گلاب خان

روزنامہ جنگ میں خبر شائع ہوئی ہے
جمعرات اور جمعہ کی درمیانی شب اسلام آباد سے کراچی جانے والی قومی ایئرلائن پی آئی اے کی پرواز میں سوار مسافر اس وقت انگشت برنداں رہ گئے جب اچانک طیارے کے اندر نصب مائیک سسٹم پر طیارے کے کپتان نے انڈیا کا یہ فلمی گانا گنگناتے ہوئے ایئرہوسٹس سے کھانا لے کر آنے کی درخواست کی۔
آ بھی جاؤ صنم۔تجھ کو میری قسم…
یہ جہاز کے کپتان کو علم نہیں تھا کہ طیارے کی پرواز کے بارے میں معمول کے اعلان کے بعد مائیک بدستور آن ہے۔ جیوٹی وی کے مطابق کپتان کے گنگنانے کی آواز سنتے ہی ایئرہوسٹس کھانا لے کر بھاگم بھاگ کاک پٹ میں چلی گئی مگر طیارے میں سوار مرد عورتیں سراپا احتجاج بن گئے۔ مسافروں نے پائلٹ سے اس مخرب الاخلاق حرکت پر معذرت کرنے پر زور دیا جس پر جہاز کے کیپٹن نے پہلے انگریزی پھر اردو زبان میں طیارے کے تمام مسافروں سے معذرت کی۔ پی آئی اے کے کئی ہواباز پہلے بھی کاک پٹ میں غیرمہذب حرکات کرنے کی انکوائری بھگت رہے ہیں۔ اور پارلیمینٹ کی کمیٹی بھی پی آئی اے کی زبوں حالی کا جائزہ لے رہی ہے۔

__________________

اَلسَّلامُ عَلیکَ اَیُّھَاالنَّبِیُّ وَرَحمَۃُ اللّٰہِ وَبَرَکَتُہ