سحر

اصل موضوع سے پہلے فرض اور احسان کی وضاحت کرنا ضروری ہے
فرض ۔ اللہ کا کوئی واضع حکم قرآن وسنت رسول صلی اللہ علیہ وسلم کے ذریعے
جس پر عمل کرنے کا ثواب اور نہ کرنے کا گناہ ہو
احسان ۔ اللہ اور رسول صلی اللہ علیہ وسلم کے پسندیدہ عمل لیکن کوئی واضع حکم نہ ہو
جس کے کرنے کا ثواب ہو لیکن نہ کرنے کا کوئی گناہ نہ ہو ۔

بیوی کے فرائض
شوہر کی اطاعت کرنا بیوی کا فرض ہے ۔
انسان کی اطاعت اللہ کی اطاعت کے تابع ہوتی ہے
یعنی اگر شوہر بیوی سے غیر شرعی بات کا حکم دے تو بیوی اس کو ماننے کی پابند نہیں بلکہ اس کو نہیں ماننا چاہیے ۔ مثلاً شوہر بیوی کو پردہ چھوڑنے کو کہے
شوہر اطاعت کے نام پر ظلم نہیں کرسکتا
کیونکہ اسلام میں ظلم کرنا جائز نہیں
ظلم کی تعریف ہے
کسی انسان سے اس کی مرضی کے بغیر کوئی کام لینا یا کوئی بات منوانا جس میں اس انسان کا اپنا کوئی فائدہ نہ ہو ۔

حضرت ابوہریرہ رضی اللہ عنہ نے بیان کیا کہ نبی اکرم صلی اللہ علیہ وسلم نے فرمایا
اگر عورت اپنے شوہر سے ناراضگی کی وجہ سے اس کے بستر سے الگ تھلگ رات گذارے تو
فرشتے اس پر اس وقت تک لعنت بھیجتے ہیں۔ جب تک وہ اپنی اس حرکت سے باز نہ آجائے۔
بخاری

یعنی اگر شوہر اور بیوی میں ناراضگی ہو جائے تو بیوی کوچاہیے کہ صلح میں پہل کرے ۔ اور
ناراضگی دنوں تک محیط نہ ہو ۔

ایک اور حدیثِ نبوی ہے جس کا مفہوم ہے
عورت کو چاہیے کہ وہ عزت کی حفاظت کرے ۔ شوہر کے مال کی حفاظت کرے اور شوہر کی غیر
موجودگی میں کسی ایسے شخص کو گھر میں داخل نہ ہونے دے جو اس کے شوہر کو ناپسند ہو ۔

عورت اپنی عزت کی حفاظت کرے
اپنے شوہر کی عزت کی حفاظت کرے
شوہر کی کسی کے سامنے بُرائی نہ کرے
شوہر کے عیبوں پر پردہ ڈالے
گھر کی بات کسی کو نہ بتائے
شوہر کے رازوں کی حفاظت کرے
اگر کوئی اس کے شوہر کی بُرائی کرے تو اپنے شوہر کا دفاع کرے

شوہر کے مال کی حفاظت کرے
شوہر کے مال کو برباد نہ کرے یعنی ضائع نہ کرے
فضول خرچی نہ کرے ۔

بیوی کے احسانات

جن باتوں کا واضع حکم موجود نہیں ان کو احسانات کے ذمرے میں رکھا ہے

کھانا پکانا
گھر کے کام صفائی۔ کپڑے دھونا وغیرہ

ان کاموں کو شوہر کو احسان ہی سمجھنا چاہیے ان کو فرائض کے ذمرے میں نہیں ڈالنا چاہیے ۔
اور حضور اکرم صلی اللہ علیہ وسلم کی سنت پر عمل کرتے ہوئے گھر کے کام کرنا چاہیے ۔
اور بیوی کو بھی اپنے شوہر کے ساتھ احسان کا معاملہ رکھنا چاہیے ۔

فیصل ناصر

ان سب کو پڑھ کر تو شوہر حضرات چھلانگیں لگارہے ہونگے

کچھ شوہر کے فرائض اور احسانات پر بھی روشنی ہوجائے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

سحر

اگر آپ غور سے پڑھیں تو اس میں شوہروں کو خوش ہونے والی بات نہیں
ہمارے یہاں یہ بہت عام ہے کہ عورت کا کام کھانا پکانا اور گھر کا کام اس کے فرائض ہیں اور ایسا کوئی حکم اسلام نے عورت کو نہیں دیا ۔
اس کے بارے میں آپ کا کیا خیال ہے۔

فیصل ناصر

ٹھیک کہتی ہیں آپ

عموما ان باتوں کو ہی بیوی کے فرائض میں شمار کیا جاتا ہے
گھریلو تنازعات کی بنیاد اکثر انہیں وجوہات پر ہوتی ہیں

اور جو واقعتا فرائض ہیں ان پر بیویوں کی توجہ اکثر نہیں ہوتی

شاہ جی 90

شوہر کے فرایض اور احسانات
شوہر کے فرائض
شوہر کا فرض ہے کہ وہ اپنی بیوی سے بچوں کی دیکھہ بھال نہ کروائے اور اگر کروائے تو اس کا معاوضہ دے
شوہر کا فرض ہے کہ وہ اپنی بیوی سے شفقت سے پیش آئے
شوہر کا فرض ہے کہ وہ اپنی بیوی کو گھر کے کام کاج کے لیے نوکرانی رکھہ کر دے یا اس کام میں اس کا ہاتھہ بٹائے
شوہر کے احسانات
شوہر کا فرض نہیں کہ وہ اپنی بیوی کے علاوہ کسی کو پسند نہ کرے ، اگر وہ ایسا کرتا ہے تو یہ اس کا اپنی بیوی پر احسان ہے
شوہر کا بیوی کی تادیب نہ کرنا اس کا احسان ہے
شوہر اگر اپنی بیوی کی تعلیم کا بندوبست کرے تو یہ اس کا احسان ہے
شوہر اگر اپنی بیوی کی بد زبانی برداشت کرے اور خاموشی اختیار کرے تو یہ اس کا احسان ہے

راجہ اکرام

سلام مسنون سحر بہنا
بہت اچھی تقسیم ہے فرائض و احسانات کی۔
اگر اسلام کی دی گئی تعلیمات کو مشعل راہ بنایا جائے تو یقینا مسائل حل ہو سکتے ہیں۔
لیکن ۔۔۔۔۔۔۔۔۔۔۔۔۔
ہائے روشن خیالی
ہائے ’’نام نہاد‘‘ اعتدال پسندی

__________________
محتاج اصلاح و دعا

سحر

شاہ جی بھائی
میں آپ کی دو باتوں سے متفق نہیں ۔
ایک یہ کہ بیوی کو بچوں کی پرورش کے لیے معاوضہ دینے کا کہیں واضع حکم موجود نہیں ۔
طلاق کے بعد اگر سابقہ بیوی اپنے بچے کو رکھتی ہے اور رضاعت کے معاملے میں معاوضہ کا ذکر ہے

اور شوہر ایک بیوی کے ہوتے ہوئے دوسری شادی تو کرسکتا ہے ۔ لیکن شادی کے بغیر کسی کو پسند نہیں کر سکتا یا کسی سے دوستی نہیں کرسکتا ہے
شکریہ

محمدخلیل

میاں بیوی ایک دوسرے کا لباس ہیں بس ان کو یہ پتا ہونا چاہیے باقی سب خیر ہے/

ام طلحہ

وہ تو شادی شدہ کیا غیر شادی شدہ کیلئے بھی ایسے کسی تعلق کی کوئی گنجائش نہیں ہے۔اور دوسری بات یہ کہ وہ بیوی کی اجازت کے بغیر دوسری شادی بھی نہیں کر سکتا۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

سحر

ام طلحہ ہم اسلام کی بات کررہے ہیں ۔ اسلام میں جب مرد کو دوسری شادی کی اجازت ہے تو پہلی بیوی کی اجازت کی ضرورت نہیں چار شادیاں
ہم اسلام کو اپنے حساب سے موڑتے ہیں تو مرد بھی اسلام کو عورت کے خلاف استعمال کرکے ظلم کرکے ہیں
اسلام کے اندر جو ہے اور جیسے ہیں ویسے ہی مانا جائے اور عمل کیا جائے تو سارے مسائل حل ہوجائیں

شاہ جی 90

دیکھیں ، اسلام عورت کو کہیں بھی مجبور نہیں کرتا کہ وہ اپنے شوہر کے گھر کا کام خود کرے یا شوہر اسے اس کام کے لیے مجبور کرے، اسلام عورت کو مجبور نہیں کرتا کہ وہ بچے پالنے کا کام کرے ، اب دو ہی صورتیں ہیں‌کہ یا تو شوہر اس کو ایک خادمہ رکھہ کر دے اگر حیثیت نہیں‌ہے تو خود اس کا برابر ہاتھہ بٹائے ، اور اگر یہ بھی نہیں کرتا تو کم از کم معاوضہ تو دے تا کہ بیوی بیچاری کی کچھہ اشک شوئی ہو سکے ۔
2۔ ، جی بہن ، میرا بھی دوسری شادی کی جانب سفر کا آغاز جو ہوتا ہے اس کی جانب اشارہ تھا ۔ یہ تو کلئیر ہے نا کہ ہم ووٹ بھی liking , disliking کی بنیاد پر دیتے ہیں ، تو ہم شادی جیسا اہم قدم بغیرliking کے کیسے اٹھا سکتے ہیں ۔ اور دوستی کا تو میں نے زکر نہیں کیا ۔ البتہ پسند کا زکر کیا تھا اور اس کی وضاحت کر دی ہے ۔
ویسے دوستی کی اگر مکمل اور جامع تعریف کی جائے تو ، وہ کچھہ یوں بنتی ہے
ایک ایسا بے غرض تعلق جس میں دونوں فریق ایک دوسرے کو بلا کی دبائو یا لالچ کے خلوص دل سے اچھا سمجھتے ہوں اور ایک دوسرے کے مشکل وقت میں کام آتے ہوں ۔ اپنا دکھہ سکھہ آپس میں بانٹ سکتے ہوں ۔
اس میں کہیں‌بھی جنس ، رنگ ، مذہب کا کوئی زکر نہیں ہے ۔
اب اگر اسی دوستی کو لیں تو ۔ ۔ ۔ ۔ ۔ ۔ ۔ ۔ ۔ ۔ ۔ چلیں جانے دیں ہماری زاتی زندگی کی کوئی مثال ہم یہاں دینا نہیں چاہتے

شاہ جی 90

تعلق کئی قسم کا ہوتا ہے ۔ میں اس بحث میں‌پڑنا نہیں چاہتا ، صرف یہ عرض کر دوں کہ میرے کلاس فیلوز میں لڑکے بھی ہیں اور لڑکیاں بھی اور ہماری آپس میں ایک بڑی مختلف قسم کی دوستی ہے ، ہم میں‌ سے کوئی بھی کسی پرابلم میں ہو تو دوسرے سب اس کی تکلیف کو محسوس کرتے ہیں ، اور اس کی مدد کی کوشش کرتے ہیں ۔ دراصل ہمارے معاشرے میں عورت اور مرد کے تعلق کو صرف ایک پیمانے سے ناپا جاتا ہے ۔ ہم گھنٹوں اکٹھے بیٹھہ کر Study کرتے اور کبھی شاید کسی کے زہن میں یہ بات نہ آئی ہو کہ یہ لڑکی ہے اور میں لڑکا ہوں ۔ وہی ایک حجاب اور حد ہمارے درمیان موجود رہتی ہے جو ایک بہن اور بھائی کے درمیان ہوتی ہے ۔ اور یقین کریں دیکھنے والی آنکھیں بہت تیز ہوتی ہیں ۔ اگر کسی کے دل میں‌زرا سی بھی بے ایمانی آئے تو فورً محسوس ہو جاتی ہے ۔ لیکن ہمیں دیکھنے والے بھی اس بات کو محسوس کر سکتے ہیں کہ ان میں کوئی wrong around قسم کا تعلق نہیں ہے ۔ اللہ ہم سب کو حیا اور عزت سے جینے کی توفیق عطا فرمائے ۔ اسلام اس بابت کیا کہتا ہے میں نہیں جانتا لیکن یہ جانتا ہوں‌کہ اسلام میں بھی فیصلہ دینے سے پہلے نیت دیکھی جاتی ہے ۔
دوسری شادی کی اجازت والا جواب تو سحر بہن دے چکی ہیں ۔

سحر

میں نے جس دوستی اور جس پسند کی بات کی آپ بھی اچھی طرح سمجھ گئے ہونگے ۔ اور ایسی دوستی معاشرے میں آجکل بہت پروان چڑھ رہی ہے ۔
آپ جو دوستی کی تعریف بیان کی ہے وہ ہر جگہ فٹ نہیں ہوتی ہے

میں آپ کے لیے صرف ایک بات کہوں ۔ آپ کے لیے ایسے کسی کام میں عار نہیں اگر وہی کام آپ
کی بیوی کرے تو آپ کو بُرا نہ لگے ۔
آپ جس پاکیزہ دوستی کی بات کررہے ہیں ۔ آپ کی بیوی ایسی پاکیزہ دوستی کرسکتی ہیں ۔

شاہ جی 90

[QUOTE=سحر;181067]میں نے جس دوستی اور جس پسند کی بات کی آپ بھی اچھی طرح سمجھ گئے ہونگے ۔ اور ایسی دوستی معاشرے میں آجکل بہت پروان چڑھ رہی ہے ۔
آپ جو دوستی کی تعریف بیان کی ہے وہ ہر جگہ فٹ نہیں ہوتی ہے ۔[/
QUOTE]
جی بہن ۔ آپ نے جس دوستی اور پسند کی بات کی اسے ہم سمجھہ گئے لیکن ہم اسے دوستی نہیں کہتے ، گھٹیا قسم کے لوگوں کا گھٹیا ترین شغل کہتے ہیں ۔
[QUOTE=میں آپ کے لیے صرف ایک بات کہوں ۔ آپ کے لیے ایسے کسی کام میں عار نہیں اگر وہی کام آپ
کی بیوی کرے تو آپ کو بُرا نہ لگے ۔
آپ جس پاکیزہ دوستی کی بات کررہے ہیں ۔ آپ کی بیوی ایسی پاکیزہ دوستی کرسکتی ہیں ۔[/QUOTE]
ہا ہا ہا ۔ یہ وہ نقطہ ہے جو ہماری بیگم نے شادی کے کچھہ عرصہ بعد بیان کیا تھا کہ آپ ہر وہ کام کر لینا جو اگر میں کروں تو آپ کی غیرت پر زد نہ آتی ہو ، جی ہاں ، ہم اعتراف کرتے ہیں کہ بہت سے مواقع پر ہم محض یہ سوچ کر قدم پیچھے ہٹا لیتے ہیں کہ یہی کام اگر ہماری بیگم نے کیا ہوتا تو ہمارے کیا محسوسات ہوتے ۔ اور جس ماحول یا تعلق کی بابت یونیورسٹی کے حوالے سے ہم نے ام طلحہ بہن کو جواب دیا تھا ، تو عرض یہ ہے کہ ہم تو ابھی ایک ایم اے سے جان چھڑا نہیں پائے ۔ ہماری بیگم تو ایک ایم اے کرنے کے بعد اب ایم ایس سی کے چکر میں گوڈے گوڈے ڈوبی ہوئی ہیں ، یعنی فرسٹ سیمیسٹر کا امتحان دے رہی ہیں ، اور میں جانتا ہوں کہ ان کی کلاس کا بھی وہی ماحول ہوتا ہے ، جو ہماری کلاس کا ۔ یہاں ایک مزے کی بات آپ کو بتائوں کہ
چونکہ اچھے برے لوگ تو ہر جگہ ہوتے ہیں ، ہماری کلاس میں ایک خاتون کے دماغ میں ایک دن کچھہ خلل آیا تو انہوں نے ہمیں کال کر لی اور لگیں کچھہ انٹ شنٹ کہنے ہمیں تو ایسی باتیں سمجھہ کم آتی ہیں ۔ ہم نے ان سے کہا کہ بھئی اس وقت تو ہم سفر میں ہیں‌اور آپ کی آواز بھی کلئیر نہیں آ رہی آپ ڈھائی تین گھنٹے بعد کال کیجئیے گا ۔ اس وقت تک ہم گھر پہنچ چکے تھے ، جیسے ہی ان محترمہ کی کال آئی ہم نے موبائل اپنی بیگم کے حوالے کر دیا ، کہ آپ سنبھالئیے ۔ اور انہوں نے ایسا سنبھالا کہ اس کے بعد ہمیں ان کی جانب سے کال نہیں آئی ۔ اسی طرح اگر ہماری بیگم کو کوئی کال آ جائے تو وہ ہمارے حوالے کر دیتی ہیں ۔ زندگی اچھی گزر رہی ہے

ماسٹر مقسود

اسلام فطرت کا مذہب ہے اس لیے دوسری شادی کے لیے پہلی بیوی سے اجازت لینا ضروری نہیں رکھا، کیونکہ اس سے پہلی بیوی کی زندگی جہنم بھی بن سکتی ہے - دوسری شادی کےلیے اگر خاوند پہلی کو تنگ کرنا شروع کر دے تو اس کے لیے دو راہیں ہی رہ جائیں ، یا تو علیحدگی لے لے ، یا مجبوراً دوسری شادی کی اجازت دے دے - دونوں صورتوں میں آئندہ میاں بیوی کی محبت ہمیشہ کے لیے ختم ! !