خرم شہزاد خرم

رنگ کیا کیا بکھیر کر کوئی
یاں سے گزرا تھا خوں میں تر کوئی
دل کھنڈر کر گیا ہے راتوں رات
بسنے آیا تھا اپنے گھر کوئی
شام تک کیا بسا بسایا تھا
رات کو لُٹ گیا نگر کوئی
شام آئے تو گدگداۓ اسے
چُپ سی بیٹھی ہے دوپہر کوئی
مدّتوں پر ملے ہے ایسا شخص
جان کھوتا ہے جان کر کوئی!
میں نے کھڑکی سے چھپ کے دیکھا تھا
صحن میں ننگے پاؤں ڈر کوئی
(ق)
اب نکل کر کہیں نہ جائے گا
لوٹ آیا ہے اپنے گھر کوئی
اب تو دن کو بھی نیند آنے لگی
اب نہیں پاؤں میں سفر کوئی
آج دیکھا کہ ختم ہوتی ہے
چلتی جاتی تھی رہگزر کوئی
خوف کے سائرن خموش ہوئے
اب نہیں شہر میں خطر کوئی

__________________

عروج

اب نہیں شہر میں خطر کوئی۔ زبردست۔

خرم شہزاد خرم

پسند کرنے کا شکریہ