سحر

اصل موضوع سے پہلے فرض اور احسان کی وضاحت کرنا ضروری ہے
فرض ۔ اللہ کا کوئی واضع حکم قرآن وسنت رسول صلی اللہ علیہ وسلم کے ذریعے
جس پر عمل کرنے کا ثواب اور نہ کرنے کا گناہ ہو
احسان ۔ اللہ اور رسول صلی اللہ علیہ وسلم کے پسندیدہ عمل لیکن کوئی واضع حکم نہ ہو
جس کے کرنے کا ثواب ہو لیکن نہ کرنے کا کوئی گناہ نہ ہو ۔

بیوی کے فرائض
شوہر کی اطاعت کرنا بیوی کا فرض ہے ۔
انسان کی اطاعت اللہ کی اطاعت کے تابع ہوتی ہے
یعنی اگر شوہر بیوی سے غیر شرعی بات کا حکم دے تو بیوی اس کو ماننے کی پابند نہیں بلکہ اس کو نہیں ماننا چاہیے ۔ مثلاً شوہر بیوی کو پردہ چھوڑنے کو کہے
شوہر اطاعت کے نام پر ظلم نہیں کرسکتا
کیونکہ اسلام میں ظلم کرنا جائز نہیں
ظلم کی تعریف ہے
کسی انسان سے اس کی مرضی کے بغیر کوئی کام لینا یا کوئی بات منوانا جس میں اس انسان کا اپنا کوئی فائدہ نہ ہو ۔

حضرت ابوہریرہ رضی اللہ عنہ نے بیان کیا کہ نبی اکرم صلی اللہ علیہ وسلم نے فرمایا
اگر عورت اپنے شوہر سے ناراضگی کی وجہ سے اس کے بستر سے الگ تھلگ رات گذارے تو
فرشتے اس پر اس وقت تک لعنت بھیجتے ہیں۔ جب تک وہ اپنی اس حرکت سے باز نہ آجائے۔
بخاری

یعنی اگر شوہر اور بیوی میں ناراضگی ہو جائے تو بیوی کوچاہیے کہ صلح میں پہل کرے ۔ اور
ناراضگی دنوں تک محیط نہ ہو ۔

ایک اور حدیثِ نبوی ہے جس کا مفہوم ہے
عورت کو چاہیے کہ وہ عزت کی حفاظت کرے ۔ شوہر کے مال کی حفاظت کرے اور شوہر کی غیر
موجودگی میں کسی ایسے شخص کو گھر میں داخل نہ ہونے دے جو اس کے شوہر کو ناپسند ہو ۔

عورت اپنی عزت کی حفاظت کرے
اپنے شوہر کی عزت کی حفاظت کرے
شوہر کی کسی کے سامنے بُرائی نہ کرے
شوہر کے عیبوں پر پردہ ڈالے
گھر کی بات کسی کو نہ بتائے
شوہر کے رازوں کی حفاظت کرے
اگر کوئی اس کے شوہر کی بُرائی کرے تو اپنے شوہر کا دفاع کرے

شوہر کے مال کی حفاظت کرے
شوہر کے مال کو برباد نہ کرے یعنی ضائع نہ کرے
فضول خرچی نہ کرے ۔

بیوی کے احسانات

جن باتوں کا واضع حکم موجود نہیں ان کو احسانات کے ذمرے میں رکھا ہے

کھانا پکانا
گھر کے کام صفائی۔ کپڑے دھونا وغیرہ

ان کاموں کو شوہر کو احسان ہی سمجھنا چاہیے ان کو فرائض کے ذمرے میں نہیں ڈالنا چاہیے ۔
اور حضور اکرم صلی اللہ علیہ وسلم کی سنت پر عمل کرتے ہوئے گھر کے کام کرنا چاہیے ۔
اور بیوی کو بھی اپنے شوہر کے ساتھ احسان کا معاملہ رکھنا چاہیے ۔

شاہ جی 90

تو کیا اگر پہلی بیوی کی رضا کے بغیر دوسری شادی کر لیں تو محبت برقرار رہے گی ۔ یہی تو میں کہتا ہوں کہ ہمارے معاشرے میں 99.9 % خواتین سوکن برداشت کرتی ہی نہیں ہیں‌

سحر

ہمارے یہاں یہی تو مسئلہ ہے عورت ہر طرح کا ظلم برداشت کرتی ہے لیکن دوسری شادی برداشت نہیں کرتی ہے ۔ اصل مسئلہ ہے ہم اپنی سوچ بھی ہندؤں سے لے کر آئیں ہیں ۔
اسی مضمون میں لکھا ہے کہ کھانا پکانا اور گھر کے کام کرنا اسلام میں فرضیت میں نہیں آتا ۔ اور اگر عورت یہ کام کرتی ہے تو وہ احسان ہے
ہمارے یہاں کتنے گھر ہیں یا کتنے شوہر ہیں جو اس کو احسان سمجھتے ہیں ۔ صرف اس لیے کہ ہندؤں میں گھر کا کام کرنا عورت کا فرض ہے
پہلے ہم یہ تو سوچ لیں کہ ہم کو ہندؤں کے مطابق زندگی گزارنی ہے یا پھر اسلام کے مطابق
پھر دوسری شادی کی بات بھی ہوجائے گی ۔
اور شاہ جی بھائی آپ سے گذارش ہے کہ اسلام کے اصولوں کے خلاف بولنے سے پہلے سوچ لینا چاہیے۔ اسلام کے اصول ہماری بہتری کے لیے ہی ہوتے ہیں۔ بس ہم کو اتنی سمجھ نہیں ہوتی کہ ان کو سمجھ سکیں ۔

شاہ جی 90

بہنا اسلام کے بتائے ہوے اصول کے تحت ہی ہم اپنی بیگم کا احسان مانتے ہیں جب وہ ہمارا کوئی کام کرتی ہیں تو ۔
دیکھیں، میں سنت رسول کے خلاف بولنے کا تصور بھی نہیں کر سکتا ، میں تو اس ہندوانہ زہنیت کے خلاف بولتا ہوں جہاں عورت کو پائوں کی جوتی بنا کر رکھا جاتا ہے اور اسلام کے نام پر حضور پاک کی سنت کے نام پر ان کو ذلیل کیا جاتا ہے ، اور مجھے حیرت ہوتی ہے کہ ایک عورت دوسری عورت کا گھر تباہ کر کے خوش کیسے رہتی ہے،
جب بھی کوئی حج کو جاتا ہے تو میرا دل رو رہا ہوتا ہے ، دو تین لوگ بہت قریبی جو گئے ہیں ان سے میں اتنی ہی گزارش کر سکا ہوں کہ روزہ رسول پر جا کر ایک بار میرا نام لے لینا میں گناہگار اس سے زیادہ حق بھی تو نہیں رکھتا ، ہاں میری زندگی کی سب سے بڑی خواہش یہ ضرور ہے کہ ایک بار صرف ایک بار میں وہاں جائوں اور اللہ تعالی کے حبیب کے حضور شرم سے روتے روتے مجھے موت آ جائے ، یہ وہ باتیں ہیں جو میں اپنی بیگم سے بھی کبھی شئیر نہیں کر سکا ، ایک بہن نے اسلام کی بات کی تو سوچا کہ جو میرے دل میں ہے کہ دوں ۔ اس جذباتی پن کے لیے معزرت ۔ اللہ تعالی آپ کو ہزاروں خوشیاں عطا فرمائیں آمین

ماسٹر مقسود

شاہ صاحب آپ نے درست فرمایا ہے ۔
ایک مومن کے لیے دوسری شادی کی شرائط میں سے ایک یہ بھی ہے کہ وہ دونوں سے برابری اور انصاف کا سلوک کرے - سوکنوں کی آپس میں دشمنی کی عام طور پر یہ وجہ ہوتی ہے کہ ان کو اپنے خاوند سے انصاف کی امید کم ہوتی ہے اور اس کی بے رخی کا ڈر زیادہ ہوتا ہے - اور وہ اپنے زور سے اپنا حق لینا چاہتی ہے -