سحر

مشترکہ خاندانی نظام اس نظام کو کہتے ہیں جس میں پورا خاندان جن میں دو یا تین فیملیز ایک چھت کے نیچے رہتے ہوں ۔ اس نظام کا سربراہ اس خاندان کا سب سے بزرگ شخص ہوتا ہے ۔ گھر کے تمام افراد سربراہ کی بات ماننے کے پابند ہوتے ہیں ۔

گھر میں ایک کچن ہوتا ہے جن میں گھر کی تمام خواتین مل کر کام کرتیں ہیں ۔ ایک لاؤنچ ہوتا ہے اس میں سب فیمیلیز کے لوگ ساتھ بیٹھتے ہیں اور تمام فیمیلیز کے لیے سونے کے کمرے علیحدہ ہوتے ہیں ۔

یہ نظام اسلامی تاریخ میں ہم کو کہیں نہیں ملتا ہے ۔ اس کی بنیاد ہندؤں کی تہذیب سے ملتی ہے ۔ اور پاک و ہند کے مسلمانوں نے اس نظام کو ہندؤ ں سے لیا اور اس کو اپنی یا اسلامی تہذیب سمجھ بیٹھے۔
آئیے دیکھتے ہیں کہ اسلام میں خاندان کا کیا تصور ہے

اسلام میں عورت کے لیے اس کے سسرالی رشتہ دار ، جیٹھ ، دیور، نندوی سے پردہ ہے

حدیث نبوی صلی اللہ علیہ وسلم کا مفہوم ہے

دیور موت ہے ۔

اس کا مطلب ہے کہ جیٹھ اور دیور سے اس طرح بچنا چاہیے جس طرح موت سے ڈرا یا بچا جاتا ہے۔
جیٹھ اور دیور یا کسی اور نامحرم کے ساتھ ایک چھت کے نیچے رہنا صحیح نہیں ۔
ایک عورت کا اپنے گھر میں صبح سے رات تک چادر میں لپٹے رہنا کسی ظلم سے کم نہیں ۔

بیوی کے حقوق میں یہ بھی شامل ہے کہ اس کی ذاتی زندگی یا پرائویسی کا خیال رکھا جائے جو مشترکہ خاندانی نظام میں ممکن نہیں ۔

کچھ لوگ یہ اعتراض کرتے ہیں کہ بیٹے کو ماں باپ کے ساتھ رہنا چاہیے ۔ اسلام میں ماں باپ کے بہت حقوق ہیں
بے شک اسلام میں والدین کے بہت حقوق ہیں لیکن اسلام نے ہر معاملے میں توازن رکھا ہے

اسلام نے والدین کے ساتھ حسن سلوک سے پیش آنے کو کہا ان کی خدمت کو اولاد پر فرض کیا ۔ ان کے سامنے اُف تک کرنے کو منع فرمایا
لیکن کہیں بھی یہ نہیں کہا کہ تم لوگوں کو اپنے والدین کے ساتھ رہنا ہے
صحابہ اکرام رضی اللہ عنہ کا گھر اپنے والدین سے الگ ہوتا تھا اور وہ اپنے والدین کے گھر جاکر ان کی خدمت کیا کرتے تھے ۔
حدیثِ نبوی صلی اللہ علیہ وسلم ، جس کا مفہوم ہے
اپنی ماں کے گھر اجازت لے کر داخل ہو

اولاد کے اوپر فرض ہے کہ اپنے والدین کی ضروریات کا خیال رکھیں

حدیث نبوی صلی اللہ علیہ وسلم جس کا مفہوم ہے

تمھاری اولاد کا مال تمھارا ہے

اس لیے اولاد کے مال کو ماں باپ اپنے مال کی طرح خرچ کرسکتے ہیں

جہاں تک بیوی کا تعلق ہے اس کا پہلا حق شوہر کے اوپر یہ ہے کہ شوہر اس کے ساتھ رہے ۔
بیوی کو ایسا گھر مہیا کرے جہاں وہ بے فکری کے ساتھ بے پردہ گھوم سکے ۔ اس کے گھر میں کوئی اس کی بغیر اجازت کے نہ آسکے ۔ یہاں تک کہ شوہر کے ماں باپ بھی۔
حضر ت عمر رضی اللہ عنہ کے پاس ایک عورت اپنے شوہر کی شکایت لے کر آئی کہ
میرے شوہر کا معمول ہے کہ وہ دن بھر روزہ رکھتا ہے اور رات بھر عبادت کرتا ہے ۔ اور اپنی بیوی کا حق ادا نہیں کرتا ہے ۔
حضرت عمر رضی اللہ عنہ نے فیصلہ دیا کہ اس کا شوہر تین دن اللہ کی عبادت کرسکتا ہے اور اس کے لیے ضروری ہے کہ ہر چوتھا دن اور رات اپنی بیوی کے لیے مختص
کرے ۔

اس سے ثابت ہوا کہ شوہر اور بیوی ایک الگ گھر میں ساتھ رہیں جو ماں باپ کے گھر سے قریب ہو تاکہ بیٹا جاکر اپنے ماں باپ کی خدمت کرسکے ۔

فاروق سرورخان

سحر، سلام اور بہت ہی شکریہ۔
آپ ہمیشہ بہترین نظریات پیش کرتی ہیں جو کہ اسلامی قدروں سے بہت قریب اور قرآن و سنت کے مطابق ہوتے ہیں

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

راجہ اکرام

میاں بیوی کے اثاثے کس بنیاد پر مشترک شمار کئے جاتے ہیں؟؟
اثاثوں کی تقسیم مشترکہ گھر کی تقسیم کی بنیاد کس طرح ہے؟
کھانا پینا ایک جگہ ہونے کے باوجود بھی ذاتی اثاثے رکھے جاتے ہیں، اور یہ مشترکہ نظام میں ہوتا ہے۔ یہ کوئی معقول وجہ نہیں۔۔


اکثر مشترکہ خاندانی نظام میں ذمہ داریاں تقسیم ہوتی ہیں، اور ایک طریقہ کار کے تحت کام ہوتے ہیں، کھانا یکجا ہوتا ہے لیکن ہر بندے کی اپنی ملکیت میں بھی بہت سا سامان ہوتا ہے۔

میں اس نظام کو خالص اسلامی نہیں کہتا لیکن میں چاہتا ہوں کہ اسے غیر اسلامی کہنے کے لئے مضبوط دلائل ہوں ۔۔ اور آپ نے آیات ذکر کی ہیں میں ان سے اس سلسلے میں حاصل ہونے والے احکامات جاننا چاہتا ہوں
امید ہے رہنمائی فرمائیں گے۔۔

__________________
محتاج اصلاح و دعا

راجہ اکرام

فاروق بھائی
جب قرآن و سنت کے مطابق ہیں تو اسلامی قدروں کے بہت قریب کیوں؟؟
اسلامی قدریں قرآن و حدیث سے ہٹ کر کچھ اور ہیں؟
اگر نہیں تو پھر عین اسلامی قدریں کہنا زیادہ مناسب نہیں؟ بنسبت اسلامی قدروں کے بہت قریب کہنے کے

فاروق سرورخان

آپ وقت کا ضیاع کررہے ہیں قربت، مطابقت اور عین کے چکروں میں پڑ کر
اناپرستی ایسے ہی مخالفت برائے مخالفت سکھاتی ہے

راجہ اکرام

فاروق بھائی اوپر والے سوال کا جواب زیادہ اہم تھا
آپ نے بھی جان چھڑا دی
لیکن کوئی بات نہیں۔ مجھے برا محسوس نہیں ہوتا
جب جواب نہ ہو تو دوسرے کو وقت کا ضیاع اور انا پرست کہنا ایک عام سا حربہ ہے۔
خوش رہیں، آباد رہیں، شاد رہیں

اور میرے لئے ہدایت کی دعا کرتے رہیں

السلام علی من اتبع الھدی

راجہ اکرام

راجہ اکرام

میں خزاں پرست ہوں دوستو، مجھے غرض کیا بہار سے

سحر

کیا ہوگیا راجہ بھائی خیریت تو ہے
ابھی تو آپ نے زندگی بہاریں دیکھنی ہیں ۔ ایسی مایوسی کی باتیں نہیں کرتے ۔

یاسر عمران مرزا

عمدہ ترین تحریر ہے سحر بہنا، بہت بہت شکریہ،

حیدر

اچھی تحریر ہے محترمہ سحر صاحبہ۔ اس میں کوئی شک کی گنجائش نہیں کہ ہم لوگ بلا وجہ بیویوں کو تنگ کرتے ہیں کہ والدیں کی خدمت کرو۔(اس ہم ۔ ۔ ۔ میں سے مجھ کو نکال دیں کیونکہ بیوی ہے ہی نہیں جس پر رعب ڈال سکیں ۔ راجہ جی تو ویسے ہی شریف النفس انسان ہیں(

تاہم یہ موضؤع تحقیق طلب ہے کہ آیا کہ ساس اور سسر کے ساتھ بہو رہے گی یا لازم ہے اولاد کا جدا ہو جانا۔؟ کیوں کہ آپ خود سوچیں کہ والدین رہتے ہیں گلشن اقبال کے مکان نمبر 13 میں اب اکلوتا بیٹا جسکی نئی نئی شادی ہوئی ہے اگر وہ اسلام کے حکم کو تسلیم کرتے ہوئے الگ مکان میں رہنے کو سوچتا ہے تو کیا اسکو مکان نمبر 12 یا 14 ملے گا؟ بلکہ کئی صورتوں میں عین ممکن ہے اسی آبادی میں کوئی مکان ہی نہ ملے؟ اب کیا اسلام کے اصول (اگر یہ ہے تو) کو مد نظر رکھتے ہوئے لانڈھی میں رہایش لے؟ اب اگر مجبوری کی وجہ سے راستہ دیا جائے گا تو یہ راستہ خؤد بخود سبھی کے لیے ہوگا کیونکہ 99 فیصد لوگوں کے ساتھ یہی چانس ہوگا کہ انکو قریب میں کوئی رہایش نہیں ملے گی۔
اسلام میں تدبر کا بہت اہم مقام ہے۔ محض ایک آدھ پوئینٹ کی بنیاد پر فیصلہ نہیں دیا جاتا اسلام میں ۔ ۔ ۔ ۔بلکہ بہت سی باتوں کو مد نظر رکھا جاتا ہے۔

حیدر

فاروق بھائی کا وراثت والے حکم سے الگ گھر کا استنباط مجھے بھی سمجھ میں نہیں آیا۔ اگر اس تاویل کو درست ما لیا جائے کہ گھر کے حکمران کے مرنے کے بعد جائیداد کی تقسیم کا یہی منشا ہے کہ ہر کوئی اپنے اپنے گھر جا بسے وغیرہ تو اس سے ایک دوسی تاویل خود بخود نکل آئے گی کہ جب تک والد زندہ ہے تب تک تو سبھی اکھٹے رہیں گے (اس کا ایک اور مطلب یہ بھی نکلے گا کہ والدہ کو اسکی قسمت پر چھوڑ دو)

سحر

بدر بھائی
یہ سستم سب نے مل کر بنانا ہے ،
والدین کو بھی سوچنا ہے اور بچوں کو بھی
والدین کو اپنی اولاد کی خوشی اور سکون دیکھنا ہے اور بچوں کو والدین کا خیال رکھنا ۔
اگر والدین گلشن میں رہتے ہیں اور اپنے بیٹے کی شادی کررہے ہیں اور آس پاس کو گھر نہیں ہے
اور والدین 500 گز کے سنگل سٹوری میں ہیں تو اس گھر کو پیچ کر
250 گز کے ڈبل سٹوری میں چلیں جائیں
اور اوپر کا پورا فلور اپنے اکلوتے بیٹے کو دیں دیں جہاں ایک عدد کچن ، بیڈ روم اور لاونچ ہو ۔ اس کو الگ گھر ہی کہا جائے گا ۔

لیکن ہوتا کیا ہے
اگر ڈبل سٹوری گھر پہلے سے موجود بھی ہو اور بیٹے کی شادی کی جائے اور بیڈ روم اوپر والے فلور ہر ہے تو چاہے کچھ ہوجائے اوپر والے فلور پر بہو کے لیے کچن نہیں بننے دیا جاتا
چاہے پورے دن بہو کو اوپر نیچے کے دس چکر ہی کیوں نہ لگانے پریں ۔

شکریہ

راجہ اکرام

السلام علیکم پیاری بہنا
مایوسی نہیں ہے بس کبھی کبھی ایسا ہو جاتا ہے۔۔
آپ کی دعائیں جب تک ساتھ ہیں ہمارے لئے خزاں بھی بہار ہے۔

دعاؤں میں یاد رکھا کریں
اللہ آپ کو خوش رکھے۔۔۔ آمین

راجہ اکرام

سلام بدر بھائی
میں نے بھی یہی سوال اٹھایا تھا فاروق بھائی کے سامنے
بلکہ میں نے تو کہا تھا کہ جو آیات آپ نے بطور استدلال پیش کی ہیں ان سے مشترکہ خاندانی نظام کے غیر اسلامی ہونے کے احکامات کس طرح معلوم ہوتے ہیں ذرا ہمارے علم میں بھی اضافہ فرماییے
ار یہ کہ وراثت کی تقسیم کو کس طرح آپ بنیاد بنا سکتے ہیں علیحدہ خاندانی سسٹم کی؟

لیکن انہوں نے ان کا جواب دینے کے بجائے دوسرے سوال کا جواب دیا اور مجھے ’’وقت کا ضیاع‘‘ اور ’’انا پرست‘‘ کہہ کر ٹال گئے۔۔۔
اب کیا کر سکتا ہے غریب بندہ سوائے یہ کہنے کے کہ
میں خزاں پرست ہوں دوستو، مجھے غرض کیا بہار سے

حیدر

محترمہ سحر ۔ ۔ ۔ انشا اللہ ۔ ۔ ۔میں جلد ہی اس پر اپنی رائے کا مقصل اظہار کروں گا ۔ جو ہوگی تو آپکی بات کی تائید میں ۔ ۔ ۔ لیکن تھوڑی سی مختلف۔ معذرت کے ساتھ

حیدر

(دوسروں کی باتوں کا)غم نہ کر اور دکھی نہ ہو بیشک تیرا رب تجھ سے راضی ہے