سحر

جو عورتیں تم کوپسند آئیں اُن میں سے دو دو تین تین ، چار چار سے نکاح کرلو۔ لیکن اگر تمہیں اندیشہ ہو کہ اُن کے ساتھ عدل نہ کرسکو گے تو پھر ایک ہی بیوی کرو
سورہ النساء

اسلام میں مردوں کو چار شادیوں کی اجازت ہے لیکن عدل کی شرط کے ساتھ ۔ اور عدل کی مثال ہم کو حضور اکرم صلی اللہ علیہ وسلم کی حیاتِ مبارکہ سے ملتی ہے ۔
حضوراکرم صلی اللہ علیہ اسلم کی ایک وقت میں سات ازواج تھیں ۔ ان سب کی برابری کی بنیاد پر باری مقرر تھی ۔ روذانہ عصر کے بعد حضور اکرم صلی اللہ علیہ وسلم اپنی تمام ازواج کے گھر تشریف کے جاتے اور ان کی خیریت دریافت فرماتے۔
سفر پر جاتے ہوئے قرعہ نکالی جاتی ۔ جن زوجہ کا نام قرعہ میں نکل آتا ان کو حضور اکرم صلی اللہ علیہ وسلم اپنے ساتھ سفر پر لے جاتے ان تمام معاملات میں حضور اکرم صلی اللہ علیہ وسلم کی اپنی پسند کا عمل دخل نہ ہوتا تمام ازواج کو برابری کی حیثیت حاصل تھی

ہمارے معاشرے میں اگر کوئی شخص دوسری شادی کرتا ہے تو وہ یکسر پہلی بیوی کو بھلا دیتا ہے
یا دونوں میں برابری نہیں کرتا ۔ اس لیے خواتین اپنے شوہروں کی دوسری شادی سے ڈرتی ہیں

اگر کسی معاملے میں بیوی اپنے شوہر پر اعتماد کرکے ، کہ اس کا شوہر دوسری شادی کے بعد بھی اس کا حق ادا کرے گا اور اپنے شوہر کو دل سے رضا مندی دیتی ہے
تو ایسی عورت کو ہمارا معاشرہ جینے نہیں دیتا یہ کہہ کر کہ تمہی میں کوئی خرابی ہوگی یا تمہارا شوہر تم سے محبت نہیں کرتا جبھی اس نے دوسری شادی کی

لیکن اس کی مثال بھی ہم کو حضور اکرم صلی اللہ علیہ وسلم کی زندگی سے ملتی ہے کہ حضور اکرم صلی اللہ علیہ وسلم کی سب سے محبوب بیوی حضرت عائشہ رضی اللہ عنہ تھیں اور ان سے شادی کے بعد حضور اکرم صلی اللہ علیہ وسلم نے نو شادیاں کیں۔ لیکن حضرت عائشہ رضی اللہ عنہ سے محبت میں کوئی کمی نہیں آئی ۔ اور آخر وقت میں حضور اکرم صلی اللہ علیہ وسلم نے تمام
ازواج کی اجازت سے حضرت عائشہ رضی اللہ عنہ کے گھر قیام کرنا پسند فرمایا۔

سحر

سوکن کو نہ برداشت کرنے کی دو وجوہات ہیں
شوہر برابری نہ کرے
معاشرہ پہلی بیوی کو قصور وار سمجھے

راجہ اکرام

تفصیلات میں جائے بغیر صرف یہ عرض کروں گا کہ موجودہ حالات ہم سے اس سنت کو زندہ کرنے کے متقاضی ہیں۔
کیوں کہ معاشرے میں لڑکیوں کی تعداد میں اضافہ ہوتا جا رہا ہے۔ اور کئی قسمت کی ماریاں ساری عمر اپنے خوابوں کے شہزادے کے انتظار میں چوکھٹ پر نظریں جمائے بڑھاپے کی دہلیز پر قدم رکھ دیتی ہیں۔

بعض والدین دوسری اور تیسری شادی کے لئے اپنی بیٹی دینے کو تیار نہیں ہوتے، حالانکہ عمر بھر بن بیاہے رہنے سے اپنا گھر بسانا کہیں بہتر ہے چاہے وہ دوسرے یا تیسری ہو۔

ایک اور بات وہ یہ کہ رزق کا انتظام اللہ کے ذمہ ہے، ہر انسان اپنے حصے کا رزق اپنے ساتھ لاتا ہے۔ ہو سکتا ہے کوئی شخص ایک شادی کے ساتھ مشکل حالات سے گزر رہا ہو اور دوسری بیگم کے آنے سے رزق میں اضافہ ہو اور مشکلات دور ہو جائیں۔

اچھا موضوع ہے۔ سحر بہن بہت مبارک ہو ایک اہم موضوع شروع کرنے پر۔

محتاج دعا
راجہ اکرام

__________________
محتاج اصلاح و دعا

Zullu230

اس موضوع پر کافی کطھ لکھا جا چکا ہے ۔
ایک سے زائد اور چار تک شادیاں کرنا بھی سنت ہے۔ اور مذہب نے اس کی اجازت دی ہے۔ شادی عیاشی کا نام نہیں ہے بلکہ شادی کے بعد مذہبی اور خاندانی ذمہ داریوں کو کما حقہ پورا کرنا ہوتا ہے۔ اگر کوئی ایک بیوی کے ساتھ عدل نہیں کر سکتا تو وہ دوسری شادی کس لئے کرے گا۔ کمر توڑ مہنگائی کے اس دور میں اگر ایک بیوی سے انصاف ہو سکے اور اپنی اولاد کی بہترین تربیت ہو جائے۔ اُنکی شادیاں ہو جائیں اور اور وہ اپنا اپنا گھر بسانے کے قابل ہو جائیں تو میر ے خیال سے ایک ہی شادی کافی ہے۔

جہاں تک سنت کو زندہ کرنے کی بات ہے تو اس کے ساتھ ہی عدل کرنے کی شرط بھی ہے۔ اگر عدل کر سکتے ہو تو کر لو۔

ایس اے نقوی

اور آج ہی میرے پاس ایک کیس آیا ہے جس میں عورت کا کہنا ہے کہ اس نے پسند کی شادی کی اسکے شوہر کے پہلی شادی میں چار بچے ہیں اور وہ اپنی پہلی بیوی کے ساتھ رہتا ہے شادی سے قبل مذکورہ عورت جانتی تھی کہ جس سے شادی کر رہی ہے وہ پہلے بھی شادی شدہ ہے اب اس کے دو بچے ہیں اور اسکا شوہر نے اسے کرایہ کے مکان میں رکھا ہوا ہے اور ہفتے دس دن بعد شکل دکھاتا ہے اور کئی مرتبہ ایسا بھی ہوا ہے کہ اس کے گھر کھانے کو کچھ نہیں ہوتا بچے بھوک سے بلکتے ہیں مگر شوہر کو بتانے کے باوجود کوئی پرواہ نہیں کرتا
واضح رہے کہ عورت اور مرد دونوں کی شادہ پسند کی تھی اور مرد نے وعدہ کیا تھا کہ وہ اسکے تمام اخراجات پورے کرے گا اور ہفتہ میں دودن اسکے پاس رہا کرے گا تاہم شادی کے دو سال بعد وہ ایسا بدلا کہ اب اسکی اہمیت ہی کوئی نہیں رہی
عورت کا کہنا ہے کہ اسکے والدین وفات پا چکے ہیں بھائی پوچھنے والے نہیں اب وہ لوگوں کے گھروں میں کام کرتی ہے اور میرے اندازے کے مطابق اسکی اپنی عمر 26 سے 28۔29 کے لگ بھگ ہو گی
مجھ سے وہ یہ مدد مانگنے آئی تھی کسی کے ریفرنس پر کہ میں کوئی خبر لگائوں جو کہ میرے اختیار میں نہیں ہے
تاہم اسے کچھ سمجھایا ہے اب دیکھو اس کی قسمت کیا کرتی ہے
اور مذکورہ کیس میں سمجھ نہیں آیا کہ مجھے کیا کہنا چاہیئے تھا اور کیا کرنا چاہیئے
اسلئے آپ تمام کے پیش خدمت کیا جاتا ہے

سحر

یہ مسئلہ تو بہت سی ایسی خواتین کے ساتھ بھی ہے جو شوہر کی اکلوتی بیوی ہے لیکن شوہر اس کا
اور بچوں کا خرچہ نہین اُٹھاتا ہے
اس کا اسلام میں تو بہت آسان سا حل ہے کہ قاضی کے پاس جائے اور وہ اس کے شوہر سے اس کا حق دلائے
لیکن کیا ہمارے کورٹ سسٹم اسلامی ہیں ۔ یا کیا ہم کسی اسلامی معاشرے میں رہتے ہیں ۔

قرآن میں عائلی قوانیں کا ذکر آیا ہے تو تقویٰ کا ذکر آیا ہے ۔ اگر انسان میں اللہ کا ڈر ہو
تو وہ سب کے حقوق ادا کرتا ہے ۔

ام غزل

سحر جی بہت ہی اہم مسلہ ہے ، مرد کو اللہ اور سنت دونوں اس بات کی اجازت دیتے ہیں کہ وہ عدل کی شرط کو پورا کرتے ہوئے ایک سے ذائد بیویاں کر سکتا ہے ، مگر اس کیلئے موجودہ بیوی میں نقص نکالنا یا اس کو ذدو کوب کرنا کہاں کا مذہب اور کونسی سنت ہے ، ہمارے نبی صلیٰ اللہُ علیہٍ واسلم کی حیاتٍ مبارکہ اس بات کی گواہ ہے کہ کس طرح انہوں ے اپنی ازواج کے ساتھ عدل اور مساوی رشتہ نبھایا ، مگر ہمارے ہاں تو سنت کے نام پر شادی کرنا ٹھیک ہے مگر اس سے آگے سب کچھ حزف کردیا جاتا ہے ، پہلی بیوی یا تو لوگوں کے طنز برداشت کرتی رہتی ہے یا پھر شوہر کی طرف سے بدظن کردی جاتی ہ ے تاکہ دوسری کیلئے راہ ہموار کی جائے جبکہ دوسری یا چوتھی کیلئے تو اللہ اور سنت ویسے ہی اجازت دیتے ہیں ، تو پھر اس عمل کیلئے ایک عورت کو بدنامی کیوں ؟؟ پہلی بیوی یا تو لوگوں کی جوٹھن صاف کرتی نظر آتی ہے یا دنیا کی زلالت کے ہاتھوں خودکشی کرلیتی ہے ۔۔۔۔اور تو اور پہلی سے ہونیوالے بچے تک ذمانے کے رحم و کرم پر چھوڑ دئے جاتے ہیں ، ان کا بھی کوئی پُرسانٍ حال نہیں ہوتا ۔
اللہ ہمیں عدل کرنے کی توفیق عطا فرمائے شادی تو ہر کوئی کرلیتا ہے ۔

دین محمد وطن پال

مجھے ابھی تک اس کا تجربہ نہیں ہے اور نہ ہی اس حوالے سے کوئی مطالعہ کیا

جب شادی کرلوں گا تب بتادوں گا
اُسی سے پوچھ کے

راجہ اکرام

اس سے پوچھا تو ایک ہی مرتبہ پوچھو گے دین صاحب۔ خود ہی کچھ سوچ لو تو اچھا ہے۔

عبداللہ حیدر

مجھے بھی دوسری دفعہ پوچھنے کی ہمت نہیں ہوئی۔

طاھر

ہمت مردان مدد خدا

ٹرائی کریں شاید ہمت آ ہی جائے

والسلام

طاہر