Zullu230

فاصلے ایسے بھی ہوں گےیہ کبھی سوچا نہ تھا
سامنے بیٹھا تھا میرے اور وہ میرا نہ تھا

وہ کہ خوشبوکی طرح پھیلا تھا میری چار سو
میں اسے محسوس کر سکتا تھا چھو سکتا نہ تھا

رات بھر پچھلی ہی آہٹ کان میں آتی رہی
جھانک کے دیکھا گلی میں کوئی بھی آیا نہ تھا

یہ سبھی ویرانیاں اس کے جدا ہونے سے تھیں
آنکھ دھندلائی ہوئی تھی شہر دھندلایا نہ تھا

آج اس نے درد بھی اپنے علیحدہ کر لئے
آج میں رویا تو میرے ساتھ وہ رویا نہ تھا

آج لگتا ھے تعلق مٹ گیا پوری طرح
آج اس نے دیکھ کر بھی مجھ کو پہچانا نہ تھا

میں تری صورت لیے سارے زمانے میں پھرا
ساری دنیا میں مگر کوئی ترے جیسا نہ تھا

آج ملنے کی خوشی میں‌صرف میں جاگا نہیں
تیری آنکھوں سے بھی لگتا ھے کہ تو سویا نہ تھا

مصلحت نے اجنبی ہم کو بنایا تھا عدیم
ورنہ کب اک دوسرے کو ہم نے پہچانا نہ تھا

یاد کرکے اور بھی تکلیف ہوتی تھی عدیم
بھول جانے کے سوا اب کوئی بھی چارہ نہ تھا

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

عبداللہ آدم

میرے علم کے مطابق یہ عدیم ھاشمی کی غزل ہے

ھارون اعظم

اچھی غزل ہے۔ دل کو چھونے والی شاعری ہے۔

عارف اقبال

کمال کی شیئرنگ ہے ۔

Zullu230

یونس بھائی پسندیدگی کا شکریہ۔۔۔۔۔۔۔

عدنان دانی

بہت اچھی شاعری پوسٹ کی ہے آپ نے شکریہ

عبداللہ آدم

پر فورم تو نوشی گیلانی کا ہے۔۔۔۔۔۔۔۔۔۔۔۔۔۔۔عدیم کی غزل یہاں تو نہیں ہونی چاہیے اصولاً

Zullu230

نشاندہی کا شکریہ بھائی۔ نوشی گیلانی کی سیکشن سے اس غزل کو ہٹا دیا گیا ہے۔