خرم شہزاد خرم

رات کے بعد


ابھی رات کی بات ہے
چاندنی کے کئی ننھے قتلے درختوں کے ساۓ میں بکھرے پڑے تھے
پوکلپٹس پہ چاندی کی اک اور تہہ چڑھ گئی تھی
اور اک دیو داسی
ایک تارہ لیے
جے جے دنتی کے بولوں میں کھوئی ہوئی
کچھ وہ جاگی ہوئی ۔۔۔ کچھ وہ سوئی ہوئی
چاندنی میں وہ آنچل بھگوئی ہوئی

اور پھر .............
ساز ٹوٹ جاتا ہے
گیت روٹھ جاتا ہے
پتیاں بکھرتی ہیں
بستیاں اجڑتی ہیں
چاند بھیگ جاتا ہے
خواب چیخ اٹھتا ہے

صبح مسکراتی ہے