پاکستانی

جمعے کو سعودی عرب اور متحدہ عرب امارات کے دوروں پر روانگی سے پہلے چکلالہ ایر بیس پر صحافیوں سے بات چیت کرتے ہوئے صدر جنرل پرویز مشرف نے ایک بار پھر کہا ہے کہ پاکستانی افواج القاعدہ کے جنگ جوؤں سے نبٹنے کی پوری صلاحیت رکھتی ہیں اور کسی ملک کو پاکستان کی حدود کے اندر فوجی کارروائی کی اجازت نہیں دی جائے گی۔



صدر مشرف نے یہ بیان امریکی حکام کی طرف سے دیے گئے اُن دھمکی آمیز بیانات کے جواب میں دیا ہے جِن میں القاعدہ اور طالبان کے ٹھکانوں کو تباہ کرنے کی کوششوں کے سلسلے میں پاکستان کے اندر امریکی فوجی کارروائی کا امکان ظاہر کیا ہے۔



اِن بیانات کے حوالے سے پوچھے گئے ایک سوال کے جواب میں صدر مشرف نے کہا کہ وہ پاکستانی علاقے میں سرحد پار سے حملوں کو رد کرتے ہیں:



’یہ بات بالکل واضح ہے کہ ہمارے علاقے میں صرف پاکستانی افواج کارروائی کریں گی۔ اِس میں کسی کو شک نہیں ہونا چاہئیے ۔ یہی بندوبست ہے اور ہم اِس قابل ہیں کہ اپنے علاقے میں اپنے دفاع کے

لیے ۔کوئی اور فورس ہمیں نہیں چاہئیے ہماری مدد کے لیے۔ اور ہم جو کچھ کرتے ہیں اپنے قومی مفاد میں کرتے ہیں اور اِس کے مطابق ہم دہشت گردی اور انتہا پسندی کے خلاف جنگ میں ہیں، لیکن کسی اور کی مدد ہمیں نہیں چاہئیے۔ ‘



خیال رہے کہ امریکہ کے خفیہ اداروں کی تیار کردہ ایک حالیہ رپورٹ کے مطابق القاعدہ اور طالبان نے پاکستان کے قبائلی علاقوں خصوصاً شمالی وزیرستان میں دہشت گردی کی اپنی تربیت گاہوں کو از سرِ نو منظم کیا ہے اور صدر بش نے گذشتہ ہفتے قوم سے خطاب میں اس صورتِ حال پر سخت تشویش اور پریشانی کا اظہار کیاتھا۔



اطلاعات کے مطابق امریکی کانگریس میں ایک ایسی قانون سازی بھی کیے جانے کا امکان ہے جِس کے بعد پاکستان کو دی جانے والی مالی امداد کو القاعدہ کے خلاف مؤثر کارروائیوں کے ساتھ مشروط کر دیا جائے گا۔

__________________

عبدالقدوس

آئندہ چند دنوں میں واضح ہو جائےگا

ایم اے راجا

کیا ایسا ہی ہوگا، کاش یہ سچ ہو۔۔۔۔۔۔۔۔۔۔۔