shafresha

اس پوسٹ میں ہم آپ کو ایک نئی پوسٹ بنانے کے بارے میں بتائیں گے۔
اس پوسٹ کو پڑھنے سے پہلے ضروری ہے کے آپ یہ بات جان لیں کے یہ مضمون اُردو کی سیکنڈ لاسٹ (Second Last) کتاب جسکا ترجمہ آپ "قبل از آخیر" بھی کرسکتے ہیں کے لیئے لکھا گیا ہے ، حالانکہ یہ کتاب نہ ابھی تک چھپی ہے اور نہ ہی مستقبل میں اس کے چھپنے کے کوئی امکانات ہیں۔
چلیئے تو شروع کرتے ہیں۔

.1 پوسٹ کو لکھنے/بنانے سے پہلے ضروری ہے کے آپ اپنی پوسٹ کا کوئی اچھا سا نام سوچ لیں یہ نام ایسا ہونا چاھیئے کے پاکستان کی آواز - پاکستان کے فورمز کو وزٹ کرنے والا آپ کی پوسٹ کا عنوان دیکھ کر اُسے پڑھنے پر مجبور ہو جائے مثلا "مجھے پڑھنا ضروری ہے "،" آخری چانس"،"عبرت ناک واقعہ"وغیرہ۔ اب آپ کہیں گے کے یا کیا بات ہوئی بھئی مضمون ایسا ہے تو اُس کا مواد بھی ایسا ہی ہونا چاھیئے۔ تو جناب اس کا جواب ہے کے پوسٹ کے عنوان کا پوسٹ کے متن سے میل کھانا ضروری نہیں اگر ہماری بات پر یقین نہ ہو تو آپ دوسری پوسٹس کو دیکھ سکتے ہیںآپ کو سینکڑوں نہیں تو درجنوں مثالیں ہماری بات کے ثبوت میں مل جائیں گی۔ آپ دور کیوں جاتے ہیں اس وقت بھی ہمارے ملک خداداد میں ایک "بڑی"مذہبی تنظیم کے سربراہ ہزاروں نہیں تو سینکڑوں "کتابوں"کے مصنف ہیں اور آپ جناب کی کتابوں کے نام ملاحضہ فرمائیے، "وفادار اوٹنی"، "بھیانک اژدھا"، "موت کی تکالیف"،"شرارتی بچہ"، ٹی وی کی تباہ کاریاں"وغیرہ وغیرہ۔ آپ زرا اِن کتابوں کی ضخامت اور مواد کا معیار دیکھ لیجیئے ہماری بات کی صداقت آپ پر سورج کی طرح روشن ہو جائے گی۔

.2 آپ کی پوسٹ جتنی زیادہ ہوں گی اُتنے ہی آپ کو پوانٹس ملیں گے تو لہذا معیار کے بجائے مقدار پر دھیان دیجیے پھر دیکھیئے گا اگر آپ کے کھاتے میں رقم ہزاروں میں نہ پہنچ جائے تو ہمارا نام بھی ۔ ۔ ۔ نہیں۔

.3 پوسٹ کے متن کے مواد کے حصول کے لیئے آپ درجِ ذیل حربے اپنا سکتے ہیں:
.i گوگل پر جائیے اور کچھ بھی انٹ کا شنٹ لکھیئے اور نتائج کے ظہور کا انتظار کیجیئے۔ نتائج آنے کے بعد متعلقہ ویب سائیٹس کو باری باری ایک نئے TAB میں کھولتے رہیئے جلد ہی آپ کو کوئی نا کوئی ایسی بات یا تصویر مل جائے گی جو آپ کے خیال میں ابھی تک عوام الناس کی نگاہوںسے اوجھل تھی اور یہ اب آپ کی ذمہ داری ہے کے آپ اُسے سب کے نظارے کے پیش کریں۔
آپ اس سلسلے میں مختلف جانب سے آنے والی میل کا انتخاب بھی کرسکتے ہیںچوں کے آپ یہ سمجھتے ہیں کے وہ میل اس ملک میں صرف آپ تک ہی پہنچ رہی ہیں لہذا ان میلز میں موجود مواد بھی آپ کی پوسٹ کی زینت بن سکتا ہے۔
.ii مشہور ویب سائیٹس (ہم یہاں پر کسی سائیٹ کا نام نہیں دے سکتے ورنہ حاسدین یہ سمجھیں گے کے ہم اُس سائیٹ کی پروموشن کررہے ہیں) جہاں پر امیجز یعنیٰ تصاویر اَپ لوڈ کی جاتیں ہیں کا وزٹ کریں اور اُن تصاویر کو اپنی پوسٹ میں استعمال کریں۔
.iii اس کے علاوہ اگر آپ کو گرافک ڈیزائینگ کا شوق ہے تو پھر سمجھئیے کے آپ کا نصف کام تو ہو ہی گیا۔ اب آپ کو کرنا یہ ہے کے اخباری تراشے یا کسی رسالے میں موجود اقوال زریں یاکسی مقدس تحریر کو اِن پیچ میں ٹائپ کریں اور پھر اسے کورل ڈرا میں امپورٹ کرکے کچھ اچھے سے ایفیکٹ وغیرہ دے کر اپنی پوسٹ میں اَپ لوڈ کردیں۔
.iv اگر آپ کو شاعری کا شوق ہے تو پھر سمجھیئے کے مزا آ گیا۔ اپنی کسی بھی غیر مطبوعہ و غیر منظورہ نظم کو ٹائپ کرکے بھی آپ ایک بلکہ کئی پوسٹس بنا سکتے ہیں ، رہی بات اوزان ، ردیف و قافیہ کی تو یہ آپ پڑھنے والوں پر چھوڑ دیجیئے اگر نظم یا غزل اُنھیں پسند آئی تو وہ خود ہی ردوبدل کرلیں گے۔
.v آپ دیگر فورمز کے مندرجات کو بھی کاپی پیسٹ کرسکتے ہیں اور وہ بھی بنا کوئی حوالہ دیئے بغیر (ہم یہاں پر وکیپیڈیا کا حوالہ بھی دیتے مگر چوں کے فورم کے منتظمین نے وکیپیڈیا سے مواد کاپی پیسٹ کرنے پر پابندی لگادی ہے لہذا آپ اس ٹپ سے محروم ہوچکے ہیں)۔

.vi چھٹا یا آخری حربہ، آج کل آپ کو اپنے موبائل فون میں روزانہ کتنے ہی میسج ایسے ملتے ہوں گے جن میں کوئی نہ کوئی لطیفہ بیان کیا گیا ہوتا ہے ۔ آپ ان میسجز کو بھی اپنی پوسٹ کی زینت بنا سکتے ہیں۔

اُمید واثق ہے کے اب آپ "نئی اٹریکٹیو"پوسٹ بنانے کا طریقہ سیکھ چُکے ہوں گے لہذا دیر کس بات کی یہ بس ابھی سے شروع ہو جائیں اور ایک دن میں کم از کم ایک درجن پوسٹ تو بنا ہی ڈالیں۔

نوٹ: اس مضمون کو پڑھ کر دی گئی ہدایات پر عمل کرنے والا اپنی پوسٹ کا خود ذمہ دار ہوگا۔

منتظمین

سلام!

یہ ایک بہت ہی سنجیدہ مسلہ ہے جس کی طرف اپ سب نے توجہ دلائی ہے اگرچہ یہ ایک مزاح ہی لگتا ہے لیکن بد قسمتی سے فورمز پر اس وقت مجموعی صورت کچھ اس طرح سے ہی ہے۔ یہ صورت حال صرف پاک۔نیٹ پر ہی نہیں بلکہ اردو کے اکثر و بیشتر فورمز پر کچھ اس طرح سے ہی ہے۔ جو اراکین ایک سے زائد فورمز پر جاتے ہیں وہ شائد اس بات کو نوٹ کریں کہ پاک۔نیٹ کی صورتحال پھر بھی بہت اچھی ہے لیکن اس کو مجموعی طور پر اسکو قابل رشک کہنا مناسب نہ ہو گا۔

اپ پاک۔نیٹ پر اگر دیکھیں تو بہت سارے فورمز ایسے ہیں جو کہ صرف پاک۔نیٹ پر ہی پائے جاتے ہیں اور یہ سراسر عوامی مفاد اور اراکین کو اچھی تفریح فراہم کرنے کے ساتھ ساتھ تعلیم دینے کے مقصد کے ساتھ شروع کیے گئے ہیں۔ اور ایسے فورمز کسی بھی دوسری سائٹ پر نہیں ہیں یا پھر انہوں نے ہماری نقل کرتے ہوئے ابھی شروع کیے ہیں۔

بحثیت انتظامیہ اور پاک۔نیٹ‌کے معمار کے ہماری ہمیشہ یہ کوشش ہوتی ہے کہ ہم تعمیری اور میعاری مواد کو ترجیح دیں اور اس مقصد کے لیے ہم نے پوائنٹس دینے میں کبھی بھی بخل سے کام نہیں لیا ہے۔ باقی سب کا انحصار اس بات پر ہے اراکین ہمارے ساتھ کتنا تعاون کرتے ہیں۔ اور وہ مواد کو کس طرح پیش کرتے ہیں۔
ہم کبھی بھی ناامید نہیں ہوئے ہیں اور ہمیشہ اس بات پر یقین رکھتے ہیں کہ ایک دن عام اراکین کے تعاون سے ہم میعاری مواد پیش کرنے کے قابل ہوں گے۔ قابل ذکر بات جس پر ہم فخر کرتے ہیں کہ ہم ناے کم از کم اس فورم کو ایک فیملی فورم بنانے میں کامیابی حاصل کر چکے ہیں۔ جس پر کوئی بھی شخص اپنی ماں بہن باپ اور بیٹے کے ساتھ مل کر شمولیت اختیار کر سکتا ہے۔

اپ سب کے تعاون کے متمنی

والسلام

__________________
تم سپاہی نہیں ہو پیشہ ور قاتلو!

ایس اے نقوی

اسلام وعلیکم!‌سلسلہ تو ٹھیک ہے مگر معذرت کے ساتھ کہ میں یہ کہنا چاہوں گا کہ اگر ہم نئے اراکین کو یہ کہے کہ وہ معیارہ تحریر کی بجائے صرف مقدار پر توجہ دیں تو فورم پر ناقص تحاریر ہی شائع ہوں گی ماسوائے چند ایک احباب کے جو لکھنے میں کچھ حد تک مہارت رکھتے ہیں باقی میرے جیسے سب افراد اپنے پوائینٹس برھانے کےلئے تعداد پر توجہ دیں گے نہ کہ معیار پر اگر ہم شروع سے قارئین کو ایک معیاری تحریر پیش کرنے کا کہیں گے تو انکی کوشش ہو گی کہ کم لکھیں مگر اچھا لکھیں تاکہ پڑھنے والے اس پر بہتر رائے دے سکیں
کہا سنا معاف دعا گو سید انجم شاہ

فیصل ناصر

شاہ جی مزاحیہ پیرائے میں پڑھئے
یہ مزاح نگاری ہے

ایس اے نقوی

ٹھیک ہے موٹا بھائی میں سمجھا کہ سیریس گفتگو کا دور چل رہا ہے

راجہ اکرام

شاہ جی میرے ساتھ بھی یہی ہوا تھا اسے پڑھ کر

shafresha

میری اس فورم پر لکھی گئیں تمام تحاریر میں سے یہ واحد تحریر ہے جسے پہلی مرتبہ پڑھ کر سوائے فیصل کے سب ہی غلط فہمی کا شکار ہوئے، یہیں سے فیصل سے دوستی کی ابتداء ہوئی تھی۔
مجھے یہ نہایت ہی نامُناسب سے بات لگتی ہے (آپ کو مجھ سے اختلاف کا حق ہے‌ ) کے مصنف اپنی تحریر کو سنجیدہ یا مزاحیہ کہے یا لکھے، اس لیئے میں نے بعد "آخری" سطر کا اضافہ کیا، مگر لگتا ہے کے اب تک لوگ مغالطے کا شکار ہو رہے ہیں۔

shafresha

میری اس فورم پر لکھی گئیں تمام تحاریر میں سے یہ واحد تحریر ہے جسے پہلی مرتبہ پڑھ کر سوائے فیصل کے سب ہی غلط فہمی کا شکار ہوئے، یہیں سے فیصل سے دوستی کی ابتداء ہوئی تھی۔
مجھے یہ نہایت ہی نامُناسب سے بات لگتی ہے (آپ کو مجھ سے اختلاف کا حق ہے‌ ) کے مصنف اپنی تحریر کو سنجیدہ یا مزاحیہ کہے یا لکھے، اس لیئے میں نے بعد "آخری" سطر کا اضافہ کیا، مگر لگتا ہے کے اب تک لوگ مغالطے کا شکار ہو رہے ہیں۔

اخترحسین

گڈ۔۔۔۔۔۔۔۔۔۔۔۔۔۔۔۔شاھد بھائی بہت صحیح نقشہ کھینچا ھے آپ نے

shafresha

اپنے نئے ساتھیوں‌کی خدمت میں پیش ہے!

منتظمین

ویسے اس وقت سے اب تک کافی فرق آچکا ہے بھائی۔

عصمت

سمجھنے کےلئے دماغ کی ضرورت ہوتی ہے اگر وہ بھی نہ تو؟
نئی پوسٹ کی بجائے پوست صیح رہی گی جس میں دماغ کی نہیں جسم کی ضرورت ہوتی ہے

بلال اویسی

محترم کیوں اپنے آپ کو متنازعہ ثابت کرنے کی کوشش کررہے ہیں۔ پلیز مزاح میں لوگوں کا اور ان سے وابستہ جذبات کا خیال کیجئے، ملک خداداد میں لاکھوں لوگ ان کے مریدین میں شامل ہیں۔ یاد رہے میں ان کا مرید بالکل نہیں ہوں جیسا کہ میرے آئی ڈی سے ظاہر ہے۔ لیکن مزاح میں کسی کا دل نا دکھے اس کا خیال کرنا چاہیئے۔ شکریہ

__________________
اور ہم نے کوئی رسول نہ بھیجا مگر اس لئے کہ اللہ کے حکم سے اس کی اطاعت کی جائے اور اگر جب وہ اپنی جانوں پر ظلم کریں تو اے محبوب! تمہارے حضور حاضر ہوں اور پھر اللہ سے معافی چاہیں اور رسول ان کی شفاعت فرمائے تو ضرور اللہ کو بہت توبہ قبول کرنے والا مہربان پائیں۔النساء:64
ترجمعہ:امام احمدرضابریلوی

حسن آراء

آداب
یہاں سے ہمیں کافی معلومات ملی

shafresha

مجھے یقین ہے کہ آپ طنز اور مزاح کے فرق سے بخوبی واقف ہوں گی!!!!