راجہ اکرام

کل صبح دفتر جانے کے لئے اٹھا تو طبیعت بوجھل سی محسوس ہوئی۔ لیکن جانا بھی ضروری تھا ۔ تیاری کی اور خراماں خراماں بس سٹاپ کی جانب چل پڑا۔ پیر ودھائی سے فیصل مسجد جانے والی کوسٹر میری اکلوتی سواری ہے ۔ جو فیض آباد، زیروپوائنٹ، آبپارہ ، سپر مارکیٹ سے ہوتی ہوئی جناح سپر آتی ہے۔ کیوں کہ وہاں سے کوئی اور سروس جناح سپر نہیں آتی۔ اس کوسٹر کی حالت کیا ہوتی ہے ، سفر کیسا گزرتا ہے ، کتنا ٹائم گزارنا پڑتا ہے اور بس سے اترنے کے بعد کیا حالت ہوتی ہے ؟ یہ ایک دردناک کہانی ہے اس لئے اسے رہنے دیتے ہیں۔

آبپارہ پہنچ کر اکثر اسٹاپ لمبا ہو جاتا ہے ۔کیوں کہ یہاں آ کر گاڑی انتظار کرتی ہے۔ اور اپنے پیچھے آنے والی بس کا دیدار کئے بغیر سٹاپ چھوڑنا محبت کے اصولوں کے منافی سمجھتی ہے۔ آج بھی حسب معمول بس آکر رکی ، میں دائیں جانب کھڑکی کے پاس بیٹھا ہوا تھا۔ باہر کا موسم سرد ہونے کے باوجود سہانا تھا۔ میں نے باہر دیکھا تو ایک بورڈ لگا نظر آیا۔ جس پر”لیڈیز انڈسٹریل ہوم“ یا اس کے ہم معنی الفاظ درج تھے۔متوسط اور غریب طبقے کی اکا دکا خواتین اس طرف جاتی ہوئی نظر آئیں۔ اتنے میں ایک نئے ماڈل کی کار آ کر اس بورڈ سے کچھ فاصلے پررکی ۔ ایک برقعہ پوش خاتون گود میں بچہ لئے اتریں۔ اور روڈ کے دائیں طرف عمارت کی جانب چل پڑیں۔میں سوچ میں پڑ گیا کہ ، اتنی اچھی کار متوسط یا غریب خاندان تو کسی صورت بھی نہیں رکھ سکتا۔

حیرت فطری تھی۔ میں نے ادھر ادھر کا جائزہ لینا شروع کر دیا کہ شاید اس انڈسٹریل ہوم کے علاوہ بھی ایسا ادارہ ہو جہاں خوشحال خاندان کی خواتین بھی کام کرنے آتیں ہوں۔ اتنے میں میری نظر ایک اور بورڈ پر پڑی جو سائز میں پہلے والے بورڈ سے نسبتا چھوٹا تھا۔ جس پر Day Care Center کے الفاظ درج تھے۔ فورا میرے ذہن میں خیال آیا کہ ضرور یہ خاتون اپنے اس بچے کو اس سینٹر میں چھوڑنے آئی ہوں گی۔ تھوڑی دیر بعد خاتون کی خالی ہاتھ واپسی نے میرے خیال کی تصدیق کر دی۔

اندرونی کیفیت تو خدا ہی بہتر جانتا ہے لیکن بظاہر ایک خوشحال خاندان تھا۔ اللہ کی عطا کردہ اتنی نعمتوں کے باوجود انہوں نے اپنے پھول سے بچے کو کسی اور کے رحم و کرم پر چھوڑ دیا ۔

حالانکہ یہ ایک مسلم حقیقت ہے کہ بچے کی پہلی تربیت گاہ ماں کی گود ہے ۔ اور جس کی پہلی اینٹ ہی ٹیڑھی ہو وہ دیوار کیا سیدھی ہو گی۔ اور جدید تحقیق نے یہ ثابت کر دیا ہے کہ بچے کی سوچ اور خیالات ابتدائی عمر سے ہی پروان چڑھنا شروع ہو جاتے ہیں ۔ اس کے لئے بہترین ماحول ، اپنائیت اور بھرپور خیال ضروری ہوتا ہے۔ جو ایک بچے کو اس کی ماں کے سوا کوئی اور نہیں دے سکتا۔

ایک لمحے کے لئے میرے ذہن میں خیال آیا کہ خوشحال گھرانوں میں پلنے والے بچے اس دولت سے محروم ہیں جو غریب خاندان کے بچوں کو میسر ہے ۔ اگرچہ اچھا بستر، خوبصورت گھر، اچھی گاڑی کی سواری اور خدمت گزار انہیں میسر نہیں لیکن کم از کم اپنی ماں کا فطری پیار تو وافر مقدار میں ملتا ہے ۔

انہی خیالوں میں گم تھا کہ منزل آگئی۔ بس سے اترا اور آفس کی جانب چل پڑا۔ آفس پہنچ کر القمر آن لائن کی سائٹ کھولی تو ایک خبر نے مجھے چونکا دیا۔ کیوں کہ وہ اسی سے متعلق تھی جس پر میں سارے راستے سوچتا آیا تھا۔

ایک تحقیق شائع ہوئی ہے جس میں بڑھتے ہوئے جرائم میں نوجوانوں کی شمولیت کے پیش نظر اس کی وجوہات جاننے کے لئے ایک تحقیق کی گئی۔ جس میں یہ ثابت کیا گیا ہے کہ جرائم میں ملوث بیشتر افراد بچپن میں ماں کے دودھ اور توجہ سے محروم رہتے ہیں۔
ماں کا دودھ اور توجہ نہ ملنے سے نہ صرف بچے کی صحت پر برا اثر پڑتا ہے بلکہ اس کی اخلاقی تعمیر بھی متاثر ہوتی ہے ۔کیوں کہ یہ فطری عمل ہے کہ جب بچپن سے ہی ایک بچہ پیار ، محبت، ایثار اور قربانی کے مظاہر سے محروم رہے گا تو وہ عدم تحفظ کا شکار ہو جائے گا۔ اس کی سوچ کو صحیح سمت نہ مل سکے گی ۔ نتیجتا وہ جرائم پیشہ افراد کے لئے بہترین مددگار ثابت ہو گا۔

آج وطن عزیز جن مسائل، مشکلات، اور بحرانوں کا شکار ہے وہ اس چیز کا بالکل متحمل نہیں ہو سکتا کہ اس میں مزید ایسے نوجوان پروان چڑھیں۔ لہذا حکومت اور اہل اختیار کو اس جانب خصوصی توجہ مرکوز کرنے کی ضرورت ہے۔ اس کے لئے موثر حکمت عملی وضع کی جاسکتی ہے جس کے نتیجے میں ملازمت پیشہ خواتین کو اتنی سہولیات دی جائیں کہ وہ اپنے بچوں کی دیکھ بھال بھی فطرت کے اصولوں کے مطابق کر سکیں۔

ورنہ ہمارا حال بھی یورپ سے مختلف نہ ہو گا۔ انہوں نے بھی دوسری جنگ عظیم کے بعد افرادی قوت کی قلت کے باعث خواتین کو بھی مردوں کے شانہ بشانہ کام کرنے پر ابھارا اور مساوات کے پردے میں انہیں چار دیواری سے باہر لے آئے۔ مادی ترقی کا ہدف تو انہوں نے حاصل کر لیا لیکن خاندان کا ادارہ مکمل طور پر تباہ ہو گیا جس کا انہیں بہت دیر بعد احساس ہوا۔ اور اب اس ادارے کو بحال کرنے کی کوششیں جاری ہیں لیکن کافی دیر ہو چکی ہے۔لہذا ہمیں مادی ترقی کے عوض میں اخلاقی اور ذہنی پس مانندگی کو کبھی قبول نہیں کرنا چاہیے۔

یہ تو خوشحال گھرانوں کا حال تھا۔ اب ذرا ایک نظر ان ماﺅں پر بھی ڈال لیجئے جو اتنے پیار اور محبت سے اپنے بچوں کو پالتی ہیں، خود بھوکا رہ کر ، بھیک مانگ کر اپنے بچوں کا پیٹ بھرتی ہیں۔ اب وہ بھی حالات سے تنگ آکر اپنے جگر گوشوں کو سر عام نیلام کرنے پر مجبور ہیں۔ اور اس میں قصور ان کی مامتا کا نہیں بلکہ ان اصحاب اخیتار کا ہے جنہوں نے ایسے حالات پیدا کئے ہیں۔ اور حالات کا جبر انہیں ایسا کرنے پر مجبور کرتا ہے۔ اس کا حل اگر نہ تلاش کیا گیا تو نتائج پہلے والی صورت سے بھی زیادہ بھیانک ہو سکتے ہیں۔کیوں کہ وہ ماں جس کی ممتا کا یہ حال ہو کہ ۔۔۔

ایک مدت سے میری ماں نہیں سوئی تابش
میں نے اک بار کہا تھا کہ مجھے ڈر لگتا ہے

اگر اپنے بے لوث پیار کے باوجود اپنے جگر گوشے کو نیلام کرنے پر اتر آئے تو حالات کی سنگینی کا اندازہ لگایا جا سکتا ہے۔

آئیے مل کر ان مسائل کا پائیدار حل تلاش کریں کہ کوئی ماں اپنے جگر گوشے کو بیچنے پر مجبور نہ ہو۔ کوئی باپ اپنے خاندان کو آگ لگا کر خود کشی نہ کرے ۔ تاکہ پر امن فلاحی معاشرے کا خواب شرمندہ تعبیر ہو سکے۔

(یہ تحریر کافی عرصہ پہلے لکھی تھی تب شاید پاک نیٹ سے اتنی شناسائی نہیں تھی، نیٹ پر کئی جگہ دستیاب ہے۔ سوچا یہاں بھی شیئر کر دوں“)

__________________
محتاج اصلاح و دعا

حیدر

خود میرے ذہن میں کوئی ترتیب نہیں بن پا رہی۔ مجھے تو اب ایسا محسوس ہو رہا ہے کہ جیسے بچے کے لیے "ماں" کا مطلب وہ عورت نہیں کہ جس نے اس کو جنم دیا ہے بلکہ "ماں" کا مطلب وہ عورت ہے جس نےاسکو پالا پوسا۔ ورنہ کیونکر ایسا معاملہ کیا جاتا کہ بچے کو اس وقت کہ جب ماں کو بچے کو اٹھانے کی تڑپ ہوتی ہے اسی وقت اس کو ماں سےدور کیا جا رہا ہے اور ماں بخوشی کر رہی ہے۔ میں ڈاکٹر نور کی بیان کردہ وجوہات سے اتفاق کرتے ہوئے بھی ان سے گزارش کروں گا کہ محترمہ سحر کی بات سمجھنے کی کوشش کریں۔ وہ اتنی سادہ بات نہیں کر رہیں انکے الفاظ پر نہیں بلکہ مقصد پر جائیں۔
میرا خیال ہے کہ حیدر بھائی یا عادل بھائی زیادہ بہتر روشنی ڈال سکتے ہیں اس معاملے پر۔

فیصل ناصر

جہاں تک میںں سمجھتا ہوں یہ بچے کی تربیت کا حصہ ہونا چاہئے
ماں بچے کی محبت میں بعض اوقات اسکی تربیت اس معنوں میں نہیں کرپاتی کہ بچہ اپنے فیصلے ماحول کے مطابق خود کرسکے
میں نے بہت سے ایسے عمر رسیدہ بچے بھی دیکھے ہیں جو آج تک بڑے نہیں ہوسکے اور اس کے پس منظر میں ہمیشہ مجھے ماؤں کے بے جا لاڈ پیار کی جھلک ہی نظر آئی
میں بذات خود باپ ہونے کے ناطے اپنے بچوں کو بہادر اور سخت جان دیکھنا چاہتا ہوں لیکن ان کی ماں بچوں کو شیشے کے نازک برتن کی طرح رکھنے کی کوشش میں لگی رہتی ہے

دوسرے یہ کے وہ بچے جن کو اپنے ہم عمر بچوں کی صحبت حاصل ہوتی ہے انہیں ہمیشہ میں نے کانفڈنٹ پایا بنسبت ان بچوں کے جو تنہا پرورش پاتے ہیں

یہ کچھ آئیڈے ہیں
باقی اہل علم افراد کی رائے درکار ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

سحر

میں اپنے سوال میں چند باتوں کا اضافہ کروں گی
ہم تربیت ماں کی گود کو کہتے ہیں
لیکن ایک حدیث ہے جس کا مفیوم کچھ یوں ہے
باپ اپنی اولاد کو جو کچھ دیتا ہے اس میں سب سے اچھی چیز اچھی تعلیم وتربیت ہے
اس حدیث میں صرف باپ کا ذکر ہے والدین کا نہیں یا ماں کا نہیں

راجہ اکرام

السلام علیکم و رحمۃ اللہ
میرے خیال میں تعلیم و تربیت واقعی والد کا کام ہے لیکن اس کا ایک مرحلہ ہے
مدت رضاعت یعنی دوسال بلکہ اس کے بعد بھی کافی عرصہ بچہ یا والد اس پوزیشن میں نہیں ہوتے کہ ایک دوسرے سے کچھ حاصل کر سکیں
اس وقت ماں جو کا کردار اہم ہوتا ہے۔
جب بچہ تعلیم و تربیت کے اس مرحلے میں داخل ہو جائے جب باپ کا کردار شروع ہوتا ہے تو پھر اس حدیث کا اطلاق ہوتا ہے۔
یہی وجہ ہے کہ اگر خدانخواستہ زوجین میں کسی وجہ سے علیحدگی ہو جائے تو بچہ اگر چھوٹا ہو تو ماں کے سپرد کیا جاتا ہے اور جب سمجھدار ہو جائے تو باپ لے جاتا ہے۔

یہ خالصتا میری رائے ہے جس کے غلط ہونے کا 100% امکان موجود ہے۔
اہل علم سے رہنمائی کی التجا ہے۔

حیدر

چونکہ اس معاملے میں میری معلومات صفر بٹا صفر ہیں کہ نہ تو بچے ہیں اور نہ اس سلسلہ میں کوئی معلومات ہیں تو میں کسی قسم کی رائے کا اظہار نہیں کر سکتا۔
تاہم ماں ۔ ۔ ۔ بچہ اور ۔ ۔ ۔ معاشرے کی تشکیل بذات خود ایک اہم موضوع ہے۔ میں سمجھتا ہوں کہ بچوں کی ماں کو مضبوط اعصاب، مضبوط ارادے، اور بچے کی تربیت کے معاملہ میں کچھ سخت گیر ہونا چاہیے۔ محض لاڈ پیار کرنے والی ماں اپنے بچوں کو "ممی ڈیڈی بچہ" بنا دیتی ہے ۔چونکہ زندگی بہت ظالم ہے تو انکو میدان کار میں بھی اسی جیسی چھتری کی ہی ضرورت رہ جاتی ہے۔ ہماری ماں چونکہ خؤد مضبوط اعصاب کی مالک تھیں اسی لیے انہوں نے ہماری تربیت بھی ایسی کی کہ باوجود انتہائی تنگ معاشی حالات اور بالکل اجنبی معاشرے میں (Being a Baloch in Punjab) تنہا گھر کے آج ہمارا گھر نہ صرف اپنے خاندان بلکہ اس معاشرے میں بھی عزت کی نگاہ سے دیکھا جاتا ہے۔ ہم بھائیوں کی مثالیں دی جاتی ہیں۔ یہ محض ہماری ماں کی وجہ سے تھا۔ بچپن میں ہم کو انکا سخت رویہ بالکہ نہیں بھاتا تھا۔لیکن اب ہم کو احساس ہوا ہے کہ ہم آج جو بھی ہیں اپنی امی کی اسی قربانیوں اور محنت کی وجہ سے ہیں۔
اس میں تھوڑی سی مثال کچھھ یوں بھی دوں گا کہ میرے علاوہ میرے سب ھائیوں کی شادی ہو چکی ہے۔ ان میں سے کچھھ کی بیگمات اپنی اولاد پر صدقے واری ہیں ۔ اس لیے باوجود ان پر کھلا خرچ کرنے، اچھی تعلیم اوراچھے اداروں میں داخلوں کے ۔ ۔ ۔ نہ تو ان میں وہ اعتماد ہے اور نہ ہی ان میں وہ بڑوں کا عزت و اکرام کا طریق ہے جو ہماری امی نے ہم کو سکھایا۔ اس کے بالعکس ایک بھائی کی اولاد میری امی کے زیر نگرانی پرورش پا رہی ہیں۔ ان میں اور انکے دیگر کزنز کے اطوار میئں زمین آسمان کا فرق ہے۔
ماؤں کے لاڈ پیار کا ایک اور نقصان یہ بھی ہوتا ہے کہ اگر باپ کسی بات پر سختی کرنا چاہے تو ایسے میں ماں آڑے آ جاتی ہے۔ جس کے نتیجے میں کبی کبھی یہ ہوتا ہے کہ باپ کی وہ عزت و اکرام اور دباؤ باقی نہیں رہتا اولاد کی نظر میں جو ہوناچاہیے۔ اور انجام کار وہ ماں بھی اسی المیہ کا شکار ہو جاتی ہے ہ اولاد اس پر سے بھی توجہ ہٹا لیتی ہے۔
میرے خیال میں اولاد کی تربیت او چناچہ اچھے معاشرے کی تشکیل میں اچھی ماؤں کا سب سے اہم کردار ہے یا شاید باپ سے بڑھ کر کردار ہے۔
کسی فلسفی نے کہا تھا کہ
"مجھے تم پڑھی لکھی مائیں دے دو ۔ ۔ ۔، میں تم کو پڑھا لکھا معاشرہ دے دوں گا"
آج ہماری لڑکیاں اعلیٰ ڈگری ہولڈر تو ہیں لیکن بد قسمتی سے ان میں تربیت کا اتنا ہی فقدان ہوتا جا رہا ہے۔ جس کی وجہ سے ہر آنےوالی نسل تعلیم میں تو آگے سے آگے جا رہی ہے لیکن آج وہ اخلاقی معیار، دوسروں کی عزت و تکریم، ہمدردی و رواداری باقی نہیں رہی جو سابقہ نسلوں کا خاصہ تھی۔ ایک وہ مائیں تھیں جو گھر بیٹھے بیٹوں کو تعنے مار مار کے میدان جنگ میں بھیجا کرتی تھیں ۔ ۔ ۔ آ ج ایسی مائیں بھی ہیں جو جب اپنے بچوں کے منہہ سے جنگ کا لفظ سنتی ہیں تو لرز جاتی ھیں۔
کسی اور ٹاپک میں محبت کی شادی پر ڈسکشن چل رہی ہے ۔ ۔ ۔ میں ببانگ دل کہنے کو تیار ہوں کہ ہمارے معاشرے کی ابتری میں محبت کی شادی کا بھی ایک ہاتھ ہے۔ محبت کی شادی میں لڑکی کی خوبصورتی دیکھی جاتی ہے، اسکی تعلیم دیکھی جاتی ہے، اسکا خاندان دیکھا جاتا ہے، اسکی دولت دیکھی جاتی ہے اور پھر اس سے محبت ہوتی ہے۔ کسی نے آج تک دین کی وجہ سے محبت کی ہےِ؟ کسی نے آج تک کسی ایسی لڑکی کو پسندیا ہو جو پردے کی پابند ہو، صوم و صلاۃ کا خیال رکھتی ہو، دین اپنا بچا کر رکھتی ہو؟ مجھے آج تک ایسی کوئی مثال سنائی نہیں دی کہ کسی لڑکے نے کسی لڑکی کو اسکی دینداری کی وجہ سے پسند کیا ہو،۔
تو جناب آپ اندازہ لگا سکتے ہیں کہ جہاں دین کی اہمیت کسی درجہ کی بھی نہ ہو ۔ ۔ ۔ وہاں کس قسم کا معاشرہ تخلیق پائے گا۔
واللہ عالم

طارق راحیل

مری آرزؤں کی تمہید تم ہو
مرا چاند تم ہو مری عید ہو

طارق راحیل

مری آرزؤں کی تمہید تم ہو
مرا چاند تم ہو مری عید ہو