ایس اے نقوی

اسلام و علیکم!
دوستوں محترمہ سیدہ ثوبیہ ناز کے تھریڈ میری ماں
کے دیکھ کر میں یہ سلسلہ شروع کر رہا ہوں

لفظ ماں کا شمار دنیا کے‌خوبصورت لفظوں میں ہوتا ہے اور ماں کا نعم البدل کوئی نہیں ماں دنیا میں وہ واحد ہستی ہے جو اپنے بچوں کےلئے ہمیشہ اچھا ہی چاہتی ہے اچھا ہی کرتی ہے
دعا گو ہوں اس رب جلیل سے کہ یا اللہ میری ماں سمیت جن احباب کی والدہ محترمہ حیات ہیں انکو صحت تندرستی عطا فرما اور ہم کو ماں کی خدمت کرنے کی توفیق عطا فرما
دوستوں میں چاہتا ہوں کہ تمام احباب ماں جیسی عظیم ہستی کے بارے میں اپنے تاثرات لکھیں جن کی مائیں حیات ہیں وہ بھی اور جن کی دنیا فانی سے رخصت ہو چکی ہیں وہ بھی
اور جو وفات پا چکی ہیں ان کے بارے میں واضح لکھا جائے تا کہ انکی مغفرت کےلئے دعا کی جائے
امید ہے کہ دوست احباب اس میں بڑھ چڑھ کر شریک ہوں گے اور لفظ ” ماں “ پر بہترین خیالات کا اظہار کریں گے
اس سلسلہ کو آگے بڑھانے کےلئے بے شک احباب روزانہ لفظ ماں پر کچھ نہ کچھ لکھیں صرف شکریہ کا بٹن پریس نہ کیا جائے آپ کے تعاون کا طلبگار سید انجم شاہ
واضح رہے کہ جس ممبر کی والدہ محترمہ دنیا سے رخصت ہو چکی ہیں اور وہ ممبر جو اپنا پیغام اپنی ماں کے حوالے سے لکھے گا وہ اپنے پیغام کے بعد جن احباب کی مائیں وفات پا چکی ہوں گی ان کی مغفرت کےلئے دعا لکھے گا اس کے علاوہ کچھ نہیں
اللہ تعالی اپنے حبیب حضرت محمد (ص) کے صدقہ میں ہماری دعائیں اپنی بارگاہ میں قبول فرمائی اور مرحومین کے درجات بلند کرے( آمین ثم آمین )

رضی

۔

ایس اے نقوی

ماں
تجھے سلام

میری والدہ صاحبہ بیمار ہیں انکے لئے صحت کی دعا کی درخواست ہے جس کےلئے رازی نے ایک تھریڈ شروع کیا ہے برائے کرم وہاں تشریف لائیں اور خاکسار کو مشکور فرمائیں

انجم شاہ کی والدہ کے لیئے دعا کریں - پاکستان کی آواز - پاکستان کے فورمز
دعا کی درخواست ہے آپ سب سے اور رازی کا مشکور ہوں جس نے مجھ پر یہ احسان کیا

رضی

یا اللہ ہماری ماؤں کا سایہ ہم پر قائم و دائم رکھ ۔ اور انہیں صحت عطا فرما

ایس اے نقوی

آمین الہی آمین
اللہ آپ کی دعا کو قبول کرے آمین الہی آمین

ایس اے نقوی

محترمہ نورین خان
ماں کی عظمت پر فرماتی ہیں کہ

ایس اے نقوی

نیلم خان

اچھی شئیرنگ ھے ۔

gorgeous

واہ واہ زبردست ۔ ۔ ۔ ۔

samina khalil

ماں کا لفظ آتے ہی ایک لطیف ہوا کا جھونکا ایک گھنے درخت کا سایہ اور مجسم دعا پیکر ذھن کو عجیب سی تراوٹ اور شگفتگی دیتا ہوا اور ھمارے سارے دکھ سمیٹتا ہوا محسوس ہوتا ہے ، اللہ تعالی انجم شاہ کی والدہ ماجدہ کو صحت کامل عطا کرے ۔ آمین اور اپنے حبیب کے صدقے ھم سب کی والدہ کو بھی صحت و تندرستی عطا کرے آمین

راجہ اکرام

اللہ میاں سب کی ماؤں کو صحت تندرستی عطا فرمائے ۔ آمین
بہن جی آپ بھی کمال لکھتی ہیں۔۔ اللہ کرے زور قلم اور زیادہ

__________________
محتاج اصلاح و دعا

ایس اے نقوی

دوستوں ایڈمن عدنان صاحب کے تعاون سے اس پوسٹ سمیت دو اور پوسٹوں میں قریب قریب تمام مراسلہ جات کو ایڈیٹ کر کے 7 الفاظ کی ایک لائن بنائی ہے جس کو کاپی کر کے ویڈیو بنائی جائے گی درخواست ہے کہ اگر کوئی اور رکن لکھے تو وہ ایک لائن میں 7 یا 8 الفاظ لکھے انشاء اللہ کل دوپہر تک ایک اور ویڈیو بنائی جائے گی جس کا اغاز ماں سے ہو گا اسکے لئے نئے اراکین کے مراسلات کی ضرورت ہے شکریہ

طارق راحیل

میں اکثر ماں سے کہتا تھا
ماں !
دعا کرنا
کہ کبھی تیرا یہ بیٹا
خاکی وردی پہنے
سینے پہ تمغے سجاءے
مجاہدوں کا سا نور لیے
تیرے سامنے فخر سے کھڑا ہو،
اور میری ماں
میری ماں یہ سن کر
ہنس دیا کرتی تھی ـ ـ ـ
کبھی جو تمہیں میری ماں ملے تو اْس سے کہنا
وہ اب بھی ہنستی رہا کرے،
کہ شہیدوں کی مائیں
رویا نہیں کرتیں۔ ۔ ۔ ۔

میں اکثر ماں سے کہتا تھا
اْس دن کا انتظار کرنا،
جب دھرتی تیرے بیٹے کو پکارے گی،
اور ان عظیم پربتوں کے درمیان بہتے
اْشو کے دریا کا نیلا پانی،
اور سوات کی گلیوں میں بارش کے قطروں کی طرح گرتی
روشنی کی کرنیں پکاریں گی۔ ۔ ۔
اور پھر اس دن کے بعد،
میرا انتظار نہ کرنا،
کہ خاکی وردی میں جانے والے اکثر،
سبز ہلالی میں لوٹ کر آتے ہیں۔ ۔ ۔

مگر میری ماں۔ ۔ ۔
آج بھی میرا انتظار کرتی ہے،
گھر کی چوکھٹ پہ بیٹھی لمحے گنتی رہتی ہے،
میرے لیے کھانا ڈھک رکھتی ہے۔ ۔ ۔

کبھی جو تمہیں میری ماں ملے
تو اْس سے کہنا،
وہ گھر کی چوکھٹ پہ بیٹھ کر
میرا انتظار نہ کیا کرے۔ ۔ ۔ ۔
خاکی وردی میں جانے والے
لوٹ کر کب آتے ہیں؟

میں اکثر ماں سے کہتا تھا
یاد رکھنا !
اس دھرتی کے سینے پہ
میری بہنوں کے آنسو گرے تھے،
مجھے وہ آنسو انہیں لوٹانے ھیں۔ ۔ ۔
میرے ساتھیوں کے سر کاٹے گئے تھے
اور ان کا لہو پاک مٹی کو سرخ کر گیا تھا۔۔
مجھے مٹی میں ملنے والے
اْس لہو کا قرض اتارنا ہے۔ ۔ ۔

اور میری ماں یہ سن کر
نم آنکھوں سے
مسکرا دیا کرتی تھی۔ ۔ ۔

کبھی جو تمہیں میری ماں ملے
تو اْس سے کہنا
اس کے بیٹے نے لہو کا قرض چکا دیا تھا
اور
دھرتی کی بیٹیوں کے آنسو چن لیے تھے۔ ۔ ۔

میں اکثر ماں سے کہتا تھا
میرا وعدہ مت بھلانا،
کہ جنگ کے اس میدان میں
انسانیت کے دشمن درندوں کے مقابل
یہ بہادر بیٹا پیٹھ نہیں دکھائے گا
اور ساری گولیاں
سینے پہ کھائے گا

اور میری ماں
یہ سن کر
تڑپ جایا کرتی تھی

کبھی جو تمہیں میری ماں ملے
تو اْس سے کہنا،
اس کا بیٹا بزدل نہیں تھا،
اس نے پیٹھ نہیں دکھائی تھی،
اور ساری گولیاں سینے پہ کھائیں تھی۔ ۔۔ ۔

میں اکثر ماں سے کہتا تھا،
تم فوجیوں سے محبت کیوں کرتی ہو؟

ہم فوجیوں سے محبت نہ کیا کرو، ماں!
ہمارے جنازے ہمیشہ جوان اْٹھتے ہیں۔ ۔ ۔

اور میری ماںـ ـ ـ

میری ماں یہ سن کر
رو دیا کرتی تھی ـ ـ ـ

کبھی جو تمہیں میری ماں ملے
تو اْس سے کہنا،
وہ فوجیوں سے محبت نہ کیا کرے۔ ۔ ۔
اور
دروازے کی چوکھٹ پہ بیٹھ کر
میرا انتظار نہ کیا کرے

سنو۔ ۔ ۔!

تم میری ماں سے کہنا

وہ رویا نہ کرے ۔ ۔ ۔

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com

عروج

سچ یہی ھے رب کا سب سے بڑا احسان ماں ھے۔