سحر

ایک دفعہ میری ایک پیشنٹ جو بالکل ان پڑھ تھی ،
نے اپنی آپ بیتی بتاتے ہوئے کہا کہ وہ ایک پشتوں فیملی سے تعلق رکھتی ہے
۔اپنے خاندان میں ہم اپنے والد اور بھائیوں کے سامنے کچھ بول نہیں سکتے ۔ بلکہ جب مرد گھر آتے تو ہم ان کے سامنے ہی نہیں آتے ۔
میری شادی ایک پشتون فیملی کے شخص سے ہوئی ۔ وہ ایک مدرسے میں معلم ہے ۔ اس شخص نے کبھی میرے سامنے اونچی آواز میں بات نہیں کی کبھی کسی بات پر نہ ٹوکا اور نہ کبھی ڈانٹا ۔
ایک دفعہ میرے بچے بہت تنگ کررہے تھے ۔ اور میں غصہ میں تھی ۔ اسی وقت میرا شوہر گھر میں داخل ہوا ۔ میں نے بچوں کا سارا غصہ اپنے شوہر پر اتارا اور کافی اونچی آواز میں بولنے لگی ۔ میرے شوہر نے خاموشی سے میری بات سنی ۔ اور اس کے چہرے پر میں نے کوئی ناگواری کے تاثرات بھی نہیں دیکھے ۔ جب میں خود تھک کر چپ ہوگئی تو وہ خاموشی سے اندر کمرے میں چلا گیا ۔
میرا غصہ ٹھنڈا ہو ا تو مجھے بڑی شرمندگی محسوس ہوئی اور میں اپنے شوہر کے پاس گئی اور اس سے معافی مانگی
میرے شوہر نے کہا کہ میں نے تمھاری کسی بات کا بُرا نہیں منایا۔ تم بھی گھر میں کام کرتی ہو اور بچوں کی وجہ سے کبھی غصہ آجاتا ہے
تم کو آئندہ کبھی بھی غصہ آئے تو مجھ پر اتار لیا کرو میں خاموشی سے برداشت کرلوں گا اور بُرا
نہیں مناؤں گا
میں یہ سن کر حیران رہ گئی

اس پیشنٹ نے مجھ سے پوچھا ڈاکٹر صاحبہ کیا مرد ایسے بھی ہوتے ہیں

میں نے جواب دیا ہاں اسلام انسان کو ایسے ہی بدل دیتا ہے

اس کی آنکھوں میں ، میں نے اس کے شوہر کے لیے جو عزت اور محبت دیکھی وہ الفاظ میں بیان
نہیں کی جاسکتی ہے۔

wajee

مرد نہیں انسان رکھیں تو اچھا ہے کہیں مرد اچھے تو کہیں عورتیں اچھی عادت کی مالک

راشد احمد

سحربہن مردوں کے بارے میں یہ تاثر غلط ہے کہ وہ ظالم، اپنی بات منوانے والے ہوتے ہیں لیکن بالآخر وہ بھی انسان ہوتے ہیں۔

__________________
حکمران کے محبوب ہونے اور فرعون بننے میں رویے کا فرق ہے۔

منتظمین

اپ کو کیا پتہ بیویاں کیا کچھ نہیں‌کہ دیتی ہیں۔۔۔۔

شاہ جی 90

اور پم بے چارے صرف صبر کر کے رہ جاتے ہیں ۔ ویسے اسلام واقعی انسان کو اتنا بدل سکتا ہے کہ وہ حیرت کا باعث بن جائے کہ مرد ایسے بھی ہوتے ہیں؟

فیصل ناصر

یہ حرکت اگر شوہر کردے ؟؟
تو کیا بیوی کا بھی ایسا ہی رویہ نہیں ہونا چاہئے ؟

شاہ جی 90

یہی تو ساری بات ہے
شوہر بیوی کے مقابلے میں کتنا کام کرتا ہے اس کا اندازہ اس سروے سے لگایا جا سکتا ہے
دنیا میں عورتیں مردوں سے زیادہ کام کرتی ہیں
امریکہ میں 5سے 6 گھنٹے ۔ اور ایشیا میں 8 سے 10 گھنٹے
اور دنیا کی کل انکم کا صرف دس فی صد عورتوں کو ملتا ہے ۔ کام زیادہ صلہ کم اور اس پر شوہر کا نخرہ کہ کام سے تھکے ہوے آئے ہیں ، سیدھے منہ بات نہیں کر سکتے
بھائی شوہر چاہے بھی تو بیوی کا احسان نہیں اتار سکتا جو وہ اس کے بچوں کی پرورش کرتی ہے اس کا بھی ۔ اب بتائیں کہ شوہر کا بیوی کے ساتھہ کیسا رویہ ہونا چاہئیے

محمدخلیل

مرد ہوتے ہیں ایسے ہیں۔۔۔۔
کیا آپ کو نہیں پتا۔۔۔

سحر

بیویوں کو بھی جواب نہیں دینا چاہیے ۔ اسی طرح لڑائی جھگڑے سے بچا جاسکتا ہے ۔

سحر

ہر گھر میں ایک ہی معاملہ نہیں ہوتا ہے ۔ کہیں شوہر بیوی سے ذیادہ محنت کرتے ہیں۔
دونوںکوایک دوسرے کا خیال کرنا چاہیے ۔

ام طلحہ

اللہ جی مظلوم بیچارے

مسافر

بھئی آپ کیوں غصہ کر رہی ہیں ہم آپ والے بیچارے کی بات نہیں کر رہے

ام طلحہ

غصہ کہاں کر رہی ہوں۔ سمائل تو دیکھیں نا
ویسے کہاں تھے بھائی بڑے دنوں کے بعد بات ہوئی ہے۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

شاہ جی 90

اف یہ ظالم لڑکیاں‌

راجہ اکرام

مرد بے چارے تو ہوتے ہی ایسے ہیں۔ آپ گھر سے باہر کبھی دیکھ لیں ان کو خواتین کا احترام کرتے ہوئے تو حیران رہ جائیں۔
یہ تو بیگمات ہیں نہ جانے کیا کر دیتی ہیں‌کہ دروازے سے قدم رکھتے ہی میاں جی کو بلڈ پریشر ہائی ہو جاتا ہے۔ وہ ہنستا مسکراتا چہرہ تبدیل ہونا شروع ہو جاتا ہے۔
آخر کیا وجہ ہے۔؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

__________________
محتاج اصلاح و دعا