خرم شہزاد خرم

ہوا دکھوں کی جب آئی کبھی خزاں کی طرح
مجھے چھپا لیا مٹی نے میری ماں کی طرح
سسکیاں اس کی نہ دیکھی گیئں مجھ سے راناؔ
رو پڑا میں بھی اسے پہلی کمائی دیتے
سر پھرے لوگ ہمیں دشمن جاں کہتے ہیں
ہم جو اس ملک کی مٹی کو بھی ماں کہتے ہیں
مجھے بس اس لیے اچھی بہار لگتی ہے
کہ یہ بھی ماں کی طرح خوشگوار لگتی ہۓ
میں نے روتے ہوۓ پونچھے تھے کسی دن آنسو
مدتوں ماں نے نہیں دھویا دوپٹہ اپنا
بھیجے گۓ فرشتے ہمارے بچاؤ میں
جب حادث ماں کی دعا سے الجھ پڑے
لبوں پہ اس کے کبھی بدعا نہیں ہوتی
بس ایک ماں ہے جو مجھ سے خفا نہیں ہوتی
تار پر بیٹھی ہوئی چڑیوں کو سو تا دیکھ کر
فرش پر سوتا ہوا بیٹا بہت اچھا لگا
اس چہرے کا اتر جانا مناسب نہیں ہوگا
اب بھی چلتی ہے جب آندھی کبھی غم کی رانا
ماں کی ممتا مجھے باہوں میں چھپا لیتی ہے
مصیبت کے دنوں میں ماں ہمیشہ ساتھ رہتی ہے
پیمبر کیا پریشانی میں امت چھوڑ سکتا ہے
پرانا پیڑ برزرگوں کی طرح پڑتا ہے
یہی بہت ہے کہ تازہ ہوا ئیں دیتا ہے
کسی کے پاس آتے ہیں تو دریا سوکھ جاتے ہیں
کسی کی ایڑیوں سے ریت میں چشمہ نکلتا ہے
جب تک رہا ہوں دھوپ میں چادر بنا رہا
دیکھ لے ظالم شکاری ماں کی ممتا دیکھ لے
دیکھ لے چڑیا ترے دانے تلک تو آ گئی
مجھے بھی اس کی جدائی ستاتی رہتی ہے
اسے بھی خواب میں بیٹا دکھائی دیتا ہے