خرم شہزاد خرم

کیا کوئی بتا سکتا ہے کہ انصاف کیا ہے ؟؟
کون سی چڑیا کا نام ہے ؟؟
انصاف کرنے کے لیے کون کون سی باتوں کا خیال رکھا جاتا ہے؟؟؟؟
انصاف کس کس پر فرض ہے یعنی کون کون انصاف کر سکتا ہے ؟؟
یا پھر انصاف سے مراد کیا ہے ؟؟؟

__________________

راجہ اکرام

خرم بھائی
درجہ حرارت کیا ہے آج کل وہاں پر

خرم شہزاد خرم

درجہ حرات کچھ بھی ہو کتنا بھی ہو میں اکثر کمرے اور دوکان کا ای سی بند کر کے ہی رکھتا ہوں جب بہت زیادہ گرمی ہوتی ہے تب آن کرتا ہوں لیکن یہ میرے سوالوں کا جواب نہیں اور ویسے ان باتوں کا میرے سوالوں سے کیا تعلق

راجہ اکرام

اس کا آپ کے سوالوں سے تو کوئی تعلق نہیں
لیکن آپ کے انداز سے تعلق ہے

حیدر

انصاف کیا ہے ؟؟
انصاف وہ ہے کہ جو آپ ٹھیک سمجھتے ہو وہ ٹھیک ہے باقی ساری دنیا غلط ہے چاہے وہ ایک پاؤں پر ہی کھڑا ہو کر کیوں نہ دکھا دے۔

کون سی چڑیا کا نام ہے ؟؟
انصاف ایسی چڑیا کا نام ہے جو ہمیشہ طاقتور، زیادہ بولنے والے، زیادہ پیسہ رکھنے والے، زیادہ حمایتی رکھنے والے، زیادہ دلیل رکھنے والے کے سر پر بیٹھتی ہے۔
انصاف کرتے ہوئے دیکھا جاتا ہے کہ فریقین کا تعلق کس کے ساتھ ہے۔ اگر تو ایک فریق کا تعلق اپنے گروہ، فرقہ،زبان۔ قوم، وغیرہ سے ہے تو وہی حق ہے باقی سب باطل ہے۔کفر ہے ۔اور انکا گلا کاٹ دینا عین انصاف ہے۔

کون کون انصاف کر سکتا ہے ؟؟
مندرجہ بالا انصاف کرنا ہر اس ہستی پر فرض ہے جو معاملے کو جانے نہ جانے بس یہ ضرور جانے کہ فریقین کا تعلق کس کس کے ساتھ ہے۔

انصاف سے مراد کیا ہے؟؟؟؟
انصاف سے مراد یہ ہے کہ ہر ممکن دینی و دنیاوی دلائل کو استعمال کر کے اپنے آپ کو اور اپنے گروہ کو حق ثابت کر دیا جائے۔

مجھے تو آج تک یہی تعریف سمجھ ائی ہے انصاف کی۔ یہی انصاف ہے جو میں نے اپنے علما سے سیکھا ہے،اپنے احباب سے دیکھا ہے، اپنے معاشرے سے سیکھا ہے اور یہی قرین انصاف ہے۔

خرم شہزاد خرم

اور خدا جانتا ہے میں نے بھی اپنی زندگی میں انصاف کے بارے میں جو کچھ دیکھا سنا اور پڑھا ہے وہ یہی ہے میں سمجھتا تھا میں کچھ غلط سوچ رہا ہوں انصاف کے بارےمیں لیکن آپ کے جواب نے کچھ بہتر کر دیا ہے مجھے شکریہ بدر بھائی آج کے دور میں یہی انصاف ہے یہی انصاف یہی انصاف کی آواز ہے اور یہی انصاف سب کچھ ہے

حیدر

ہم اپنے ارد گرد سے جو کچھ سیکھتے ہیں اسی کو بیان کر سکتے ہیں۔ اپ اور میں اسی معاشرے کے باسی ہیں۔ اور اس معاشرے کا یہی قرینہ ہے۔

فیصل ناصر

دراصل کوئی شخص اپنے تئیں جس کو ٹھیک سمجھتے ہیں وہی انصاف ہے باقی سب نا انصافی
خرم بھائی کا سوال بھی اسی پیرائے میں ہے

درجہ حرات یہاں کا بھی کافی زیادہ ہے آجکل راجہ بھائی

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

راجہ اکرام

خرم بھائی کو شاید اب درجہ حرات اور اپنے سوال کے مابین پایا جانے والا تعلق سمجھ آ گیا ہو

__________________
محتاج اصلاح و دعا

خرم شہزاد خرم

میں اب بھی سمجھ نہیں‌ سکا

خرم شہزاد خرم

اور شاہد سمجھنا بھی نہیں‌چاہتا کیونکہ بدر بھائی نے میرے سوالوں کے بہت اچھے جواب دے دیے ہیں‌
درجہ شرجہ جانے بغیر

سحر

انصاف ہر مسلمان پر فرض ہے ااور وہ اپنے دائرے اختیار میں اس کو لاگو کرنے کا مجاز ہے ۔
ایک مسلمان اللہ اور رسول صلی اللہ علیہ وسلم کے احکامات کے مطابق انصاف کرنے کا پابند ہے ۔
ہم دنیاوی خود ساختہ انصاف کے قوانین کو سامنے رکھ کر اللہ کے قوانین کو چیلنج نہیں کرسکتے ہیں ۔

میں یہاں ایک مثال دینا چاہوں گی

ایک یہودی اور ایک مسلمان کے درمیان کسی بات پر جھگڑا ہوگیا ۔ وہ فیصلہ کرانے حضور اکرم صلی اللہ علیہ وسلم کے پاس گئے حضور اکرم صلی اللہ علیہ وسلم نے یہودی کے حق میں فیصلہ دیا ۔ مسلمان نے اس فیصلے کو تسلیم نہیں کیا اور وہ حضرت عمر رضی اللہ عنہ کے پاس گئے اور پوری بات بتائی
حضرت عمر رضی اللہ عنہ اسی وقت اس مسلمان کا سر قلم کردیا اور کہا یہی میرا فیصلہ ہے ۔

اس میں سمجھنے والوں کے لیے بڑی نشانیاں ہیں

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

ARHAM

السلام علیکم !
آپ کے دوسرے سوال کے علاوہ باقی سوالات کے جوابات میرے محدود علم کے مطابق یہ ہیں :
انصاف یہ ہے کہ :
ہم چاہے غصے کی حالت میں ہوں یا خوشی کی ۔۔۔ ہر حال میں ہمارا فیصلہ وہی ہونا چاہیئے جو اللہ اور اس کے رسول صلی اللہ علیہ وسلم کو پسند ہو۔
ہمیں کسی سے تکلیف پہنچے تو ۔۔۔ بدلہ لینے میں حد سے تجاوز نہ کریں ۔
اگر دو افراد یا گروپ میں سے ایک حق پر ہے ۔۔۔ تو یہ نہ دیکھیں کہ اس میں ہمارا قریبی دوست یا رشتہ دار کون ہے اور اگر غلطی اس کی ہے تو ہم اس کے بے جا حمایت کریں ۔۔۔۔ محض دوستی نبھانے ۔۔۔
ہمارے زیر نگراں جو بھی افراد ہوں ۔۔۔ ہمارے نوکر ۔۔۔ ہمارے گھر والے ۔۔۔ اس کے علاوہ دوست / عزیز و اقارب یا جس کسی سے بھی ہمارا تعلق ہے ۔۔۔ ہم ان کے ساتھ راستی کا معاملہ رکھیں ۔۔۔ حق سے تجاور اس بناء پر نہ کریں کے ہمارے پاس اختیارات ہیں ۔۔۔ اور وہ ہم سے کم تر ۔۔
ان کے حقوق کا پورا پورا خیال رکھیں ۔۔
اپنے دائرے میں رہتے ہوئے ہر انسان پر فرض ہے کہ وہ انصاف اور عدل کو قائم کرے ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

خرم شہزاد خرم

یہ سب باتیں کتابوں میں لکھی ہوئی ہیں اور یہ ہمارے عمل کرنے کے لیے نہیں ہیں یہ بس دوسروں کو سمجھانے اور بتانے کے لیے ہے جب ہمیں اس پر عمل کرنے کا وقت آتا ہے تو پھر ہم ان لکھی ہوئی باتوں پر کم ہی عمل کرتے ہیں
یہ کتابیں یہ حدیثیں یہ بڑوں کی نصیحتیں یہ سب دوستوں کو سنانے کے لیے ہیں آج کا دور وہ والا دور نہیں ہے کہ ان باتوں پر عمل کر کے کامیابی حاصل کی جائے
آج اگر کسی ایک غیر مسلم کی غلطی ہوتی ہے تو اس بچارے کی وجہ سے پوری بستی کو آگ لگا دی جاتی ہے
اگر کوئی ایک غیر مسلم غلط کام کرتا ہے خواہ اس نے کیا ہو یا نا کیا ہو اس کو سبق سیکھانے کے لیے گھر کے گھر جلا دیے جاتے ہیں آج کل تو یہی انصاف ہے جس کے پاس طاقت ہے وہ انصاف کر سکتا ہے جس کے پاس پیسہ وہ انصاف کر سکتا ہے اور جس کے پاس اختیارات ہیں وہ انصاف کر سکتا ہے بس

راجہ اکرام

جسے انصاف کہتے ہیں وہ وہی ہے جس کا ذکر سحر بہنا اور ارحم بہن نے کیا
یہی اصل انصاف ہے اور اسے ہی قائم کرنے کے لئے ہمیں اپنے طور پر کوشش کرنی چاہئے۔ اور اس طرح لکھ کر اس کی اشاعت بھی ایک سرگرمی اور کوشش ہے۔

لیکن اگر ہم زمانے میں رائج غلط طریقوں اور رواجوں، رویوں اور نظریوں کو ہی انصاف کے طور پر پیش کریں گے، پھر چاہے وہ از راہ مزاح کریں یا از راہ طنز
دونوں صورتوں میں اصل انصاف سے روگردانی کے مرتکب ہو رہے ہیں۔

جن برائیوں کا خرم بھائی نے ذکر کیا یا جو بدر بھانی نے ذکر کیا وہ سراسر نا انصافی ہے، ظلم ہے زیادتی ہے عدوان ہے۔ اسے انصاف کہنا بجائے خود انصاف کے ساتھ زیادتی ہے۔