shafresha

دوستوں سلام،
پچھلے کئی ماہ سے پیش آنے والے حالات کی وجہ سے میں‌مالی پریشانیوں میں‌گھِرا ہوا ہوں۔ اس فورم پر موجود کئی دوست اس حقیقت سے واقف ہیں۔

میری ایک عزیزہ جو بیسی (کمیٹی) وغیرہ ڈالتی ہیں نے مجھے مشورہ دیا ہے کے تم کوئی کمیٹی وغیرہ ڈال لو، تو میرے ذہن میں آیا کے کیوں نہ اپنے اس پیارے فورم پر ہم ایک کمیٹی شروع کریں۔ عام طور پر کمیٹی ڈالنے والے کی ذمہ داری ہوتی ہے کے وہ سب سے کمیٹی کے پیسے جمع کرکے ہر ماہ کسی ایک نامزد ممبر کو کمیٹی دیتا ہے۔

میرے ذہن میں‌ہے اس کا خاکہ کچھ اس طرح ہے کے:
1۔ کمیٹی ڈالنے کے خواہشمند ممبران ہر ماہ 1 یا 2 ہزار روپے چیک کے ذریعے ایک خاص اکاؤنٹ میں‌جمع کروادیں۔
2۔ ملک سے باہر رہنے والے ممبران Western Union کی سروس کے ذریعے اس میں حصہ لے سکتے ہیں اور اسی سروس کے ذریعے اُنھیں اُن کی باری پر کمیٹی ادا کردی جائے گی۔
3۔ چیک کے ذریعے رقم جمع کروانے والے ممبران اپنے چیک کا نمبر متعلقہ کمیٹی کے ذمہ داران کو ای میل یا پرسنل میسج کے ذریعے بتا دیں تاکہ رکنسیلیشن کرنے میں‌آسانی ہو۔
4۔ فوری ضرورت مند ممبران اپنی ضرورت سے کمیٹی کے ذمہ داران کو پرسنل میسیج کے ذریعے آگاہ کردیں تاکہ کمیٹی اُن کے نمبر سے اُنہیں آگاہ کرسکے۔

فی الحال یہ ایک تجویز ہے دیگر ممبران اور اس فورم کے منتظمین اور ذم داران کی اجازت کے بعد اسے عملی جامہ پہنایا جاسکتا ہے۔
میں‌بیسی (کمیٹی) کے ذمہ داران کے طور پر اپنا، فیصل بھائی، خلیل بھائی، شاہ جی، اُمِ غزل اور سحر بہن کا نام تجویز کرتا ہوں۔
آپ لوگ بتائیے کے آپ کی کیا رائے ہے؟

شکریہ!

ڈاکٹرنور

اس میں ایک طریقہ ہے تو سہی شا ید آپ لو گوں کو پسند آجائے۔
جو لوگ کمیٹی ڈالنا چاہتے ہیں ۔ ان کا اپنا اکاونٹ ہو نا ضروری ہے۔
ہر ممبر 18 چیک ہر ما ہ کی کمیٹی کی رقم کے برابر سا ئن شدہ پہلے جمع کر وا دے ۔
جیسے جیشے وہ کمیٹی جمع کرواتا جا ئے، اتنے چیک وا پس لیتا جا ئے۔
اگر ایک ممبر کی کمیٹی نکل آتی ہے۔ تو وہ بقا یا رقم کے برابر چیک بطور جمع رہنے دے۔

مسافر

بات تو دل کو لگتی ہے

ابو عمار

بھائی ایسی کمیٹی شاید صحیح نہیں ہوتی۔

ڈاکٹر نور بھائی کی بات واقعی دل کو لگی ہے۔
ایسا کرتے ہیں کہ ایک مشرکہ اکائونٹ کھلواتے ہیں۔ اب ہر ممبراپنے ذاتی بینک اکائونٹ سے اگلی ہر مہینے کی 10 تاریخ کا 2000 ہزار کا چیک کاٹ کر اس مشترکہ اکائونٹ میں جمع کروادے۔ جیسے اگر یہ سلسلہ اگست 2009 سے شروع ہوتا ہے تو پہلا چیک 10 اگست 2009 پھر اگلا چیک 10ستمبر 2009 اور اس طرح آخری چیک 10 جنوری 2011 کا کاٹ کر اس مشترکہ اکائونٹ میں جمع کرادیے جائیں۔ اب ہر مہینے جس جس کی بی سی نکلتی رہے تو مشترکہ اکائونٹ والے ممبر ایک چیک کاٹ کر اس ممبر کے اکائونٹ میں جمع کرادیں گے۔

ایک بات کو ذھن میں رکھیں کہ اگر کوئی ممبر 10 تاریخ تک اپنے اکائونٹ میں پیسے جمع نہیں کراسکا اور چیک بائونس ہونے کی صورت میں اس کے اکائونٹ سے شاید 200 روپے جرمانہ کاٹ لیا جاتا ہے۔ اور اگر اس طرح کسی ممبر کے تین چیک بائونس ہوجائیں تو شاید اس کے خلاف FIR بھی کاٹی جاسکتی ہے۔

شاہ جی 90

ہا ہا ہا ، بھائی میرے یہ تجویز تو اتنی ڈینجرس ہے کہ کسی کو بھی چاروں ہاتھہ پیر سے باندھ کر مارا جا سکتا ہے ،
کوئی ایک چیک کسی بھی ممبر کا بائونس ہوتے ہی ، بینک مینیجر کو ایک چٹ پر صرف اتنی تصدیق لکھنی ہوتی ہے کہ اس شخص کے اکئونٹ میں رقم نہیں اور اس چیک کو بائونس کیا جاتا ہے ۔
اسی چیک پر اسی وقت مقامی پولیس ایف آئی آر دینے کی پابند ہے ، جی
اور اس میں اس وقت تک ضمانت بھی نہیں ہوتی جب تک کہ مطلوبہ رقم متعلقہ بندے کو ادا نہ کر دی جائے ، ہیں جی

ڈاکٹرنور

محتر م شا ہ صاحب

اگر فراڈ سے بچنا ہو تو ضروری ہوتا ہے کہ پہلے مکمل حفاظتی اقدام کئے جا ئیں۔
تاہم کسی کے خلاف ایف آئی آر تو تبھی کٹوائی جا ئےگی
جب کو ئی فراڈ کرے گا۔

میری تجویز پر ہا ہا ہا کرنے کے بجائے کو ئی بہتر تجویز دی جائے جو فول پروف ہو۔

ابو عمار

سب دوستوں کو کیا ہوگیا ہے، ہم تو اس سلسلے کو فول پروف بنانے جا رہے تھے۔ آپ لوگ تو سرے سے بھاگ ہی گئے۔

shafresha

شکریہ سرمد بھائی،
سب بھاگے نہیں‌ہیں‌بلکے اس معاملے کے سلجھنے کے منتظر ہیں۔
دیکھیئے، میں، آپ، فیصل، خلیل بھائی، رضی، شاہ صاحب، ڈاکٹر نور تو کنفرم ہو چکے ہیں۔
1۔ تین کمیٹیاں میری طرف سے (یہ شاید ذیادہ بھی ہوجائیں)

اب آپ لوگ اس لسٹ کو بڑھائیں۔

ابو عمار

تو کیا ہم سب ان شرائط پر راضی ہیں ؟

ڈاکٹرنور

میں تو آپ لوگوں کی حوصلہ افزائی کےلئے شا مل ہونے کو تیار ہوں۔
شرط صر ف فول پروف انتظام کی ہے

shafresha

میرے خیال میں بات اب کچھ اس طرح بنی ہے کے کوئی بھی دو یا تین ارکان ایک مشترکہ اکاونٹ کھولیں گے۔
کمیٹی کے وہ ممبران جن کو بینک اکاؤنٹ کی سہولت میسر ہے، فی کمیٹی 2 ہزار روپے کے حساب سے ایڈوانس چیک (تاریخ ڈال کر) کاٹ کر ذمہ داران کے سپرد کردیں گے۔
کمیٹی کے وہ ممبران جن کو بینک اکاؤنٹ کی سہولت میسر نہیں ہے، فی کمیٹی 2 ہزار روپے کے حساب سے ہر ماہ ایک خاص مقررہ تاریخ تک کمیٹی کے مشترکہ اکاؤنٹ میں‌جمع کروادیا کریں‌گے۔

اب سب سے اہم سوال یہ ہے کے اب تک ہم کتنے ممبران جمع کرسکیں‌ہیں؟
اگر میں اور میری وائف 3 کمیٹیاں ڈالتے ہیں‌، اور فیصل، سرمد بھائی، شاہ صاحب + رضی، ڈاکٹر نور صاحب، خلیل بھائی وغیرہ اگر ایک ایک بھی ڈالیں‌تو تو تقریبا 8 کمیٹیاں (16000=8x2000) بنتے ہیں۔ یہ میری خیال میں‌کافی نہیں۔ ہمیں دیگر ممبران سے بات کرنی چاھیئے۔

shafresha

.................................................. ...................

ابو عمار

میرے خیال میں وہ ممبران جن کو بینک اکاؤنٹ کی سہولت میسر نہیں ہے، وہ اپنا بینک اکائونٹ بنوا لیں۔

شاہ جی 90

محترم جناب ڈاکٹر نور صاحب مدذلہُ العالی
اسلام و علیکم و رحمت اللہ و برکاۃ
میرے خیال میں تو میں نے سرمد بھائی کے مراسلے پر اپنے کمنٹس دئیے تھے ، آپ کا تو صرف زکر تھا اس میں اور وہ بھی آپ کی تجویز کے حوالے سے ، اب اگر میری کسی بات پر اعتراض ہونا چاہئیے تو اصولی طور پر سرمد صاحب کو، ویسے بھی اتنی لاعلمی پر اتنے یقین سے اگر قانون کے بارے میں بات کی جائے تو ہنسی تو ہر ایک نارمل انسان کو آ ہی جاتی ہے ، جو اصل قانون سے واقف ہوتا ہے ۔ مجھے بھی اس صورت حال میں ہنسی آئی ، آپ لوگوں کو سنا نہیں سکتے تو ہم لکھہ دیتے ہیں ۔ مجھے فضول ہا ہا ہا کا کوئی شوق نہیں ہے ۔
ویسے اس صورت حال کے بارے میں اردو میں ایک محاورہ ہے کہیں تو لکھہ دوں ، شاید بات آپ کو سمجھہ آ جائے ۔
بیگانی شادی پر عبداللہ دیوانہ
ہاں سرمد بھائی اعتراض کریں ، یہ ان کا حق ہے ، ہم انہیں دل و جان سے مطمعن کرنے کو تیار ہیں لیکن کوئی ہمیں ان کے مراسلے پر کمنٹس کی بابت اس انداز سے مخاطب کرے ، یہ ہمیں کسی صورت منظور نہیں ۔ ہمارا انداز مزاحیہ ہوتا ہے ، طنزیہ تو انتہائی کم دیکھنے میں آیا ہو گا ۔
پیار سے نور بھائی جان بھی مانگیں تو حاضر ہے
غصہ نہیں چلنے کا ، ہاں

مزمل فاروق

شافریشہ بھائی مجھے بھی شامل کرلیں آپنی لسٹ میں

shafresha

balli87 بھائی شکریہ!
آپ کی رہائش کون سے شہر میں‌ہے؟