گلاب خان

اسلام آباد (انصار عباسی) وفاقی شریعت کورٹ کے چیف جسٹس آغا رفیق احمد نے صدر مملکت آصف علی زرداری کی جانب سے شریعت کورٹ میں نئے مقرر کئے گئے ججوں سے حلف لینے سے انکار کردیا ہے جس کے نتیجے میں ایک سنجیدہ نوعیت کا عدالتی بحران اسلام آباد سے ٹکرا گیا ہے۔ ذرائع کے مطابق اپنی سفارشات نظرانداز ہونے پر جسٹس آغا نے حکومت کو سخت الفاظ میں ایک نوٹ لکھا تھا جس میں انہوں نے سفارشات نظر انداز کئے جانے کو عدلیہ کی آزادی کے منافی قرار دیا تھا۔ ایک مصدقہ ذریعے نے دی نیوز کو بتایا کہ جسٹس آغا نے وزارت قانون کو نوٹ لکھ کر کہا تھا کہ ججوں کے تقرر کے متعلق ان کی سفارشات کا احترام کیا جانا چاہئے تھا لیکن حکومت نے انہیں تبدیل کردیا اور چیف جسٹس شریعت کورٹ کے علم میں لائے بغیر اپنی پسند کے افراد کو جج لگادیا۔ ذریعے کے مطابق جسٹس آغا اپنی سفارشات کے برعکس مقرر ہونے والوں سے حلف لینے سے ہچکچا رہے ہیں۔ ذرائع کے مطابق اس سے قبل جسٹس آغا صدر زرداری کے رفقاء میں سے ایک تصور کئے جاتے تھے لیکن انہوں نے جس رد عمل کا اظہار کیا ہے اس نے کئی حکومتی لوگوں کو حیران کردیا ہے۔ اپنی سفارشات میں جسٹس آغا نے حبیب اللہ شاکر، روشن علی عیسانی اور سابق ڈپٹی اٹارنی جنرل راجہ ارشد کے نام بطور جج مقرر کرنے کیلئے پیش کئے تھے۔ تاہم صدر نے وزیراعظم گیلانی کی ایڈوائس پر آخری دو نام ختم کرکے ان کی جگہ اسمٰعیل بھٹو اور ممتاز محفوظ کے نام شامل کرائے اور ان کے ناموں کی منظوری دیدی۔ حبیب اللہ شاکر کا تعلق ملتان سے ہے اور وہ پیپلز پارٹی کے سرگرم کارکن ہیں اور مبینہ طور پر وزیراعظم انہیں ذاتی حیثیت میں جانتے ہیں۔ جسٹس ڈوگر نے انہیں لاہور ہائی کورٹ میں جج لگایا تھا لیکن 31/ جولائی 2009ء کے سپریم کورٹ کے فیصلے کے بعد انہیں ہٹادیا گیا تھا۔ اسمٰعیل بھٹو کا تعلق سندھ سے ہے، جسٹس ڈوگر نے انہیں سندھ ہائی کورٹ میں جج لگایا تھا لیکن وہ بھی 31 جولائی کے فیصلے کے بعد ہٹا دیئے گئے۔ کچھ عرصہ قبل تک وہ حکومت میں لاء آفیسر کی حیثیت سے خدمات انجام دے رہے تھے۔ صدر مملکت کی جانب سے مقرر کردہ تیسرے جج ممتاز محفوظ کا تعلق کوئٹہ سے ہے۔ ماضی میں وہ پیپلز پارٹی کی طرف سے سینیٹر رہ چکے ہیں۔ وکلاء برادری کی رائے ہے کہ ججوں کے تقرر کا یہ نیا واقعہ عدلیہ کے ادارے کو سیاست زدہ بنانے کی کوشش ہے۔ وکلاء برادری سے تعلق رکھنے والوں کو آئینی اصلاحات کے معاملے میں بھی دال میں کالا محسوس ہو رہا ہے۔
روزنامہ جنگ کی خبر

__________________

اَلسَّلامُ عَلیکَ اَیُّھَاالنَّبِیُّ وَرَحمَۃُ اللّٰہِ وَبَرَکَتُہ

محمدمبشرعلی

رقیبوں نے رپٹ لکھائی ہے جا جا کے تھانے میں
کہ اکبر نام لیتا ہے خدا کا اس زمانے میں!!!

__________________

راجہ اکرام

آگے آگے دیکھئے ہوتا ہے کیا

یا تو عدلیہ مکمل آزاد ہو جائے گی اور انصاف کا بول بالا ہوگا ۔ یا۔۔۔۔۔۔۔۔۔۔۔۔۔۔۔۔۔۔۔۔۔۔۔

__________________
محتاج اصلاح و دعا