سحر

مشترکہ خاندانی نظام اس نظام کو کہتے ہیں جس میں پورا خاندان جن میں دو یا تین فیملیز ایک چھت کے نیچے رہتے ہوں ۔ اس نظام کا سربراہ اس خاندان کا سب سے بزرگ شخص ہوتا ہے ۔ گھر کے تمام افراد سربراہ کی بات ماننے کے پابند ہوتے ہیں ۔

گھر میں ایک کچن ہوتا ہے جن میں گھر کی تمام خواتین مل کر کام کرتیں ہیں ۔ ایک لاؤنچ ہوتا ہے اس میں سب فیمیلیز کے لوگ ساتھ بیٹھتے ہیں اور تمام فیمیلیز کے لیے سونے کے کمرے علیحدہ ہوتے ہیں ۔

یہ نظام اسلامی تاریخ میں ہم کو کہیں نہیں ملتا ہے ۔ اس کی بنیاد ہندؤں کی تہذیب سے ملتی ہے ۔ اور پاک و ہند کے مسلمانوں نے اس نظام کو ہندؤ ں سے لیا اور اس کو اپنی یا اسلامی تہذیب سمجھ بیٹھے۔
آئیے دیکھتے ہیں کہ اسلام میں خاندان کا کیا تصور ہے

اسلام میں عورت کے لیے اس کے سسرالی رشتہ دار ، جیٹھ ، دیور، نندوی سے پردہ ہے

حدیث نبوی صلی اللہ علیہ وسلم کا مفہوم ہے

دیور موت ہے ۔

اس کا مطلب ہے کہ جیٹھ اور دیور سے اس طرح بچنا چاہیے جس طرح موت سے ڈرا یا بچا جاتا ہے۔
جیٹھ اور دیور یا کسی اور نامحرم کے ساتھ ایک چھت کے نیچے رہنا صحیح نہیں ۔
ایک عورت کا اپنے گھر میں صبح سے رات تک چادر میں لپٹے رہنا کسی ظلم سے کم نہیں ۔

بیوی کے حقوق میں یہ بھی شامل ہے کہ اس کی ذاتی زندگی یا پرائویسی کا خیال رکھا جائے جو مشترکہ خاندانی نظام میں ممکن نہیں ۔

کچھ لوگ یہ اعتراض کرتے ہیں کہ بیٹے کو ماں باپ کے ساتھ رہنا چاہیے ۔ اسلام میں ماں باپ کے بہت حقوق ہیں
بے شک اسلام میں والدین کے بہت حقوق ہیں لیکن اسلام نے ہر معاملے میں توازن رکھا ہے

اسلام نے والدین کے ساتھ حسن سلوک سے پیش آنے کو کہا ان کی خدمت کو اولاد پر فرض کیا ۔ ان کے سامنے اُف تک کرنے کو منع فرمایا
لیکن کہیں بھی یہ نہیں کہا کہ تم لوگوں کو اپنے والدین کے ساتھ رہنا ہے
صحابہ اکرام رضی اللہ عنہ کا گھر اپنے والدین سے الگ ہوتا تھا اور وہ اپنے والدین کے گھر جاکر ان کی خدمت کیا کرتے تھے ۔
حدیثِ نبوی صلی اللہ علیہ وسلم ، جس کا مفہوم ہے
اپنی ماں کے گھر اجازت لے کر داخل ہو

اولاد کے اوپر فرض ہے کہ اپنے والدین کی ضروریات کا خیال رکھیں

حدیث نبوی صلی اللہ علیہ وسلم جس کا مفہوم ہے

تمھاری اولاد کا مال تمھارا ہے

اس لیے اولاد کے مال کو ماں باپ اپنے مال کی طرح خرچ کرسکتے ہیں

جہاں تک بیوی کا تعلق ہے اس کا پہلا حق شوہر کے اوپر یہ ہے کہ شوہر اس کے ساتھ رہے ۔
بیوی کو ایسا گھر مہیا کرے جہاں وہ بے فکری کے ساتھ بے پردہ گھوم سکے ۔ اس کے گھر میں کوئی اس کی بغیر اجازت کے نہ آسکے ۔ یہاں تک کہ شوہر کے ماں باپ بھی۔
حضر ت عمر رضی اللہ عنہ کے پاس ایک عورت اپنے شوہر کی شکایت لے کر آئی کہ
میرے شوہر کا معمول ہے کہ وہ دن بھر روزہ رکھتا ہے اور رات بھر عبادت کرتا ہے ۔ اور اپنی بیوی کا حق ادا نہیں کرتا ہے ۔
حضرت عمر رضی اللہ عنہ نے فیصلہ دیا کہ اس کا شوہر تین دن اللہ کی عبادت کرسکتا ہے اور اس کے لیے ضروری ہے کہ ہر چوتھا دن اور رات اپنی بیوی کے لیے مختص
کرے ۔

اس سے ثابت ہوا کہ شوہر اور بیوی ایک الگ گھر میں ساتھ رہیں جو ماں باپ کے گھر سے قریب ہو تاکہ بیٹا جاکر اپنے ماں باپ کی خدمت کرسکے ۔

علی....Ali

ایک اچھا اور نیا موضوع ہے ، ، ،،، ، ،،

راجہ اکرام

لگتا ہے شوہروں کی سختی آئی۔ اب بناؤ نئے گھر۔۔۔
انجم شاہ جی پہلے گھر بنانے کی تیاری کرو، شادی بعد میں کرنا۔۔۔

ماشاء اللہ سحر بہن بہت اچھا مضمون تحریر کیا ہے۔
آپ کی ساری باتوں سے مجھے اتفاق ہے، لیکن اگر آپ چند ایک مثالیں عہد رسالت صلی اللہ علیہ وسلم یا عہد صحابہ سے پیش کر دیں جس میں مشترک خاندانی نظام کی ممانعت ہو، یا اکثریت علیحدہ گھروں میں‌رہتی ہو۔
میں نے کچھ دن قبل ایک دوست کے ساتھ اس موضوع پر بحث کی تھی، جس میں‌میرا موقف یہ کہ تھا کہ مشترکہ خاندانی نظام اسلامی اصولوں کے منافی نہیں‌ہے۔ اگرچہ میرے پاس کوئی دلیل نہیں‌تھی لیکن میرا اصرار تھا کہ
چونکہ مشترکہ خاندانی نظام کی واضح ممانعت کہیں نہیں ملتی ، اور علماء کرام کے ہاں ایک اصول ہے کہ ’’الاصل فی الاشیاء الاباحۃ ‘‘ یعنی اشیاء میں‌اصل اباحت ’’یا جواز‘‘ ہوتا ہے۔ اور حرمت یا کراہت حکم شرعی کے ذریعے آتی ہے۔
اس لئے اگر اس قسم کی کوئی مثال یا واقعہ یا حوالہ ارشاد ہو جائے تو بہتر ہو گا۔

کم از کم شادی کے بعد الگ رہنے کا موقع تو ملے گا۔۔


مزاح اپنی جگہ۔ لیکن آپ کی بہترین کاوش ہے اور لائق صد تحسین ہے۔ ۔
اللہ آپ کو اجر عظیم سے نوازے۔ آمین



۔

__________________
محتاج اصلاح و دعا

منتظمین

سرور ق پر پیش کریں اور اس موضوع کا عنوان: اسلام اور مشترکہ خاندانی نظام ہونا چاہیے تھا۔

شاہ جی 90

معزرت بھائی آپ کے اتنے اچھے تبصرے پر میں کچھ نہیں کہنا چاہتا کہ اس سے اچھا تبصرہ شاید میں نہیں کر سکتا تھا


ہاں



اپنے دستخط والے شعر میں مصرع درست کر لیں
’’ یہ بندہ دو عالم سے خفا میرے لیے ہے ‘‘

شاہ جی 90

سحر بہن موضوع بہت اچھا ہے اور اس پر ایک الگ سے تھریڈ کھولنے کا شکریہ لیکن میرا سوال اپنی جگہ پر ہے کہ
’’ جن والدین کو ظعیف اور بیمار ہونے کی وجہ سے Round The Clock توجہ اور Care کی ضرورت ہو اور ان کا بیٹا شادی شدہ ہو تو اس بارے میں کیا حکم ہے اور دوسرا یہ کہ مناعت کہاں پر ہے ۔ تیسرا یہ کہ اسلام میں پردے کا تصور کیا ہے ؟ اور کس حد تک پردا فرض ہے اور کس حد تک چھوٹ ہے اور یہ کہ مجبوری کی حالت میں کیا کیا اس بابت معاف کیا جا سکتا ہے ۔
شکریہ

سحر

آپ نے تین سوال کیے ہیں
پہلے سوال کا جواب ۔ اگر والدین ضعیف ہوں اور ان کو رانڈ دا کلاک دیکھ بھال کی ضرورت ہو تو کیا مشترکہ خاندانی نظام اس مسئلے کا حل ہے ۔ مشترکہ خاندانی نظام میں والدین کی خدمت بیٹا نہیں بہو کرتی ہے ۔ اور اسلام میں والدین کی خدمت کی ذمہ داری اولاد پر ہے
اگر کوئی شخص والدین کی خدمت کرنا چاہتا تو وہ الگ رہ کر بھی کر سکتا ہے ۔ اس کا گھر ماں باپ کے گھر کے برابر بھی ہو سکتا ہے اور اوپر نیچے بھی ،
اگر ایسا شخص جو اپنی ملازمت کی وجہ سے والدین کی خدمت نہیں کرسکتا اس کو والدین کے لیے کل وقتی ملازم رکھنا چاہیے
وہ اپنی بیوی کو اپنے والدہ کی خدمت کے لیے ذبردستی نہیں کرسکتا ہے ۔ ہاں اگر بیوی اپنی مرضی سے اپنی خدمات پیش کرے تو الگ بات ہے یہ بھی صرف والدہ
کے لیے ۔ والد کے لیے اپنی بیوی سے ذاتی خدمت لینا کسی صورت بھی صحیح نہیں کیوں کہ یہاں پردہ کا معاملہ آجائے گا۔

2 پردہ تمام نامحرم کے لیے یکساں ہے یعنی سر سے لے کر پاؤں تک ۔ اس میں گھر کے اندر اور باہر میں کوئی فرق نہیں
صرف چہرہ اور کلائی تک ہاتھ نظر آسکتے ہیں ۔
3 مجبوری سے آپ کی کیا مراد ذرا وضاحت کردیں ۔

شاہ جی 90

میرا کمرہ ایسا ہے کہ اس کا اگر ایک دروازہ کھول دیا جائے تو مجھے اپنے والدین کے کمرے سے آواز آسانی سے آ جاتی ہے ، جب بھی میرے ابو کو دمے کی پرابلم ہو تو میں خود اٹھہ کر انہیں Nebulizer آن کر کے دیتا ہوں اور اس کا ماسک ان کے منہ سے لگا دیتا ہوں تو ان کو سانس لینے میں سہولت ہو جاتی ہے کیا میں الگ گھر میں رہتے ہوے یہ سب کر سکتا ہوں ، میں اپنی Mother in law کو اپنے ہاتھوں میں اٹھا کر گاڑی میں ڈال کر ہاسپٹل پہنچا ، جب وہ Near to death تھیں ، اس وقت ان کی تین بیٹیاں ان کے ساتھہ تھیں لیکن کوئی انہیں اٹھا کر گاڑی میں نہیں لیٹا سکتی تھی ۔ کیا میں نے خلاف اسلام کام کیا ، کہ میری ساس تو میرے لیے شاید نا محرم تھیں نا آپ کے نقطہ نظر سے ؟
یہی وہ مجبوریاں تھیں جن کی میں بات کر رہا تھا ۔ حج کے دوران مرد و خواتین مل کر عبادت کرتے ہیں اور بعض مواقوں پر جتنا رش ہوتا ہے اور جب نادانستگی میں حاجی آپس میں ٹکرا جاتے ہیں اس کی بابت اسلام میں کیا حکم ہے ۔ کیا حضور پاک کے دور میں خواتین مساجد میں نماز ادا نہیں کرتی تھیں ، بات تو یہ ہے کہ ہم نے اسلام کو قرون وسطی میں قید کر دیا ہے ، اسلام تو دین فطرت ہے بات وہی آ جاتی ہے کہ اسلام میں داڑھی بطور سنت ضرور ہے لیکن داڑھی میں اسلام نہیں ہے ۔

سحر

۔ مجبوری میں آپ کا اپنی ساس کواُٹھاکر گاڑی میں لے جانا
اور بہو کا اپنے سسر کی ذاتی خدمت کرنا دو مختلف باتیں ہیں ۔

میں ذیادہ تفصیلات میں جانا نہیں چاہتی ۔ آپ بھی اسی معاشرے میں رہتے ہیں اور آپ کو معلوم ہونا چاہیے کہ آجکل گھروں میں کیا ہورہا ہے

اور جہاں تک پردے کی بات ہے ہمارے یہاں مشترکہ خاندانی نظام میں ایک عورت کا بڑوں کے سامنے اپنے شوہر سے ہنسی مذاق کرنا معیوب سمجھا جاتا ہے
لیکن جیٹھ اور دیور سے ہنس ہنس کر بات کرنے کو کوئی برا نہیں سمجھتا

آپ نے حج کی بات کی وہاں پر بھی اگر غلطی سے ٹکڑ ہوتی ہے تو معاف ہے لیکن جان بوجھ کر نہیں
آپ حج کے معاملے کو قیاس کرکے عام دنوں میں خواتین سے ٹکراؤ کو جائز نہیں کہہ سکتے
حج ہم کو قیامت کی یاد دلاتا ہے جس دن ہم کو ہوش نہیں ہوگا کہ ہمارے آگے مرد چل رہا ہے یا عورت ۔

فیصل ناصر

سحر جی
مشترکہ خاندانی نظام اسلامی تاریخ ہو نا ہو لیکن برصغیر پاک و ہند کی ثقافت اور اقدار میں ضرور شامل ہے
آپ کی بات بالکل ٹھیک ہے یہ طریقہ ہندؤں سے ہی آیا ہے
لیکن اس کی کچھ افادیت بھی ہیں
اگر پردے کا خیال بطریق احسن رکھا جائے اور زنانہ اور مردانہ حصہ الگ ہو تو اس نظام کے اچھے اثرات سامنے آسکتے ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

بزم خیال

--------------------------

سحر

آپ نے ایسے گھرانے کا ذکر کیا تھا پہلے بھی جہاں زنانہ اور مردانہ حصہ الگ ہو تا ہے ۔ اور میاں بیوی بھی دن بھر آپس میں ملاقعات نہیں کرپاتے ہیں ۔ کیا آپ سمجھتے ہیں کہ یہ صحیح ہے ۔ میرا تو ایمان ہے کہ ہماری نجات حضور اکرم صلی اللہ علیہ وسلم کے اور صحابہ اکرام رضی اللہ عنہ کے طریقے پر چلنے میں ہے ۔ جو نظام حضور اکرم صلی اللہ علیہ وسلم کے دور میں نہیں تھا اور ہم نے کافروں سے لیا ہے اس میں کتنی ہی اچھائیاں ہوں ہمارے لیے بہتر نہیں ہو سکتا ہے

ام غزل

سحر جی اچھا موضوع ہے ۔۔مگر اس موضوع میں ہمیں ضرورت ہے قرآن اور سنت کے حوالوں کی کیونکہ آپ نے اسلام کی رو سے اس موضوع کا آغاذ کیا ہے تو سب ممبرز سے بھی گزارش ہے کہ بحوالہ تبصرہ کریں‌ ۔۔جن سے خاطر خواہ نتائج سامنے آسکتے ہیں ۔

امید ہے کوئی بہتر صورت سامنے آئے گی ۔
شکریہ۔

ایس اے نقوی

اسلام و علیکم
سحر جی کیسی ہیں آپ
سب سے پہلا سوال کہ کیا آپ نجومی ہیں؟











کیونکہ مذکورہ موضوع پر میں تین دن سے لکھ رہا ہوں اور سوچا تھا کہ اتوار کے روز پاک نیٹ پر پوسٹ کر دوں گا
تاہم آپ کمال کر گئی اور آپ کی تحریر جاندار بھی ہے اور حقائق پر مبنی بھی مگر ہم لوگ اس سے نظر چرا کر گزرنے کی کوشش کرتے ہیں اکثریت کی بات کی ہے
کیونکہ کہیں نہ کہیں ہم لوگ قصوروار ہوتے ہیں
ایک اچھےموضوع پر میری جانب سے مبارکباد اور درخواست ہے ام غزل جی سے کہ اس کو سرورق پر پیش کیا جائے شکریہ

راجہ اکرام

بہت بہت شکریہ برادرم
میں نے اس حوالے سے خود بھی سوچا لیکن مجھے یہاں تھا زیادہ مناسب لگا، اور بچپن سے اسی طرح سنا ہے۔
تھا لکھنے کی وجہ یہ ہے کہ ، کیوں کہ یہ حشر میں کہا جائے گا، اور ماضی کے حوالے سے ہو گا، کہ بندے نے دنیا میں اس طرح زندگی گزاری کہ سارے عالم کی ناراضگی مول لے لی

لیکن یہاں میرا خیال نہیں بلکہ شاعر کے الفاظ زیادہ اہم ہیں۔

۔