زبیر

بھری بہاروں کے ذرد پتّو:
خزاں کے خودساختہ، شگوفو:
اداس رستوں میں ، دُکھتی آنکھوں میں ریت بنکر چمکتی دُھوپو: میرے وطن کے سفید پوشو: مجھے بُلا لو:
مجھے بُلا لو کہ تم میں رہ کر:
تمہاری صُبحوں کا کرب چھو کر:
سکون پاؤں :
تمہارے ہمراہ، کاروانِ رہِ تمنّا میں چلتا جاؤں:
تمھارا مجھ سے، یہ کون سا ہے عجیب رشتہ، عجیب ناطہ:
یہ کون سے درد کی کڑی ہے: جو ہر رگِ خوں میں آ پڑی ہے:
یہ کیا کشش ہے، جو میرے دل کو:
بدن کی گہرائیوں سے چُن کر:
رگیں دُھنک کر:
وفا کی پُر کار اُنگلیوں میں لپیٹتی ہے:
میرے سمندر کو: اپنے مرکز کی تیرگی میں سمیٹتی ہے:
یہ جھونپڑوں کے چراغ مُجھ کو:
بدیس کے پُر سکون گھر کی:
حسین، پُر نُور راہداری میں:
روشنی کیوں دکھا رہے ہیں: مجھے یہ کیسے بُلا رہے ہیں:
اُجاڑ رستوں پہ ٹھوکروں سے بھری زمیں پر:
مگر وہیں پر، وہیں کہیں پر:
وہ اک جگہہ ہے:
جہاں میرے درد کا مداوا:
مجھے نہ پاکر، کبھی کا رُوپوش ہو چکا ہے:
کسی گلی میں سفید مسند پہ سو چُکا ہے:
یہ وہ جگہہ ہے:
جہاں گھرے بادلوں کے ساۓ میں:
گڑگڑاتے مہیب لشکر میں:
دینِ حق کا علم اُڑاتا: خود اپنے ہی خون میں نہاتا
: میں ابنِ قاسم کے ساتھ آیا:
کبھی کسی کوہ کی گُپھا سے:
سکُون، عرفان اور تصوّف، کی روشنی آنکھ آنکھ بانٹی
:کبھی جمہورِ یقیں سے تھک کر:
بھٹک بھٹک کر: حیات کے خارزار صحرا

کبھی غلا می کے وار جھیلے:
کبھی بغاوت کے گیت گاۓ
کبھی عداوت کا زخم کھایا
کبھی وفا کے سُراغ پاۓ:
: کبھی لگی راستے میں ٹھوکر
: کبھی کسی گھر سے پھول برسے
: کبھی کسی چھت سے آۓ پتّھر:
کبھی اسی سرزمیں میں ہنس کر:
نثار بیٹا کوئ کیا ہے:
کبھی اسی خاکداں مین رو کر:
محبّتوں کو بُھلا دیا ہے:

یہیں لُٹے ہیں حسین سپنے:
یہیں کٹے ہیں رفیق اپنے:
یہیں میرے بھائ بس بس رہے ہیں
: یہیں میرے دوست جی رہے ہیں:
میں کیوں نہ اس دیس کو صدا دوں:
میں اس لہُو کو کہاں چُھپا دوں:
میں یہ لہُو کب چُھپا سکوں گا:

__________________
[SIGPIC][/SIGPIC]

محمدعدنان

زبیر

بہت نوازش ہے آپ کی