پاکستانی

ویت نام کے ہسپتال کے عہدے داروں کا کہنا ہے کہ ایک حاملہ عورت برڈ فلو سے ہلاک ہو گئی۔

عہدے داروں نے منگل کے روز تصدیق کی کہ شمالی صوبے ہا طے سے تعلق رکھنے والی22 سالہ عورت نے ہفتے کے روز ہنوئی کے ایک ہسپتال میں دم توڑا ۔

عہدے داروں نے کہا ہے کہ نتائج سے تصدیق ہوئی کہ عورت H5N1 وائرس سے متاثر تھی ۔

عالمی ادارہ برائے صحت کا کہنا ہے کہ ویت نام میں 2003ءسے اب تک 95 دوسرے لوگ برڈ فلو وائرس سے متاثرہو ئے ہیں ، جن میں سے 42 ہلاک ہو گئے ہیں۔

عالمی ادارہ برائے صحت کا کہنا ہے کہ انسانی انفیکشن کی سب سے بڑی وجہ مردہ یا بیمار مرغیوں سے قریبی واسطہ ہے۔

کچھ عرصہ قبل ویت نام میں برڈ فلو کےانفیکشن اور اموات کی شرح دنیا بھر میں سب سے زیادہ تھی لیکن حکومت نے بڑے پیمانے پر ٹیکوں کی مہم ، لاکھوں مرغیوں کی تلفی اور عوامی آگہی کی مہم کے ذریعے ان وبا پر قابو پایا ۔ ان کوششوں کے باوجود یہ وائرس اس سال پھربھر پور طریقے سے لوٹ آیا ہے اور اس نے ملک بھر کے مرغی خانوں کو نشانہ بنایا ہے۔

__________________

ایم اے راجا

بڑے افسوس کی بات ہے اللہ ہمارے ملک کو اس بیماری سے امان میں رکھے ( آمین)