سحر

مشترکہ خاندانی نظام اس نظام کو کہتے ہیں جس میں پورا خاندان جن میں دو یا تین فیملیز ایک چھت کے نیچے رہتے ہوں ۔ اس نظام کا سربراہ اس خاندان کا سب سے بزرگ شخص ہوتا ہے ۔ گھر کے تمام افراد سربراہ کی بات ماننے کے پابند ہوتے ہیں ۔

گھر میں ایک کچن ہوتا ہے جن میں گھر کی تمام خواتین مل کر کام کرتیں ہیں ۔ ایک لاؤنچ ہوتا ہے اس میں سب فیمیلیز کے لوگ ساتھ بیٹھتے ہیں اور تمام فیمیلیز کے لیے سونے کے کمرے علیحدہ ہوتے ہیں ۔

یہ نظام اسلامی تاریخ میں ہم کو کہیں نہیں ملتا ہے ۔ اس کی بنیاد ہندؤں کی تہذیب سے ملتی ہے ۔ اور پاک و ہند کے مسلمانوں نے اس نظام کو ہندؤ ں سے لیا اور اس کو اپنی یا اسلامی تہذیب سمجھ بیٹھے۔
آئیے دیکھتے ہیں کہ اسلام میں خاندان کا کیا تصور ہے

اسلام میں عورت کے لیے اس کے سسرالی رشتہ دار ، جیٹھ ، دیور، نندوی سے پردہ ہے

حدیث نبوی صلی اللہ علیہ وسلم کا مفہوم ہے

دیور موت ہے ۔

اس کا مطلب ہے کہ جیٹھ اور دیور سے اس طرح بچنا چاہیے جس طرح موت سے ڈرا یا بچا جاتا ہے۔
جیٹھ اور دیور یا کسی اور نامحرم کے ساتھ ایک چھت کے نیچے رہنا صحیح نہیں ۔
ایک عورت کا اپنے گھر میں صبح سے رات تک چادر میں لپٹے رہنا کسی ظلم سے کم نہیں ۔

بیوی کے حقوق میں یہ بھی شامل ہے کہ اس کی ذاتی زندگی یا پرائویسی کا خیال رکھا جائے جو مشترکہ خاندانی نظام میں ممکن نہیں ۔

کچھ لوگ یہ اعتراض کرتے ہیں کہ بیٹے کو ماں باپ کے ساتھ رہنا چاہیے ۔ اسلام میں ماں باپ کے بہت حقوق ہیں
بے شک اسلام میں والدین کے بہت حقوق ہیں لیکن اسلام نے ہر معاملے میں توازن رکھا ہے

اسلام نے والدین کے ساتھ حسن سلوک سے پیش آنے کو کہا ان کی خدمت کو اولاد پر فرض کیا ۔ ان کے سامنے اُف تک کرنے کو منع فرمایا
لیکن کہیں بھی یہ نہیں کہا کہ تم لوگوں کو اپنے والدین کے ساتھ رہنا ہے
صحابہ اکرام رضی اللہ عنہ کا گھر اپنے والدین سے الگ ہوتا تھا اور وہ اپنے والدین کے گھر جاکر ان کی خدمت کیا کرتے تھے ۔
حدیثِ نبوی صلی اللہ علیہ وسلم ، جس کا مفہوم ہے
اپنی ماں کے گھر اجازت لے کر داخل ہو

اولاد کے اوپر فرض ہے کہ اپنے والدین کی ضروریات کا خیال رکھیں

حدیث نبوی صلی اللہ علیہ وسلم جس کا مفہوم ہے

تمھاری اولاد کا مال تمھارا ہے

اس لیے اولاد کے مال کو ماں باپ اپنے مال کی طرح خرچ کرسکتے ہیں

جہاں تک بیوی کا تعلق ہے اس کا پہلا حق شوہر کے اوپر یہ ہے کہ شوہر اس کے ساتھ رہے ۔
بیوی کو ایسا گھر مہیا کرے جہاں وہ بے فکری کے ساتھ بے پردہ گھوم سکے ۔ اس کے گھر میں کوئی اس کی بغیر اجازت کے نہ آسکے ۔ یہاں تک کہ شوہر کے ماں باپ بھی۔
حضر ت عمر رضی اللہ عنہ کے پاس ایک عورت اپنے شوہر کی شکایت لے کر آئی کہ
میرے شوہر کا معمول ہے کہ وہ دن بھر روزہ رکھتا ہے اور رات بھر عبادت کرتا ہے ۔ اور اپنی بیوی کا حق ادا نہیں کرتا ہے ۔
حضرت عمر رضی اللہ عنہ نے فیصلہ دیا کہ اس کا شوہر تین دن اللہ کی عبادت کرسکتا ہے اور اس کے لیے ضروری ہے کہ ہر چوتھا دن اور رات اپنی بیوی کے لیے مختص
کرے ۔

اس سے ثابت ہوا کہ شوہر اور بیوی ایک الگ گھر میں ساتھ رہیں جو ماں باپ کے گھر سے قریب ہو تاکہ بیٹا جاکر اپنے ماں باپ کی خدمت کرسکے ۔

سحر

آپ بھی لکھیں ، اس سے معلومات میں اضافہ ہوگا ۔ ہمارے ساتھ مسئلہ ہے ہمارے معاشرے میں جو رواج عام ہوتے ہیں چاہے وہ صحیح ہوں یا غلط یہ سوچے بغیر ہم
اس کو اپناتے بھی ہیں اور اس کے خلاف کو ئی بات سننا گوارہ بھی نہیں کرتے ۔

سحر

میری بات یا تو آپ لوگوں کو سمجھ نہیں آتی یا سمجھنا چاہتے نہیں
والدین کی خدمت کرنے کے خلاف کوئی نہیں ہے ۔ اگر کسی کے والدین اتنے ضعیف اور بیمار ہیں کہ اکیلے نہیں رہ سکتے ۔ ان کو اگر بیٹا اپنے گھر میں رکھتا ہے اور خدمت کرتا ہے تو وہ مشترکہ خاندانی نظام میں نہیں آتا ہے ۔ لیکن ہر گھر میں ایسا نہیں ہوتا ہے اکثر گھروں کا نظام والدین کے ہاتھ میں ہوتا ہے اور شادی شدہ بیٹا اپنی مرضی سے کوئی فیصلہ نہیں کرسکتا ہے ۔ یہ اسلام کے اس قانون کی خلاف ورزی ہے کہ شوہر گھر کا سربراہ ہے
اور پھر کہوں گی کہ مشترکہ خاندانی نظام میں پردہ کا خیال نہیں رکھا جاتا ہے ۔

ہمارے جاننے والوں میں شوہر نے اپنی بیوی سے پانچ سال اپنی ماں کی ذاتی خدمت کرائی اور جیسے ہی اس کی ماں کا انتقال ہوا اپنی بیوی کو طلاق دے دی ۔ ہمارے معاشرے میں بہت سے گھروں میں شوہر اپنی بیویوں کو اپنے ماں باپ کی ملازمہ سمجھتے ہیں ۔ اور اپنے ماں باپ کی خدمت کی غرض سے ہی شادی کرتے ہیں ۔

راجہ اکرام

باقی باتوں‌کا جواب تو سحر جی دے رہی ہیں ،
یہاں‌ حج کا ذکر ہوا تو میرے ذہن میں‌ایک خیال آیا، سوچا ذکر کردوں شاید مفید ہو۔
ایک اصول ملحوظ خاطر رہنا چاہیے کسی بھی کام کے کرنے یا نہ کرنےکے حوالے سے، بالخصوص جب دینی تعلیمات کا مسئلہ ہو۔
ہم دین سمجھ کر جو کام کرتے ہیں‌یا جس کام سے باز رہتے ہیں اس کی بنیاد شریعت ہے۔ اللہ تعالی نے جو بھی احکامات دیئے ہیں ، بذریعہ قرآن کریم یا بذریعہ بنی کریم صلی اللہ علیہ و سلم، وہ ہمارے لئے معیار اور کسوٹی ہیں۔
اگر ایک جگہ اللہ ایک کام کرنے کا حکم دیتا ہے تو اس پر عمل کرنا فرض ہے ، اور دوسری جگہ اگر اسی کام سے روکا گیا ہے تو رکنا فرض ہے۔
مثال کے طور پر ، غیر اللہ کو سجدہ کرنا منع ہے، اگر کریں تو دائرہ اسلام سے خارج، لیکن اگر خود اللہ تعالی حکم دے دیں، فرشتوں سے کہیں کہ آدم کو سجدہ کرو، تو اب سجدہ کرنا فرض ہے۔ اگر نہ کیا تو ابلیس کہلائے۔

یہی حال یہاں‌ بھی ہے۔
مرد و زن کا اختلاط ممنوع ہے۔ لیکن حج کے موقع پر چونکہ شریعت کا حکم ہے کہ ایسا کرنا ہے تو وہاں ممنوع نہیں‌ ہے۔
ہم پابند شریعت ہیں۔
امید ہے کہ بات کسی حد تک واضح ہو چکی ہو گی۔

مزید تصحیح کے لئے اہل علم کی رہنمائی کا محتاج ہوں۔

__________________
محتاج اصلاح و دعا

شاہ جی 90

پردے کے حوالے سے میں آپ کی بات مانتا ہوں ، میں یہ بھی تسلیم کرتا ہوں کہ ہمارے معاشرے میں بہت سے غیر اسلامی افعال رسوم و رواج کے نام سے پل رہے ہیں ۔ میں آپ کو ایک بات بتائوں ، کالج کے دور سے لے کر آج تک میری کسی سے بحث چھڑ جائے کسی بات پر تو میں دلائل ڈھونڈ ڈھونڈ کر ایسے نکالتا کہ جن سے مقابل لا جواب ہو جاتا اور مجھے بہت مزا آتا تھا ، آہستہ آہستہ یہ میری عادت بنتی گئی اور جب میری بات نہ مانی جا رہی ہوتی تو مجھے ایسا لگتا کہ میری شکست ہو رہی ہے ، میں آج ایک مسئلے کی وجہ سے پچھلے 40 گھنٹوں سے جاگ رہا ہوں اور ابھی دور دور تک اگلے چوبیس گھنٹے بھی نیند لینے کا موقع ملتا نظر نہیں آتا ، اس صورت حال میں میرا ذہن اس جانب چل پڑا کہ تو ، جو اپنے آپ کو بہت Civilized سمجھتا ہے ۔ تو جو بڑا شاعر بنا پھرتا ہے ۔ اپنے تئیں گناہوں سے بچ کر بہت اتراتا پھرتا ہے ، اپنے اندر کے ایک ہٹ دھرم انسان کو تو مار نہیں‌سکتا ، اور بہت بہادر بنا پھرتا ہے ، شاید تحلیل نفسی اسی کو کہتے ہیں ۔ جی ہاں میں اعتراف کرتا ہوں کہ آپ کی تمام باتیں درست ہیں ، میں جو اتنی مخالفت کر رہا تھا تو صرف اور صرف اپنے اندر کے ہٹ دھرم انسان کو مطمعن کرنے کے لیے ۔ میں دل سے تسلیم کرتا ہوں کہ جو کچھہ بھی آپ کا کہنا ہے وہی فطرت کے زیادہ قریب ہے ، کاش اللہ مجھے اتنی ہمت دے کہ میں اپنے گھر میں ان اصولوں کو رواج دے سکوں ۔ میرے حق میں دعا کیجئیے گا ۔ اللہ تعالی آپ کو بہت سی خوشیاں اور سکون کی دولت عطا فرمائے آمین

شاہ جی 90

خواتین سے ٹکرائو سے تو نادانستگی میں بھی اللہ محفوظ رکھے کجا یہ کہ دانستہ ، ہماری لغت میں‌تو ناممکن ہے، ایسے بہت سے گھرانوں سے میں خود بھی واقف ہوں جہاں دیور یا جیٹھہ سے ہنس ہنس کر باتیں کی جاتی ہیں اور بعد میں جو نتائج سامنے آتے ہیں وہ انتہائی شرمناک ہوتے ہیں ۔
ذاتی خدمت ۔ ۔ ۔ ۔ ۔ ۔ ۔ کچھہ سمجھہ نہیں آئی ، ، ، ، ، ، ، ، ، ، ، ، ایک مریض کو دوا وقت پر کھلا دینا جب وہ بستر سے اٹھنے کے قابل نہ ہو کہیں یہ بھی ذاتی خدمت میں تو نہیں آ جاتا
یہ آخری جو سوال ہے یہ بحث برائے بحث نہیں بلکہ میں حقیقت میں جاننا چاہتا ہوں ۔

فیصل ناصر

میں اسی جگہ آپ کو لانا چاہ رہا تھا
میں خود بھی والدین سے علیحدہ ہی رہا ہوں اور میری والدہ نے بھی آخر وقت تک " اپنے گھر " میں ہی رہنے کو فوقیت دی لیکن ان دنوں میں میری شدید خواہش یہی تھی کے ان کو اپنے گھر لے آؤں زیادہ سے زیادہ وقت ان کی خدمت کرسکوں
دوسرے میرا ذاتی خیال یہ ہے ک بوڑھے والدین کا سب سے اہم مسئلہ ان کی باتوں کو سنننا اور ان کو وقت دینا ہوتا ہے ہم میں سے اکثر لوگ والدین کی دوا دارو اور کھانے پینے کی ضروریات کا تو خوب خیال رکھتے ہیں لیکن آجکل کے مصروف دور میں وقت کی کمی سب کا ہی پرابلم ہے
ایک ہی گھر میں ہونے سے کم از کم کچھ وقت تو والدین کو مل ہی جاتا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

سحر

ذاتی خدمت کا مطلب ہے ہر وہ کام کرنا جو انسان عام طور پر خود کرتا ہے ۔ بیماری یا ضعف کی وجہ سے باتھ روم نہ جاسکے اور کپڑے تپدیل کرانا اور نہلانا وغیرہ یہ سب کام اولاد پر تو فرض ہیں
اس لیے کہ والدین اپنی اولاد کے ان کے بچپن میں یہ سارے کام بڑے احسن طریقے سے کر چکے ہوتے ہیں
اور بہو سے ان کاموں کو کرانا اگر وہ نہ کرنا چاہتی ہو صحیح نہیں
لیکن اگر بہو خود اپنی خوشی سے یہ کام کرتی ہے تو بھی صرف والدہ کے لیے یہ کام بہو کرسکتی ہے
آپ کو شائد یہ بات معلوم نہیں ہمارے یہاں بہت سے گھرانوں میں خدمت کے نام پر یہ کام سسر کے بھی بہو کرتی ہیں ۔

سحر

آپ کی بات صحیح ہے کہ والدین کی اس خواہش کو کہ ان سے باتیں کی جائیں اولاد کو پورا کرنا ضروری ہے ۔ میں اگر الگ رہنے کی بات کرتی ہوں تو اس کا مطلب یہ نہیں کہ والدین سے دور
گھر لیا جائے اور آنے جانے میں ہی وقت نکل جائے
آپ کا گھر اپنے والدین کے گھر کے برابر میں ہو اور یا اوپر نیچے ہو اس کو الگ گھر تصور کیا جائے گا ۔
بس بیوی کی پرائیویسی کا اور اس کے پردہ کا خیال رکھا جائے۔

شاہ جی 90

اگر سسر کے بھی یہی کام بہو کو کرنے پڑیں تو شوہر کے لیے تو مر جانے کا مقام ہے لیکن ان کے لیے جو احساس رکھتے ہوں

مہر

آپ نے بالکل ٹھیک کہا سحر۔یہ ہندوؤں کے ساتھ رہنے سے ہم میں بھی رواج آیا ہے۔اور یہاں بھی بہو سے یہ توقع کی جاتی ہے کہ وہ آ کر سارا کام سنبھالے،ساس سسر،دیور نند کی خدمت کرے۔اور جو نہ کرے یا کام نہ آئے تو اس کی زندگی اجیرن کر دی جاتی ہے۔یہ 98 فیصد گھروں میں ہوتا ہے جہاں مشترکہ نظام ہے۔اس کی وجہ لاعلمی بھی ہے اکثر لوگوں کو پتا ہی نہیں کہ اسلام میں تو مشترکہ نظام کا تصور نہیں ہے۔

فاروق سرورخان

چونکہ بنیادی تصور اسلام میں‌یہی ہے کہ ایک شخص اپنی بیوی کو اپنے الگ گھر میں رکھے گا۔ لہذا قرآن حکیم کی آیات بھی اسی تناظر میں دیکھی جاتی ہیں۔

بغور دیکھئے کہ اگر ایک ہی گھر میں‌سب لوگوں‌کے رہنے کا رواج ہوتا یا اللہ تعالی کی منشاء ہوتی تو کسی شخص وفات کی صورت میں اس کے اثاثہ تقسیم کرنے کی ضرورت ہی نہیں تھی۔ اثاثوں کی تقسیم سے مقصد ہے کہ لوگ آزادانہ اپنے طور پر اپنے حصے کا استعمال کریں۔ اس میں‌ناسمجھوں یعنی جو لوگ بالغ نہیں‌ہوئے ہیں ان کو اپنے ساتھ رکھنے میں‌ کوئی قباحت نہیں ۔

دیکھئے کہ ناسمجھوں‌کے سپرد ان کا مال نہ کئے جانے کی ہدایت۔:
4:5 وَلاَ تُؤْتُواْ السُّفَهَاءَ أَمْوَالَكُمُ الَّتِي جَعَلَ اللّهُ لَكُمْ قِيَاماً وَارْزُقُوهُمْ فِيهَا وَاكْسُوهُمْ وَقُولُواْ لَهُمْ قَوْلاً مَّعْرُوفًا
اور تم بے سمجھوں کو اپنے (یا ان کے) مال سپرد نہ کرو جنہیں اللہ نے تمہاری معیشت کی استواری کا سبب بنایا ہے۔ ہاں انہیں اس میں سے کھلاتے رہو اور پہناتے رہو اور ان سے بھلائی کی بات کیا کرو

اب دیکھئے کہ جب وہ سمجھدار ہوگئے اور نکاح کی عمر کو پہنچ گئے تو ان کا مال ان کے حوالے کردیا جائے تاکہ وہ اپنے طور پر رہ سکیں۔

4:6 وَابْتَلُواْ الْيَتَامَى حَتَّى إِذَا بَلَغُواْ النِّكَاحَ فَإِنْ آنَسْتُم مِّنْهُمْ رُشْدًا فَادْفَعُواْ إِلَيْهِمْ أَمْوَالَهُمْ وَلاَ تَأْكُلُوهَا إِسْرَافًا وَبِدَارًا أَن يَكْبَرُواْ وَمَن كَانَ غَنِيًّا فَلْيَسْتَعْفِفْ وَمَن كَانَ فَقِيرًا فَلْيَأْكُلْ بِالْمَعْرُوفِ فَإِذَا دَفَعْتُمْ إِلَيْهِمْ أَمْوَالَهُمْ فَأَشْهِدُواْ عَلَيْهِمْ وَكَفَى بِاللّهِ حَسِيبًا
اور یتیموں کی (تربیتہً) جانچ اور آزمائش کرتے رہو یہاں تک کہ نکاح (کی عمر) کو پہنچ جائیں پھر اگر تم ان میں ہوشیاری (اور حُسنِ تدبیر) دیکھ لو تو ان کے مال ان کے حوالے کر دو، اور ان کے مال فضول خرچی اور جلد بازی میں (اس اندیشے سے) نہ کھا ڈالو کہ وہ بڑے ہو (کر واپس لے) جائیں گے، اور جو کوئی خوشحال ہو وہ (مالِ یتیم سے) بالکل بچا رہے اور جو (خود) نادار ہو اسے (صرف) مناسب حد تک کھانا چاہئے، اور جب تم ان کے مال ان کے سپرد کرنے لگو تو ان پر گواہ بنا لیا کرو، اور حساب لینے والا اللہ ہی کافی ہے

مشترکہ خاندان سے الگ مرد و عورت دونوں کو ہونا چاہئیے، یہ اس بات سے ظاہر ہے کہ مردوں اور عورتوں‌دونوں کا اس مال میں‌سے حصہ ہے جو ایک مرنے والا چھوڑ جائے۔
4:7 لِّلرِّجَالِ نَصيِبٌ مِّمَّا تَرَكَ الْوَالِدَانِ وَالْأَقْرَبُونَ وَلِلنِّسَاءِ نَصِيبٌ مِّمَّا تَرَكَ الْوَالِدَانِ وَالْأَقْرَبُونَ مِمَّا قَلَّ مِنْهُ أَوْ كَثُرَ نَصِيبًا مَّفْرُوضًا
مردوں کے لئے اس (مال) میں سے حصہ ہے جو ماں باپ اور قریبی رشتہ داروں نے چھوڑا ہو اور عورتوں کے لئے (بھی) ماں باپ اور قریبی رشتہ داروں کے ترکہ میں سے حصہ ہے۔ وہ ترکہ تھوڑا ہو یا زیادہ (اللہ کا) مقرر کردہ حصہ ہے

اسی نظریہ کو آپ طلاق کی صورت میں دیکھ سکتے ہیں کہ جس عورت کو طلاق دی جائے اس عورت کو اس کے گھر سے نکالا نہ جائے۔ یہاں چونکہ مالو دولت و جائیداد جانے کا معاملہ ہے ، اس لئے کچھ فرقوں کا اس پر زبردست اختلاف ہے۔ اس اختلاف کو ایک طرف کرکے دیکھئے تو صاف نطر آتا ہے کہ ایک طلاق یافتہ عورت کو اس کے گھر سے نہ نکالا جائے۔ کب تک ، اس پر مکتلف آراء‌ہیں۔ اب اگر اس عورت کا کوئی گھر ہی نہیں‌تو پھر اس کو رکھنے نکالنے کی صورت حال ہی پیدا نہیں ہوتی ۔۔ لہذا اس نکتہ سے یہ ظاہر ہوتا ہے کہ شادی کر کے ایک عورت کو الگ گھر میں رکھا جائے تاکہ طلاق کی صورت میں وہ اس گھر میں‌رہ سکے۔ چاہے وہ مدت اس کی عدت کی ہو یا آپسی رضامندی یا عدالت کے فیصلہ سے تا حیات ہو۔

65:1 يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا
اے نبی! (مسلمانوں سے فرما دیں جب تم عورتوں کو طلاق دینا چاہو تو اُن کے طُہر کے زمانہ میں انہیں طلاق دو اور عِدّت کو شمار کرو، اور اللہ سے ڈرتے رہو جو تمہارا رب ہے، اور انہیں اُن کے گھروں سے باہر مت نکالو اور نہ وہ خود باہر نکلیں سوائے اس کے کہ وہ کھلی بے حیائی کر بیٹھیں، اور یہ اللہ کی (مقررّہ) حدیں ہیں، اور جو شخص اللہ کی حدود سے تجاوز کرے تو بیشک اُس نے اپنی جان پر ظلم کیا ہے، (اے شخص!) تو نہیں جانتا شاید اللہ اِس کے (طلاق دینے کے) بعد (رجوع کی) کوئی نئی صورت پیدا فرما دے

مزید یہ واضح حکم دیکھئے:
65:6 أَسْكِنُوهُنَّ مِنْ حَيْثُ سَكَنتُم مِّن وُجْدِكُمْ وَلَا تُضَارُّوهُنَّ لِتُضَيِّقُوا عَلَيْهِنَّ وَإِن كُنَّ أُولَاتِ حَمْلٍ فَأَنفِقُوا عَلَيْهِنَّ حَتَّى يَضَعْنَ حَمْلَهُنَّ فَإِنْ أَرْضَعْنَ لَكُمْ فَآتُوهُنَّ أُجُورَهُنَّ وَأْتَمِرُوا بَيْنَكُم بِمَعْرُوفٍ وَإِن تَعَاسَرْتُمْ فَسَتُرْضِعُ لَهُ أُخْرَى
رکھو تم ان عورتوں کو اسی جگہ جہان تم خود رہتے ہو جیسی جگہ تمھیں میسر ہو اور نہ ستاؤ تم تنگ کرنے کے لیے انھیں۔ اور اگر ہوں وہ حاملہ تو خرچ کرتے رہو تم ان پر یہاں تک کہ ان کے ہاں بچہ ہو جائے۔ پھر اگر وہ دودھ پلائیں تمھارے لیے (بچے کو) تو دو تم انھیں ان کی اجرت۔ اور (اجرت کا) معاملہ طے کرو مشورے سے آپس میں بھلے طریقے سے اور اگر تم نے ایک دوسرے کو تنگ کیا تو دودھ پلائے اس کی خاطر دوسری عورت۔


ان آیات سے مختصراً یہ ظاہر ہوتا ہے کہ ایک شادی شدہ جوڑے کو ایک الگ گھر میں‌ رہنا چاہئیے۔ اس سلسلے میں روایات پہلے پیش کی جاچکی ہیں۔ قرآن حکیم سے حوالہ جات حاضر ہیں۔ چونکہ ایک الگ گھر یا جائیداد کافی اہمیت رکھتا ہے اس لئے بہت سے فرقہ عورت کے اس حق کو تسلیم نہیں‌کرتے لیکن اگر آپ عورت کو اس کے گھر سے اٹھا کر باہر پھینک دیں گے تو وہ کبھی بھی اپنے خاندان کی تربیت نہیں کرسکے گی۔ ماں‌کی تربیت کے بغیر خاندانوں سے بننے والی قوم مناسب تربیت یافتہ نہیں ہوسکتی ۔ لہذا ایک عورت کو اس کے خاندان کے لئے گھر کی فراہمی نہ صرف ایک مرد کی ذمہ داری ہے بلکہ اسلامی معاشرہ کی بھی ذمہ داری ہے کہ مرد کو اس ذمہ داری کے پورا کرنے میں مدد کرے

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

راجہ اکرام

فاروق بھائی
ان آیات سے مشترکہ خاندانی نظام کی ممانعت یا مخالفت کا حکم کیسے مستنبط کیا گیا ہے۔۔ اگر تھوڑی وضاحت فرما دیں تو ہمارے لئے بھی بہتر ہوگا۔۔
اثاثوں کی تقسیم سے یہ حکم اخذ کرنا مجھے تو سمجھ نہیں آیا۔۔ اثاثے تو میاں اور بیوی کے بھی الگ الگ ہوتے ہیں تو ان کو بھی الگ الگ گھر میں رکھا جائے؟؟؟

فاروق سرورخان

میاں بیوی کے اثاثے مشترکہ اثاثے شمار کئے جاتے ہیں۔ اثاثوں کی تقسیم بنیاد ہے مشترکہ گھر کی تقسیم کی۔ ایک مشترکہ گھر کے تصور میں اثاثوں کی تقسیم کوئی معنی نہیں رکھتی ۔ اگر سب نے ایک ہی جگہ سے کھانا پینا ہے تو پھر اثاثوں کی تقسیم کے کیا معانی ہوئے؟

سام

سحرصاحبہ سسرتومحرم ہوتاہے ہاں ذاتی خدمت توبہوسےنہیں کرانی چاہیےآپکی اس بات سے میں متفق ہوں

سحر

میں نے صرف پردہ کی بات کی تھی ، سسر سے پردہ کی بات نہیں کی تھی ۔
آپ کی بات درست ہے کہ سسر محرم ہوتے ہیں جیسے باپ ہوتے ہیں ۔
میں آپ سے سوال کرتی ہوں کہ کیا محرم مردوں سے جیسے بھائی یا باپ سے پردہ نہیں ہوتا ہے ۔