راجہ اکرام

کہتے ہیں کہ صحافت ایک مقدس پیشہ ہے، جس میں انسان تمام اغراض سے بالا تر ہو کر سچائی جاننے اور لوگوں کو باخبر رکھنے کی ذمہ داری سے عہدہ براء ہونے کی کوشش کرتا ہے۔
لیکن آج کے اس مادہ پرستانہ دور نے جہاں اور تمام شعبہ ہائے زندگی کو متاثر کیا ہے وہیں صحافت بھی اس کی زد میں ہے۔ شہرت کے حصول کی دوڑ میں تمام حدود کی پامالی ایک معمول بن چکا ہے۔ ذاتی جذبات و احساسات کی تسکین کے لئے دوسروں کی عزت اچھالنا بلکہ مذاہب و ادایان کی توہین کرنا شیوا بنتا جا رہا ہے۔
مغرب میں تو آزادئ اظہار کے نام پر جو ہوتا ہے وہ کسی سے ڈھکا چھپا نہیں لیکن خود ہمارےہاں کی صورتحال بھی ان سے کسی طور کم نہیں۔
صرف اشارۃ ذکر کر رہا ہوں تفصیلات سے آپ بخوبی آگاہ ہونے گے۔
(1) پاکستان میں آزادیء اظہارکا سب سے بڑا علمبردار اور حق اور سچ کا دعویدار ’’جیو‘‘ ہے۔
اس دوڑ میں بعض اوقات ملکی مفاد تک کو داؤ پر لگا دیا جاتا ہے۔
ممبئی حملے ہوئے، انڈیا نے حملوں کا ذمہ دار پاکستان کو ٹھہرایا، بغیر تحقیق کے چند مفروضے پیش کئے۔
جیو نے حق تک رسائی اور دنیا کے سامنے اس کو آشکار کرنے کا اپنا فرض نبھانے کے لئے فورا اپنے ہرکارے روانہ کئے اور ثابت کر دیا کہ اجمل قصاب پاکستانی ہے۔
اس نے انڈیا اور شہ دی اور وہ پروپیگنڈا ہوا کہ پاکستان دنیا میں تنہا رہ گیا۔ سفارتی سطح پر۔۔ جنگ کے بادل منڈلانے لگے اور وطن عزیز چاروں جانب سے خطرے میں گھر گیا۔

(2) ہزاروں افراد اور بے پناہ وسائل کے ضیاع کے بعد سوات میں امن معاہدہ ہوا اور نتیجتا نظام عدل نافذ ہو گیا۔ ہر محب وطن کی خواہش تھی کہ معاہدہ کامیاب ہو، قومی اسمبلی نے اسے منظور کیا، صدر پاکستان نے دستخط کئے۔
لیکن چند عاقبت نا اندیشوں سے یہ ہضم نہیں ہوا اور اس کے خلاف پروپیگنڈا شروع کردیا۔ خدا کا کرنا اسی دوران ایک وڈیو منظر عام پر آئی۔ جس کی تحقیق کرنے کی زحمت گوارا کئے بغیر عوام کو باخبر رکھنے کی ذمہ داری محسوس کرتے ہوئے اسے نشر کر دیا گیا۔ نہ صرف نشر کیا گیا بلکہ بار بار نشر کر کے عوام کو مشتعل کرنے کی کوشش کی گئی۔
اسی دوران اسلامی نظام حدود کے لئے نہ جانے کیسے کیسے نازیبا الفاظ استعمال کئے گئے۔ کوڑوں کو وحشیانہ سزا کہہ کر اسلامی تعلیمات کے خلاف قرار دیا گیا۔ ۔۔۔۔۔
لیکن بھلا ہو ان اہل نظر کا جنہوں نے اس وڈیو کی اصلیت کو چیلنج کر دیا۔۔۔
یہ سب جو میڈیا نے کیا اس میں یہ بات بار بار دہرائی جاتی رہی کہ اس سے دنیا میں اسلام کا غلط تصور جاتا ہے۔
پہلی بات تو یہ ہے کہ جب کوئی اس غلطی کا ارتکاب کرے ، غلطی ثابت ہوجائے تو اس کو یہ سزا دینا اسلامی حکومت کی ذمہ داری ہے، تا کہ لوگ آئندہ اس طرح کی غلطی سرزد نہ کریں۔ قطع نظر اس کے کہ اس سے کیا پیغام جاتا ہے۔
دوم یہ کہ اگر یہ تسلیم کر بھی لیا جائے کہ یہ واقعہ رونما ہوا ہے، تو کتنے لوگوں کا اس کاپتہ تھا؟ شاید ان کی تعداد 100 سے بھی کم ہو۔
اب سوال یہ ہے کہ ان 100 افراد کو پتہ چلنے سے دنیا میں اسلام غلط تصور جاتا ہے یا میڈیا میں ہر منٹ بعد اسے نشر کرنے سے؟ ؟؟/
ہم آہ بھی کرتے ہیں تو ہو جاتے ہیں بدنام
وہ قتل بھی کر دیں تو چرچا نہیں ہوتا۔
اس موقع پر بھی میڈیا نے انتہائی غیر ذمہ داری کا ثبوت دیا، جس سے نہ صرف پاکستان پر دباؤ بڑھا بلکہ امن معاہدہ بھی خطرے میں پڑ گیا۔

(3) تیسرا اہم واقعہ جس نے اظہار رائے کی آزادی اور غیر جانبداری کے تمام دعوے خاک میں ملا دیئے وہ افسوس ناک واقعہ ہے جب دو روز قبل انڈیا میں پاکستانی صحافیوں پر وہاں کی ایک انتہا پسند ہندو تنظیم نے دن دہاڑے سیکیورٹی کی موجودگی میں حملہ کر دیا۔
پوری دنیا میں پاکستان کے خلاف سب سے زادہ زہر اگلنے والے اور انتہا پسندی کے طعنے دینے والے ملک میں اگر اتنا گھناؤنا فعل ہوتا ہے تو کسی کے کان پر جوں تک نہیں رینگتی۔ اگر پاکستان میں یہ ہوتا تو کہرام مچ جاتا۔
پاکستان کی جانب سے معذرت خواہانہ مزمت کے سوا کچھ نہیں‌ہوا حالانکہ ممبئی حملوں میں انڈیا نے جو کچھ کیا وہ سب کے سامنے تھا۔
اس نازک موقع پر جیو نے ایک بار پھر سب کو سکون سے جینے دیا اور وہ کوریج نہ دی جس کی ضرورت تھی۔ اجمل قصاب والے معاملے یا کوڑوں والی وڈیو کے معاملے میں جو واویلا مچایا گیا اس کا نصف بھی سفارتی سطح پر پاکستان کو بہت مدد دے سکتا تھا۔
لیکن ایک مخصوص ایجنڈا ہے ، جس کے تحت اسلام اور پاکستان کو بدنام کرنے کے لئے دن رات کوششیں ہو رہی ہیں ۔

اگر یہی صورت حال رہی تو ۔۔۔۔

یہ میری رائے ہے اس سے اختلاف ہر کسی کا حق ہے ۔۔۔


اللہ وطن عزیز کو اسلام کا قلعہ بنائے اور اس کی حفاظت کرے۔۔ آمین

۔۔

سحر

آپ نے ایک تلخ حقیقت کی طرف توجہ دلائی ہے۔
ہمارے ملک میں صحافت سمیت ہر شعبے میں پاکستان کے غدار موجود ہیں ۔
میں اس کو غداری کہوں گی شائد کسی کو برا لگے لیکن یہ ایک حقیقت ہے۔

عبداللہ حیدر

اسی قسم کی خباثت کا مظاہرہ بی بی سی کرتی ہے۔ طالبان پر پہلے الزام لگایا جاتا تھا کہ وہ یہ کر دیں گے وہ کر دیں گے۔ زندگی اجیرن ہو کر رہ جائے گی وغیرہ۔ اب انہوں نے ایک ادارہ قائم کیا ہے جس کی تفصیل یوں بتائی گئی ہے:
"سوات میں طالبان کے ترجمان مسلم خان نے بی بی سی کو بتایا کہ رشتوں کے لیے الگ شعبہ کچھ عرصےقبل قائم کیاگیا ہے جس کی سربراہی ابو عماد نامی ایک طالب کمانڈر کررہے ہیں۔ ان کے بقول اسے ’شعبہ عروسات‘ کا نام دیا گیا ہے جس کا مقصد ان مردوں اور خواتین کے رشتے کروانے ہیں جو اپنی مرضی سے شادی کرنا چاہتے ہیں مگر خاندان والے کسی نہ کسی حوالے سے انہیں ایسا کرنا نہیں دے رہے ہیں۔

ان کے بقول انہوں نے اس مقصد کے لیے ایک فون نمبر مختص کیا ہوا ہے جس پر لڑکے یا لڑکیاں رابطہ کرکے اپنی مرضی سے شادی کے خواہش کا اظہار کرتے ہیں اور طالبان ان کے کوائف اپنے پاس درج کرنے کے بعد ان کے خاندان والوں سے رابط کرتے ہیں۔ان کے بقول اپنی مرضی سے شادی کرنا ہر مسلمان کا شرعی حق ہے۔"
اس پر کیے گئے اعتراضات اور خبث باطن کا مظاہرہ یہاں دیکھیے:
امید کرنی چاہیے کہ چاچا کمال اور ہمنوا جلد ہی شور مچانے کو آ رہے ہوں گے، تیار رہیے۔

wajee

جیو نے بھی یہ کیا ہے یقین نہیں ہو رہا ہے

فیصل ناصر

دو گھنٹے کا VOA چلاتا ہے جیو
اور جیو پر کیا محدود دسرے میڈیا بھی کچھ کم نہیں ہیں

shafresha

چلیئیے کچھ دنوں بعد ہی اس نظام کے "ثمرات" نظر آنے لگیں گے، تو دودھ کا دودھ اور پانی کا پانی ہوجائے گا۔

تالی بان کی مخالفت کو اسلام کی مخالفت قرار دینے والے لوگ، تالی بان مخالف افراد کو مومن تو کیا مسلمان سمجھنے کے بھی قائل نہیں۔
نوٹ: یہ رائے ایک صاحب کی ہے،

دراصل واقعہ یہ ہے کے ایک خاص فرقے اور خاص معاشرتی و قبائلی ماحول کے حامل چند افراد نے روسی کلاشنکوفوں اور کفار کے بنائے ہوئے ہتھیاروں سے ایک اسلامی مملکت کے آئین کو چیلینج کرکے وقتی فتح حاصل کی ہے، چند دنوں بعد ان ہی میں‌سے ان کے اپنے لوگ ہی ان کی مخالف ہوجائیں گے۔ اور امارت کے حصول کے لیئے ہونے والی ایک ایسی بھگدڑ ہوگی کے الامان الحفیظ۔

اللہ تعالیٰ سے عرض ہے کے میرے یہ تمام اندیشے غلط ثابت ہوں، آمین

راجہ اکرام

برادرم آپ کی بات بجا۔ یہ نظام اسلامی ہے یا نہیں یہ ایک الگ بحث ہے۔
لیکن اہل سوات کو اس کی بدولت جن مصائب اور مشکلات سے نجات ملی ہے، افواج پاکستان اور وسائل پاکستان کا ضیاع ختم ہوا ہے۔۔ اور عوام کو جو امن نصیب ہوا ہے جس کا اظہار انہوں نے مٹھائیاں تقسیم کر کے کیا ہے،
یہ ساری باتیں اس قابل ہیں کہ ان پر خوش ہوا جائے اور اس معاہدے کی کامیابی کے لئے دعا کی جائے۔
کم از کم وہ لوگ جو ملکی سالمیت کے خواہاں ہوں، پاکستان کی معاشی تباہی سے آگاہ ہوں، عوام کی مشکلات اور پریشانیوں سے با خبر ہوں۔ اور سب سے بڑھ کر ملک دشمن عناصر کی سازشوں سے واقف ہوں ۔۔۔۔۔ انہیں اس طرح کے معاہدوں کی مخالفت نہیں کرنی چاہیے۔
اگرچہ بظاہر ان کے خیال میں یہ معاہدے طویل المیعاد اور ثمر آور نہیں ہو سکتے لیکن فی الوقت اس کے علاوہ کوئی چارہ نہیں ۔
دو ہی صورتیں ہیں‌
1( فوج کشی۔۔۔۔ ہر چیز کو تہس نہس کر دو
2( امن معاہدہ کرو اگرچہ بظاہر وہ آپ کے لئے زیادہ مفید نظر نہ آرہا ہو ۔۔ جیسا کہ حدیبیہ کے موقع پر ہوا۔ آپ صلی اللہ علیہ وسلم نے کفار کی تمام شرائط تسلیم کر لیں،

جب کوئی صورت بن نہ پائے تو اس طرح کے معاہدے کئے جاتے ہیں۔۔
’’یہ ستم اس لئے کر لیا گوارا ، کہ اس کے سوا کوئی چارہ نہ دیکھا‘‘

راجہ اکرام

برادر آپ نے بالکل درست فرمایا۔
اسی کو دوغلا پن کہتے ہیں
اگر طالبان پسند کی شادی پر پابندی لگا دیتے تو بی بی سی والوں نے کہنا تھا کہ زبردستی کر رہے ہیں اور بنیادی حق سے محروم کر رہے ہیں۔
اب اگر یہ سہولت دے رہے ہیں کہ اپنی پسند کی شادی کر لیں تو دوسرے شوشے نکال رہے ہیں۔

اصل میں ان کا مقصد صرف اسلام اور اس سے وابستہ ہر چیز کو بدنام کرنا ہے۔
اگرچہ بعض دوست کہیں گے کہ یہ اسلام تو نہیں ہے۔۔
لیکن جو کچھ بھی ہے اسلام کے نام پر ہے اور میڈیا کو صرف موقع ملنا چاہیے کہ اسلام پر الزام تراشی کے لئے کوئی موقع ملے۔
ہمیں اس موقع پر اپنے تمام تر وسائل بروئے کار لا کر اپنے دین اور اپنے ملک کی حفاظت اور دفاع کرنا ہو گا۔

۔

فیصل ناصر

کل ایک خبر پڑھی تھی
صدر براک اوباما نے ایک بیان میں کہا ہے کہ کسی بھی سی آئی کے اہلکار پر تفتیشی پروگرام "دہشت گردی کی جنگ میں تشدد کرنے پر "میں حصہ لینے کی وجہ سے مقدمہ نہیں چلے گا

کچھ یار لوگوں کا بارے اس کے بھی بیان ہو جائے
آجکل تو فیشن نکلا ہوا ہے "طالبان " کا

منتظمین

ایک الگ سے موضوع شروع کریں اس بارے میں

راجہ اکرام

برادر آپ نے بالکل درست فرمایا۔
اسی کو دوغلا پن کہتے ہیں
اگر طالبان پسند کی شادی پر پابندی لگا دیتے تو بی بی سی والوں نے کہنا تھا کہ زبردستی کر رہے ہیں اور بنیادی حق سے محروم کر رہے ہیں۔
اب اگر یہ سہولت دے رہے ہیں کہ اپنی پسند کی شادی کر لیں تو دوسرے شوشے نکال رہے ہیں۔

اصل میں ان کا مقصد صرف اسلام اور اس سے وابستہ ہر چیز کو بدنام کرنا ہے۔
اگرچہ بعض دوست کہیں گے کہ یہ اسلام تو نہیں ہے۔۔
لیکن جو کچھ بھی ہے اسلام کے نام پر ہے اور میڈیا کو صرف موقع ملنا چاہیے کہ اسلام پر الزام تراشی کے لئے کوئی موقع ملے۔
ہمیں اس موقع پر اپنے تمام تر وسائل بروئے کار لا کر اپنے دین اور اپنے ملک کی حفاظت اور دفاع کرنا ہو گا۔

۔

رضی

میڈیا اپنے فرائض انجام تو دے رہا ہے مگر کچھ بے لگام بھی ہوتا جا رہا ہے ۔

راشد احمد

جیو کو دیکھ کر ایسا لگتا ہے کہ یہ مغرب نواز، بھارت نواز چینل ہے۔
حامد میر، کامران خان، نذیرناجی کا کردار کافی مشکوک ہوگیا ہے

جیو کی ایک‌خوبی یہ بھی ہے کہ یہ بھارتی گانوں اور فلمی ڈائیلاگز کو اپنے پروگرامز میں بہت استعمال کرتا ہے جس سے یہ نتیجہ اخذ کیا جاسکتا ہے کہ جیو بھارتی ثقافت کو ترقی دے رہا ہے

پرویز مشرف اگر کہتا تھا کہ میڈیا بے لگام ہوگیا ہے تو غلط نہیں کہتا تھا لیکن ہم لوگ ایک شخص کی مخالفت میں اس حد تک جاچکے تھے کہ اگر وہ غلطی سے کوئی صحیح کام بھی کرے تو ہم اس کو بھی غلط سمجھ لیتے تھے۔

__________________
حکمران کے محبوب ہونے اور فرعون بننے میں رویے کا فرق ہے۔

رضی

میڈیا حد سے زیادہ تجاوز کرتا جارہا ہے اور ملکی مفاد کا بھی پاس نہیں کر رہا
برانڈنگ پاکستان ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ایک اپیل

حیدر

آج پاکستان میں ہر طرف کنفیوژن ہے۔ ہم کو نہیں معلوم کہ کون ہمارا مخلص ہے اور کون دشمن۔ایک دن ہم کسی کو مخلص کہہ رہے ہونتے ہیں اور دوسرے دن کسی اور کام پر اس کو غدار ٹھہرا رہے ہوتے ہیں۔ سیاست دانوں سے لے کر میڈیا تک ،اور میڈیا سے لے کر ہماری اپنی زندگیوں تک ہم من حیث القوم اسی کنفیوژن کا ژکار ہیں کہ کون مخلص اور کون دشمن۔
آج کا میڈیا پاکستان کے معاشرے میں مثبت کردار بھی ادا کر رہا ہے اور منفی بھی۔ سوال صرف یہ پیدا ہوتا ہے کہ میڈیا کس حد تک مثبت کردار ادا کرتا ہے اور کس حد تک منفی۔ اور منفی کردار ادا کرنے کے پیچھے کیا اغراض و مقاصد ہو سکتے ہیں۔
یہی جیو تھا جس نے پاکستان کی تاریخ کی سب سے لمبی اور جان فشان تحریک "عدلیہ آزادی تحریک" کی خاطر قربانیاں دیں۔اگر یہ کہا جائے تو مبالغہ نہ ہو گا کہ جیو کی وجہ سے ہی ہماری قوم کو اس تحریک سے آگاہی ملی اور ہم نے اس کی مدد کی۔
اسی طرح جیو اور دیگر چینلز نے حکمرانوں یا طبقہ اشرافیہ کی کالی بھیڑوں اور انکے کرتوتوں کو بے نقاب کرنے میں اہم کردار ادا کیا۔ مشرف کا چک شہزاد کا فارم ہاوس ہو یا، فرح ڈوگر کیس، با اثر شخصیات کی طرف سے بجلی چوری ہو یا وڈیرے کی طرف سے کسی غریب پر ظلم کا معاملہ ۔۔۔۔میڈیا نے ہمشی حتی المکان حق کا ساتھ دینے کی کوشش کی ہے۔ اور یہ سب کچھ ہمارے سامنے ہے ہم اس سے انکار بھی نہیں کر سکتے کہ میڈیا کے آنے کے بعد کئی اعتبار سے معاشرے میں بہتری آئی ہے۔ اور جس وقت میڈیا کالی بھیڑوں کو بے نقاب کر رہا ہوتا تھا تب بھی میڈیا پر اعتراضات اٹھتے تھے کہ میڈیا معاشرے میں بے یقینی کی کیفیت پیدا کر رہا ہے۔
(جاری ہے)