راجہ اکرام

ہر چند زندگی کا سفر مشکلوں میں ہے
انسان کا عکس پھر بھی کئی آئینوں میں ہے

آہو کی طرح جست لگا ہر کرن کے ساتھ
جگنو کے گرد تیز ھوا جنگلوں میں ہے

وہ جنگِ زرگری ہے کہ محشر بپا ہوا
ہر شخص ایک عمر سے اگلی صفحوں میں ہے

تجھ کو سکوں نہں ہے تو مٹی میں ڈوب جا
آباد اک جہاں زمیں کی تہوں میں ہے

کیسا تضاد ہے کہ فضا ہے دھواں دھواں
اور آگ ہے کہ زیرِ زمیں خندقوں میں ہے

انسان بے حِسی سے ہے پتھر بنا ہوا
منہ میں زبان بھی ہےَ َ،لہو بھی رگوں میں ہے

تہذیب کو تلاش نہ کر شہر شہر میں
تہذیب کھنڈروں میں ہے ،کچھ پتھروں میں ہے