خرم شہزاد خرم

سنگِ نظر سے ٹوٹے ہوئے آئنے تو دیکھ
ان کی طرف بھی ایک نظر ہو سکے‘ تو دیکھ

شاید میں تیرے دھیان میں پھر سے اُبھر سکوں
میں اجنبی سہی‘ مجھے پہچان کے تو دیکھ

کس کس ادا سے چھانی ہے صحرائے شب کی خاک
آنکھوں میں رتجگوں کے نئے زاویے تو دیکھ

کتنے دُکھوں کے سامنے سینہ سپر ہوں میں
ناواقفِ نشاطِ الم! حوصلے تو دیکھ

کن لذتوں کے در نہ کھلے ہم پہ کیا کہیں
یہ غم کسی کی ذات سے تجھ کو ملے تو دیکھ

کچھ دن تو تجربات کے شعلوں پہ دل جلا
میری طرح سے دہر میں کچھ سانحے تو دیکھ

وارفتگیٔ شوق عجب مرحلوں میں ہے
جذبِ طلب کے پھیلے ہوئے سلسلے تو دیکھ

کن خواہشوں کا گرم لہو زیب خاک ہے
میں جن سے ہو کے آیا ہوں وہ راستے تو دیکھ

ہم اہلِ دل سے ترکِ مراسم کا دُکھ نہ پوچھ
شاخِ شجر سے ٹوٹ کے پتا گرے تو دیکھ

آئینۂ وفا ہے‘ سراپا خلوص ہے
احمد کے ساتھ چند گھڑی بیٹھ کے تو دیکھ

محمد یاسرعلی

شاید میں تیرے دھیان میں پھر سے اُبھر سکوں
میں اجنبی سہی‘ مجھے پہچان کے تو دیکھ


آپ کا انتخاب بہت اچھا ہے۔

Attached Thumbnails

 

__________________
“جو لوگ دوسروں کے دلوں کو کانٹوں سے زخمی کرتے ہیں ان کے اپنے اندر کیکر اگے ہوئے ہوتے ہیں،وہ چاہے یا نہ چاہے ان کے وجود کو کانٹا ہی بننا ہوتا ہے-وہ پھول نہیں بن سکتے”- عمیرہ احمد