،امن وسلامتی اور ترقی کی دعائیں مانگنا اور گزرے ہوئے وقت کے لیئے رب العزت کا شکر ادا کرنا ہے۔


آئیے نوروز کی تاریخ پر ایک مختصر سی نظر ڈالتے ہیں کہ اس دن گولڈ فش نوروز کی علامت بھی سمجھی جاتی ہے۔

ہزاروں برس پہلے قدیم فارس میں شروع ہونے والا یہ تہوار موسم سرما کے اختتام پر زندگی کے از سر نو جاگنے کی نوید دیتا ہے- یہ زرتشت مذہب کا حصہ بھی رہا اور پھر اسلامی سلطنت کا بھی - کہا جاتا ہے کہ بیماری اور بدقسمتی سے پیچھا چھڑانے کے لۓ آگ کے الاؤ کو پھلانگنا اور اس جیسی کئی رسومات ایران کے زرتشتی ورثے کا حصہ سمجھی جاتی ہیں-قدیم فارس میں زرتشت تہذیب زندگی کی تخلیق کا جشن اپنے دیوتا اہورا مزدا کو بھینٹ چڑھا کر منایا کرتی تھی۔

قدیم زمانے میں سیانوں کا خیال تھا کہ سورج زمین کے گرد گردش کرتا ہے اور نوروز ہر سال کے دوران آنے والا وہ مقام یا وقت ہے جب سورج برج دلو کو چھوڑ کر برج حمل میں داخل ہوتا ہے اور اس لیے اس مقام یا مرحلے کو موسم بہار کا مقام اعتدال بھی کہا جاتا ہے۔گویا دوسرے الفاظ میں نوروز سخت موسم سرما کے بعد موسم بہار کی نوید ہے۔

اسلامی جمہوریہ ایران میں چونکہ نوروز کا تہوار سرکاری طور پر منایا جاتا ہے اور ملک بھر میں عالم تعطیل ہوتی ہے،حکومتی دفاتر پانچ دن کے لۓ بند رہتے ہیں اور لوگ دو ہفتے تک خاندان کے افراد اور دوستوں کے ساتھ تفریح کرتے ہیں اور دعوتیں اڑاتے ہیں-

ایران میں نئے سال یا نو روز کا جشن تیرہ دن تک منایا جاتا ہے اور عام تعطیل ہوتی ہے۔ ان چھٹیوں کا تیرہواں دن منحوس گردانا جاتا ہے اور خاندان کے افراد اس دن گھر چھوڑ کر باہرنکل جاتے ہیں اور پورا دن گھر سے باہر کھانے پینے اور کھیلنے کودنے میں گزار دیتے ہیں اور اس طرح وہ اپنی تعطیلات کا اختتام مناتے ہیں۔

افغانستان میں چند برس سے دوبارہ یہ تہوار اہتمام سے منایا جاتا ہے کیونکہ طالبان انتظامیہ نے اس تہوار کو غیر اسلامی قرار دے کر ممنوع قرار دیا تھا - اب نہ صرف وہ پابندی اٹھا لی گئی ہے بلکہ ملک کے عبوری رہنما خود نوروز کے اہتممام میں آگے آگے ہیں-

مزار شریف میں (ایک روایت کے مطابق)حضرت علی کے مقبرے میں ایک رسم کی ادائیگی سے جشن نوروز شروع ہونے کا سرکاری طور پر اعلان کرتے ہیں-اس موقع کے لۓ شہر کی گلیاں اور بازار سجاۓ جاتےہیں اور آس پاس کے علاقوں سے بھی لوگ تہوار میں شریک ہونے کے لۓ مزار شریف آ تےہیں-اس روز کی مناسبت سے پھلوں، سبزیوں اور پھولوں کی خریداری عروج پر ہوتی ہے اور شہر میں سیکیورٹی کا انتظام بھی بہتر بنایا جا تاہے ۔

وسطی ایشیا میں نوروز منانے کا رواج سوویت یونین کے ٹوٹنے کے بعد ہی شروع ہوا لیکن اب تک لوگ اس کے نہ صرف عادی ہو گۓ ہیں بلکہ آذربائیجان میں تو رسومات کئی ہفتے پہلے ہی شروع ہو جاتی ہیں- اس بار بھی نوروز سے بہت پہلے ہی جگہ جگہ لوگ آگ کے الاؤ جلا کر اور بچے گھر گھر ٹافیاں مانگ کر اس دن کی تیاری کرتے رہے ہیں-

پرانے وقتوں کے فارس میں جشن نوروز کا آغاز توپ داغ کر کیا جاتا تھا اور ریاست کا سربراہ قوم سے خطاب کیا کرتا تھا۔ ایران میں یہ رواج اب بھی قائم ہے۔



ایرانی نوروز کے رواج سوفرے ہفت سین یا سین سے شروع ہونے والے سات کھانوں کی میز کو ایک تاریخی اہمیت حاصل ہے۔
یہ بھینٹ یا نذرانہ مختلف علامتی اشیاء سے سجی سات سینیوں پر مشتمل ہوتی تھی۔ یہ اشیاء زندگی میں سچ، انصاف، مثبت سوچ، اچھے عمل، خوش قسمتی، خوشحالی، سخاوت اور بقاء کی علامت کے طور پر شامل کی جاتی تھیں۔

آج کے دور میں بھی یہ رواج ’سوفرے ہفت سین‘ کی صورت میں زندہ ہے۔ سوفرے ہفت سین یا سِن کا مطلب سات سین کی میز ہے ۔ ’س‘ اردو کی طرح فارسی زبان کا ایک حرف ہے اور سوفرے کا مطلب میز ہے جس پر سات ایسے کھانے سجائے جاتے ہے جن کے نام حرف ’س‘ سے شروع ہوتے ہیں۔

یہ میز عام طور پر ہاتھ سے بنُے کپڑے سے ڈھانکی جاتی ہے جسے ’ترماہ‘ کہا جاتا ہے۔ اس کے اوپر دعاؤں کی کتاب رکھی ہوتی ہے جسے ’کلام اللہ‘ کہتے ہیں اور اس کے علاوہ زندگی کے عکس کی علامت کے طور پہ ایک آئینہ بھی رکھا جاتا ہے۔

ان چیزوں کے ساتھ ساتھ موم بتیاں، کنبہ کے ہر فرد کے نام کا ایک رنگا ہوا انڈا، آنے والے سال میں خوشحالی کی علامت کے طور پر روایتی مٹھائیاں اور روٹی بھی سجائی جاتی ہیں۔

نوروز کے وقت سے کچھ پہلے پورا کنبہ اس میز کے گرد بیٹھتا ہے اور گھر کا بڑا دعاؤں کی کتاب سے نئے سال کی دعا پڑھتا ہے۔

اس دوران وہ کتاب کے مختلف صفحوں کے درمیان کچھ رقم بھی رکھتا جاتا ہے جو بعد میں خاندان کے افراد میں تقسیم کردی جاتی ہے۔ یہ شکرانے کا ایک انداز ہے۔ پھر ایک روایتی کھانا پیش ہوتا ہے جو مچھلی، چاول، ہرا دھنیا، خراسانی اجوائین اور پیاز پر مشتمل ہوتا ہے۔

میز پر ایک اور اہم چیز سنہری مچھلی کا پیالہ ہے۔ قدیم فارس میں یہ عقیدہ بھی رائج تھا کہ نئے سال سے کچھ پہلے یہ مچھلی ساکت ہوجاتی ہے اور نیا سال شروع ہوتے ہی اس میں دوبارہ جان آجاتی ہے۔

نوروز کا ایک اور دلچسپ رواج آگ پر سے پھاندنا ہے۔ آجکل یہ رواج کچھ زیادہ عام نہیں، زیادہ تر کنبے صرف موم بتیاں جلالیتے ہیں یا لکڑی کی کچھ شاخوں کی مدد سے ایک چھوٹا سا الاؤ جلالیاجاتا ہے۔
یہ رواج قدیم فارس کی یادگار کے طور پر اب بھی رائج ہے۔

اسی دن کے حوالے سے فال گوش ایک اور قدیم روایت ہے جو نوجوان لڑکیاں اپنے ہونے والے شوہروں کے بارے میں جاننے کے لئے اختیار کرتی ہیں۔فال گوش کے لئے ایسی لڑکیاں ایک اندھیرے کونے میں چھپ کر راستے پر آتے جاتے لوگوں کی گفتگو سنتی ہیں اور اس گفتگو کی صحیح تفسیر سے وہ اپنے مستقبل کے بارے میں جان سکتی ہیں۔

shafresha

چھا گئے گُرو! اچھا کیا جو حوالہ بھی دے دیا، گُڈ !
تو معلوم یہ ہوا کے یہ ایک غیر اسلامی تہوار ہے جسے اسلامی جمہوریہ ایران میں بڑے شایانِ شان طریقے سے منایا جاتا ہے۔
یار تو نے تو انجم شاہ صاحب کام کام مشکل کردیا!

فیصل ناصر

او بھائی
کیوں مروائے گا یار
یہ تہوار مذہبی سے زیادہ روایتی کہلائے گا

ویسے جہاں تک میرا گمان ہے صفدر ھمٰدانی کا تعلق بھی فقہ اہل تشیع سے ہے ان کے کئی اور مضامین بھی پڑھے ہیں میں نے

مجھے لگتا ہے انجم شاہ کا کام آسان ہوگیا ہے

shafresha

جی نہیں‌فقہ اہل تشیع نے بڑے بڑے نام پیدا کئے ہیں۔ بائیں بازو کی تنظیمیں ہوں، شاعری ہو، منطق ہو یا لاجک یہ سب میں آگے ہیں اور جن لوگوں سے میں واقف ہوں وہ سب اہل علم و عزت لوگ ہیں۔ جناب صفدر ھمٰدانی صاحب نے بھی اسے "اسلامی" یا "مذہبی" ثابت کرنے کی کوشش نہیں کی۔ یہ بات اُن کے علمی قد میں‌اضافہ کرتی ہے۔

فیصل ناصر

اسی بات نے مجھے یہ مضمون پوسٹ کرنے پر آمادہ کیا
آپکی اس بات سے متفق ہوں کے فقہ اہل تشیع میں دانشوروں کی ایک بڑی تعداد ہے ان میں ایک بڑا نام رئیس امروہوی بھی ہے

shafresha

امروھے کا ایک اور لعل جناب عالی مرتبت جون (ایلیاء رئیس امروہوی کے بھائی‌‌) بھی ہیں، ہم تو انھی کے تیر قلم کے مارے ہوئے ہیں۔
ع زمین کھا گئ آسمان کیسے کیسے!

wajee

اے بھائی بہت ہی عمدہ معلومات زبردست

فیصل ناصر

آجکل ہو کہاں بھائی لفٹ ہی نہیں کراتے

wajee

ارے فیصل بھائی کیا بات کردی آپ نے !! آپ ہمیں لفٹ‌ ہی نہیں دیں رہیں ہیں بس پاس سے ہی ہو کر گزر جاتے ہو

فیصل ناصر

اچھا جی
شایدمصروفیت کی وجہ سے ایسا ہو

فیصل ناصر

نورالدین

اس مراسلے میں فراہم کردہ معلومات سے پتہ چلتا ہے کہ اہل فارس نے خلیفۂ دوم جناب عمر فاروق کی خلافت اور خالد بن ولید اور عمر بن عاص کی مجاہدانہ کوششوں کے نتیجے میں
اسلام تو طوعاً وکرہاًً قبول کرلیا
مگر اسلام ان کے حلق سے نیچے اترا نہيں ہے
وہ لوگ آج بھی اپنے پرانے مذہب کو یاد کرتے ہيں جس کا ایک ثبوت ان کا جشن نوروز منانا
باوجود اس کے نبی نے زمانۂ جاہلیت کے تمام رسوم اور عقائد کو اسلام کی آمد کے ساتھ ختم کر دیا

اس سلسلے میں اور بھی کچھ کہنا چاہتا ہوں مگر پہلے آپ لوگوں کا تبصرہ در کار ہے

__________________
انسان کو زندگی میں وہی کام کرنا چاہیے جس کی اسے ضرورت ہو ۔