ابن جلال

خبر کی تعریف

جب کسی انتہائی سادہ، عام فہم اور جانے پہچانے لفظ کو بھی تعریف کے ترازو میں تولا جائے یا تعریف کے نقطہء نظر سے دیکھا اور پرکھا جائے تو وہ لفظ اپنی ظاہری ساخت اور ہئیت کے اندر بے پناہ معافی و مطالب لیے ہوئے نظر آتا ہے اور علم و عرفان کے ایسے ایسے در کھلتے ہیں کہ عقل و خردو رطہء حیرت میں ڈوب جاتی ہے ۔ یہی کیفیت لفظ خبر ایسے سادہ اور عام فہم لفظ پر طاری ہے ۔ شروع میں جب اس سمت کسی نے توجہ دی ہوگی تو ممکن ہے بعض دوسرے احباب نے اسے غیر سنجیدہ انداز میں دیکھا ہو کہ بھلا خبر کی تعریف ہے ۔ خبر کا مفہوم اور مطلب ہر کس و ناکس پر واضح ہے اس لفظ میں نہ کوئی گہرائی ہے اور نہ ہی گیرائی لیکن فکر و جستجو کرنے والوں نے تین حروف پر مشتمل اس انتہائی سادہ اور عام تلفظ کو سمجھنے اور سمجھانے کے لیے وہ وہ انداز اور ایسا ایسا پیرایہ اختیار کیا کہ بات ختم ہونے کا نام نہیں لیتی اور آج ممتاز صحافی اور صحافت کے نامور استاد کوئی ایسی تعریف اس مختصر سے لفظ کی پیش نہیں کرسکے جس پر تمام مکاتب فکر کو اتفاق ہو۔ کسی ایک تعریف پر ماہرین صحافت کا متفق نہ ہونا بجائے خود اس بات کا بین ثبوت ہے کہ یہ لفظ اپنے اندر کتنی وسعت و ہمہ گیری سمیٹے ہوئے ہے ۔ اور آج خبر کو اطلاع یا تازہ اطلاع کہہ دینا کافی نظر نہیں آتا۔ یہ بات بھی قبول نہیں کی جاسکتی کہ خبر خبر ہے ۔
اس سادہ سے لفظ کی تعریف اور پھر اسے ناقدانہ انداز سے پرکھنے سے پہلے ہر ماہر صحافی نے اس کے اندر چُھپے ہوئے مطالب کوتلاش کیا ور پھر انہی مطالب کو الفاظ کا جامہ پنا کر لوگوں کے سامنے پیش کردیا یہی خبر کی تعریف بنتی گئی۔ ایک تعریر پر ماہرین کا متفق نہ ہونا اس بات کا بھی غماز ہے کہ اس لفظ کا سمجھنا جتنا آسان ہے دوسروں کو اپنی زبان میں سمجھانا اتنا ہی مشکل ہے ۔

خبر کی چند تعریفیں درج ذیل ہیں

لارڈ نارتھ کلف جنہیں برطانوی عوام پسند صحافت کا باوا آدم کہتے ہیں،خبر کی تعریف یوں کرتے ہیں۔
‘‘ اگر کتا انسان کو کاٹ لے تو یہ خبر نہیں البتہ اگر انسان کتے کو کاٹے تو یہ خبر ہے ِِ
ولبسٹر ڈکشنری کے مطابق خبر’’تازہ واقعات کی رپورٹ‘‘ کا نام ہے ۔

آکسفورڈ لغت(انگریزی) میں خبر ’’ نئی اطلاع، تازہ واقعات کی رپورٹ کو کہتے ہیں۔"

رحم علی شاہ کے مطابق خبر کو انگریزی زبان میں Newsکہتے ہیں اوریہ لفظNewsسے بنا ہے جس کے معنی تازہ اور جدید کے ہیں"

عربی لفظ خبر کے مفہوم سے بھی تازہ ہونا ہی مترشح ہے ۔

Newsکے چاروں حرف سےNorth, East, West,Southیعنی شمال، مشرق، مغرب اور جنوب بنتا ہے گویا چاروں اطراف ہونے والا ہر واقعہ خبر ہے ۔

ڈاکٹر عبدالسلام خورشید فنِٕ صحافت میں خبر کی تعریف یوں کرتے ہیں ’‘ خبر کا تعلق ایسے واقعات اور مشاہدات سے ہوتا ہے جو معمول سے ہٹ کر ہوں"

حامد جلالHere is the News میں رقمطرانہ ہیں۔’’خبر اس نئی یا اہم اطلاع کو کہتے ہیں جو سامعین کی دلچسپی کا باعث ہو یا اس سے ان کی کچھ تربیت ہوتی ہو۔"

پال ڈبلیو وائٹ نے News on the Air میں لکھا ہے ’’ خبر ایسے دلچسپ ، تازہ اور مصدقہ واقعات کا بیان ہے جو رونما ہوچکے ہوں ، ہورہے ہوں یا ہونے والے ہوں یاتوقع کے مطابق نہیں ہوئے ، نہیں ہورہے اور نہ ہونے کی امید ہے"

ول ارنWill Irwin اپنی کتابPropaganda and News میں خبر کو یوں بیان کرتے ہیں۔’’

ایسا واقعہ جو مانوس اور معمول کی دنیا کے متعلق قاری کے تصور سے مختلف ہوتا ہے ۔ یہ متصادم طاقتوں کی کشمکش کا نام ہے ۔

کارل وارن نے Radio News Writing میں لکھا ہے ’’ خبر عموماً وہ رپورٹ ہوتی ہے جو اس سے پہلے عام لوگوں کو معلوم نہیں ہوتی۔ یہ رپورٹ بنی نوع انسان کی ایسی سرگرمیوں کے متعلق ہوتی ہے جو قارئین یا سامعین کے لیے دلچسپی ، تفریح یا معلومات کا موجب ہوں،،۔ اسی نام کی کتاب ولیم ایف بروکس نے بھی لکھی ہے جس میں وہ خبر کو اس انداز سے بیان کرتے ہیں ’’ خبر دراصل غیر متوقع کا مترادف ہے ،،
ویلکم سٹیڈ کے مطابق ’’ ہر وہ چیز جو غیر معمولی اور انوکھی ہو خبر کہلاتی ہے ،،۔
امریکی صحافی فراسٹر بانڈ کے مطابق’’ کوئی واقعہ خبر نہیں اس کا بیان خبر ہے ،،۔


ہیگ، وہنس، اسمیچ اور ہارٹیجن خبر کی تعریف کرتے ہوئے جن باتوں کو ضروری قرار دیتے ہیں وہ ہیں ۔

1۔ اہم ہو

2۔لوگوں کومتاثر کرے

3۔ لوگوں میں تجسس پیدا کرے

4۔ لوگوں کی دلچسپی کا باعث ہو


ڈاکٹر مسکین علی حجازی اپنی کتاب فنِ ادارت میں خبر کی تعریف یوں کرتے ہیں ۔’’ ہر وہ واقعہ خبر ہے جو درست ہو ۔لوگوں کے لیے دلچسی کا باعث ہو جس کے متعلق لوگ جاننا اور اخبار نویس بتانا چاہیئے۔

جیرا لڈ ڈبلیو جانسن کے مطابق ’’ خبر ایسے واقعات کا بیان ہے جن کو لکھنے اور شائع کرنے میں ایک اعلیٰ پایہ کا اخبار نویس اطمینان محسوس کرے ِِ۔


ممتاز صحافی اے آر خالد نے اپنی کتاب ’’فن خبر نویسی‘‘ میں خبر کی تعریف یوں کی ہے ’’ہر وہ واقعہ جو عوام سے متعلق ہو مگر اس کی اشاعت ، براڈ کاسٹ یا ٹیلی کاسٹ سے پہلے اس کے بارے میں عوام کچھ نہ جانتے ہوں یا پوری معلومات نہ رکھتے ہو خبر کہلاتا ہے ۔،،








باقی پھر کبھی

آپ کی آراء‌کا انتظار رہے گا۔

ابن جلال

لگتا ہے یہ تھریڈ‌کسی کو پسند نہیں‌آیا

محمدعدنان

بہت اچھا تھریڈ ہے بھائی
شکریہ

ابن جلال

پسند کرنے کا شکریہ
َِ

ام طلحہ

بہت اچھا ہے بھائی
دل چھوٹا نہیں کرتےمیرے اکثر تھریڈ کا کوئی جواب ہی نہیں دیتا
کوئی بات نہیں

ابن جلال

کون نہیں دیتا، میں‌تو تقریبا ہر تھریڈ‌ہی پڑھتا ہوں لیکن کبھی کبھی زیادہ مصروف ہوتا ہوں اس لیے رات کو فارغ ہوکر ہی پڑھتا ہوں‌پھر

ام طلحہ

خانانی اینڈ کالیا والی پوسٹ کا جواب دیا

ابن جلال

کہا نا جب میں مصروف ہوتا ہوں تو بروقت جواب نہیں‌دے پاتا۔ جب فارغ ہوتا ہوں تو تمام پوسٹس اور تھریڈ پڑتا ہوں

احمد غزنوی

السلام علیکم و رحمت اللہ و برکاتہ

بھائی بہت شکریہ آپ نے عمدہ معلومات شیئر کیں خبر کی تعریف کے حوالے سے۔ کچھ اضافہ میں‌ بھی کرنا چاہوں گا، کہ خبر کی جامعیت کے لئے ضروری ہے کہ اس میں‌ ان چھ سوالات کے جوابات موجود ہوں:‌
کون
کیا
کب
کہاں
کیسے
کیوں

مثال کے طور پر خبر ہے:
بھارت کے وزیر اعظم منموہن سنگھ (کون) نے ممبئی واقعات میں‌ بالواسطہ پاکستان کو ملوث قرار دیا ہے(کیا)۔
تفصیلات کے مطابق بدھ کی شام (کب) کو نئی دہلی (کہاں) میں‌ قوم سے ایک خطاب میں‌ انہوں‌ نے کہا کہ دہشت گردوں‌ کی جڑیں‌ ملک سے باہر ہیں‌ (کیسے)۔

واضح‌ رہے کہ اس طرح کے الزام کا یہ پہلا موقع نہیں‌ ہے، اس سے قبل بھی بھارت میں‌ پیش آمدہ ایسے واقعات کے الزامات پاکستان پر لگائے جاتے رہے ہیں (کیوں)۔

ابن جلال

پسند کرنے اور معلومات فراہم کرنے کے لیے بہت بہت شکریہ
کیا آپ کا تعلق میڈیا سے ہے ؟؟؟

فیصل ناصر

دنیا میں رونما ہو نے والا ہر واقعہ خبر ہے

احمد غزنوی

آپ کا بھی شکریہ بھائی

پہلے باقاعدہ تھا، اب بے قاعدہ ہے۔ ۔۔ بات کچھ یوں‌ ہے کہ جب پاکستان میں‌ تھا، تو بعض ہفت روزوں‌ اور روزنامہ امت سے کچھ عرصہ وابستہ رہا تھا، ایک محدود تعداد میں‌ مضامین بھی لکھے، لیکن اب چونکہ وطن سے باہر ہوں، (سعودیہ میں)‌ تو بس اتنا ہے کہ کبھی کبھار کوٕئی مضمون لکھ لیا کرتا ہوں۔

ابن جلال

یہ تو اچھی بات ہے لیکن آپ کوشش کیا کرےاور اگر ہوسکے تو اپنے مضامین یہاں شیئر کریں

عارف اقبال

بہت خوب!
اس معلوماتی تھریڈ پر میری جانب سے مُباکباد قبول کیجیئے!

عارف اقبال

بہت خوب!
اس معلوماتی تھریڈ پر میری جانب سے مُباکباد قبول کیجیئے!