احمدنواز

حج بیت اللہ ،وحدت اسلامی کا پرکیف نظارہ
ہر سال دنیا کے طول وعرض سے لاکھوں فرزندا ن توحیدحج کی سعادت حاصل کرنے کے لئے مکہ مکرمہ میں جمع ہوتے ہیں ۔ حج بیت اللہ جہاں بہت سے سیاسی ، تمدنی ، مادی اور روحانی فوائد کا جامع ہے ،وہیں اسکا بہت بڑا فائدہ وحدت امت کا عملی اظہا ر ہے ۔اسی مو قع پر اسلامی اتحاد واتفاق اور اخوت ومساوات کا عملی مظاہرہ ہو تا ہے اور یہی حج اس اخوت ومحبت کو برقرار رکھنے کا بھی ذریعہ ہے ۔ کیونکہ دنیا کے گوشے گوشے سے مختلف رنگ ، نسل ، زبان اور علاقے کے لوگ ایک ہی جگہ ، ایک ہی وقت اور ایک جیسا لباس زیب تن کر کے لبیک اللہم لبیک کی پر کیف صدائیں بلند کرتے ہو ئے ایک جیسے اعمال اور افعال بجا لاتے ہیں ، جس سے اسلامی اتحاد و اخوت کو تقویت ملتی ہے ۔ او ر اس با ت کا اظہار ہو تا کہ مسلمان رنگ وخون کی تفریق سے بالا تر ہےں ، اور بقول اقبال ۔۔۔۔۔۔
بتان رنگ وخون کو توڑ کر ملت میں گم ہو جا
نہ تورانی رہے با قی، نہ ایرانی، نہ افغانی
کی عملی تصویر بن کر اپنے رب کے سامنے حا ضر و موجود ہےں ۔ گویا حج ہرسال مختلف ممالک سے تعلق رکھنے والے مسلمانوں کے جغرافیائی ، نسلی ، لسانی اور سیاسی اختلافات کو مٹا کر انہیں ہما گیر انسانی وحدت کا روپ عطا کرتا ہے ۔
خدا کی شان دیکھئے کہ دولت وثروت کی بنیا د پر انسانیت کی تقسیم کی بیخ کنی کرتے ہو ئے اس مو قع پر امیر وغریب ، شاہ وگدا کو ایک ہی رنگ میں رنگ دیا جاتا ہے ۔ جو اس بات کا کہ بندہ وصاحب و محتاج و غنی ایک ہوئے
تیری سر کا ر میں پہنچے تو سبھی ایک ہوئے
کاعملی اعلان ہو تا ہے ۔
اسی طر ح حج مسلم امہ کو ایک ہی پلیٹ فارم پر جمع کرنے میں بنیادی کردار ادا کرتا ہے ۔اور یہ انہیں بزبان حال یہ پیغام دیتا ہے کہ
ایک ہو ں مسلم حرم کی پاسبانی کے لئے
نیل کے ساحل سے لیکر تابخاک کا شغر
جسکے اندر یہ بنیا دی فلسفہ پنہاں ہے کہ مسلم امہ غیر مسلم طاغوتی قوتوں کی اقتصادی لو ٹ کھسوٹ ،سیاسی رقابتوں اور ریشہ دوانیوں اور فکری غلامی سے محفوظ رہنے لے لئے ایک لڑی میں پرویا جا ئے تاکہ مسلمان دنیا میں حقیقی امن قائم کرنے کے قابل ہو سکیں ۔اس تناظر میں حج کایہ عظیم الشان اجتماع اسلامی بلاک (جسکی تشکیل ہی مسلمان سیاسی ، فنی ، عملی، تہذیبی اور سماجی میدان میں ترقی کی ضامن ہے )کی تشکیل ،عرب وعجم کے اختلافات کو مٹانے اور انہیں کھوئی ہوئی عظمت رفتہ ، اور سرفرازی عطاکرنے کے لئے حیرت انگیز انقلاب پیدا کر سکتا ہے ۔
الغرض حج حقیقی معنوں میں تمام ظاہری امتیازات او ر گونا گوں فروعی ، لسانی اور علاقائی اختلافات کا قلع قمع کر کے مسلمانوں کے اند ر عاجزی ، سادگی ، خدا پرستی ، خوف الہی ، انسان دوستی ، اخوت مساوات اور ملی وحدت کا زبردست جذبہ پیدا کرتا ہے۔ یہی جذبہ آ ج کے دورکا تقاضا بھی ہے ا ور انسانیت اور بالخصوص امت مسلمہ کے دکھوں کا مداوہ ہونے کے ساتھ ساتھ دنیا میں امن و سلامتی کا ضامن بھی ہے ۔
اللہ تعالی امت مسلمہ کو حج بیت اللہ کے اس پیغام کو سمجھنے کے توفیق عطا فرمائے ، اور امت کواس کی کھوئی ہوئی عظمت رفتہ کو بحا ل کر نے کے قابل بنا دے۔ امین

__________________
کی محمدصلی اللہ علیہ وسلم سے وفا تو نے تو ہم تیرے ہیں
یہ جہاں چیز ہے کیا لوح وقلم بھی تیرے ہیں
احمد نوازعباسی

راجہ اکرام

ماشاء اللہ
احمد نواز بھائی ایک بہت خوبصورت تحریر پیش کرنے پر میری جانب سے مبارکباد قبول فرمائیں۔۔ اللہ کرے زور قلم اور زیادہ

اسلام ایک عالمگیر دین ہے اور ایک ایسا اجتماعی معاشرہ قائم کرنا اس کا مقصد ہے جو تمام امتیازات سے پاک ہو ۔ اسی لئے اسلام کے تمام شعار، عبادات اور ایام اپنے اندر ایک خاص پیغام اور سبق لئے ہوتے ہیں جنہیں اگر ان کی روح اور تقاضوں کے مطابق کیا جائے تو بہت سی معاشرتی برائیوں کا خاتمہ ہو جاتا ہے۔
لیکن شرط وہی ہے کہ روح اور تقاضوں کو سمجھ کر ادائیگی ہو۔ لیکن اگر ’’رسم آذاں‘‘ تو رہ جائے ’روح بلالی‘ نہ رہے تو پھر تمام اعمال اور عبادات اپنے وقت پر ہوتی رہیں گی لیکن معاشرہ دن بدن بگاڑ کا شکار ہوتا جائے گا جس کا عملی مظاہر آج ہر طرف نظر آ رہا ہے۔

رب ذوالجلال ہمیں اسلام کو سمجھنے اور اس پر عمل کرنے کی توفیق عطا فرمائے۔۔۔ آمین

__________________
محتاج اصلاح و دعا

عامرشہزاد

احمد نواز بھائی ایک بہت خوبصورت تحریر پیش کی شکریہ

احمدنواز

عامر شہزاد اور راجا اکرام بھا ئی بہت شکریہ پسند کرنے کا ،،
دعا کی درخواست ہے ۔۔۔۔۔۔

رانا امر

ماشاءاللہ کیا بات ہے احمد نواز


جزاک اللہ۔۔۔۔۔۔۔۔۔۔۔۔۔۔۔۔۔۔

عدنان دانی

بہت خوب احمد نواز بھائی۔۔۔آپ نے بہت
اچھی تحریر پیش کی ہے۔۔۔
بہت بہت شکریہ۔۔

ام طلحہ

احمد نواز بھائی!!
اتنی اچھی تحریر لکھنے پر میری جانب سے مبارکباد قبول کریں۔

احمدنواز

حوصلہ افزائی کا شکریہ بہن جی ،

نیلم خان

بہت خوب نواز بھائ اسی طرح محنت جاری رکھیں

احمدنواز

شکریہ بہن جی ،
بس آپکی رہنمائی کی ضرورت ہے ،

نیلم خان

سلامت رہیں اور خوش رہیں میری دعائیں آپ کے ساتھ ہیں

احمدنواز

بہت بہت شکریہ ۔۔۔۔۔۔۔۔۔
اللہ آپکو بھی خوش رکھے امین۔

نیلم خان

شکریہ ۔

کنعان

السلام علیکم و رحمۃ اللہ و برکاتہ

حج مبارک کے موضوع پر جا مختصر تحریر پیش کی ھے جس میں چند الفاظوں سے بہت کچھ سمجھانے کی کوشش کی گئی ھے اور تحریر کا بیلنس بھی برقرار ھے۔
اللہ سبحان تعالی آپ کو جزائے خیر عطا کرے اور مزید اچھی باتیں لکھنے کی توفیق دے آمین

شکریہ

والسلام

__________________

احمدنواز

جزاک اللہ ،
آپکی راہنمائی کی ضرورت ہے ۔