ایس اے نقوی

اسلام و علیکم!
دوستوں محترمہ سیدہ ثوبیہ ناز کے تھریڈ میری ماں
کے دیکھ کر میں یہ سلسلہ شروع کر رہا ہوں

لفظ ماں کا شمار دنیا کے‌خوبصورت لفظوں میں ہوتا ہے اور ماں کا نعم البدل کوئی نہیں ماں دنیا میں وہ واحد ہستی ہے جو اپنے بچوں کےلئے ہمیشہ اچھا ہی چاہتی ہے اچھا ہی کرتی ہے
دعا گو ہوں اس رب جلیل سے کہ یا اللہ میری ماں سمیت جن احباب کی والدہ محترمہ حیات ہیں انکو صحت تندرستی عطا فرما اور ہم کو ماں کی خدمت کرنے کی توفیق عطا فرما
دوستوں میں چاہتا ہوں کہ تمام احباب ماں جیسی عظیم ہستی کے بارے میں اپنے تاثرات لکھیں جن کی مائیں حیات ہیں وہ بھی اور جن کی دنیا فانی سے رخصت ہو چکی ہیں وہ بھی
اور جو وفات پا چکی ہیں ان کے بارے میں واضح لکھا جائے تا کہ انکی مغفرت کےلئے دعا کی جائے
امید ہے کہ دوست احباب اس میں بڑھ چڑھ کر شریک ہوں گے اور لفظ ” ماں “ پر بہترین خیالات کا اظہار کریں گے
اس سلسلہ کو آگے بڑھانے کےلئے بے شک احباب روزانہ لفظ ماں پر کچھ نہ کچھ لکھیں صرف شکریہ کا بٹن پریس نہ کیا جائے آپ کے تعاون کا طلبگار سید انجم شاہ
واضح رہے کہ جس ممبر کی والدہ محترمہ دنیا سے رخصت ہو چکی ہیں اور وہ ممبر جو اپنا پیغام اپنی ماں کے حوالے سے لکھے گا وہ اپنے پیغام کے بعد جن احباب کی مائیں وفات پا چکی ہوں گی ان کی مغفرت کےلئے دعا لکھے گا اس کے علاوہ کچھ نہیں
اللہ تعالی اپنے حبیب حضرت محمد (ص) کے صدقہ میں ہماری دعائیں اپنی بارگاہ میں قبول فرمائی اور مرحومین کے درجات بلند کرے( آمین ثم آمین )

ایس اے نقوی

جواب:شکریہ ملک بھائی مگر معذرت بھی کہ میں نے درخواست کی تھی کہ صرف ماں پر لکھا جائے گا تھریڈ شروع کرنے پر تعریف یا دیگر الفاظ سے پرہیز کیا جائے کیونکہ اس طرح یہاں بھی گپ شپ شروع ہوجانی ہے امید ہے برا محسوس نہین کروگے آپ
،،،،،،،،،،،،،،،،،،،،،،،
اور تمام ممبران سے ایک پھر درخواست ہے کہ اپنی خیالات کا اظہار کرنے کے بعد جن ارکان کی والدہ محترمہ دنیا سے رخصت ہوچکی ہیں انکی مغفرت کےلئے دعا ضرور کریں
اور شاہد علی بھائی اللہ تعالی آپ کی والدہ محترمہ کو صحت و تندرستی عطافرمائے اور انکی ہر پریشانی کو دور کرے اللہ آپ کو والدہ محترمہ کی خدمت کرنے کی مزید توفیق عطافرمائے آمین ثم آمین

نوٹ: ماں جیسی عظیم ہستی پر ایک تحریر زیرغور ہے استاد محترم ابھی پڑھ رہے ہیں پاس ہوجانے پر قارئین کےلئے الگ تھریڈ میں پیش کی جائے گی یہاں صرف ماں کے بارے میں تاثرات رقم کئے جائیں گے شکریہ

ام غزل

اللہ سب ماؤں کو ان کے بچوں کے سروں پر سلامت رکھے اور جن کی ماں اب حیات نہیں ان کو صبرٍ جمیل عطا فرمائے ۔ آمن۔

اسد لطیف

لفظ ماں









صرف نام ہی کافی ہے۔

سد ید مسعو د

ماں کا لفظ میرے لئے دائمی
روشنی کا حالہ ھے، ایک مقدس
کتاب ھے جسکا اک اک
ورق بے داغ ھے، میں تو نیچ ھوں،
پلید ھوں، دھن بریدہ ھوں، ستم
رسیدہ ھوں،میں سطح زمیں ھوں،
عصیاں بداماں ھوں، میں کچھ بھی نہیں،
ایک کم مائہ مشت خاک ہوں
میری کیا مجال میری کیا ھمت
میری کیا اوقات کہ میں ماں کی
کسی ایک صفت کو بھی بیان کر سکوں،
جو لفظوں میں بیاں ھوجائے وہ ماں نہیں،کم از کم میرے پاس ایسا ساماں نہیں، میں نے اسکی محبت کا کوئی حق ادا نہیں کیا جب مجھے اس سے محبت ھوئی تو میں اسکی قبر پر کھڑا تھا میں کیا کرتا انتہائی بے بس تھا، میں نے بے شمار گلاب کے پھول اسکی قبر پر ڈالے پر تشفی نہ ھوئی میں نے سینکڑوں اگر بتیاں جلا دی پر دل نہ مانا، میں‌ نے کئی حافظ بیٹھا کر قرآن پڑھوائے پر تشنگی باقی رھی، میں نے ماں کی قبر کی خاک اٹھا کر چومی،بالوں‌میں ملی مگر دل کی حسرت نہ گئی،بس ایک دفعہ وہ زندہ ھو جائے اور میں اسکے پاؤں چوم لوں، وہ میرے سر پر شفقت سے ھاتھ رکھ دے اور میں‌کہوں ماں میں واپس آگیا ھوں‌ تیرے لئے، اب تو نہیں روئے گی نہیں جاگے گی، میں جاگوں گا، جو تو چاھے گی وہ ھوگا، ھے کوئی جو میری یہ خواھش پوری کر سکے مجھ سے لاکھوں‌ ڈالر لے لے، نئی گاڑی لے لے میں ھر قیمت دینے کو تیار ھوں خدا کی قسم تیار ھوں، پر شاہ جی خدا کے لئے کسی ایسے رستے کا سراغ لا دو میرے ھاتھوں پہ ماں‌ کی محبت کا روشن چراغ لا دو۔

اپنی بھی شام شائد غریبوں‌کی شام ھے
پانی ملا تو شہر میں‌ پیاسا نہیں رھا

سدید مسعود

Haya 786

میں دنیا میں کہیں بھی ھوں
سب سے دور
مگر ایک ھستی ھے
جو میرے آس پاس ھوتی ھے
میری خوشیوں میں خوش ھوتی
میرے دکھ میں تڑپتی
جس کے سجدے میرے لیے
جس کی دعائیں میرے لیے
جس کے آ نسو
سب منتیں مرادیں
جس کی ھر آرزو ھے میرے لیے
ھر پریشانی میں اس کی دعائیں
میرے سر پہ سایا کرتی ھیں
کبھی ستارہ کبھی جگنو بن کر چکمتی ھیں
محبتوں کا خزانہ ھے
میری ماں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سعدیہ سحر

مباح

میں بھی دنیا کے ان بد نصیبوں میں
سے ہوں جس کی ماں اسے چھوڑ
گئی تنہا انسانوں کے اس جنگل میں
جہاں کوئی کسی کا نہیں سب
مطلب کے یار ہیں جہاں خونی رشتے
بھی مطلب پرستی کی چادر میں
لپٹے ہوئے ہیں ان سب کے بیچ میں
اللہ اور اس کے
رسول صلی اللہ علیہ وسلم کے
بعد واحد ہستی ماں تھی
میری جس کا مقام ومرتبہ میری نظروں میں اس دور کے انسانوں سے زیادہ اونچا ہے۔ میں نے ہے اسلیے لکھا کیونکہ میری دل میں وہ زندہ ہے جب بھی جمعے کے دن میں اس کی قبر پر حاضری دینے جاتا ہوں تو واپس آتے ہوئے یوں لگتا ہےکہ جیسے معلوم نہیں کتنا بڑا معرکہ سر کیا ہے میں نے۔ اتنا سکون اور اطمینان! اللہ تعالٰی کے عبادت کے بعد یہ واحد عمل ہے جو سب زیادہ مجھے سکون دیتا ہے۔ میری ان تمام بہنوں اور بھائیوں سے ہی گذارش ہے کہ اگر آپ کے والدین حیات ہیں تو خدارا ان کی خدمت کیجیے بے تحاشا اللہ تعالٰی سورہ بنی اسرائیل میں فرماتا ہے ۔(ترجمہ آیت نمبر 23تا 24 : تیرے رب نے فیصلہ کر دیا ہے کہ تم لوگ کسی کی عبادت نہ کرو مگر صرف اس کی۔ والدین کے ساتھ نیک سلوک کرو اگر تمہارے پاس ان میں کوئی ایک یا دونوں بوڑھے ہو کر رہیں تو انہیں اُف نہ کہو ، نہ اُنہیں جھڑک کر جواب دو ، بلکہ ان کے ساتھ احترام سے بات کرو اور نرمی اور رحم کے ساتھ ان کے سامنے جُھک کر رہو اور دعا کیا کرو کہ " پروردگار " ان پر رحم فرما جس طرح انہوں نے رحمت اور شفقت کے ساتھ مجھے بچپن میں پالا تھا ۔"
اللہ تعالٰی میری امی جان سمیت تمام مسلمان ماؤں کی مغفرت فرمائے اور جن کے والدین علیل ہیں انہیں شفاہ کاملہ عطا فرمائے آمین ۔
یااللہ ہم سب کا خاتمہ ایمان پر ہو آمین۔

ایس اے نقوی

یا اللہ اپنے پیارے حبیب کے صدقے پاک نیٹ کے جن اراکین کی والدہ محترمہ رضائے الہی سے وفات پا چکی ہیں انکو قبروں کو کشادہ فرما
ان کو اپنی رحمت کے سایے میں رکھا
ان کو جنت کے اعلی مقام میں جگہ عطا فرما
ان کے کردہ ناکردہ گناہوں کی بخشش فرما
اور یا اللہ مرحومین کو صبر و جمیل عطا فرما
دوستوں ایک درخواست کی تھی کی پیغام کے ساتھ جن ممبران کی والدہ دنیا سے رخصت ہو چکی ہیں ان کی والدہ کےلئے دعائے مغفرت کا ایک پیغام لکھیں شکریہ
اللہ آپ کو صبر عطا کرے ماں کی کمی کوئی پوری نہیں کر سکتا

راجہ اکرام

اپنی زبان کی تیزی اس ماں پر مت آزماؤ، جس نے تمہیں بولنا سکھایا۔

فرحان دانش

ماں اِک ایسی نعمت ہے
جس کے دل میں شفقت ہے

رہتی ہے وہ بے آرام
کرتی ہے وہ دن بھر کام

بچوں کو رکھتی ہے عزیز
ان کو کھلاتی ہے ہر چیز

پھرتی ہے یوں تھکن اُٹھائے
ماتھے پر وہ شکن نہ لائے

کوئی نہیں ہے اُس کا ثانی
کہلاتی ہے دادی نانی

پیرُوں تلے ہے اُس کے جنت
بچوں سے کرتی ہے محبت

__________________

فرحان دانش

میری ماں

میں کبھی بتلاتا نہیں
پر اندھیرے سے ڈرتا ہوں میں ماں
یوں تو میں دکھلاتا نہیں
تیری پرواہ کرتا ہوں میں ماں
تجھے سب ہے پتہ
ہے نا ماں؟
تجھے سب ہے پتہ
میری ماں
بھیڑ میں یوں نہ چھوڑو مجھے
گھر لوٹ کے بھی آ نہ پاؤں ماں
بھیجنا اتنا دور مجھ کو تو
یاد بھی نہ تجھ کو آ پاؤں ماں
کیا اتنا برا ہوں میں ماں
کیا اتنا برا۔۔۔
میری ماں
جب بھی کبھی پاپا مجھے
جو زور سے جھولا جھلاتے ہیں ماں
میری نظر ڈھونڈے تجھے
سوچوں یہی تو آ کے تھامے گی ماں
ان سے میں یہ کہتا نہیں
پر میں سہم جاتا ہوں ماں
چہرے پہ آنے دیتا نہیں
دل ہی دل میں گھبراتا ہوں ماں
تجھے سب ہے پتہ
ہے نا ماں؟
تجھے سب ہے پتہ
میری ماں
میں کبھی بتلاتا نہیں
پر اندھیرے سے ڈرتا ہوں میں ماں
یوں تو میں دکھلاتا نہیں
تیری پرواہ کرتا ہوں میں ماں
تجھے سب ہے پتہ
ہے نا ماں؟
تجھے سب ہے پتہ
میری ماں

محمد عدنان عباسی

بہت اچھے۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔

Haya 786

اس ایک فقرے پہ نظر رک گئ ۔
بے اختیار آنسو بہنے لگے کانوں میں
اپنے ھی کہے ھوئے الفاظ گونجنے لگے
امی آپ کو کیا پتا آجکل کے زمانے کا ۔۔
وہ ماں جو بولنا سیکھاتی ھے ایک ایک
قدم چلنا سیکھاتی ھے ھمیں ھنستا
ھوا دیکھ کر ھنستی ھے یہ چھوٹی
چھوٹی باتیں اس کے دل کو کتنا
دکھاتی ھیں ھم کبھی محسوس
ھی نہیں کرتے

ایس اے نقوی

شکریہ حیا جی آپ کا بھی اور کاش ہم لوگوں کو ماں کی قدر و قمیت کا اندازہ ہو سکے

راجہ اکرام

ماں

ماں کا آنچل
دھوپ میں بادل
ماں کی بانہیں
نیند کی راہیں
ماں کا دامن
ہنستا ساون
ماں کا غصہ
پیار کاحصہ
ماں کی ممتا
جیون ہنستا

ماں خود کیا ہے
اک ’’دعا‘‘ ہے

ماں تجھے سلام


۔۔

سام

کئ بار اس تھریڈ میں اپنا حصہ
ڈالنے کی کوشش کی لیکن ہر
بارقلم،ماں،لفظ لکھنے کے بعد
رک جاتا-جب میرے لب ماں کہتے
ہیں توایسالگتاہےکہ جیسے میں
نے ماں کہنے کے لئے بولنا سیکھا
تھا۔ماں کہاتوگویاسب کچھ کہہ دیا۔