سحر

ایک دفعہ میری ایک پیشنٹ جو بالکل ان پڑھ تھی ،
نے اپنی آپ بیتی بتاتے ہوئے کہا کہ وہ ایک پشتوں فیملی سے تعلق رکھتی ہے
۔اپنے خاندان میں ہم اپنے والد اور بھائیوں کے سامنے کچھ بول نہیں سکتے ۔ بلکہ جب مرد گھر آتے تو ہم ان کے سامنے ہی نہیں آتے ۔
میری شادی ایک پشتون فیملی کے شخص سے ہوئی ۔ وہ ایک مدرسے میں معلم ہے ۔ اس شخص نے کبھی میرے سامنے اونچی آواز میں بات نہیں کی کبھی کسی بات پر نہ ٹوکا اور نہ کبھی ڈانٹا ۔
ایک دفعہ میرے بچے بہت تنگ کررہے تھے ۔ اور میں غصہ میں تھی ۔ اسی وقت میرا شوہر گھر میں داخل ہوا ۔ میں نے بچوں کا سارا غصہ اپنے شوہر پر اتارا اور کافی اونچی آواز میں بولنے لگی ۔ میرے شوہر نے خاموشی سے میری بات سنی ۔ اور اس کے چہرے پر میں نے کوئی ناگواری کے تاثرات بھی نہیں دیکھے ۔ جب میں خود تھک کر چپ ہوگئی تو وہ خاموشی سے اندر کمرے میں چلا گیا ۔
میرا غصہ ٹھنڈا ہو ا تو مجھے بڑی شرمندگی محسوس ہوئی اور میں اپنے شوہر کے پاس گئی اور اس سے معافی مانگی
میرے شوہر نے کہا کہ میں نے تمھاری کسی بات کا بُرا نہیں منایا۔ تم بھی گھر میں کام کرتی ہو اور بچوں کی وجہ سے کبھی غصہ آجاتا ہے
تم کو آئندہ کبھی بھی غصہ آئے تو مجھ پر اتار لیا کرو میں خاموشی سے برداشت کرلوں گا اور بُرا
نہیں مناؤں گا
میں یہ سن کر حیران رہ گئی

اس پیشنٹ نے مجھ سے پوچھا ڈاکٹر صاحبہ کیا مرد ایسے بھی ہوتے ہیں

میں نے جواب دیا ہاں اسلام انسان کو ایسے ہی بدل دیتا ہے

اس کی آنکھوں میں ، میں نے اس کے شوہر کے لیے جو عزت اور محبت دیکھی وہ الفاظ میں بیان
نہیں کی جاسکتی ہے۔

سحر

آپ کی بات کا مطلب سمجھ نہیں آیا ۔
مرد کا بلڈ پریشر گھر کے اندر ہائی ہوتا ہے یا باہر

حیدر

وقاص بھائی کی پیش کردہ نظام ہے


جنگ اپنی جگہ وار اپنی جگہ
گھر میں اپنی بیوی اپنی جگہ

جیت اپنی جگہ ہار اپنی جگہ
کچن میں برتنوں کے انبار اپنی جگہ

تیز طعنوں کی رفتار اپنی جگہ
بیلنوں کی ہے بوچھار اپنی جگہ

عصرِ حاضر کے فیشن اپنی جگہ
اور مگر مچھ کے آنسو اپنی جگہ

مردِ مومن کی یلغار اپنی جگہ
ہونا بیگم کا غلام اپنی جگہ

زندگانی سرِ دار اپنی جگہ
بازار میں تاڑم تاڑ اپنی جگہ

جنگ بندی کے آثار اپنی جگہ
اور ویٹو کا ہے وار اپنی جگہ

آمریت کی للکار اپنی جگہ
شوہریت ہے لاچار اپنی جگہ

امن و سکون کا پرچار اپنی جگہ
اور ہونا لاغر و لاچار اپنی جگہ

بیوی کی ہے تکرار اپنی جگہ
گھر کا ہوں سردار اپنی جگہ

یہ قیامت کی بیمار اپنی جگہ
میچوں کا ہوں طلبگار اپنی جگہ

دو دو بیگموں کو شانہ لڑاتا ہے وہ
بیٹھ کر اک کلاکار اپنی جگہ

خرم شہزاد خرم

میں تو کہتا ہوں میاں بیوی میں اگر اپنے حقوق چھوڑ کر اپنے فرائض کی طرف توجہ دی جائے تو کبھی بھی مسئلہ پیدا نا ہو
ہمارا سب سے بڑا مسئلہ یہ ہے کہ ہم اپنے حقوق یاد رکھتے ہیں۔ یہ میرا حق ہے۔ لیکن ہم نے کبھی یہ نہیں سوچا یہ میرا فرض ہے

راجہ اکرام

دیوانہ بے خودی میں بڑی بات کہہ گیا

احمدنواز

لگ پتہ جائے گا تھوڑے دنوں کی بات ہے ؎ سب کس بل نکل جائیں گے؎
راجہ جی

ڈاکٹرنور

دنیا میں 90فی صد عورتیں اپنا سارا غصہ "بے چارے شوہر" پر ہی نکالتی ہیں ۔۔
اور باقی دس فی صد بھی کرتی توایسا ہی ہیں لکین مانتی نہیں ہیں

راجہ اکرام

یہ تھوڑے دن کب ختم ہوں گے
کئی سال گزر گئے ان تھوڑے دنوں کے انتظار میں

Real_Light

مرد تو ہے ہی وہ جو ایسا ہو۔۔۔۔۔۔۔

شاہ جی 90

اف اللہ ، راجہ جی ہم نے تو کہا تھا آپ سے کہ ہم آپ کے بزرگوں سے اس سلسلے میں بات کرتے ہیں
ویسے ہو جانے دیں شادی ، لگ پتا جائے گا

یاسر عمران مرزا

ایک جگہ پر تمام انسان ایک جیسے نہیں ہوتے، حتی کی بھائی بھائی میں بھی فرق ہوتا ہے، ہاتھ کی انگلیاں بھی برابر نہیں ہوتیں۔ اچھے اور برے افراد سے مل کر معاشرہ بنتا ہے، شکریہ

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

گلاب خان

میاں بیوی کا رشتہ بہت پائیدار اور بہت ہی نازک بھی ہوتا ہے، یہ رشتہ بہت محبت بھرا ہوتا ہے، جب بچوں کا ساتھ ہوتا ہے تو یہ اور زیادہ مضبوط ہوجاتا ہے۔ میاں بیوی کی اپنی اپنی ذمہ داریاں ہوتی ہیں، کبھی کبھار اس میں کچھ کمی بھی رہ جاتی ہے لیکن اس کا مطلب یہ ہرگز نہیں کہ دوسرے پر سارا ملبہ ڈال کر اس پر چڑھ دوڑا جائے، دھیان رکھنے کی بات یہ ہے کہ اگر ایک غصے میں ہے تو اگر اس وقت دوسرا صبر سے کام لے تو اس سے محبت یقیناً بڑھ جاتی ہے کیونکہ غصہ اترنے پر اس کو خود ہی شرمندگی کا احساس ہوجاتا ہے اور وہ اپنے ساتھی سے معافی کا طلب گار ہوتا ہے۔ لیکن اگر غصے کا جواب غصے سے دیا جائے تو معاملہ خراب ہوسکتا ہے۔

گلاب خان

اگر مرد گھر سے باہر کام کرتا ہے اور تکالیف برداشت کرتا ہے تو عورت گھر کے کاموں میں سارا دن تقریباً مصروف رہتی ہے، گھر میں بھی بہت سارے کام ہوتے ہیں، مرد حضرات چُھٹی کے روز اگر مشاہدہ کریں تو انہیں اندازہ ہوجائے گا، اس کے علاوہ اگر بچے چھوٹے ہیں تو خواتین کو ذرا بھی سکھ نصیب نہیں‌ ہوتا کیونکہ بچوں کی شرارتیں اور ہر کام میں ٹانگ اڑانا ان کا مشغلہ ہوتا ہے اس لئے بچوں کو سنبھالنا بہت مشکل امر ہے۔

گلاب خان

بہترین لائحہ عمل ہے کہ عورت مرد کا اور مرد عورت کا ساتھ دے۔ چونکہ اللہ تعالٰی نے عورت کو زیادہ صبر دیا ہے اس لئے خواتین کو چاہیئے کہ وہ اس صورت میں مصلحتاً خاموش رہیں اور صبر کریں جب ان کا خاوند غصے میں ہو یا اس کا موڈ خراب ہو۔ عام طور پر دیکھا گیا ہے کہ غصے کی حالت میں غلط فیصلہ کرکے لوگ زندگی بھر پھچتاتے ہیں، کیونکہ ایسی صورتحال میں مرد اور عورت برابری کی سطح پر ایک دوسرے سے نبردآزما ہوتے ہیں، ظاہر ایسے حالات میں کسی بھی غلط قدم کی ذمہ داری دونوں پر عائد ہوگی۔ صرف یہ سوچ کر برداشت کیا جائے کہ مکمل کوئی نہیں سوائے اللہ تعالٰی کی ذات کے، انسان کی حیثیت سے غلطی کسی سے ہوسکتی ہے اور کمی رہ سکتی ہے اس لئے اگر عورت سے غلطی یا کوتاہی ہوجائے تو ناراض نہ ہوا جائے اور اگر عورت کی کوئی فرمائش پوری نہ ہوتو اس پر بھی ناراض ہونے کی ضرورت نہیں، آج نہیں تو کل پوری ہوجائے گی، ایک دوسرے کا ساتھ دے کر ایک اچھی اور خوشگوار زندگی گزارنا زیادہ آسان ہے۔

یاسر عمران مرزا

خان صاحب، بہت اچھا لکھا آپ نے ،بہت‌خوبصورت لفظ استعمال کیے،بہت شکریہ
ایک سوال ہے آپ سے، آپ کو گلاب صاحب کہوں، گلاب بھائی، یا خان صاحب یا خان بھائی
آپ کو کیسے اچھا لگے گا

گلاب خان

بھیا آپ کا جس طرح دل چاہے مجھے مخاطب کرلیا کریں لیکن یہ امید رکھتا ہوں آپ سے، جتنے اچھے آپ خود ہیں اسی طرح‌ اچھے الفاظ میں مجھے مخاطب کرلیں مجھے احتراز نہیں۔ بھائی کہیں تو یہ بہت ہی پیارا رشتہ ہے۔ آپ نے بہت اپنائیت کا احساس دلایا ہے، یقین کریں بہت خوشی ہوئی، ایک ہیی محبت تو ہے جو اس دنیا میں کسی کو مل جائے اور کیا لینا دینا ہے ہم نے ایک دوسرے سے یہاں۔