غزل
میں نظر سے پی رہا ہوں یہ سماں بدل نہ جائے
نہ جھکائو تم نگاہیں کہیں رات ڈھل نہ جائے

مرے اشک بھی ہیں اس میں یہ شراب اُبل نہ جائے
مرا جام چھونے والے ترا ہاتھ جل نہ جائے

ابھی رات کچھ ہے باقی نہ اُٹھا نہ نقاب ساقی
ترا رِند گرتے گرتے کہیں پھر سنبھل نہ جائے

مری زندگی کے مالک مرے دل پہ ہاتھ رکھنا
ترے آنے کی خوشی میں مرا دم نکل نہ جائے

مجھے پھونکنے سے پہلے مرا دل نکال لینا
یہ کسی کی امانت ہے مرے ساتھ جل نہ جائے

شاعر: انور مرزا پوری

اصل مراسلہ منجانب : عدنان واہ بہت خوب جناب زوالفقار بھائی

اصل مراسلہ منجانب : زبیر واہ جی زلو بھائی واہ کیا شا عری لکھی ہے